Ջեյհուն Բայրամով

Ադրբեջանն ԱՄՆ-ին տեղեկացրել է, որ բանակցում է Հայաստանի հետ

318
(Թարմացված է 16:58 14.05.2021)
Բաքուն ու Վաշինգտոնն ընդգծել են կարգավորման անհրաժեշտությունը խաղաղ բանակցությունների միջոցով։

ԵՐԵՎԱՆ, 14 մայիսի - Sputnik. Ադրբեջանի արտգործնախարար Ջեյհուն Բայրամովը ԱՄՆ-ի պետքարտուղարի օգնական Ֆիլիպ Ռիքերի հետ քննարկել է Հայաստանի սահմանին տիրող իրավիճակը, տեղեկացնում է ՌԻԱ Նովոստին՝ հղում անելով ադրբեջանական արտգործնախարարությանը։

Հեռախոսազրույցի ժամանակ Բայրամովը հայտնել է, որ պաշտոնական Բաքուն հավատարիմ է կայունությանը, ու բանակցություններ է վարում Հայաստանի հետ սահմանային լարվածությունը վերացնելու համար։

«Բաքուն սահմանապահ ծառայության ղեկավարությանն ուղարկել է Հայաստանի հետ սահման՝ «իրավիճակը հանգուցալուծելու համար»։ Ադրբեջանը բանակցում է Հայաստանի հետ՝ լարվածությանը վերջ դնելու համար»,-նշված է Ադրբեջանի արտաքին քաղաքական գերատեսչության հայտարարության մեջ։

Նշվում է նաև, որ Բաքուն ու Վաշինգտոնն ընդգծել են կարգավորման անհրաժեշտությունը խաղաղ բանակցությունների միջոցով։

Հավելենք, որ ԱՄՆ-ի Պետդեպը մայիսի 13-ին զսպվածության կոչ էր արել Հայաստանին ու Ադրբեջանին։

Հիշեցնենք` ՀՀ ՊՆ մամուլի ծառայությունը հայտնել էր, որ մայիսի 12-ի առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։

Գուցե հայկական կողմը չի՞ ուզել «իր ունեցած բոլոր փամփուշտները կրակել». Էդմոն Մարուքյան

Նույն օրը ՀՀ վարչապետի պաշտոնակատար Նիկոլ Փաշինյանն Անվտանգության խորհրդի նիստում հայտարարեց, որ սա Արդբեջանի կողմից դեվերսիայի փորձ է, և որ խնդիրը պետք է կարգավորվի բանակցությունների միջոցով։

ՊՆ–ն մայիսի 13-ին հայտնեց, որ Ադրբեջանը հերթական սադրանքն է իրականացրել Վարդենիսի և Սիսիանի սահմանային հատվածներում։

ԱԽ նիստ կայացավ նաև մայիսի 13-ին։ Փաշինյանը հայտարարեց, որ հանձնարարել է ՀԱՊԿ պայմանագրով նախատեսված խորհրդակցություններ սկսել։

318
թեգերը:
Սահման, Հայաստան, Ադրբեջան, ԱՄՆ
թեմա:
Սահմանային խախտումներ. իրադրությունը Սյունիքում և Գեղարքունիքում (165)
Ըստ թեմայի
Սյունիքի հարցով Նիկոլ Փաշինյանը պաշտոնապես դիմել է ՀԱՊԿ–ին
Ազգային ժողովն արտահերթ նիստ կգումարի. պատճառը ՀՀ սահմաններին տիրող իրավիճակն է
Սյունիքի սահմանին առկա լարվածությունը մեծ կծիկի մի կետն է միայն. քաղաքագետ
Սերժ Սարգսյան

Ձեր քվեարկությունից է կախված՝ Արցախը կմնա հայկակա՞ն, թե՞ ոչ. Սերժ Սարգսյան

81
(Թարմացված է 23:19 18.06.2021)
ՀՀ երրորդ նախագահը խոստանում է, որ եթե իրենց դաշինքն իշխանության գա, ապա անհապաղ գաղտնազերծվելու են ճանապարհների ապաշրջափակման գործընթացում իշխանությունների ստանձնած պարտավորությունները։

ԵՐԵՎԱՆ, 18 հունիսի - Sputnik. Մեզանից յուրաքանչյուրի ընտրությունից է կախված՝ արդյոք Սյունիքը, Տավուշը, Գեղարքունիքն ու Վայոց Ձորը կլինե՞ն պաշտպանված, թե՞ ոչ, Արցախը կմնա հայկակա՞ն, թե՞ ոչ։ ՀՀ երրորդ նախագահ Սերժ Սարգսյանը նախընտրական ամփոփիչ խոսքով դիմել է ՀՀ քաղաքացիներին՝ նշելով, որ «Պատիվ ունեմ» դաշինքը կարող է ապահովել անվտանգ, խաղաղ, արժանապատիվ, ազգային և աշխարհի հետ համաքայլ զարգացող, ուժեղ Հայաստանի Հանրապետություն։

«Դուք եք որոշելու, թե ինչպիսին է լինելու մեր պետության ապագան կամ առանց չափազանցության՝ պետություն այլևս լինելո՞ւ է, թե՞ ոչ: Ես ապավինում եմ ձեր ողջամտությանը, ես ուզում եմ հավատալ, որ ձեզ համար միևնույն չէ, թե որքան երիտասարդ կյանքեր զոհաբերվեցին, որպեսզի մեր պապերի այս սրբազան հողի վրա մենք բոլորս շարունակենք սերնդեսերունդ ապրել ազատ, անկախ, հզոր պետության մեջ, որպեսզի ստիպված չլինենք դեգերել օտար ափերում՝ թողած մեր հողն ու ջուրը, որպեսզի մեր եկեղեցիների զանգերը ղողանջեն և կիրակնօրյա պատարագի կանչեն, այլ ոչ թե պատերազմ գուժեն»,- նշել է ՀՀ երրորդ նախագահը։

Նա դիմել է նաև այն քաղաքացիներին, որոնք դեռ չեն կողմնորոշվել իրենց ընտրության հարցում։ Առաջարկել է, որ իրենք իրենց հարց տան՝ ինչի՞ համար էին երեք տարի առաջ իրենք դուրս եկել փողոց, իրենց ինչե՞ր էին խոստացել, և ի՞նչ ստացան:

«Խոսեք պատերազմից վերադարձած ձեր ընկերների, հարևանների ու բարեկամների հետ, լսեք նրանց պատմությունները և կհամոզվեք, թե ինչ անհեթեթ ձևով են պատերազմ վարել այս տգետ և դավաճան իշխանությունները, ինչի պատճառով այսքան զոհեր ու տարածքային կորուստներ ունեցանք: Կրկին վստահել սրանց՝ նշանակում է սեփական ձեռքերի մեջ ձգել նռնակի օղակը, գնալ ինքնաոչնչացման»,- հայտարարել է Սերժ Սարգսյանը։

ՀՀ սահմանների անձեռնմխելիությունը Ռուսաստանի համար «կարմիր գիծ է». Փաշինյան

Նա ընդգծել է՝ այս  կործանարար ընթացքը պետք է կանգնեցնել,  բարձրանալ ծնկած վիճակից, ուղղել մեր մեջքը, օր ու գիշեր նվիրումով աշխատել, որ կարողանանք ապրել ու ապրեցնել, շենացնել մեր երկիրը:

ՀՀ երրորդ նախագահը թվարկել է մի քանի խնդիրներ, որոնք «Պատիվ ունեմ» դաշինքը պետք է լուծի՝ իշխանության գալու դեպքում։

Դրանց թվում են՝ կառավարության կառուցվածքի վերանայումը` առնվազն գյուղատնտեսության, մշակույթի, սփյուռքի նախարարությունների վերականգնում, 44-օրյա պատերազմի հանգամանքները հետաքննող հանձնաժողովի  ստեղծում, Հայաստանի զինված ուժերի արդիականացման նոր ծրագրի մշակում  և այլն։

ՀՀ երրորդ նախագահը նաև խոստանում է՝ «Պատիվ ունեմ»-ի իշխանության գալու դեպքում

պետք է անհապաղ գաղտնազերծվեն ճանապարհների ապաշրջափակման գործընթացի վերաբերյալ նախկին իշխանությունների կողմից ստանձնած պարտավորություններն ու այդ գործընթացում հայկական շահը ներառվի։

«Ես ուզում եմ հունիսի 21-ին գլուխս բարձր գնալ Եռաբլուր, գնալ Ստեփանակերտի հուշահամալիր-պանթեոն և իմ մարտական ընկերներին ասել, որ հայրենիքը, որի համար իրենց կյանքը տվեցին, փրկված է, փրկված է վախկոտ, դավաճան, օտարի շահերը սպասարկող իշխանություններից, և մենք պատվով պահելու ենք մեր հող հայրենին»,- ամփոփել է իր ելույթը ՀՀ երրորդ նախագահ Սերժ Սարգսյանը։

Աննախադեպ խորհրդարան, եթե… ​, կամ քարոզարշավի վերջին օրն ամենաշատը հնչող բառը

Հիշեցնենք, որ Հայաստանում հունիսի 7–ից մեկնարկել է նախընտրական քարոզարշավը։ ԱԺ արտահերթ ընտրությունները կկայանան հունիսի 20–ին։ Դրանց մասնակցում է 21 կուսակցություն և 4 դաշինք։

81
թեգերը:
Արցախյան պատերազմ, Արցախ, Ազգային ժողովի ընտրություններ, «Պատիվ ունեմ» դաշինք, Հայաստան, Սերժ Սարգսյան
թեմա:
ԱԺ արտահերթ ընտրություններ 2021
Ըստ թեմայի
Ռոբերտ Քոչարյանն ասաց` որոնք են երկրի առաջ ծառացած 4 հիմնական խնդիրները
«Քարոզարշավը հաղթարշավ դարձավ». «Հայաստան» դաշինքի քայլերթը` Երևանում. տեսանյութ
«Գինի լիցն» ու հանրահավաքը. Սիրուշոն երգեց՝ ի աջակցություն «Հայաստանի»
Նիկոլ Փաշինյան. արխիվային լուսանկար

Վճռորոշ ընտրություններ, կամ անվտանգության հարց և՛ իշխանության, և՛ ընդդիմության համար

314
(Թարմացված է 23:21 18.06.2021)
Քաղաքական դիտորդները միաբերան ասում են, որ Հայաստանում թշնամանքի ու ագրեսիայի նման մթնոլորտ երբեք չի եղել։

ԵՐԵՎԱՆ, 18 հունիսի -Sputnik. Հայաստանում նախընտրական քարոզարշավն արդեն անցյալում է։ Արտահերթ խորհրդարանական ընտրությունները կկայանան հունիսի 20-ին։ Սա բոլոր առումներով Հայաստանի համար վճռորոշ օր է. քաղաքացիներն ընտրում են հետպատերազմյան առաջին խորհրդարանը, որն էլ կձևավորի կառավարություն։ Քաղաքագետները կանխատեսմամբ` ընտրողների բարձր ակտիվություն է ակնկալվում: Դա միանգամայն սպասելի է՝ հաշվի առնելով հասարակության չափազանց մեծ քաղաքականացվածությունը։ Քաղաքականությունը բառացիորեն յուրաքանչյուրի տուն ու յուրաքանչյուր ընտանիք է մտել:

Բացի այդ, 44-օրյա մարտական գործողությունների արդյունքները, Արցախի մի մասի և շրջակա շրջանների ամբողջական կորուստը, համընդհանուր ընկճախտն և պարտվողի համախտանիշն իրենց հետքն են թողել այս քարոզարշավի վրա։

Պատերազմի թեման շոշափվել է բոլոր ելույթներում, այն փոխադարձ մեղադրանքների և հարաբերությունները պարզելու առիթ է դարձել։ Դիտորդները հիմնական մրցակիցների միջև առճակատման, թշնամանքի ու ատելության հռետորաբանության աննախադեպ մեծ չափ են արձանագրում: Փորձագետները միաբերան պնդում են, որ նման լարվածություն և բևեռացում երբեք չի եղել։

Դա հատկապես վառ էր արտահայտվում վարչապետի պաշտոնակատար Նիկոլ Փաշինյանի ու նրա հիմնական մրցակցի՝ ՀՀ երկրորդ նախագահ Ռոբերտ Քոչարյանի միջև: Հասարակությունը պարբերաբար փոխադարձ սպառնալիքներ էր լսում, ակտիվորեն կիրառում էին «սև PR»–ի տեխնոլոգիաները, գործի էին դրվում վիրավորանքներն ու հայհոյանքները։

Քաղտեխնոլոգ Վիգեն Հակոբյանին չի զարմացրել ընտրությունների մասնակիցների միջև ծավալված իրական «կենաց–մահու» պայքարը։ Նա կարծում է, որ սա անսովոր ընտրություն է՝ իշխանության համար անձնական անվտանգության հարց։

«Իշխող թիմում շատերը հասկանում են, որ իշխանափոխությունը նրանց սպառնում է ոչ միայն ու ոչ այնքան բարեկեցության, ֆինանսների, կարգավիճակի կորուստով, որքան քրեական հետապնդմամբ», - ասաց նա Sputnik Արմենիայի հետ զրույցում:

Մենք մուրճը կօգտագործենք միայն նպատակային. Ռոբերտ Քոչարյան

Ի դեպ, նույնը արդիական է նաև ընդդիմության համար, Փաշինյանի հաղթանակի դեպքում ընդդիմության շատ ներկայացուցիչներ ևս հավանաբար ճաղերի հետևում կհայտնվեն։ Չարժե մտածել, որ վարչապետի պաշտոնակատարի ձեռքում չարաբաստիկ մուրճն ընդամենը ուժի խորհրդանշական ժեստ է։ Եթե նրան հաջողվի վերարտադրվել, ապա Եղվարդի բնակչի նվիրած շինարարական մուրճը սպառնում է վերածվել դատավորի մուրճի։ Դրանով ամեն անգամ հարվածելու է պատմուճանով մարդը՝ հերթական դատավճիռ կայացնելով այսօրվա ընդդիմադիրների դեմ։ Ճաղերի հետևում հայտնվելու  հեռանկարները ստիպում են մրցավազքի ֆավորիտներին բոլոր առկա ռեսուրսները ու պաշարները պայքարի նետել։

Հակոբյանը նշում է, որ ներկայիս քարոզարշավի ընթացքում խաղի հիմնական կանոնները, ինչպես և ընդհանուր մթնոլորտը, թելադրում էր իշխանությունը։ Փաշինյանի թիմը որոշակի պահի հասկացավ, որ կարող է կորցնել իշխանությունը և ընտրեց երկու հիմնական միտք՝ «նախկին ռեժիմի հանցագործություններն» ու  «պողպատե մանդատի» անհրաժեշտությունը, այստեղից էլ խորհրդանշական մուրճը, որը վարչապետի պաշտոնակատարը թափահարում է քարոզարշավի ժամանակ։ Ընդ որում` իշխանությունը հիմնականում ներկայացված է մեկ խոսնակով՝ հենց Փաշինյանով։ Նախկին իշխանության հասցեին էմոցիոնալ ելույթների, գոռոցների ու սպառնալիքների միջոցով նա փորձում էր «լիցքավորել», ոգևորել, կոնսոլիդացնել իր ընտրազանգվածին, համոզել նրանց, որ ամեն ինչ վերահսկողության տակ է։

Քոչարյանի դաշինքն իրեն ավելի շատ ցույց տվեց որպես իշխող թիմի հակապատկեր։ Այստեղ Փաշինյանի ելույթների աղաղակող տոնին հակադրեցին ցուցադրական հանդարտությամբ ու անվրդովությամբ։ Վարչապետի պաշտոնակատարի քննադատություններին ու հարձակումներին Քոչարյանն ու նրա կողմնակիցները պատասխանում էին ավելի հանգիստ։ Բայց հեռակա բանավեճը տեղի էր ունենում բառացիորեն ինտերակտիվ ռեժիմով՝ հաշվի առնելով, որ կողմերը գրեթե միաժամանակ էին անում նախընտրական հանրահավաքներն ու հանդիպումները։

Չկողմնորոշված ընտրողներ Երևանում, բևեռացվածներ` մարզերում. ո՞րն է ԼՀԿ–ի ընտրազանգվածը

Հետաքրքիր է, որ Փաշինյանի հիմնական ընդդիմախոսները՝ Քոչարյանը, Տեր - Պետրոսյանը և Վանեցյանը, հրաժարվեցին նրա հետ ուղիղ եթերում հրապարակային բանավեճից։ Որքան էլ վարչապետի պաշտոնակատարը ձգտում էր նրանց «գորգ» հրավիրել, բոլոր նախկին նախագահները, որոնք այս կամ այն կերպ մասնակցում են ընտրություններին, իրենց անհարիր համարեցին Փաշինյանի հետ հեռուստատեսային «մենամարտի» մտնելը։ Արդյունքում կառավարության ղեկավարի պաշտոնակատարն ավելի փոքր տրամաչափի մասնակիցների հետ մենակ մնաց։

Հակոբյանը կարծում է, որ այդպիսով Փաշինյանի հիմնական հակառակորդները փորձել են արժեզրկել և վարկաբեկել նրա մասնակցությամբ բանավեճի գաղափարը։ Դժվար թե Տեր-Պետրոսյանը կամ Քոչարյանը վախենային, թե Փաշինյանի հետ բանավեճի մեջ հակափաստարկներ չեն ունենա։

«Տեր-Պետրոսյանին ու Քոչարյանին բանավեճի հրավիրելը նույնպես տեխնոլոգիա էր, որը Փաշինյանը որոշեց գործի դնել ղարաբաղյան հարցում սեփական քաղաքականության առավելություններն ու նախորդների թերի լինելը ցուցադրելու համար։ Բայց նախկին նախագահները, լինելով փորձառու քաղաքական գործիչներ, նախընտրական «կուտը չկերան»,, - ասում է քաղտեխնոլոգը։

Հարկ է նշել, որ առաջիկա ընտրությունները տարբերվում են նաև մասնակիցների աննախադեպ առատությամբ: Ի սկզբանե 27 ուժ էր մասնակցության հայտ ներկայացրել։ Սակայն հետո  երկու կուսակցություններ հեռացան, ևս մեկ թեկնածուի՝ գործարար Տիգրան Արզաքանցյանին, որը Դեմոկրատական կուսակցության վարչապետի թեկնածուն էր, ԿԸՀ-ն կրթական ցենզի «բացակայության» պատճառով «որակազրկեց»:

Արդյունքում պատգամավորական մանդատների համար կպայքարեն 25 ուժ` 21 կուսակցություն և 4 դաշինք։ Ամեն դեպքում փոքր Հայաստանի համար դա չափազանց շատ է։

314
թեգերը:
քարոզարշավ, ընդդիմություն, Իշխանություն, Լևոն Տեր–Պետրոսյան, Նիկոլ Փաշինյան, Ռոբերտ Քոչարյան, Ազգային ժողովի ընտրություններ, Հայաստան
թեմա:
ԱԺ արտահերթ ընտրություններ 2021
Ըստ թեմայի
«Գինի լիցն» ու հանրահավաքը. Սիրուշոն երգեց՝ ի աջակցություն «Հայաստանի»
Աննախադեպ խորհրդարան, եթե… ​, կամ քարոզարշավի վերջին օրն ամենաշատը հնչող բառը
Քաղաքական ուժերի նախընտրական խոստումները, կամ ինչպես վերականգնել տնտեսությունը
Արմեն Չարչյան

Դատարանը Չարչյանին ձերբակալելու իրավաչափության վերաբերյալ որոշումը կհրապարակի 20։00–ին

14
(Թարմացված է 18:29 19.06.2021)
Պաշտպանի խոսքով` գործ ունեն բացառապես քաղաքական հետապնդման հետ, քանի որ ձերբակալման այն հիմքը, այն նպատակները, որոնք նշված են, աղերս չունեն իրավաբանության հետ։

ԵՐԵՎԱՆ, 19 հունիսի – Sputnik. Դատարանում ավարտվեց «Իզմիրլյան» բժշկական կենտրոնի տնօրեն Արմեն Չարչյանին ձերբակալման իրավաչափության հարցի քննարկումը, դատարանի որոշումը կհրապարակվի այսօր` 20.00–ին։ Տեղեկությունը լրագրողներին հայտնեց Չարչյանի պաշտպան Էրիկ Ալեքսանյանը։

Նա նշեց, որ գործով քննիչը և դատախազը չէին ներկայացել դատական նիստին։

«Նրանք ներկայացրել էին համապատասխան դիմում, որով խնդրում էին դատական նիստը հետաձգել, բայց մեր դիրքորոշումն այն է, որ քննիչի դիմումը եղել է անհարգելի, այսինքն` վերջինիս բացակայությունը պայմանավորված չի եղել հարգելի պատճառով, ուստի խնդրեցինք դատարանին, որպեսզի դատական նիստը շարունակվի իրենց բացակայությամբ։ Դատարանը մեր խնդրանքը բավարարեց, քննությունը շարունակվեց վերջիններիս բացակայությամբ։ Մենք ներկայացրինք համապատասխան փաստարկները»,–ասաց պաշտպանը։

Նրա խոսքով` գործ ունեն բացառապես քաղաքական հետապնդման հետ, քանի որ ձերբակալման այն հիմքը, այն նպատակները, որոնք նշված են, աղերս չունեն իրավաբանության հետ։

Հիշեցնենք` երեկ համացանցում հրապարակվեց մի ձայնագրություն, որում Չարչյանն ասում է` տնօրինությունը շատ կոշտ, խիստ համարժեք վերաբերմունք է ցուցաբերելու նրանց նկատմամբ, ովքեր ընտրություններին չեն մասնակցի։

Ավելի ուշ հայտնի դարձավ, որ ԱԺ արտահերթ ընտրություններին մասնակցող կուսակցությունների դաշինքի պատգամավորության թեկնածուների ցուցակում ընդգրկված Չարչյանը ձերբակալվել է իր ղեկավարած կենտրոնի աշխատակիցներին ԱԺ արտահերթ ընտրություններին մասնակցելուն առերևույթ հարկադրելու դեպքի առթիվ ՀՀ ՀՔԾ-ում քննվող քրեական գործի շրջանակում։

Չարչյանն ընդունել է ձերբակալման օրը գործընկերների հետ ունեցած զրույցի փաստը. Աբրահամյան

14
թեգերը:
Ձերբակալություն, Արմեն Չարչյան, Հայաստան
Ըստ թեմայի
Արմեն Սարգսյանը զրուցել է ԱԱԾ տնօրենի և ոստիկանապետի հետ
Թափանցիկ ընտրություններ. Արարատ Միրզոյանն ընդունել է ՀԱՊԿ ԽՎ դիտորդական առաքելությանը
ՀՀ բոլոր խորհրդարանական ընտրությունների արդյունքները