Նիկոլ Փաշինյան. արխիվային լուսանկար

Չէի ասի, թե ամեն ինչ նույնությամբ կկրկնեի. Փաշինյանն ասաց` որն է իր ամենամեծ խնդիրը

113
(Թարմացված է 13:48 10.05.2021)
Փաշինյանը խոստովանեց, որ հաճախ է մտովի վերադառնում 2018թ. ու փորձում գնահատել, թե ինչ կփոխեր Արցախի հարցի բանակցային պրոցեսում։

ԵՐԵՎԱՆ, 10 մայիսի – Sputnik. «Իմ քայլը» խմբակցության կողմից երկրորդ անգամ վարչապետի թեկնածու առաջադրված ՀՀ  վարչապետի պաշտոնակատար Նիկոլ Փաշինյանն այսօր ԱԺ–ում, պատասխանելով պատգամավորների հարցերին, ասաց, թե որն է եղել իրենց իշխանության ամենամեծ խնդիրը։

«Մեր ամենամեծ պրոբլեմն, իհարկե, 44-օրյա պատերազմն է և այն զարգացումները, որ տեղի են ունեցել Ղարաբաղի հարցի շուրջ»,– ասաց նա։

Փաշինյանը խոստովանեց, որ հաճախ է մտովի վերադառնում 2018թ. ու փորձում գնահատել, թե ինչ կփոխեր բանակցային պրոցեսում։

«Ես չէի ասի, թե ամեն ինչ նորից նույնությամբ կկրկնեի։ Բայց մեծ հաշվով Ղարաբաղի հարցով բանակցային գործընթացն ու պրոցեսները, որ տեղի են ունեցել, իմ կարծիքով, 2018թ–ի ապրիլի դրությամբ մենք անշրջելիության կետն անցել էինք արդեն»,– ասաց նա։

Դատական համակարգի որոշումներից իշխանությունը նեղվում է. Փաշինյան

Իսկ ամենամեծ ձեռքբերումը Փաշինյանը համարում է այն, որ ՀՀ քաղաքացին, իր դիտարկմամբ` այսօր համարում է, որ «ինքն է տերը իր երկրի» ։ Ըստ Փաշինյանի դա է եղել հեղափոխության նպատակը և այն իրագործված է։

113
թեգերը:
Նիկոլ Փաշինյան, Հայաստան, «Թավշյա հեղափոխություն», Լեռնային Ղարաբաղ, Արցախ, Ղարաբաղյան հակամարտություն
Ըստ թեմայի
ԵՊՀ-ն այս պահին շատ ավելի վատ վիճակում է, քան մինչև հեղափոխությունը. Սերոբ Խաչատրյան
Մեր կյանքն իսկապես դժոխքի վերածվեց. «թավշյա հեղափոխությանը» վստահած ընտանիքի պատմությունը
Լևոն Տեր-Պետրոսյանը որոշել է ավազակապետական հեղափոխություն անել. Նիկոլ Փաշինյան
Նիկոլ Փաշինյանն ու Արմեն Սարգսյանը

Հին ու նոր անուններ. Փաշինյանը նշանակումների առաջարկներն ուղարկել է ՀՀ նախագահին

91
(Թարմացված է 12:45 03.08.2021)
Նիկոլ Փաշինյանն Արմեն Սարգսյանին առաջարկել է առողջապահության, արտակարգ իրավիճակների, ԿԳՄՍ, էկոնոմիկայի, արդարադատության և ֆինանսների նախարարներ նշանակել։ Բացի այդ, Փաշինյանը նաև փոխվարչապետի թեկնածու է առաջարկել նախագահին։

ԵՐԵՎԱՆ, 3 օգոստոսի – Sputnik. ՀՀ վարչապետ Նիկոլ Փաշինյանը ՀՀ նախագահ Արմեն Սարգսյանին առաջարկել է Մհեր Գրիգորյանին ՀՀ փոխվարչապետ նշանակել։ Տեղեկությունը Sputnik Արմենիային հայտնեցին նախագահի աշխատակազմից։

Բացի այդ, Փաշինյանն առաջարկել է Անահիտ Ավանեսյանին նշանակել առողջապահության նախարար, Անդրանիկ Փիլոյանին՝ արտակարգ իրավիճակների նախարար, Վահրամ Դումանյանին՝ կրթության, գիտության, մշակույթի և սպորտի նախարար, Վահան Քերոբյանին՝ էկոնոմիկայի նախարար։

Իսկ ահա արդարադատության նախարարի պաշտոնում վարչապետն առաջարկել է նշանակել Կարեն Անդրեասյանին, ֆինանսների նախարարի պաշտոնում՝ Տիգրան Խաչատրյանին։

Թե ով կլինի արտաքին գործերի նախարարը, դեռ հայտնի չէ. վարչապետից դեռ նման առաջարկ չեն ստացել։

Նշենք, որ վերոհիշյալ անձանցից միայն երկուսն են նոր իրենց պաշտոնում` Տիգրան Խաչատրյանը և Կարեն Անդրեասյանը։
Խաչատրյանը, որը 2019-ի հուnիսի 1-ից էկոնոմիկայի նախարարն էր, նախորդ տարվա նոյեմբերի 26-ին ազատվեց այդ պաշտոնից։ Իսկ Կարեն Անդրեասյանը 2011-16թթ. եղել է ՀՀ մարդու իրավունքների պաշտպանը։

Հիշեցնենք` Հայաստանի Հանրապետության նախագահը նորընտիր Ազգային ժողովի լիազորությունների ժամկետը սկսվելուց հետո անհապաղ վարչապետ է նշանակում Սահմանադրության 89-րդ հոդվածով սահմանված կարգով ձևավորված խորհրդարանական մեծամասնության ներկայացրած թեկնածուին: Իսկ քանի որ ԱԺ–ում մեծամասնություն են կազմում «Քաղաքացիական պայմանագիր» կուսակցության ցուցակով ընտրված պատգամավորները, նրանք երեկ առաջադրեցին Նիկոլ Փաշինյանի թեկնածությունը։ Ավելի ուշ ՀՀ նախագահ Արմեն Սարգսյանը հրամանագիր ստորագրեց, և Փաշինյանը կրկին նշանակվեց ՀՀ վարչապետ։

Սահմանադրության համաձայն` կառավարությունը կազմավորվում է վարչապետ նշանակվելուց հետո՝ տասնհինգօրյա ժամկետում: Իր նշանակումից հետո վարչապետը հնգօրյա ժամկետում ՀՀ նախագահին առաջարկում է փոխվարչապետների և նախարարների թեկնածուներին: Հանրապետության նախագահը եռօրյա ժամկետում կա՛մ նշանակում է փոխվարչապետներին և նախարարներին, կա՛մ դիմում է Սահմանադրական դատարան: ՍԴ–ն դիմումը քննում և որոշում է կայացնում հնգօրյա ժամկետում: Եթե ՀՀ նախագահը եռօրյա ժամկետում չի կատարում սույն հոդվածով սահմանված պահանջները, ապա համապատասխան փոխվարչապետը կամ նախարարը նշանակված է համարվում իրավունքի ուժով:

91
թեգերը:
Հայաստան, Նիկոլ Փաշինյան, Արմեն Սարգսյան, պաշտոն, Նախարար
Ըստ թեմայի
Եկեղեցին կշարունակի իր աջակցությունը. Կաթողիկոսը շնորհավորել է Փաշինյանին
«ՌԴ–ն պատրաստ է շարունակել կառուցողական երկխոսությունը». Պուտինը շնորհավորել է Փաշինյանին
Նիկոլ Փաշինյանը նոր խորհրդական ունի
Պաշտոնը ստանձնում եք կարևորագույն ժամանակաշրջանում. Փաշինյանը շնորհավորել է Սիմոնյանին
Մյասնիկովիչը շնորհավորել է Փաշինյանին ու մաղթանք հղել նրան
Ռուբեն Ռուբինյան

«Ո՛չ, Ադրբեջանը չի կարող ցանկացած պահի մտնել Հայաստանի տարածք». Ռուբեն Ռուբինյան

87
(Թարմացված է 11:18 03.08.2021)
ՔՊ–ական պատգամավորը վստահեցնում է` Ադրբեջանը փորձում է պայթեցնել տարածաշրջանային կայունությունը կամ կիսակայունությունը։ Հայկական կողմը փորձում է հարցը լուծել դիվանագիտական և քաղաքական ճանապարհով։

ԵՐԵՎԱՆ, 3 օգոստոսի – Sputnik. Ադրբեջանը չի կարող ցանկացած պահի մտնել Հայաստանի տարածք, և այս փաստն ապացուցվեց 1 շաբաթ առաջ Գեղարքունիքում տեղի ունեցած իրադարձություններով։ ԱԺ 8-րդ նստաշրջանի ժամանակ հայտարարեց «Քաղաքացիական պայմանագիր» խմբակցության անդամ Ռուբեն Ռուբինյանը` պատասխանելով «Պատիվ ունեմ» խմբակցության պատգամավոր Տիգրան Աբրահամյանի հարցին։

Աբրահամյանը նշեց` տեսանք, թե մայիսի 12-ին ադրբեջանական զորքերն ինչպես են անարգել գալիս ու ապօրինաբար տեղակայվում Սյունիքում ու Գեղարքունիքում։ Նրա խոսքով` ցանկացած պահի Ադրբեջանը կարող է անարգել մտնել Հայաստանի տարածք, իսկ ՀՀ իշխանությունը կարող է հիմնավորել, թե չէր ցանկանում թույլ տալ նման բան, բայց Ադրբեջանն ապօրինի բռնազավթեց ինչ–որ տարածք։

«Ո՛չ, Ադրբեջանը չի կարող ցանկացած պահի մտնել Հայաստանի տարածք` մենք Գեղարքունիքում տեսանք, թե մեր ԶՈւ–ն ինչ փայլուն կերպով դիմակայեց Ադրբեջանի հարձակմանը։ Ինչ վերաբերում է Սև լճի, Գեղարքունիքի ու մյուս հատվածներին, ապա ադրբեջանական զորամիավորումներն այդտեղ գտնվում են ապօրինի ու պետք է դուրս գան։ Այս քայլով Ադրբեջանը փորձում է պայթեցնել տարածաշրջանային կայունությունը կամ կիսակայունությունը»,–ասաց Ռուբինյանը։

Նրա խոսքով` դեռ փորձում ենք քաղաքական, դիվանագիտական ճանապարհով լուծել հարցը, և Հայաստանի գործընկերները` մասնավորապես ՌԴ–ն, կիսում է Հայաստանի տեսակետը։

Հիշեցնենք` հուլիսի 28-ին ադրբեջանական ԶՈւ ստորաբաժանումները հերթական անգամ դիմել էին սադրանքի և խախտել հրադադարը հայ-ադրբեջանական սահմանի հյուսիսարևելյան հատվածում: Հայաստանն ու Ադրբեջանը համաձայնել էին Մոսկվայի միջնորդությամբ դադարեցնել կրակը։

Հայկական կողմն ուներ երեք զոհ, հինգ վիրավոր։

Հուլիսի 29-ին` ժամը 03:00-ի սահմանում, հայ-ադրբեջանական սահմանի Գեղարքունիքի հատվածում, Քարվաճառի ուղղությամբ ադրբեջանական ԶՈւ ստորաբաժանումները, խախտելով նախորդ օրը ձեռք բերված` կրակի դադարեցման վերաբերյալ պայմանավորվածությունը, կրկին դիմել էին սադրանքի ու կրակ բացել հայկական դիրքերի ուղղությամբ։

Հուլիսի 29–ի լույս 30–ի գիշերը հայ-ադրբեջանական սահմանի Գեղարքունիքի հատվածում արձանագրվել են ԱԹՍ-ների՝ ՀՀ օդային տարած մուտք գործելու փորձեր։

Հուլիսի 30–ին խոցվել է Ադրբեջանի ԶՈւ սպառազինության մեջ գտնվող «Aerostar» տիպի ԱԹՍ, որի բեկորներն ընկել են Գեղարքունիքի մարզի Վանեվան գյուղից 3.5 կիլոմետր դեպի հյուսիս։

Հուլիսի 31-ին ադրբեջանցիները կրակ են բացել Երասխի ուղղությամբ, փորձել ամրաշինական աշխատանքներ կատարել, ավելի ուշ նրանք կրակել են սնունդ տեղափոխող մեքենայի վրա։

87
թեգերը:
Հայաստան, Ադրբեջան, Ռուբեն Ռուբինյան, Տիգրան Աբրահամյան
Ըստ թեմայի
ԱՄՆ կոնգրեսականը Ադրբեջանի ԶՈւ–ին կոչ է անում անմիջապես հետ քաշվել Հայաստանի տարածքից
Ինչո՞ւ Ալիևը գնաց զոհողությունների, կամ այլևս Ադրբեջան չկա, կա Թուրքիա-1 և Թուրքիա-2
Երասխում ադրբեջանցիները կրակել են սնունդ տեղափոխող մեքենայի վրա
Թբիլիսի, արխիվային լուսանկար

Նոր հակառեկորդ Վրաստանում. մեկ օրում շուրջ 5 հազար մարդ է վարակվել կորոնավիրուսով

0
Վրաստանում կորոնավիրուսով վարակվելու դեպքերի թիվը վերջին մեկ օրում ավելացել է 4 827-ով։

ԵՐԵՎԱՆ, 3 օգոստոսի – Sputnik. Վրաստանում կորոնավիրուսային հիվանդացության աննախադեպ թվեր են գրանցվում։ Վերջին 24 ժամվա ընթացքում երկրում գրանցվել է վարակման 4 827 դեպք։ Տեղեկությունը հայտնում է Sputnik Գրուզիան` ներկայացնելով վիճակագրությունը։

Մեկ օրում մահացել է 34 մարդ, ապաքինվել են 1 895–ը։

StopCov պաշտոնական կայքի տվյալներով ՝ համավարակի սկզբից մինչ օրս երկրում արձանագրվել է վարակվելու 428 670 դեպք։

Նշվում է, որ պատվաստում է անցել 523 466 մարդ, 16 677–ը` վերջին մեկ օրում։

0