Ազգային ժողովի պատգամավորներ

Ծառուկյան, Մելքումյան, Տոնոյան․ հայտնի է ԲՀԿ նախընտրական ցուցակի առաջին տասնյակը

273
(Թարմացված է 16:28 26.05.2021)
Կուսակցության ցուցակում չի լինի ԱԺ փոխխոսնակ Վահե Էնֆիաջյանը, սակայն պատճառը ԲՀԿ գործընկերների հետ գժտությունը չէ։

ԵՐԵՎԱՆ, 26 մայիսի - Sputnik․ «Բարգավաճ Հայաստան» կուսակցության ընտրական ցուցակը, ինչպես հայտարարվել էր, գլխավորում է կուսակցության առաջնորդ Գագիկ Ծառուկյանը։ Այսօր Կենտրոնական ընտրական հանձնաժողովում լրագրողների հետ զրույցում տեղեկությունը հայտնեց խմբակցության քարտուղար Արման Աբովյանը։

Ցուցակի առաջին տասնյակում են նաև Միքայել Մելքումյանը, Իվետա Տոնոյանը, Դավիթ Սիմոնյանը, Կարապետ Գուլոյանը, Շաքե Իսայանը, Քաջիկ Գևորգյանը, Արման Աբովյանը, Լուիզա Սարգսյանը և Հրանտ Դավթյանը:

Կուսակցության ցուցակում չի լինի ԱԺ փոխխոսնակ Վահե Էնֆիաջյանը, սակայն պատճառը ԲՀԿ գործընկերների հետ գժտությունը չէ։

«Սերնդափոխությունը, թարմ արյունը քաղաքականության մեջ տրամաբանական գործընթաց է, և մենք կուսակցությունում հետևում ենք դրան։ Ցուցակում չընդգրկված գործընկերների մասով խնդրում ենք ինտրիգներ չփնտրել, որ նրանց հետ այլ ձևաչափերով համագործակցություն կլինի», - ասել է Աբովյանը։

Աբովյանը ևս մեկ անգամ շեշտեց, որ ԲՀԿ-ն չի դիտարկում որևէ ուժ հետ կոալիցիա ստեղծելու հնարավորությունը։

Նշենք, որ Հայաստանում արտահերթ խորհրդարանական ընտրություններ են նախանշված հունիսի 20–ին։ 

Հայտնի է «Քաղաքացիական պայմանագիր» կուսակցության նախընտրական ցուցակի առաջին 30 անունը

273
թեգերը:
Բարգավաճ Հայաստան կուսակցություն (ԲՀԿ), ԱԺ, Հայաստան
Ըստ թեմայի
Ստյոպա Սաֆարյանն ազատման դիմում է ներկայացրել Փաշինյանին. ՀԺ
Հայտնի է «Պատիվ ունեմ» դաշինքի նախընտրական ցուցակի առաջին տասնյակը
Լուրերը ճիշտ են, Տիգրան Ավինյանը և Հայկ Մարությանը չեն լինի նախընտրական ցուցակում. Մակունց
Արխիվային լուսանկար

Հաջողություններ եմ մաղթում. Արայիկ Հարությունյանը շնորհավորել է Փաշինյանին

23
(Թարմացված է 12:47 21.06.2021)
Հարությունյանը հույս է հայտնել, որ ընտրությունների արդյունքները հնարավորություն կտան ՀՀ իշխանություններին ամրացնել պատերազմի հետևանքով խարխլված անվտանգային ու արտաքին քաղաքական դիրքերը։

ԵՐԵՎԱՆ, 21 հունիսի – Sputnik. Արցախի նախագահ Արայիկ Հարությունյանը շնորհավորական ուղերձ է հղել ՀՀ վարչապետի պաշտոնակատար Նիկոլ Փաշինյանին ՀՀ արտահերթ խորհրդարանական ընտրություններում ընտրողների մեծամասնության ձայնը ստանալու առթիվ։

Հարությունյանը նշել է, որ ադրբեջանա-թուրքական 44-օրյա ռազմական ագրեսիայից հետո Հայաստանի Հանրապետության ներքաղաքական անկայուն իրավիճակի տրամաբանական հանգուցալուծումը եղավ արտահերթ ընտրությունների անցկացումը:

«Ուրախ եմ, որ Հայաստանի Հանրապետության պետական մարմիններին ու ժողովրդին հաջողվել է կազմակերպել ժողովրդավարական ընտրություններ՝ չնայած բազմաթիվ արտաքին ու ներքին դժվարություններին ու մարտահրավերներին: Հաշվի առնելով ընտրությունների նախնական արդյունքները՝ հաջողություններ եմ մաղթում Ձեզ և Ձեր գլխավորած թիմին՝ ընտրողների մեծամասնության կողմից ստացած վստահության իրացման ճանապարհին»,–ասել է նա:

Հարությունյանը հույս է հայտնել, որ ընտրությունների արդյունքները հնարավորություն կտան Հայաստանի Հանրապետության իշխանություններին ամրացնել պատերազմի հետևանքով խարխլված անվտանգային ու արտաքին քաղաքական դիրքերը, վերականգնել հանրային համերաշխությունը համազգային հիմնախնդիրների լուծման հարցերում, ինչպես նաև հետևողական ու արդյունավետ աշխատանք տանել արցախահայության իրավունքների պաշտպանության, պատերազմի հետևանքների վերացման և Արցախի Հանրապետության միջազգային ճանաչման ուղղությամբ:

Գնում եք խորհրդարան ու լռում. քաղաքագետն ընդդիմության անելիքների մասին է խոսել

Նա նաև հաջողություն է մաղթել ժողովրդի որոշակի վստահության արժանացած մյուս քաղաքական ուժերին:

Նշենք, որ ԿԸՀ–ն արդեն ամփոփել է բոլոր 2008 ընտրատեղամասերի նախնական արդյունքները, որոնց համաձայն` «Քաղաքացիական պայմանագիր» կուսակցությունը ստացել է 687 251 քվե (53.92%), «Հայաստան» դաշինքը՝ 268 165 (21.04%), «Պատիվ ունեմ» դաշինքը՝ 66 633 (5.23%), «Բարգավաճ Հայաստան» կուսակցությունը՝ 50 419 (3.95), «Հանրապետություն» կուսակցությունը՝ 38 713 (3,04), «Հայ ազգային կոնգրես» կուսակցությունը՝ 19 674 (1.54), «Լուսավոր Հայաստան» կուսակցությունը` 15 557 (1.22)։

Հիշեցնենք` հունիսի 20–ին, ժամը 08։00–20։00–ն Հայաստանում քվեարկություն անցկացվեց 2008 ընտրատեղամասերում։ Ընտրողների ցուցակներում ընդգրկված 2 593 572 քաղաքացուց ընտրությանը մասնակցեցին 1 281 174–ը կամ 49.4 տոկոսը։

Արտահերթ խորհրդարանական ընտրություններին մասնակցում են 21 կուսակցություն և 4 դաշինք։

Կուսակցությունների համար անցողիկ շեմը 5 տոկոս է, դաշինքների համար՝ 7 տոկոս։

Ըստ օրենքի` եթե անցողիկ շեմը հաղթահարում են միայն երկու քաղաքական ուժ, ապա մանդատներ է ստանում նաև առավելագույն թվով ձայներ հավաքած երրորդ ուժը։

Ընտրություններին մասնակցել է ընտրողների 49.4%-ը. ամենաբարձր մասնակցությունը Սյունիքում է

23
թեգերը:
Ընտրություններ, Նիկոլ Փաշինյան, Արայիկ Հարությունյան
Ըստ թեմայի
Փաշինյանը հայտնել է, թե ՔՊ-ն քանի մանդատ կստանա
Քաղաքական ուժերի՝ մանդատներից հրաժարվելու տարբերակ օրենքը չի նախատեսում. Մուկուչյան
Բաց ու թափանցիկ. ԱՊՀ դիտորդները լուրջ խախտումներ չեն արձանագրել ընտրությունների ընթացքում
ՀՀ խորհրդարանի դահլիճը

Գնում եք խորհրդարան ու լռում. քաղաքագետն ընդդիմության անելիքների մասին է խոսել

291
(Թարմացված է 12:23 21.06.2021)
Ստեփան Դանիելյանը նշել է, թե ինչ քայլեր պետք է կատարի ընդդիմությունն ԱԺ գնալով, սակայն նախ պետք է տեր լինել ստացած մանդատներին։

ԵՐԵՎԱՆ, 21 հունիսի – Sputnik. Քաղաքագետ Ստեփան Դանիելյանը կարծում է, որ առաջին հերթին անհրաժեշտ է, որպեսզի ընդդիմությունը վերցնի մանդատներն ու գնա խորհրդարան։ Դանիելյանը ֆեյսբուքյան իր էջում է նման գրառում արել` անդրադառնալով ընտրությունների ելքին։

Այսօր առավոտյան ԿԸՀ–ն արձանագրություն կազմել ընտրությունների նախնական արդյունքներն ամփոփելով։ Ըստ այդմ, «Քաղաքացիական պայմանագիրը» ստացել է 687 251 քվե (53.92%), «Հայաստան» դաշինքը` 268 165 քվե (21.4%), իսկ «Պատիվ ունեմ» դաշինքը` 66 633 քվե (5.23%)։

«Նոր ընդդիմության անելիքները պետք է պարզ լինեն։ Նախ, սուս ու փուս վերցնում եք մանդատներն ու գնում եք խորհրդարան։ Գնում եք խորհրդարան այնտեղ լռելու համար' ծպտուն չեք հանում, հրաժարվում եք բոլոր սահմանադրական պաշտոններից` ԱԺ փոխնախագահից, ընդդիմության համար նախատեսված հանձնաժողովների նախագահներից ու տեղակալներից և մյուս բաներից»,–գրել է Դանիելյանը։

Նա հավելել է նաև, որ ընդդիմությունը պետք է նաև քննարկումներին չմասնակցի, այսինքն` կձևավորվի ցածր լեգիտումություն ունեցող խորհրդարան։ Ըստ Դանիելյանի` պետք է լուռ նստել և սպասել հարմար պահին, և երբ գա ժամը, պետք է վայր դնել մանդատներն ու ստեղծել խորհրդարանական ճգնաժամ։ Դա կավարտվի նոր արտահերթ ընտրություններով, իսկ մինչ այդ որևէ նախաձեռնություն, որևէ քննադատություն չպետք է լինեն։

Քաղաքական ուժերի՝ մանդատներից հրաժարվելու տարբերակ օրենքը չի նախատեսում. Մուկուչյան

Քաղաքագետը նշում է նաև, որ պետք է նոր շարժում սկսել, ինչն ամենաբարդն է։

Անդրադառնալով Արցախի հարցին` քաղաքագետը նշում է, որ պետք է մտածել Հայաստանի մասին և հանգիստ թողնել Արցախը, քանի որ այն հիմա միջազգային տարածք է, այնտեղ այլ գործընթացներ են գնում։

291
թեգերը:
ընդդիմություն, քաղաքագետ, Ընտրություններ, խորհրդարան
թեմա:
ԱԺ արտահերթ ընտրություններ 2021
Ըստ թեմայի
Բոլոր ընտրատեղամասերի արդյունքներն ամփոփվեցին. Փաշինյանի կուսակցությունը հաղթեց
ԿԸՀ–ն արձանագրություն կազմեց. Մուկուչյանը հայտնեց ընտրությունների նախնական արդյունքները
Փաշինյանը հայտնել է, թե ՔՊ-ն քանի մանդատ կստանա
Сотрудник госслужбы по чрезвычайным ситуациям МВД Карабаха во время поисков тел погибших военнослужащих

Փրկարարները զինծառայողների աճյուններ են փնտրում Վարանդայի շրջանում

0
Ադրբեջանի օկուպացրած տարածքներում մինչ օրս հայտնաբերվել և տարհանվել է 1580 աճյուն։

Զոհված զինծառայողների աճյունների որոնողական աշխատանքներն այսօր շարունակվում են Վարանդայի (Ֆիզուլի) շրջանում: Տեղեկությունը հայտնում է Արցախի ՆԳՆ արտակարգ իրավիճակների պետական ծառայությունը` նշելով, որ աշխատանքներն իրականացվում են փրկարարական մեկ ջոկատով։

«Արդյունքների մասին կտրամադրի հավելյալ տեղեկություն»,– նշված է հաղորդագրության մեջ։

Ծառայությունը հիշեցնում է, որ ռազմական գործողություններից անմիջապես հետո սկսված որոնողական աշխատանքների ընթացքում Ադրբեջանի կողմից Արցախի օկուպացված տարածքներից մինչ այսօր հայտնաբերվել և տարհանվել է 1580 աճյուն:
Ժամանակ առ ժամանակ հայկական ու ադրբեջանական կողմերը կատարել են դիերի փոխանակում:

0