Ռոբերտ Քոչարյան

«Եթե այս տեմպով արվի, կարող է տարիներ տևել». Քոչարյանը՝ գերիների վերադարձի մասին

350
(Թարմացված է 16:33 29.04.2021)
Ադրբեջանն ակնկալիքներ ու նաև ախորժակ ունի որոշ հարցերի շուրջ, գերիների հարցը կարող է որպես լծակ օգտագործվել իրենց նպատակին հասնելու համար։

ԵՐԵՎԱՆ, 29 ապրիլի – Sputnik. Ադրբեջանի վրա պետությունը պետք է դիվանագիտական, միջազգային տարբեր կառույցների, նաև տարբեր երկիրների ճնշումը մեծացի։ ՀՀ երկրորդ նախագահ Ռոբերտ Քոչարյանն իր աջակիցների հետ հանդիպման ժամանակ նշեց, որ գերիների խնդրի լուծումն այսպես է տեսնում։ Հիշում է՝ Արցախյան առաջին պատերազմից հետո մեզ մոտ 130-140 գերիներ էին պահվում։ Այնպես չէ, որ գերիներին հաճույքով ես պահում, քանի որ երկիրը միշտ ճնշման տակ է, ուստի գերի պահելը դժվար է։ Պետք է այնպիսի մի արշավ սկսել, որ Ադրբեջանի նյարդերը չդիմանան և գերիներին վերադարձնեն, այսպես ասած, գլխացավանքից էլ ազատվելու համար։  

«Եթե այն տեմպով անեն, ոնց հիմա են անում, կարող է տարիներ տևել»,- նշեց Ռոբերտ Քոչարյանը։

Նրա կարծիքով՝ Ադրբեջանը շարունակում է հայ գերիներին պահել, որովհետև մեր «պետությունից ինչ-որ բան է ուզում»։

«Դա կարող է լինել հյուսիսի հետ կապված, որտեղ անկլավների հարց կա, կարող է Սյունիքով միջանցքը ստանալու հարցը լինի, Ղարաբաղում Կարմիր շուկա-Շուշի ճանապարհի կառուցման հարցը, Ղարաբաղում պաշտպանության բանակի կարգավիճակի հարցը։ Առնվազն 4 մեծ հարց կա, որոնց շուրջ իրենք որոշ սպասելիքներ, ակնկալիքներ և ախորժակ ունեն»,- նշում է ՀՀ երկրորդ նախագահը։

Նրա կարծիքով՝ Ադրբեջանը գերիների հարցն օգտագործում է որպես լծակ։ Ընդգծում է՝ պետք է թույլ չտալ, որ այն  տարածքային կամ այլ, այսպես ասած, առևտրի առարկա դառնա։

«Դա լավ չէ հենց գերիների համար: Կարող է մի քանի հոգու թողնեն, հետո ասեն՝ այ էս մի հարցն էլ լուծեք, և դա կարող է ձգձգվել»։

Հայաստանի և Ադրբեջանի ԱԱԾ ղեկավարները գերիների հարցով կապի մեջ են

Նշենք, որ ոչ պաշտոնական տվյալներով` Ադրբեջանում ավելի քան 200 հայ գերի կա։ Մինչ օրս Ադրբեջանից Հայաստան է վերադարձվել 69 գերի, այդ թվում՝ քաղաքացիական անձինք։ Իսկ Հայաստանն Ադրբեջանին է փոխանցել 15 անձի, նրանց թվում ոչ միայն ռազմագերիներ են, այլև Արցախում երեխայի սպանության ու այլ հանցագործությունների համար դատապարտված Շահբազ Գուլիևն ու Դիլհամ Ասկերովը։ Հայկական կողմի տվյալներով` այս ընթացքում ադրբեջանական գերության մեջ սպանվել է 3 հայ ռազմագերի։

350
թեգերը:
ռազմագերի, գերի, Ադրբեջան, Հայաստան, Ռոբերտ Քոչարյան
Ըստ թեմայի
Կան հայ գերիների խոշտանգման, խեղման ու սպանության անվիճելի փաստեր. Միրզոյանի ելույթը
Եվրամիությունը Ադրբեջանին կոչ է արել ՄԻԵԴ-ին տրամադրել հայ գերիների մասին տեղեկությունները
Պետք է լինել համբերատար. Փաշինյանը հուսով է, որ Ադրբեջանը շուտով կվերադարձնի գերիներին
Արարատ Միրզոյանի գլխավորած պատվիրակությունը Լիտվայում

Լիտվան ուզում է ՀՀ–ին փոխանցել «հաջողության պատմությունը». վարչապետն ընդունել է Միրզոյանին

31
(Թարմացված է 15:37 12.05.2021)
Լիտվայի իշխանությունը պատրաստ է աջակցել Հայաստանին ժողովրդավարացման և բարեփոխումների հարցում:

ԵՐԵՎԱՆ, 12 մայիսի – Sputnik. Լիտվան ցանկանում է Հայաստանին փոխանցել իր «հաջողության պատմությունը»։ Այդ մասին հայտարարել Է երկրի վարչապետ Ինգրիդ Շիմոնիտեն՝ Վիլնյուսում ընդունելով Հայաստանի խորհրդարանի նախագահ Արարատ Միրզոյանին։ Տեղեկությունը հայտնում է Sputnik Լիտվան։

Լիտվայի կառավարության ղեկավարը կարծում է, որ որքան «ավելի շատ Եվրոպա» լինի Հայաստանում, այնքան ավելի հարուստ ու անվտանգ կլինի երկիրը։ Այդ պատճառով էլ Վիլնյուսը պատրաստ է Երևանին փոխանցել ժողովրդավարական բարեփոխումների փորձն ու հաջողության պատմությունը։

Շիմոնիտեն նաև նշել է, որ Լիտվան կցանկանար Հայաստանի հետ զարգացնել համատեղ զբոսաշրջությունը։

Հիշեցնենք, որ Հայաստանի խորհրդարանի պատվիրակությունը պաշտոնական այցով է գտնվում Լիտվայում:

31
թեգերը:
Արարատ Միրզոյան, Լիտվա, Հայաստան
Ըստ թեմայի
Առանց հայ գերիների վերադարձի վստահություն չի լինի․ Լիտվայի արտգործնախարար
Լիտվայի ԱԳ նախարարը Բաքվում խոսել է Հայոց ցեղասպանության մասին. տեսանյութ
Լիտվայի Սեյմասի նախագահը անհանգստություն է հայտնել հայ ռազմագերիների վերադարձի վերաբերյալ
Արմեն Գևորգյան

«Հայաստան» դաշինքի գլխավոր շտաբը կղեկավարի Արմեն Գևորգյանը

18
(Թարմացված է 15:31 12.05.2021)
Դաշինքի պաշտոնական ներկայացուցչի գործառույթներն իրականացնելու է Արամ Վարդևանյանը։

ԵՐԵՎԱՆ, 12 մայիսի- Sputnik. «Հայաստան» դաշինքի նախընտրական շտաբը կգլխավորի ՀՀ նախկին փոխվարչապետ Արմեն Գևորգյանը։ Տեղեկությունը Sputnik Արմենիայի հետ զրույցում հայտնեց ՀՀ երկրորդ նախագահ Ռոբերտ Քոչարյանի գրասենյակի ղեկավար Վիկտոր Սողոմոնյանը։

«Արմեն Գևորգյանը չնայած մի փոքր վատառողջ է, սակայն արդեն իսկ իրականացնում է կենտրոնական շտաբի ղեկավարի գործառույթները։ Նա դեռ աշխատում է հիվանդասենյակից կամ տնից, բայց հուսով եմ՝ արագ կապաքինվի»,–ասաց Սողոմոնյանը։
Նա հայտնեց նաև, որ «Հայաստան» դաշինքի պաշտոնական ներկայացուցչի գործառույթներն իրականացնելու է Արամ Վարդևանյանը։

Շտաբն օրերս կհրապարակի այն հեռախոսահամարները, էլեկտրոնային փոստի հասցեն, որոնց միջոցով էլ լրատվամիջոցները կարող են տեղեկատվություն ստանալ դաշինքի գործունեության վերաբերյալ։

Հիշեցնենք, որ դաշինքը գլխավորում է Ռոբերտ Քոչարյանը, դրա կազմում են «Հայ հեղափոխական դաշնակցություն» և նորաստեղծ «Վերածնվող Հայաստան» կուսակցությունները:

Հայաստանում խորհրդարանական արտահերթ ընտրությունները կանցկացվեն հունիսի 20-ին։

ԿԸՀ նախագահը հայտնեց` ինչպես է պետք քվեարկել առաջիկա ընտրություններում

18
թեգերը:
«Հայաստան» դաշինք, Արմեն Գևորգյան
Ըստ թեմայի
ՀՀ նախագահը խառնեց պլանները. Հայաստանում հնարավոր է` ընտրությունների երկրորդ փուլ անցկացվի
Արմեն Սարգսյանը ստորագրեց հրամանագիրը. ընտրությունների օրը հստակ է
Արտահերթ ընտրությունները կանցկացվեն առանց գրիչների. ԿԸՀ–ն հաստատեց նոր քվեաթերթիկի ձևը
Արման Թաթոյանը Սյունիքում, արխիվային լուսանկար

Պետությունը պետք է ամբողջական տեղեկություն տա, մյուսները` խուճապ չառաջացնեն. ՄԻՊ–ի հորդորը

0
Արման Թաթոյանն անդրադարձել է Սյունիքում տիրող իրավիճակին` հայտնելով, որ իրավասու մարմինները պաշտոնական տեղեկությունը պետք է ժամանակին տրամադրեն։

ԵՐԵՎԱՆ, 12 մայիսի- Sputnik. ՀՀ մարդու իրավունքների պաշտպան Արման Թաթոյանը հորդորում է Հայաստանի սահմանների վիճակի հետ կապված չտարածել խուճապ առաջացնող տեղեկություններ, իսկ պետությանը՝ ապահովել ժամանակին և ամբողջական տեղեկությունների տարածումը։ ՄԻՊ-ը Facebook–ի իր էջում գրառում է արել` անդրադառնալով Սյունիքում ստեղծված իրավիճակին։

«Պաշտպանն արձանագրում է, որ հանրությունն ունի իրավիճակի մասին ժամանակին ամբողջական, հստակ ու հավաստի տեղեկություններ ստանալու իրավունք։ Ուստի իրավասու մարմինները պետք է ներդնեն բոլոր ջանքերը տեղեկատվական դաշտում պաշտոնական ինֆորմացիան հնարավորինս լայն տարածելու ուղղությամբ՝ դրանով իսկ բացառելով ապատեղեկատվության տարածումը»,–նշված է ՄԻՊ–ի գրառման մեջ։

Մարդու իրավունքների պաշտպանի աշխատակազմն արձանագրել է նաև ՀՀ սահմանների հետ կապված խուճապ և լարվածություն առաջացնող ապատեղեկատվություն: Պաշտպանը հորդորում է լրատվամիջոցներին ու սոցցանցերի օգտատերերին ձեռնպահ մնալ նման տեղեկությունների տարածումից:

Նշվում է նաև, որ Թաթոյանը և նրա աշխատակազմը կապի մեջ են համայնքային ու պետական իրավասու մարմինների հետ, և Մարդու իրավունքների պաշտպանի իրավասության սահմաններում նույնպես ձեռնարկվում են անհրաժեշտ քայլեր:

Հիշեցնենք` լրատվամիջոցներում ու սոցկայքերում լուրեր էին տարածվել, թե Սյունիքի մարզի Իշխանասար գյուղի հատվածում թշնամին մարտական գործողություններ է սկսել։

Գորիսի փոխհամայնքապետ Իրինա Յոլյանը Facebook-ում գրել էր, որ թշնամին Իշխանասարի հատվածում պետական սահմանն անցել է և ևս երեք կիլոմետր առաջ եկել դեպի Վերիշեն բնակավայր։

ՀՀ ՊՆ մամուլի ծառայությունն էլ հայտնել էր, որ մայիսի 12-ի առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։

0
թեգերը:
Սահման, Իշխանասար, Արման Թաթոյան, Սյունիք, Հայաստան
Ըստ թեմայի
Հայ գերիների նկատմամբ խոշտանգումները Բաքվի պետական քաղաքականության արդյունքն են. Թաթոյան
Պետությունը ոչինչ չի անում ու մեզ մեղադրում է մեդիատեռորի մեջ. Թաթոյանին ԱԺ–ում բարկացրին
Արման Թաթոյանը հրաժարական տալու մտադրություն չունի