Լավրովն ու Փաշինյանը, արխիվային լուսանկար

Լավրովն ու Փաշինյանը կհանդիպեն Երևանում

100
(Թարմացված է 17:03 05.05.2021)
Հայաստանի և Ռուսաստանի արտաքին քաղաքական գերատեսչությունների ղեկավարների առանձնազրույցից հետո ընդլայնված հանդիպում կկայանա, որից հետո նախատեսված է դիվանագետների ասուլիսը։

ԵՐԵՎԱՆ, 5 մայիսի – Sputnik. Այսօր աշխատանքային այցով Հայաստան կժամանի Ռուսաստանի Դաշնության արտգործնախարար Սերգեյ Լավրովը: «Զվարթնոց» օդանավակայանում Լավրովին կդիմավորի նրա հայ գործընկեր Արա Այվազյանը, ինչպես նաև երկու երկրների դեսպանները` Վարդան Տողանյանը և Սերգեյ Կոպիրկինը:

ՀՀ արտգործնախարարության մամուլի ծառայությունը հայտնում է, որ վաղը` մայիսի 6-ին, ՀՀ ԱԳՆ-ում կկայանա Հայաստանի և Ռուսաստանի արտաքին քաղաքական գերատեսչությունների ղեկավարների հանդիպումը: Համատեղ փաստաթղթի ստորագրում է նախատեսվում։

«Աշխատանքային այցի շրջանակում հանդիպում է նախատեսված ՀՀ վարչապետի պաշտոնակատար Նիկոլ Փաշինյանի հետ»,– նշված է հաղորդագրության մեջ:

Մայիսի 6-ի առավոտյան Լավրովը կայցելի Ծիծեռնակաբերդի հուշահամալիր, որտեղ հարգանքի տուրք կմատուցի Հայոց ցեղասպանության զոհերի հիշատակին: Նույն օրը նա ծաղիկներ կդնի անմար կրակի մոտ՝ ի հիշատակ Հայրենական մեծ պատերազմի տարիներին զոհվածների:

Մայիսի 6-ին` ժ. 10:15-ին, տեղի կունենա Արա Այվազյանի և Սերգեյ Լավրովի առանձնազրույցը, իսկ 11։00-ին ընդլայնված ձևաչափով հանդիպումը։ Այնուհետև կկայանա ՀՀ ԱԳ նախարարի պաշտոնակատար Արա Այվազյանի և Ռուսաստանի ԱԳ նախարար Սերգեյ Լավրովի համատեղ մամուլի ասուլիսը՝ ժամը 12:15-ին:

Հիշեցնենք, որ Լավրովը Հայաստանից մեկնելու է Ադրբեջան։

100
թեգերը:
Նիկոլ Փաշինյան, Սերգեյ Լավրով, Ռուսաստան, Հայաստան
Ըստ թեմայի
Մոսկվան և Թեհրանը հանդես են գալիս ԼՂՀ հակամարտության արդարացի կարգավորման օգտին. Լավրով
Սերգեյ Լավրով. Ռուսաստանի ոչ բարեկամ երկրների ցանկին երկար սպասելու կարիք չի լինի
Լավրովն ու Բայրամովը քննարկել են եռակողմ պայմանավորվածությունների կատարման ընթացքը
Խաղաղապահ զորախումբը Լիբանանից վերադարձել է Հայաստան

Խաղաղապահ զորախումբը Լիբանանից վերադարձել է Հայաստան

1
(Թարմացված է 19:18 07.05.2021)
Հայրենիք վերադարձած խաղաղապահներն այցելել են «Եռաբլուր» զինվորական պանթեոն։

ԵՐԵՎԱՆ, 7 մայիսի - Sputnik. Վերջին ամիսներին Լիբանանում խաղաղարար առաքելություն իրականացրած հայ զինծառայողները, զորախմբի հրամանատար, մայոր Կարեն Վարդանյանի գլխավորությամբ, վերադարձել են Հայաստան։ Տեղեկությունը հայտնում են ՀՀ ՊՆ լրատվական ծառայությունից։

Օդանավակայանում խաղաղապահներին դիմավորել և գերազանց ծառայության համար շնորհակալություն է հայտնել զորամասի հրամանատարի տեղակալ, գնդապետ Ա. Ավդալյանը։

Հայրենիք վերադարձած խաղաղապահներն այցելել են «Եռաբլուր» զինվորական պանթեոն, հարգանքի տուրք մատուցել մարտական գործողությունների ընթացքում զոհված զինծառայողների հիշատակին։

Армянские военнослужащие, выполнявшие миротворческую миссию в Ливане, вернулись в Армению (7 мая 2021).
Խաղաղապահներն այցելել են «Եռաբլուր» զինվորական պանթեոն
1
թեգերը:
խաղաղապահ, Հայաստան, Լիբանան
Ըստ թեմայի
Հայի բախտ. Լիբանանում վիճակը վատ է, բայց մարդիկ երկրից դուրս գալ չեն կարողանում
Հայաստանի կանանց ազգային հավաքականը հաղթեց Լիբանանին
ՀՀ ԶՈւ խաղաղապահ ուժերի ստորաբաժանումը մեկնել է Լիբանան
Արթուր Վանեցյան

ԱԱԾ վետերանները չեն սպասարկելու «Հայրենիք» կուսակցության շահերը. Վանեցյան

54
(Թարմացված է 13:25 07.05.2021)
ԱԱԾ նախկին տնօրեն Արթուր Վանեցյանը վստահեցնում է` հասարակական կազմակերպության կազմում ընդգրկված բոլոր սպաներին միավորում են բացառապես պետության և ժողովրդի շահերը։

ԵՐԵՎԱՆ, 7 մայիսի - Sputnik. Ազգային անվտանգության ծառայության պահեստազորի սպաների միությունը չի պաշտպանելու հատուկ ծառայության նախկին տնօրեն Արթուր Վանեցյանի հիմնած «Հայրենիք» կուսակցության շահերը: Վանեցյանն այդ մասին հայտարարեց այսօրվա ասուլիսի ժամանակ։

Հատուկ ծառայության նախկին ղեկավարը նկատեց, որ ի սկզբանե միությունը ստեղծվել է որպես ապաքաղաքական կառույց, սակայն բոլորը գիտեն, որ ինքը՝ Վանեցյանը, լինելով այդ կազմակերպության խորհրդի անդամ, միաժամանակ զբաղվում է քաղաքական ակտիվ գործունեությամբ:

«Բայց համարձակվում եմ ձեզ հավաստիացնել, որ «ԱԱԾ պահեստազորի սպաների միությունը» չի սատարելու քաղաքական ուժերից որևէ մեկին, այդ թվում ՝ իմ կուսակցությանը, առաջ չի մղելու կուսակցության ինչ-որ գաղափարներ և այլն: Միությունը գործելու է զուտ երկրի և հասարակության շահերից ելնելով»,-ասաց Վանեցյանը:

Նրա խոսքով` կազմակերպությունում հավաքվել են բանիմաց սպաներ ու գեներալներ, որոնք գործելու են ի շահ պետության։

ՀՀԿ-«Հայրենիք» դաշինքի ցուցակում երկրորդը Տարոն Մարգարյանն է. «Հրապարակ»

«Մենք պետություն չենք, բայց պետությունը մենք ենք։ Եթե ինչ-որ մեկը գործի մեր պետության կամ ժողովրդի դեմ, ապա վճռական հակահարված և կոշտ գնահատական կստանա մեր կողմից», - հավելեց Վանեցյանը։

Միության կազմում են ԱԱԾ նախկին տնօրեն Արթուր Վանեցյանը, սահմանապահ զորքերի նախկին հրամանատար Արմեն Աբրահամյանը, ԱԱԾ ղեկավարի նախկին տեղակալ Գրիգորի Հարությունյանը, ԱԱԾ տնօրենի նախկին ժամանակավոր պաշտոնակատար Միքայել Համբարձումյանը:

ՔՊ–ն արտահերթ ընտրություններին կմասնակցի առանձին՝ առանց դաշինքի. Մակունց

54
թեգերը:
կուսակցություն, Արթուր Վանեցյան, Հայաստան
Ըստ թեմայի
Տեր–Պետրոսյանը փորձել է իր առաջարկով իսկապես փաստի առաջ կանգնեցնել Փաշինյանին. Սուրենյանց
Քաղաքագետն ասել է` ինչ ազդեցություն կունենա Սերժ Սարգսյանն ընտրական գործընթացի վրա
Ընտրողները 2 հոգու են տեսնում վարչապետի պաշտոնում. քաղտեխնոլոգը` ընտրությունների մասին
Աննա Հակոբյան

Քննությունը կպարզի` ինչպես է Աննա Հակոբյանը հայտնվել հրամանատարական կետում

0
(Թարմացված է 19:25 07.05.2021)
Քննչական կոմիտեն մերժել է հավելյալ տեղեկություն տրամադրել` պատճառաբանելով նախաքննության գաղտնիությունը։

ԵՐԵՎԱՆ, 7 մայիսի – Sputnik. ՀՀ վարչապետի պաշտոնակատար Նիկոլ Փաշինյանի կնոջ՝ Աննա Հակոբյանի` հրամանատարական կետում հայտնվելու հանգամանքները պարզելու համար քննչական կոմիտեում քննություն է տարվում։ Այս մասին հայտնել է ՔԿ–ն «Փաստինֆոյի» գրավոր հարցմանն ի պատասխան` մերժելով տեղեկատվության տրամադրումը` պատճառաբանելով նախաքննության գաղտնիությունը։

Աննա Հակոբյանը, պատերազմի օրերին գտնվել է Արցախի Հանրապետության պաշտպանության բանակի հրամանատարական կետում և այնտեղից հետևել ռազմական գործողություններին, երբեմն նաև միջամտել։ Հակոբյանի՝ հրամանատարական կետում գտնվելը պաշտոնապես հաստատել է նաև Նիկոլ Փաշինյանը՝ ասելով, թե իր ընտանիքի անդամը բարոյահոգեբանական աջակցություն էր ցուցաբերում հրամանատարությանը։

Հիշեցնենք` «Wargonzo» տեղեկատվական նախագիծը, որն արցախյան պատերազմի ամբողջ ընթացքում ակտիվորեն լուսաբանում էր իրադարձությունները, անդրադարձել էր նաև հետպատերազմական տեղեկատվական արտահոսքերին և հայտնել, որ իրենց ծրագրի ղեկավար Սեմյոն Պեգովին զանգահարել է Արցախի նախագահի մամուլի խոսնակ Վահրամ Պողոսյանը` խնդրելով պատասխանել Վլադիմիր Սոլովյովի այն հաղորդմանը, որտեղ ռուսաստանցի հրատարակիչ, «News Media» հոլդինգի նախկին գլխավոր տնօրեն Արամ Գաբրելյանովը հայտարարել է, թե ՀՀ վարչապետի տիկին Աննա Հակոբյանը պատերազմի օրերին Արցախում մասնակցել է ռազմական խորհրդի նիստերին և դրանցից մեկի ժամանակ միջադեպ է գրանցվել գեներալ Մովսես Հակոբյանի հետ:

Ավելի ուշ գեներալն ասուլիս էր հրավիրել և ասել, որ ինքը Աննա Հակոբյանի հետ միջադեպ է ունեցել, քանի որ նրան հորդորել է չմիջամտել բարձրաստիճան ծառայողների որոշումներին կամ քննարկումներին։

0
թեգերը:
ՀՀ քննչական կոմիտե, Աննա Հակոբյան, Հայաստան
Ըստ թեմայի
Պատրաստվելով պատերազմի` մենք հակառակորդին դրդել ենք պատերազմի. Փաշինյան
Իմ կողմից նշանակված 2 պաշտոնյա արդեն բանտում են. Փաշինյանը ողջունեց նոր բացահայտումները
Վահագն Վերմիշյանը դատի է տվել Նիկոլ Փաշինյանին