Հայաստան, Ռուսաստան, Ադրբեջան, Սերգեյ Լավրով, sergey lavrov, geri, novosti armenii
Սերգեյ Լավրով

«Ես վստահ եմ՝ գերիների վերադարձի հարցն առաջիկայում կլուծվի»․ Սերգեյ Լավրով

110
(Թարմացված է 18:03 06.05.2021)
Ռուսաստանի արտգործնախարարն ասել է, որ ամեն կերպ խթանելու են ԵԱՀԿ Մինսկի խմբի գործունեությունը։

ԵՐԵՎԱՆ, 6 մայիսի - Sputnik․ Ռուսաստանը վստահ է, որ մոտ ապագայում կստացվի լուծել Ադրբեջանում պահվող հայ գերիների վերադարձի հարցը։ Այս մասին հայտարարել Է ՌԴ արտգործնախարար Սերգեյ Լավրովը ՀՀ վարչապետի պաշտոնակատար Նիկոլ Փաշինյանի հետ հանդիպման ժամանակ։

Լավրովը նշել է, որ Ռուսաստանը ԵԱՀԿ Մինսկի խմբի մյուս համանախագահների ՝ Ֆրանսիայի և ԱՄՆ-ի հետ շարունակում է հանդես գալ բոլոր հումանիտար հարցերի լուծման, այդ թվում՝ պահված անձանց վերադարձի գործընթացի օգտին։

«Հասկանում ենք այս քայլի խորհրդանշական, զգացմունքային նշանակությունը և վստահ ենք, որ առաջիկայում կկարողանանք լուծել այդ խնդիրը։ Դա դրական, կառուցողական մթնոլորտ կստեղծի մյուս բոլոր հարցերում վերջնական կարգավորումն առաջ մղելու համար։ Մենք ամեն կերպ կաջակցենք այդ հարցերի լուծմանը բոլոր ձևաչափերում և իհարկե ամեն կերպ կխթանենք ԵԱՀԿ Մինսկի խմբի գործունեությունը, որպեսզի առավելագույն դրական մթնոլորտ ստեղծվի մնացած բոլոր հարցերի լուծման համար», - ասել է նա։

Հիշեցնենք` ՌԴ արտգործնախարարը Հայաստան է ժամանել երեկ՝ մայիսի 5-ին։ Սերգեյ Լավրովը Հայաստանից մեկնելու է Ադրբեջան։ 

Այսօր առավոտյան Սերգեյ Լավրովն այցելել է Ծիծեռնակաբերդի հուշահամալիր՝ հարգանքի տուրք մատուցելու Հայոց ցեղասպանության զոհերի հիշատակին։  Այնուհետև նրան ընդունել է ՀՀ արտգործնախարարի պաշտոնակատար Արա Այվազյանը։ Դիվանագետները հուշագիր են ստորագրել։ Հանդիպումից հետո նախարարները հանդես են եկել համատեղ մամուլի ասուլիսով և ներկայացրել հարցերի այն շրջանակը, որ քննարկել են հանդիպման ընթացքում։

Այնուհետև նախարարները պատասխանել են լրագրողների հարցերին։

Սերգեյ Լավրովն այցելել է «Հաղթանակ» զբոսայգի. լուսանկարներ

110
թեգերը:
գերի, Սերգեյ Լավրով, Ռուսաստան, Հայաստան
թեմա:
Հայ գերիներ, անհետ կորածներ (344)
Արխիվային լուսանկար

Վլադիմիր Պուտինը շնորհավորել է Նիկոլ Փաշինյանին

40
(Թարմացված է 18:16 24.06.2021)
Զրույցի ընթացքում ՀՀ վարչապետի պաշտոնակատարի կողմից ընդգծվել է ռազմագերիների վերադարձի առաջնային նշանակությունը:

ԵՐԵՎԱՆ, 24 հունիսի - Sputnik. Վարչապետի պաշտոնակատար Նիկոլ Փաշինյանը հեռախոսազրույց է ունեցել Ռուսաստանի Դաշնության նախագահ Վլադիմիր Պուտինի հետ: Այս մասին հայտնում են ՀՀ վարչապետի աշխատակազմից։

Նախագահ Պուտինը Նիկոլ Փաշինյանին շնորհավորել է Հայաստանում ընտրությունների բարեհաջող անցկացման և դրանցում արձանագրած հաղթանակի կապակցությամբ:

Զրուցակիցներն անդրադարձել են նաև տարածաշրջանում տիրող իրավիճակին և 2020 թվականի նոյեմբերի 9-ի և 2021 թվականի հունվարի 11-ի եռակողմ հայտարարությունների դրույթների իրականացման ընթացքին:

Հաղորդագրությունում նշվում է, որ տվյալ համատեքստում ՀՀ վարչապետի պաշտոնակատարի կողմից ընդգծվել է ռազմագերիների վերադարձի առաջնային նշանակությունը:

Հիշեցնենք, որ հունիսի 20-ին կայացած խորհրդարանական արտահերթ ընտրություններում անցողիկ շեմը հաղթահարել են ՔՊ-ն (53.92%) ու «Հայաստան» դաշինքը (21.04%)։ «Պատիվ ունեմ» դաշինքն էլ (5.23%) խորհրդարան կանցնի իրավունքի ուժով՝ որպես երրորդ ամենաշատ ձայներ ստացած քաղաքական ուժ։

Ռուսաստանը վճռորոշ դեր է ունեցել Ղարաբաղյան հակամարտությունը կանգնեցնելու գործում. Պուտին

40
թեգերը:
շնորհավորանք, Նիկոլ Փաշինյան, Վլադիմիր Պուտին
Ըստ թեմայի
Ժնևում հայ և օտարերկրացի ցուցարարները դիմել են Պուտինին ու Բայդենին. տեսանյութ
«Լինել բաց՝ չնայած անցյալին»․ Վլադիմիր Պուտին
Պուտինն Ալիևի հետ քննարկել Է Ղարաբաղի թեման
Արխիվային լուսանկար

«Քոչարյանը, այնուամենայնիվ, Ծառուկյան չէ». Զատուլինը խոսել է Հայաստանի քաղաքական ճգնաժամից

130
(Թարմացված է 17:27 24.06.2021)
Ռուս պատգամավորը կարծում է, որ իշխանությունն ու ընդդիմությունը պետք է լուծումներ առաջարկեն, որոնք թույլ կտան կարգավորել իրավիճակը, այլ ոչ թե լրացուցիչ լարվածություն ստեղծեն։

ԵՐԵՎԱՆ, 24 հունիսի – Sputnik. Հայաստանում կայացած արտահերթ խորհրդարանական ընտրություններով քաղաքական ճգնաժամը լուծված չէ, այն շարունակվելու է այլ ձևերով։ Այդ մասին Sputnik Արմենիայի մուլտիմեդիոն մամուլի կենտրոնում կայացած տեսակամուրջի ժամանակ ասել է ՌԴ Պետական դումայի ԱՊՀ, եվրասիական ինտեգրման և հայրենակիցների հետ կապերի հանձնաժողովի առաջին փոխնախագահ, ԱՊՀ երկրների ինստիտուտի ղեկավար Կոնստանտին Զատուլինը։

Ռուս քաղաքական գործիչն արձանագրել է, որ հայ հասարակության մեջ բևեռացումը պահպանվում է։ Բացի այդ, ի տարբերություն նախորդ խորհրդարանական ընդդիմության, առաջին հերթին՝ ի դեմս «Բարգավաճ Հայաստանի», ներկայիս ընդդիմությունը՝ ի դեմս Ռոբերտ Քոչարյանի դաշինքի, իրեն շատ ավելի կոշտ է պահելու իշխանության հետ։

«Այստեղ անձերից շատ բան է կախված, իսկ Քոչարյանը, այնուամենայնիվ, Ծառուկյան չէ»,– հավելել է Զատուլինը։

Պատասխանելով այն հարցին, թե արդյո՞ք նոր խորհրդարանի աշխատանքը նման չի լինի բարիկադային բախումների, որտեղ ընդդիմությունը խեղդում է կառավարության բոլոր նախաձեռնությունները, իսկ կառավարությունը հիշեցնում է նախկին իշխանության սխալները, Պետդումայի պատգամավորն ասաց, որ նման սցենարը բացառված չէ:

«Դա կախված է նրանից, թե ինչ ճանապարհով կգնա առաջին հեթին իշխանությունը։ Մենք ուշադրություն ենք դարձրել ընդդիմախոսների հետ համագործակցության մասին Փաշինյանի հայտարարությանը։ Ես գիտեմ, որ Քոչարյանն արձագանքել է` ասելով, որ մեկնված ձեռք չի տեսել և օրինակ է բերել իր կողմնակիցնեի ձերբակալությունը․․․ Ամեն ինչ կախված կլինի հետագա խորհրդարանական բանավեճերի մասնակիցներից»,-հայտարարեց ռուս պատգամավորը։

Նրա կարծիքով՝ թե՛ իշխանությունը, թե՛ ընդդիմությունը պետք է այնպիսի լուծումներ առաջարկեն, որոնք ի շահ Հայաստանի կլինեն, այլ ոչ թե ճգնաժամի նոր փուլ կստեղծեն։

Դրա հետ մեկտեղ, ընտրությունների արդյունքները Զատուլինի համար անակնկալ են դարձել։

Չենք խրախուսում մեր ընդդիմախոսների նկատմամբ բռնությունները. Ավինյանը` Օձունի դեպքի մասին

Նրա խոսքով՝ անսպասելի էր, առաջին հերթին, ձայների թվի մեծ տարբերությունը իշխող «Քաղաքացիական պայմանագրի» և «Հայաստան» դաշինքի միջև։ Ընտրություններին տարբեր հարցումներ են նախորդել, և, այնուամենայնիվ, ոչ ոք չէր ենթադրում, որ այդպիսի տարբերություն կլինի։ Քաղաքական գործիչն ինքը որոշակի կասկածներ ունի քվեարկության արդյունքների վերաբերյալ։ Նա հույս ունի, որ այդ կասկածները կցրվեն ձայների վերահաշվարկի ընթացքում։

Հիշեցնենք` հունիսի 20–ին Հայաստանում ԱԺ արտահերթ ընտրություն անցկացվեց։ Ընտրողների ցուցակներում ընդգրկված 2 593 572 քաղաքացիներից քվեարկությանը մասնակցեցին 1 281 174–ը կամ 49.4 տոկոսը։

Հունիսի 21-ին ԿԸՀ–ն ամփոփեց բոլոր 2008 ընտրատեղամասերի նախնական արդյունքները, որոնց համաձայն` «Քաղաքացիական պայմանագիր» կուսակցությունը ստացել է 687 251 քվե (53.92%), «Հայաստան» դաշինքը՝ 268 165 (21.04%), «Պատիվ ունեմ» դաշինքը՝ 66 633 (5.23%), «Բարգավաճ Հայաստան» կուսակցությունը՝ 50 419 (3.95), «Հանրապետություն» կուսակցությունը՝ 38 713 (3,04), «Հայ ազգային կոնգրես» կուսակցությունը՝ 19 674 (1.54), «Լուսավոր Հայաստան» կուսակցությունը` 15 557 (1.22)։

Խաղի կանոնները փոխվում են. ինչ քայլերի կարող է դիմել խորհրդարանական ընդդիմությունը

130
թեգերը:
խորհրդարան, ընդդիմություն, Ճգնաժամ, Կոնստանտին Զատուլին, Ռոբերտ Քոչարյան
Ըստ թեմայի
Ցավն ուրիշինը չի լինում, առավել ևս, երբ խոսքը հայերի մասին է. Կոնստանտին Զատուլին
Հարցը թիվը չէ, այլ դրոշը ցույց տալը․ Զատուլինը անդրադարձել է Սյունիքի իրավիճակին
Կոնստանտին Զատուլինի հարցազրույցը
Ստատուս քվոն պետք է վերականգնվի․ Զատուլինը՝ Ադրբեջանի կողմից սադրանքի մասին

ՀՀ–ն ինչ է գնել Թուրքիայից և ինչ ծավալով

0
Հայաստանի կառավարությունը կես տարով երկարաձգեց թուրքական ապրանքների ներմուծման արգելքը։ Թուրքական ապրանքների տաբուն կգործի մինչև հունվարի 1-ը։ Մեր ինֆոգրաֆիկայում կտեսնեք, թե Հայաստանը ինչ է գնել Թուրքիայից և ինչ ծավալով։
Ներմուծում Թուրքիայից
© Sputnik / Shushanik Avdalyan

Թուրքական ապրանքների ներմուծման արգելքը Հայաստանում կգործի մինչև 2021թ–ի ավարտը։

ՀՀ Էկոնոմիկայի նախարար Վահան Քերոբյանը կառավարության նիստում հայտարարեց, որ թուրքական ապրանքների ներմուծման արգելքը պետք է դիտարկել ոչ միայն որպես Թուրքիայի հանդեպ տնտեսական սանկցիա, այլև անվտանգության տեսանկյունից` ՀՀ–ի կողմից Թուրքիայի պետական գանձարանի ֆինանսավորման դադարեցում։

Նա նաև հայտնեց, որ նախորդ 6 ամիսների ընթացքում սահմանված արգելքի արդյունքում Թուրքիայից ներմուծման ծավալները նվազել են շուրջ 70 տոկոսով։ Էապես փոխվել է նաև ներմուծվող ապրանքների կազմը։

Փաշինյանն առաջարկում է սպասել սեպտեմբերին. աշխատատեղերի հայտարարված թվերն ամենաբարձրը չեն

«Եթե նախկինում այնտեղ եղել են ավիավառելիք, ցիտրուսային մրգեր, բանջարեղեն, մաքրող միջոցներ, տրիկոտաժե գործվածք, ապա այժմ հիմնականում` շինանյութ, տրիկոտաժե և բամբակե գործվածք, բնական կաշի»,–ասաց Քերոբյանը։

Թուրքական ապրանքները շարունակում են հայկական շուկա մտնել ապօրինի սխեմաներով

Նա նաև հիշեցրեց, որ տեղական կաշվի արտադրությունը զարգացնելու նպատակով կառավարությունը նաև չմշակված կաշվի արտահանման արգելք է սահմանել, որպեսզի այն էժան գներով արտահանվելու փոխարեն մշակվի տեղում ու արտահանվի արդեն որպես պատրաստի արտադրանք։

0
թեգերը:
Հայաստան, Թուրքիա
Ըստ թեմայի
Ինչը կարող է դրական ազդակ լինել ներդրումների համար. Քթոյանը`տնտեսական միջավայրի մասին
Անկախ Հայաստանի պատմության մեջ աշխատանքի շուկան մայիսին ռեկորդ է խփել. Քերոբյան
Ներդրվել է էլեկտրոնային ՀԴՄ-ների համակարգը. օնլայն առևուրը կզարգանա