ՀՀ արտգործնախարարություն

Սադրանք՝ հայ-հնդկական բարեկամության դեմ. ՀՀ ԱԳՆ-ն դատապարտել է Գանդիի հուշարձանի պղծումը

45
(Թարմացված է 18:08 29.04.2021)
Հուշարձանների պահպանման խնդիրը բոլորի պարտավորություն է, և վանդալիզմի ու պղծման ցանկացած արարք ոտնձգություն է համամարդկային արժեքների դեմ։

ԵՐԵՎԱՆ, 29 ապրիլի - Sputnik. Հայաստանի Հանրապետության արտաքին գործերի նախարարությունը մեկնաբանել է Երևանում Մահաթմա Գանդիի հուշարձանի նկատմամբ վանդալիզմի դեպքը:

«Խստորեն դատապարտում ենք Հնդկաստանի անկախության և պետականության խորհրդանիշ, խաղաղության առաջամարտիկ և հումանիստ Մահաթմա Գանդիի հուշարձանի պատվանդանի կոտրումը և հրկիզումը: Սա սադրանք է՝ ուղղված դարավոր և անկախությունից ի վեր դինամիկ զարգացող հայ-հնդկական բարեկամության դեմ»,-նշված է հաղորդագրության մեջ:

ԱԳՆ-ն հիշեցնում է, որ հուշարձանների պահպանման խնդիրը բոլորի պարտավորություն է, և վանդալիզմի ու պղծման ցանկացած նման արարք ոտնձգություն է համամարդկային արժեքների դեմ, որի իրականացնողները պետք է ենթարկվեն պատասխանատվության օրենքի շրջանակներում:

Ավելի վաղ արձանի հրկիզումը դատապարտել էր Երևանի քաղաքապետի մամուլի քարտուղար Հակոբ Կարապետյանը։   

Հիշեցնենք, որ ապրիլի 28–ին անհայտ անձինք հրկիզել էին Գանդիի հուշարձանը։ Հայկական մի շարք Telegram-ալիքներ ապրիլի 28-ի երեկոյան հրապարակել էին  լուսանկարներ, որոնցում արձանը կրակի մեջ էր: Իսկ դրանից երկու օր առաջ հուշարձանի վրա հավի ձվեր էին նետել։

45
թեգերը:
արձան, Մահաթմա Գանդի, Հնդկաստան, Հայաստան
Ըստ թեմայի
Նոր սերնդի խաղաղապահները, կամ ինչու Հայաստանը դարձավ հնդկական առաքելության կարևոր երկիրը
«Մի խելագարի պատմություն»․ ինչպես Խոսե Գուրիարանը Հայկական հարցի պատճառով զրկվեց ոտքերից
Ինչո՞ւ նախօրոք չկազմակերպվեց հանրային քննարկում. Մահաթմա Գանդիի վիճելի հուշարձանը Երևանում
Արարատ Միրզոյանի գլխավորած պատվիրակությունը Լիտվայում

Լիտվան ուզում է ՀՀ–ին փոխանցել «հաջողության պատմությունը». վարչապետն ընդունել է Միրզոյանին

37
(Թարմացված է 15:37 12.05.2021)
Լիտվայի իշխանությունը պատրաստ է աջակցել Հայաստանին ժողովրդավարացման և բարեփոխումների հարցում:

ԵՐԵՎԱՆ, 12 մայիսի – Sputnik. Լիտվան ցանկանում է Հայաստանին փոխանցել իր «հաջողության պատմությունը»։ Այդ մասին հայտարարել Է երկրի վարչապետ Ինգրիդ Շիմոնիտեն՝ Վիլնյուսում ընդունելով Հայաստանի խորհրդարանի նախագահ Արարատ Միրզոյանին։ Տեղեկությունը հայտնում է Sputnik Լիտվան։

Լիտվայի կառավարության ղեկավարը կարծում է, որ որքան «ավելի շատ Եվրոպա» լինի Հայաստանում, այնքան ավելի հարուստ ու անվտանգ կլինի երկիրը։ Այդ պատճառով էլ Վիլնյուսը պատրաստ է Երևանին փոխանցել ժողովրդավարական բարեփոխումների փորձն ու հաջողության պատմությունը։

Շիմոնիտեն նաև նշել է, որ Լիտվան կցանկանար Հայաստանի հետ զարգացնել համատեղ զբոսաշրջությունը։

Հիշեցնենք, որ Հայաստանի խորհրդարանի պատվիրակությունը պաշտոնական այցով է գտնվում Լիտվայում:

37
թեգերը:
Արարատ Միրզոյան, Լիտվա, Հայաստան
Ըստ թեմայի
Առանց հայ գերիների վերադարձի վստահություն չի լինի․ Լիտվայի արտգործնախարար
Լիտվայի ԱԳ նախարարը Բաքվում խոսել է Հայոց ցեղասպանության մասին. տեսանյութ
Լիտվայի Սեյմասի նախագահը անհանգստություն է հայտնել հայ ռազմագերիների վերադարձի վերաբերյալ
Արմեն Գևորգյան

«Հայաստան» դաշինքի գլխավոր շտաբը կղեկավարի Արմեն Գևորգյանը

24
(Թարմացված է 15:31 12.05.2021)
Դաշինքի պաշտոնական ներկայացուցչի գործառույթներն իրականացնելու է Արամ Վարդևանյանը։

ԵՐԵՎԱՆ, 12 մայիսի- Sputnik. «Հայաստան» դաշինքի նախընտրական շտաբը կգլխավորի ՀՀ նախկին փոխվարչապետ Արմեն Գևորգյանը։ Տեղեկությունը Sputnik Արմենիայի հետ զրույցում հայտնեց ՀՀ երկրորդ նախագահ Ռոբերտ Քոչարյանի գրասենյակի ղեկավար Վիկտոր Սողոմոնյանը։

«Արմեն Գևորգյանը չնայած մի փոքր վատառողջ է, սակայն արդեն իսկ իրականացնում է կենտրոնական շտաբի ղեկավարի գործառույթները։ Նա դեռ աշխատում է հիվանդասենյակից կամ տնից, բայց հուսով եմ՝ արագ կապաքինվի»,–ասաց Սողոմոնյանը։
Նա հայտնեց նաև, որ «Հայաստան» դաշինքի պաշտոնական ներկայացուցչի գործառույթներն իրականացնելու է Արամ Վարդևանյանը։

Շտաբն օրերս կհրապարակի այն հեռախոսահամարները, էլեկտրոնային փոստի հասցեն, որոնց միջոցով էլ լրատվամիջոցները կարող են տեղեկատվություն ստանալ դաշինքի գործունեության վերաբերյալ։

Հիշեցնենք, որ դաշինքը գլխավորում է Ռոբերտ Քոչարյանը, դրա կազմում են «Հայ հեղափոխական դաշնակցություն» և նորաստեղծ «Վերածնվող Հայաստան» կուսակցությունները:

Հայաստանում խորհրդարանական արտահերթ ընտրությունները կանցկացվեն հունիսի 20-ին։

ԿԸՀ նախագահը հայտնեց` ինչպես է պետք քվեարկել առաջիկա ընտրություններում

24
թեգերը:
«Հայաստան» դաշինք, Արմեն Գևորգյան
Ըստ թեմայի
ՀՀ նախագահը խառնեց պլանները. Հայաստանում հնարավոր է` ընտրությունների երկրորդ փուլ անցկացվի
Արմեն Սարգսյանը ստորագրեց հրամանագիրը. ընտրությունների օրը հստակ է
Արտահերթ ընտրությունները կանցկացվեն առանց գրիչների. ԿԸՀ–ն հաստատեց նոր քվեաթերթիկի ձևը
Թագուհի Թովմասյան

«Հրամանատարն ասաց, որ Ադրբեջանը որևէ ոտնձգություն չի արել». Թագուհի Թովմասյան

0
(Թարմացված է 16:27 12.05.2021)
Պատգամավորը հավատում է հրամանատարի խոսքերին, որովհետև, նրա խոսքով, 44– օրյա պատերազմի ընթացքում բանակային այդ կորպուսը մարտնչել է հերոսաբար, 1 մետրի նահանջ չի ունեցել։

ԵՐԵՎԱՆ, 12 մայիսի – Sputnik. ԱԺ նախկին իմքայլական, այժմ անկախ պատգամավոր Թագուհի Թովմասյանին նույնպես անհանգստացրել է տարածվող տեղեկություններն այն մասին, որ Վարդենիսի տարածաշրջանի Շորժա բնակավայրի հատվածում ադրբեջանական զինուժը առաջխաղացում ունի։ Նա ճշգրտումներ է արել և այդ մասին գրել Facebook–ում։

«Քիչ առաջ զրուցել եմ նաև մեր բանակային կորպուսի հրամանատարի հետ: Ուզում եմ փոխանցել նրա խոսքերը առ այն, որ ադրբեջանական զինուժը Հայաստանի պետական սահմանի նկատմամբ որևէ ոտնձգություն չի իրականացրել Գեղարքունիքի մարզի հատվածում, չի ցուցաբերել մեր մարզի երկայնքով որևէ ագրեսիա»,– նշել է նա:

Իսկ ի՞նչ է տեղի ունեցել: Ըստ Թովմասյանի` նոյեմբերի 9-10-ի չարաբաստիկ փաստաթղթի ստորագրումից հետո, երբ հանձնվեց Քարվաճառը, ադրբեջանական զինուժը դիրքավորվել է այդ հատվածներում այնպիսի դիրքերում, որտեղ հնարավոր է եղել՝ պայմանավորված առատ ձյան պատճառով:

«Հիմա ձյունը հալվել է, նրանք իրենց տիրապետության տակ անցած հատվածներում առաջ են գալիս, դիրքավորվում են ավելի մեզ մոտ հատվածներում: Հատուկ շեշտեց գեներալը, որ ՀՀ պետական սահմանից անգամ մեկ միլիմետր առաջ չեն եկել ու չեն էլ կարող գալ: Մի խոսքով, Գեղարքունիքի մարզի մասով առայժմ անհանգստանալու բան չկա։ Ես հավատում եմ հրամանատարի խոսքերին, քանի որ 44– օրյա պատերազմի ընթացքում բանակային այդ կորպուսը մարտնչել է հերոսաբար, 1 մետրի նահանջ չի ունեցել, ընդհակառակը՝ դիրքային առավելություններ ենք ձեռք բերել պատերազմի օրերին»,– նշել է պատգամավորը:

Yerkir.am-ն այսօր հայտնել էր, որ թշնամին երեկվանից դիրքերն առաջ է բերել Վարդենիսում։

0