ՀՀ ԿԸՀ

Հայտնի է` երբ կմեկնարկի ԱԺ ընտրությունների քարոզարշավը. ԿԸՀ–ն հաստատեց ժամանակացույցը

109
(Թարմացված է 16:14 11.05.2021)
Հանձնաժողովի որոշմամբ սահմանվել է նաև, թե երբ ու ինչ կարգով են տեղադրվելու քարոզչական պաստառները, երբ են կայանալու էլեկտրոնային ընտրությունները ու ինչ պետք է անեն ՀՀ–ում հաշվառում չունեցող ընտրողները։

ԵՐԵՎԱՆ, 11 մայիսի – Sputnik. 2021թ–ի հունիսի 20-ին նախանշված ԱԺ արտահերթ ընտրություններին մասնակցող քաղաքական ուժերն իրենց նախընտրական ցուցակները ՀՀ Կենտրոնական ընտրական հանձնաժողով պետք է ներկայացնեն մինչև 2021թ–ի մայիսի 26-ը։

ԿԸՀ–ն այսօր կայացած նիստում հաստատեց ինչպես այս, այնպես էլ արտահերթ ընտրությունների անցկացման այլ միջոցառումների ժամանակացույցը։

Ինչպես նիստում հայտնեց հանձնաժողովի նախագահ Տիգրան Մուկուչյանը, քաղաքական ուժերի գրանցումը ԿԸՀ–ի կողմից տեղի կունենա մայիսի 26—ից 30—ն ընկած ժամանակահատվածում։

«Ընտրողների ցուցակները տեղամասային կենտրոններում բոլորի համար տեսանելի վայրում փակցվելու են 2021թ–ի մայիսի 31-ին»,– ասաց Մուկուչյանը։

Նախընտրական քարոզարշավը կմեկնարկի հունիսի 7-ից ու կավարտվի հունիսի 18-ին, ժամը 24։00-ին։

Ընտրությունների մասնակցության հայտ ներկայացրած ուժերը կկարողանան ինքնաբացարկ հայտնել մինչև հունիսի 10–ի ժամը 18։00–ն։

ՀՀ–ում չհաշվառված քաղաքացիները ևս կարող են ընտրողների ցուցակներում գրանցվելու դիմումներ ներկայացնել մինչև հունիսի 10–ի աշխատանքային օրվա ավարտը։

Քվեարկությունը տեղի կունենա հունիսի 20-ին, առավոտյան 08։00-ից մինչև 20։00։ Իսկ էլեկտրոնային քվեարկությունը կմեկնարկի 2021թ–ի հունիսի 11-ին և կավարտվի հունիսի 13-ին։

ԿԸՀ–ն հաստատել է նաև քարոզչական պաստառների տեղադրման կարգը։ Որոշման համաձայն` քաղաքական ուժերը գովազդային վահանակներին իրենց քարոզչական պաստառները փակցնելու հայտերը կարող են ներկայացնել գրանցման փաստաթղթերի հետ` մինչև մայիսի 26-ը։

«Նշեմ, որ 5 քմ–ը գերազանցող բոլոր վահանակներ տրամադրող կազմակերպությունները նախօրոք ներկայացնում են իրենց ազատ վահանակների ցանկերը, որոնց հիման վրա արդեն կուսակցությունները ներկայացնում են իրենց հայտերը։ Մենք հորդորելու ենք նշված կազմակերպություններին, որպեսզի նրանք մինչև մայիսի 22-ը ներկայացնեն իրենց ցանկերը»,– ասաց Մուկուչյանը։

Ընտրական տեղամասերի կազմավորումը տեղի կունենա մինչև 2021թ–ի մայիսի 26-ը։

Հիշեցնենք` 2021թ–ի մարտի 18-ին վարչապետ Նիկոլ Փաշինյանը հայտարարել էր, որ հունիսի 20-ին Հայաստանում ԱԺ արտահերթ ընտրություններ կկայանան: Ավելի ուշ Ազգային ժողովը հաստատել էր Ընտրական օրենսգրքի փոփոխությունների նախագիծը, ըստ որի՝ խորհրդարանական ընտրությունները տեղի կունենան միայն համամասնական ընտրակարգով։

Ապրիլի 25-ին Նիկոլ Փաշինյանը հայտարարեց իր հրաժարականի մասին։

ՀՀ նախագահ Արմեն Սարգսյանը մայիսի 10-ի հրամանագրով խորհրդարանական արտահերթ ընտրությունների օր է նշանակել հունիսի 20-ը։

109
թեգերը:
Տիգրան Մուկուչյան, քարոզարշավ, Կենտրոնական ընտրական հանձնաժողով (ԿԸՀ), Ազգային ժողովի ընտրություններ, Հայաստան
թեմա:
ԱԺ արտահերթ ընտրություններ 2021 (260)
Ըստ թեմայի
«Սպաներ, միացեք». ԱԱԾ պահեստազորի սպաների միությունը վերահսկելու է գալիք ընտրությունները
Արտահերթ ընտրություններն անցկացվելու են այս պահին գործող օրենքով. Հովակիմյան
«Հիմնավոր չէ». Ռոբերտ Քոչարյանի` ընտրությանը մասնակցելու պատճառով նիստերը չեն հետաձգվի
ՔՊ–ի կենտրոնական շտաբ

«Քաղաքացիական պայմանագիրը» ստացել է 58, «Հայաստան» դաշինքը` 18.79%․ նոր տվյալներ

147
(Թարմացված է 03:41 21.06.2021)
Նշենք, որ ընտրությունների՝ մինչ այս պահը հայտնի արդյունքներով խորհրդարան են անցնում երկու ուժ, «Պատիվ ունեմը», ԼՀԿ-ն, ԲՀԿ-ն, ՀԱԿ-ը դեռևս չեն հաղթահարել անցողիկ շեմը։

ԵՐԵՎԱՆ, 21 հունիսի - Sputnik․ Կենտրոնական ընտրական հանձնաժողովը հրապարակել է թարմացված տվյալներ քվեարկության արդյունքների վերաբերյալ։ Արդեն հայտնի են 1037 ընտրատեղամասերից ստացված քվեարկության նախնական արդյունքները։

ԿԸՀ–ն հրապարակել է կուսակցությունների ու դաշինքների հավաքած քվեների թիվը։

Առաջին տեղում «Քաղաքացիական պայմանագիր» կուսակցությունն է` 58%, երկրորդում «Հայաստան» դաշինքը` 18.79%։

«Պատիվ ունեմ» դաշինքի օգտին քվեարկել է ընտրողների 5․35%-ը, «Բարգավաճ Հայաստան» կուսակցությունն այս պահին ունի 4․61%: «Լուսավոր Հայաստան» կուսակցությունն ունի այս պահին ընդամենը 1․08% ձայն, իսկ «Հայ ազգային կոնգրեսը»` 1․18%:

Հիշեցնենք` հունիսի 20–ին, ժ. 08։00–20։00–ը Հայաստանում քվեարկություն է անցկացվել 2008 ընտրատեղամասերում։ Ընտրողների ցուցակներում ընդգրկված են 2 593 572 մարդ, որոնցից ընտրությանը մասնակցել են 1 281 174–ը կամ 49.4 տոկոսը։

Արտահերթ խորհրդարանական ընտրություններին մասնակցում են 21 կուսակցություն և 4 դաշինք։

Կուսակցությունների համար անցողիկ շեմը Ընտրական օրենսդրությամբ 5 տոկոս է, դաշինքների համար՝ 7 տոկոս։ Ընտրողների մասնակցության շեմ չկա։

Ընտրություններին մասնակցել է ընտրողների 49.4%-ը. ամենաբարձր մասնակցությունը Սյունիքում է

147
թեգերը:
Ընտրություններ, ԱԺ, «Քաղաքացիական պայմանագիր» կուսակցություն
Ըստ թեմայի
Էլեկտրոնային քվեարկության արդյունքները հայտնի են. Տիգրան Մուկուչյանն ամփոփեց տվյալները
Արցախի նախագահը ՔՊ–ի գրասենյակում է
Ինչպես է ընթանում քվեաթերթիկների հաշվարկը Երևանում․ տեսանյութ
( / / )

Ինչպես են կենտրոնական շտաբի մոտ Փաշինյանին դիմավորում նրա կողմնակիցները. տեսանյութ

95
(Թարմացված է 03:21 21.06.2021)
Վարչապետի պաշտոնակատարը կեսգիշերից հետո այցելել է «Քաղաքացիական պայմանագրի» կենտրոնական շտաբ, որտեղ նրան սպասում էին բազմաթիվ կողմնակիցներ։

Թեպետ Կենտրոնական ընտրական հանձնաժողովը դեռ շարունակում է քվեարկության արդյունքների հաշվարկը, բայց արդեն «Քաղաքացիական պայմանագիր» կուսակցությունը տոնում է հաղթանակը։ Թե ինչպիսին կլինի խորհրդարանում քաղաքական ուժերի դասավորությունը, պարզ կլինի թերևս առավոտյան, բայց արդեն ակնհայտ է՝ ՔՊ-ն առաջատար է։

ՀՀ վարչապետի պաշտոնակատար Նիկոլ Փաշինյանին «Քաղաքացիական պայմանագիր» կուսակցության շտաբի մոտ նրա կուսակիցներն ու կողմնակիցները դիմավորեցին ծափերով ու ողջույնի խոսքերով։

Փաշինյանը շտաբ էր եկել կեսգիշերից հետո, երբ ԿԸՀ-ն ամփոփում էր քվեարկության արդյունքները։ Վարչապետի պաշտոնակատարն իր հերթին շնորհակալություն հայտնեց կողմնակիցներին աջակցության համար և հրավիրեց հանրահավաքին, որը տեղի կունենա Հանրապետության հրապարակում:

Sputnik Արմենիայի տեսախկցիկն արձանագրել է, թե ինչպես է երգիչ Արթուր Իսպիրյանը շնորհավորում ԱԺ պատգամավոր, ՔՊ-ական Հայկ Կոնջորյանին։

Ռոբերտ Քոչարյանի գլխավորած «Հայաստան» դաշինքը հայտարարություն է տարածել

Հիշեցնենք` հունիսի 20–ին, ժ. 08։00–20։00–ը Հայաստանում քվեարկություն է անցկացվել 2008 ընտրատեղամասերում։ Ընտրողների ցուցակներում ընդգրկված են 2 593 572 մարդ, որոնցից ընտրությանը մասնակցել են 1 281 174–ը կամ 49.4 տոկոսը։

Արտահերթ խորհրդարանական ընտրություններին մասնակցում են 21 կուսակցություն և 4 դաշինք։

Կուսակցությունների համար անցողիկ շեմը Ընտրական օրենսդրությամբ 5 տոկոս է, դաշինքների համար՝ 7 տոկոս։ Ընտրողների մասնակցության շեմ չկա։

Ընտրություններին մասնակցել է ընտրողների 49.4%-ը. ամենաբարձր մասնակցությունը Սյունիքում է

95
թեգերը:
քվեարկություն, «Քաղաքացիական պայմանագիր» կուսակցություն, Ընտրություններ, ԱԺ
Ըստ թեմայի
ՔՊ 59%, «Հայաստան» դաշինք`18. ԿԸՀ–ն ամփոփել է 501 ընտրատեղամասի արդյունքները
Փաշինյանի խորհրդական Արսեն Թորոսյանի բաց ակնարկը այլ ուժերի համար աշխատած համայնքապետներին
Ինչպիսի իրավախախտումներ են գրանցվել ընտրությունների ընթացքում․ դատախազության տվյալները