Թավշյա հեղափոխություն

Հայաստանում իշխանափոխությանն աջակցել են Սորոս հիմնադրամից ավելի հզոր ուժեր

517
(Թարմացված է 01:14 01.05.2021)
Հացին, թե ինչու 2018 թ.-ին ինքն օգնություն չխնդրեց Ռուսաստանից, Սարգսյանը պատասխանել է, որ դա իր համար վիրավորական կլիներ:

ԵՐԵՎԱՆ, 1 մայիսի - Sputnik. Հայաստանում իշխանափոխությանն աջակցել են Սորոսից ավելի հզոր ուժեր: Նման տեսակետ «Արմնյուզ» հեռուստաընկերությանը տված հարցազրույցում հայտնել է ՀՀ Երրորդ նախագահ Սերժ Սարգսյանը:

«Շատերն ասում են, որ սորոսականներն են այս հեղափոխությունը կատարել: Նրանք, այո, աջակցել են, բայց այս հեղափոխություն կոչվածը, նորից կրկնեմ, շատ ավելի հզոր ուժեր են աջակցել ներսից, շատ հզոր ուժեր, որոնք տիրապետում են տեխնոլոգիաների, ռեսուրսների, և այդ տեխնոլոգիաները հաջողությամբ օգտագոծել են ոչ միայն Հայաստանում, այլ աշխարհի բազմաթիվ երկրներում»,- ասել է նա:

Հացին, թե ինչու 2018թ-ին ինքն օգնություն չխնդրեց Ռուսաստանից, Սարգսյանը պատասխանել է, որ դա իր համար վիրավորական կլիներ:

«Մտքովս անգամ երբեք չի անցել և չի կարող անցնել ռազմավարական դաշնակցից խնդրել օգնություն՝ իշխանությունը պահելու համար: Դա ինձ համար շատ վիրավորական կլիներ: Ես ռազմավարական դաշնակցից՝ Ռուսաստանի նախագահից բազմաթիվ բաներ եմ խնդրել` խնդրել եմ մեզ ռազմատեխնիկական օժանդակություն ցուցաբերել, և ցուցաբերվել է՝ լիուլի ցուցաբերվել է: Eս խնդրել եմ նոր սպառազինություններ, նոր սպառազինությունների համար վարկեր տրամադրել, տրամադրվել է, ես խնդրել եմ մեզ համար անհրաժեշտ սպառազինություն, որն այլ երկրների չի վաճառվում՝ արվել է, խնդրել եմ բազմաթիվ տարբեր տնտեսական հարցեր լուծել՝ այո, լուծվել են, բայց ես զանգեի, խնդրեի, ասեի՝ խնդրում եմ պահեք իմ իշխանությունը»,- ասել է Սարգսյանը:

Եթե դա նրան չի նեղացնի. Սերժ Սարգսյանը ասել է, թե ինչու Կարեն Կարապետյանը վարչապետ չդարձավ

Երրորդ նախգահն ընդգծել է, որ ռազմավարական դաշնակցից կամ որևէ այլ երկրի ղեկավարից ինչ-որ բան խնդրելը երկրի համար ամոթ է:

517
թեգերը:
Սերժ Սարգսյան, Ջորջ Սորոս, Սորոսի հիմնադրամ, Նիկոլ Փաշինյան, «Թավշյա հեղափոխություն», Հայաստան
Ըստ թեմայի
«Նիկոլը ճիշտ էր, ես սխալվեցի». Սերժ Սարգսյանը բացատրել է` ինչ է նկատի ունեցել սա ասելով
Եթե դա նրան չի նեղացնի. Սերժ Սարգսյանը ասել է, թե ինչու Կարեն Կարապետյանը վարչապետ չդարձավ
Էդուարդ Շարմազանով

Չենք գնդակահարի. Շարմազանովը խոսել է Վանեցյանի հետ դաշինքի և երկրում տիրող իրավիճակի մասին

26
Քաղաքական ուժերի մեծ մասն արդեն կողմնորոշվել է, թե ինչ ձևաչափով է մասնակցելու խորհրդարանական արտահերթ ընտրություններին։ ՀՀԿ–ն ընտրությունների է գնում «Հայրենիք» կուսակցության հետ դաշինքով։

ԵՐԵՎԱՆ, 7 մայիսի – Sputnik. ՀՀԿ ներկայացուցիչ Էդուարդ Շարմազանովը Sputnik Արմենիայի հետ զրույցում վստահեցրեց` ԱԱԾ նախկին տնօրեն Արթուր Վանեցյանի «Հայրենիք» կուսակցության և ՀՀԿ–ի դաշինքի համամասնական ցուցակում ընդգրկվելու համար պայքար չի գնում։

Ըստ նրա` ցուցակում կընդգրկվեն ինչպես պրոֆեսիոնալ, այնպես էլ ավելի երիտասարդ քաղաքական գործիչներ։ Միևնույն ժամանակ չի բացառվում, որ հանրությանը հայտնի գործիչներ չլինեն։

Վանեցյանի կուսակցության հետ միավորվելու հարցին ի պատասխան Շարմազանովն ասաց, որ որոշումը ՀՀԿ առաջնորդը չի պարտադրել, այլ ընդունել է ամբողջ կուսակցությունը։ Ընդ որում` կոնսենսուսի գալը բավական դժվար է եղել, քանի որ որոշ կուսակիցներ կտրուկ դեմ են եղել։

Շարմազանովը չի թաքցնում, որ ՀՀԿ–ի այսպես կոչված ռեբրենդինգ է տեղի ունենում, և Վանեցյանի հետ դաշինք կազմելուն կողմ արտահայտված հանրապետականներին չեն ընկճում նույնիսկ նրա սկանդալային հայտարարությունները` կապված ներկայիս համախոհների կոռումպացված լինելու հետ։

«Հրաժարականից հետո Վանեցյանը եկել է այն կարծիքին, որ Հայաստանը Փաշինյանի հետ ապագա չունի։ Վերջին 1.5 տարվա ընթացքում Վանեցյանն ու նրա կուսակցությունը մասնակցել են բոլոր ընդդիմադիր ձևաչափերին։ Բացի այդ, մեր քաղաքական դաշտում չկա որևէ կուսակցություն կամ քաղաքական գործիչ, որ իր կարծիքը փոխած չլինի», – ասաց նա։

Տվյալ համատեքստում Շարմազանովը մեկնաբանեց նաև Վանեցյանի սկանդալային հայտարարությունը, երբ վերջինս պնդում էր` եթե նախկին իշխանությունները (ՀՀԿ–ն) վերադառնան, իրեն և Քննչական կոմիտեի ղեկավար Սասուն խաչատրյանին կգնդակահարեն։ Շարմազանովի խոսքով` ԱԱԾ նախկին տնօրենն այժմ համոզված է, որ իրեն ձեռք չեն տա, քանի որ հանրապետականները օրինական պետության կողմնակից են։

«Մենք նույնիսկ Նիկոլ Փաշինյանին չենք գնդակահարի։ Կա դատարան, ժողովրդավարություն և ինստիտուտներ, որոնք կզբաղվեն այդ հարցով», – ասաց նա։

Շարմազանովի խոսքով` իր կուսակցությունը պատրաստ է դաշինք կազմել գաղափարապես մոտ բոլոր քաղաքական ուժերի հետ, բացի Նիկոլ Փաշինյանից ու նրա թիմից, «սորոսականներից» և «ահաբեկիչներից»։ Նա չբացառեց նաև ՀՀ երկրորդ նախագահ Ռոբերտ Քոչարյանի հետ դաշինքի ստեղծումը։

Արդեն հայտնի է, որ Քոչարյանը կգլխավորի ՀՅԴ և «Վերածնվող Հայաստան» կուսակցությունների դաշինքը. հենց նրան են փորձագետները համարում Փաշինյանի (ընտրությունների է գնում միայնակ իր «Քաղաքացիական պայմանագիր» կուսակցության հետ) հիմնական մրցակիցը։

Հիշեցնենք` Փաշինյանը հայտարարել է, որ հունիսի 20-ին Հայաստանում ԱԺ արտահերթ ընտրություններ են լինելու: Սահմանադրության համաձայն` եթե վարչապետի հրաժարականից հետո 2 շաբաթում 2 անգամ անընդմեջ չի ընտրվում նոր վարչապետ, դրանից հետո ոչ շուտ, քան 30 և ոչ ուշ, քան 45 օր հետո նշանակվում են նոր ընտրություններ։ Մայիսի 3-ին պատգամավորները վարչապետ չընտրեցին, երկրորդ քվեարկությունը կլինի մայիսի 10-ին։

Ընտրողները 2 հոգու են տեսնում վարչապետի պաշտոնում. քաղտեխնոլոգը` ընտրությունների մասին

26
թեգերը:
Արթուր Վանեցյան, Էդուարդ Շարմազանով, Հայաստանի Հանրապետական կուսակցություն (ՀՀԿ), Հայաստան
Ըստ թեմայի
Փաշինյանը որոշել է ցուցակում ընդգրկել բիզնեսմենների. ասել է՝ «նեղանալ չլինի». «Փաստ»
Տեր–Պետրոսյանը փորձել է իր առաջարկով իսկապես փաստի առաջ կանգնեցնել Փաշինյանին. Սուրենյանց
«Սպաներ, միացեք». ԱԱԾ պահեստազորի սպաների միությունը վերահսկելու է գալիք ընտրությունները
Ազգային ժողովի նիստ

Ընտրական օրենսգիրքը փոփոխվեց միաձայն

10
(Թարմացված է 19:42 07.05.2021)
Նախագիծը մշակած «Իմ քայլը» խմբակցության ներկայացուցիչները մեկ անգամ ևս նշեցին, որ այս փոփոխությունները չեն կիրառվելու սպասվող արտահերթ ընտրությունների ժամանակ:

ԵՐԵՎԱՆ, 7 մայիսի – Sputnik. Ազգային ժողովը արտահերթ նիստում երկրորդ ընթերցմամբ ընդունեց «Ընտրական օրենսգրքի» փոփոխությունների փաթեթը: Այն ընդունվեց 81 կողմ ձայնով:

Փաթեթով առաջարկվում է նվազեցնել ԱԺ ընտրություններին մասնակցող կուսակցության (կուսակցությունների դաշինքի) ընտրական գրավի չափը: Գործող օրենքով կուսակցությունների դեպքում այն 10 միլիոն դրամ է, առաջարկվում է դարձնել 7,5 մլն, դաշինքի դեպքում՝ 15 մլն դրամ:

Կուսակցությունների դեպքում անցողիկ շեմը 5%-ից իջեցվում է 4%-ի, դաշինքի դեպքում, եթե այն կազմված է 2 կուսակցություններից, 7 տոկոսից բարձրանում է 8 տոկոս: Երեք կուսակցություններից կազմված դաշինքի դեպքում անցողիկ շեմը կլինի 9 տոկոս, իսկ 4 եւ ավելի կուսակցություններից կազմված դաշինքի դեպքում՝ 10 տոկոս:

Փոխվում է նաև քաղաքական կոալիցիաներ ձևավորելու կարգը: Առաջնահերթ կոալիցիա ձևավորելու հնարավորություն է տրվում այն կուսակցությանը կամ դաշինքին, որը ընտրությունների արդյունքով ձայների մեծամասնություն է ստացել: Վերջինս 14 օրվա ընթացքում կարող է կոալիցիա կազմել մանդատների բաշխմանը մասնակցած մյուս կուսակցությունների (կուսակցությունների դաշինքների) հետ, եթե նրանց օգտին տրված ձայների գումարը բավարար է մանդատների ընդհանուր թվի 52 տոկոսը ստանալու համար, և նրանք համաձայնություն ունեն վարչապետի թեկնածուի վերաբերյալ։

Քաղաքագետն ասել է` ինչ ազդեցություն կունենա Սերժ Սարգսյանն ընտրական գործընթացի վրա

Այժմ պատգամավորների նվազագույն թիվը 105 է (101+չորս ազգային փոքրամասնությունների ներկայացուցիչ)։ Նման նվազագույն թիվ է հավաքվում, եթե որևէ կուսակցություն կամ դաշինք հաղթում է ընտրություններում ՝ հավաքելով ձայների 50-ից 66 տոկոսը։

Եթե կուսակցությունը հավաքում է ավելի քան 66 տոկոս ձայն, ապա ընդդիմությանը տրվում են լրացուցիչ մանդատներ, որպեսզի նրանց պատգամավորները խորհրդարանում կազմեն առնվազն մեկ երրորդը։ Եթե հաղթած կուսակցությունը հավաքում է ավելի քան 50 տոկոս, բայց 54 տոկոսից պակաս, նրանց տալիս են լրացուցիչ մանդատներ, որպեսզի կարողանան հավաքել մինչև 54 տոկոս ձայն՝ նույնիսկ բացակա կամ գործուղված պատգամավորների դեպքում խորհրդարանում կայուն մեծամասնություն ապահովելու համար։

Նախագիծը մշակած «Իմ քայլը» խմբակցության ներկայացուցիչները մեկ անգամ ևս նշեցին, որ այս փոփոխությունները չեն կիրառվելու սպասվող արտահերթ ընտրությունների ժամանակ:

10
թեգերը:
ԱԺ, Ընտրական օրենսգիրք
Ըստ թեմայի
Նախագահը չի ստորագրել «Ընտրական օրենսգրքում» փոփոխությունների փաթեթը, բայց ՍԴ էլ չի դիմի
Համաձայն չեմ ՀՀ նախագահի մտահոգության հետ. Վարդանյանը` «Ընտրական օրենսգրքի» մասին
Վենետիկի հանձնաժողովը ՀՀ ընտրական օրենսգրքի վերաբերյալ կարծիք է հայտնել. մանրամասներ
Ким Кардашьян посетила мемориальный комплекс Цицернакаберд (8 октября 2019). Ереван

«Ուզում եմ անձամբ ձեզ ասել». Քիմ Քարդաշյանն արտասվել է իր շոուի նկարահանման ժամանակ

0
(Թարմացված է 20:07 07.05.2021)
«Keeping Up With The Kardashians» շոուն 19 եթերաշրջան անց ավարտվում է։ Իրադարձությունը շատ հուզիչ է Քարդաշյան քույրերի համար։

ԵՐԵՎԱՆ, 7 մայիսի - Sputnik․ Ամերիկահայ աստղ Քիմ Քարդաշյանն արտասվել է իր շոուի նկարահանման ժամանակ։

Շոուի նոր թրեյլերում հայտնվել է մի դրվագ, որում Քիմը նկարահանող խմբին հայտնում է իր ընտանիքի համար շատ կարևոր որոշման մասին։

«Չկա ավելի պարզ եղանակ դա ասելու, քան պարզապես անելն այն, ինչ հարկավոր է, քանի որ մենք բոլորիդ շատ ենք սիրում։ Ցանկանում էինք անձամբ ասել ձեզ, որ այլևս չենք նկարահանելու շոուն»,- ասել է նա։

Այդ ասածից հետո արտասվել է թե՛ Քիմը, թե՛ քույրերը, թե՛ նկարահանող խմբի անդամները։

Посмотреть эту публикацию в Instagram

Публикация от Kris Jenner (@krisjenner)

«Keeping Up With The Kardashians՞ շոուն ավարտվում է 14 տարի և 19 եթերաշրջան անց։ Շոուի ավարտից և E! ցանցի հետ պայմանագրի ավարտից հետո ընտանիքը կտեղափոխվի «Disney Hulu» ալիք։

Քիմ Քարդաշյանը սկսել է հանդիպել CNN-ի լրագրողի հետ. լուսանկար

0
թեգերը:
տեսանյութ, նկարահանում, Քիմ Քարդաշյան
թեմա:
Ամերիկահայ հեռուստաաստղ Քիմ Քարդաշյան