Արխիվային լուսանկար

Դա համարձակ և ոգևորիչ քայլ է, որին սպասել ենք ավելի քան 1 դար․ ՀՀ նախագահը՝ Ջո Բայդենին

61
(Թարմացված է 13:45 30.04.2021)
Հայոց ցեղասպանության ճանաչումը ոչ միայն պատմական սխալի շտկում է, այլև հստակ ուղերձ է Թուրքիային՝ այս տարածաշրջանում իր նկրտումներից զերծ մնալու համար:

ԵՐԵՎԱՆ, 29 ապրիլի – Sputnik․ ՀՀ նախագահ Արմեն Սարգսյանը շնորհակալական նամակ է հղել ԱՄՆ նախագահ Ջո Բայդենին՝ հայ ժողովրդի և իր անունից երախտագիտություն հայտնելով Հայոց ցեղասպանությունը ճանաչելու համար:

«Դա համարձակ և ոգևորիչ քայլ է, որին սպասել ենք ավելի քան մեկ դար, և որը կարևոր է ամբողջ աշխարհի հայերի, այդ թվում՝ ամերիկահայերի համար, որոնք իրենց ողջ կյանքի ընթացքում ջանք և եռանդ չեն խնայել հանուն ճանաչման և բոլոր նրանց համար, ովքեր արդարություն են փնտրել»,- նշված է նամակում։

Արմեն Սարգսյանն անդրադարձել է նաև 2019 թվականին ԱՄՆ Ներկայացուցիչների պալատի կողմից Հայոց ցեղասպանության ճանաչմանը, որին հաջորդել էր ԱՄՆ Սենատի միասնական որոշումը: Արմեն Սարգսյանն ընդգծել է, որ Միացյալ Նահանգների կողմից Հայոց ցեղասպանության պաշտոնական ճանաչման գործընթացում նախագահի ուղերձը վճռորոշ է:

«Միացյալ Նահանգներն այդ հայտարարությամբ ոչ միայն իր հարգանքի տուրքն է մատուցում՝ ի հիշատակ մարդկության դեմ այդ սարսափելի ոճրագործության զոհերի, այլև դրանով պաշտպանում է մարդու իրավունքները, համընդհանուր արժեքները, ազատությունը և ժողովրդավարությունը»,- ընդգծված է նամակում։

Հայոց ցեղասպանության միջազգային ճանաչումն ու դատապարտումը կնպաստեն ողջ աշխարհում ցեղասպանությունների կանխարգելմանը և անպատժելիության վերացմանը:

ԱՄՆ-ի «կտրող-ծակող» փաստարկները, կամ ինչ է թաքնված Հայոց ցեղասպանության ճանաչման հետևում

Նախագահ Սարգսյանը շեշտում է՝ Հայոց ցեղասպանության ճանաչումը ոչ միայն պատմական սխալի շտկում է, այլև՝ հստակ ուղերձ Թուրքիային՝ զերծ մնալ իր նկրտումներից պայթյունավտանգ այս տարածաշրջանում:

Նախագահը նամակում անդրադարձել է նաև հայ-ամերիկյան հարաբերությունների զարգացման հեռանկարներին։ Նրա խոսքով՝ կա ԱՄՆ-Հայաստան հարաբերությունները ուժեղացնելու և երկկողմ ու բազմակողմ օրակարգը համալրելու մեծ ներուժ: Երկկողմ հարաբերությունների համատեքստում նա ընդգծել է տնտեսության, նոր տեխնոլոգիաների, կենսատեխնոլոգիայի, արհեստական բանականության և այլ ոլորտներում համագործակցությունը։

Նախագահն իր լիարժեք պատրաստակամությունն է հայտնել տքնաջան աշխատելու ԱՄՆ գործընկերոջ հետ՝ նշված կարևոր նպատակներին հասնելու համար:

Հիշեցնենք` ապրիլի 24-ին՝ Հայոց ցեղասպանության 106-րդ տարելիցին, ԱՄՆ 46-րդ նախագահ Ջո Բայդենը Օսմանյան Թուրքիայում իրագործված զանգվածային սպանությունները որակեց «ցեղասպանություն»: Թուրքիայի առաջնորդ Ռեջեփ Թայիփ Էրդողանի իր հերթին հայտարարեց, որ խորապես վշտացած է իր ամերիկյան գործընկերոջ հայտարարությամբ։

«Նրանց ներքին գործն է». Պեսկովը` Բայդենի կողմից Հայոց ցեղասպանությունը ճանաչելու մասին

61
թեգերը:
Հայոց ցեղասպանություն, Ջո Բայդեն, Արմեն Սարգսյան
Ըստ թեմայի
Մեր ընդհանուր Կարսը և Սղերդը. ինչպես կարող է թափ առնել Ցեղասպանության ճանաչման պայքարը
Արաբական երկրներն էլ կճանաչեն Ցեղասպանությունը. Եգիպտոսի կաթողիկե եկեղեցու արքեպիսկոպոս
Փորձագետը՝ ԱՄՆ-ի կողմից Հայոց ցեղասպանության ճանաչման մասին. Թուրքիան ՆԱՏՕ-ից դուրս չի գա
Լևոն Տեր-Պետրոսյան

Ընտրություն ձախողված իշխանության ու քրեաօլիգարխիկ համակարգի միջև. ՀԱԿ–ը որոշեց մասնակցել

21
(Թարմացված է 18:55 18.05.2021)
ՀԱԿ–ի հայտարարության համաձայն, հանրության մեծամասնությունը նման ընտրությունները չի դիտարկում որպես ճգնաժամի հանգուցալուծման միջոց։

ԵՐԵՎԱՆ, 18 մայիսի - Sputnik. Ազգային ժողովի առաջիկա արտահերթ ընտրություններին Հայ ազգային կոնգրեսի ընտրական ցուցակը կգլխավորի Հայաստանի առաջին նախագահ Լևոն Տեր-Պետրոսյանը, իսկ ընտրական շտաբը՝ կուսակցության փոխնախագահ Լևոն Զուրաբյանը։

Այսօր՝ մայիսի 18-ին, նման որոշում է ընդունվել Հայ ազգային կոնգրեսի նորընտիր վարչության անդրանիկ նիստում։

Վարչությունը նաև հայտարարություն է ընդունել, որում մասնավորապես ասվում է, որ երկրում առկա կառավարման ճգնաժամն ավելի է բարդանում երկրում ստեղծված ներքաղաքական ճգնաժամով և լարված հակամարտությամբ։ «Ժողովրդին ըստ էության առաջարկվում է ընտրություն կառավարման գործը ձախողած իշխանության և քրեաօլիգարխիկ կեղեքիչ համակարգի վերականգնմանը ձգտող ուժերի միջև»,– ասված է հայտարարության մեջ։

Ըստ ՀԱԿ–ի, հանրության մեծամասնությունը նման ընտրությունները չի դիտարկում որպես ճգնաժամի հանգուցալուծման միջոց։ Մինչդեռ, ՀԱԿ–ը որոշել է մասնակցել ընտրություններին` վստահ, որ կարող է ձևավորել արդար իշխանություն։

Ապրիլի 25-ին Նիկոլ Փաշինյանը հայտարարեց հրաժարական տալու մասին։ ՀՀ նախագահը ընդունեց վարչապետի և կառավարության հրաժարականը։ Խորհրդարանական արտահերթ ընտրությունների օր նշանակվեց հունիսի 20-ը։

Մայիսի 5–ին հայտնի դարձավ, որ Հայաստանի Հանրապետության առաջին նախագահ Լևոն Տեր-Պետրոսյանը մարտի 25–ի հանդիպման ժամանակ առաջարկել է ՀՀ 2–րդ նախագահ Ռոբերտ Քոչարյանին և ՀՀ 3–րդ նախագահ Սերժ Սարգսյանին արտահերթ խորհրդարանական ընտրություններին հանդես գալ միասնական դաշինքով։ Ռոբերտ Քոչարյանը տեղում մերժել է առաջարկը։

Փաշինյանը իրականացրեց Տեր-Պետրոսյանի՞ ծրագիրը. Լևոն Զուրաբյանի մեկնաբանությունը

ՀՀ վարչապետի պաշտոնակատար Նիկոլ Փաշինյանն էլ Լևոն Տեր-Պետրոսյանի առաջարկը բնութագրել էր «ավազակապետական հեղափոխության փորձ»։

Հետո Լևոն Տեր–Պետրոսյանը հրապարակել էր, որ մայիսի 1–ին հանդիպել է Սերժ Սարգսյանի հետ և առաջարկել է նրան ընտրություններին մասնակցել ՀԱԿ-ՀՀԿ դաշինքով և հանդես գալ իր կողմից շարադրված հայտարարությամբ: Սակայն Սարգսյանը մերժել է Տեր–Պետրոսյանին։

21
թեգերը:
Ընտրություններ, Հայ ազգային կոնգրես (ՀԱԿ), Լևոն Տեր-Պետրոսյան
Ըստ թեմայի
Տեր–Պետրոսյանը փորձել է իր առաջարկով իսկապես փաստի առաջ կանգնեցնել Փաշինյանին. Սուրենյանց
Սերժ Սարգսյանը ասել է, թե ինչու է մերժել Լևոն Տեր–Պետրոսյանին
Լևոն Տեր–Պետրոսյանն իր առանձնատանը հանդիպել է ՌԴ դեսպանի հետ
ՀՀ ԱԳ նախարարի տեղակալ Արտակ Ապիտոնյանն ընդունել է ԵԱՀԿ/ԺՀՄԻԳ դիտորդական առաքելության հիմնական կազմին

ԱԳ նախարարի տեղակալն ընդունել է ԵԱՀԿ/ԺՀՄԻԳ դիտորդական առաքելության անդամներին

39
(Թարմացված է 13:54 18.05.2021)
Արտակ Ապիտոնյանը վերահաստատել է Հայաստանի՝ արդար, թափանցիկ և եվրոպական չափանիշներին համապատասխան ընտրություններ անցկացնելու պատրաստակամությունը։ 

ԵՐԵՎԱՆ, 18 մայիսի - Sputnik. Մայիսի 18-ին ՀՀ ԱԳ նախարարի տեղակալ Արտակ Ապիտոնյանն ընդունել է ԵԱՀԿ ժողովրդավարական հաստատությունների և մարդու իրավունքների գրասենյակի(ԺՀՄԻԳ)՝ հունիսի 20-ին կայանալիք ԱԺ արտահերթ ընտրությունների դիտորդական առաքելության հիմնական կազմին՝ պատվիրակության ղեկավար Օուեն Մըրֆիի գլխավորությամբ։ Տեղեկությունը հայտնում են ՀՀ արտգործնախարարությունից։

Նախարարի տեղակալն կարևորել է ԵԱՀԿ/ԺՀՄԻԳ դիտորդական առաքելության դերն ընտրությունների դիտարկման ընթացքում և գոհունակությամբ արձանագրել ԵԱՀԿ/ԺՀՄԻԳ-ի հետ ընտրական գործընթացներում համագործակցությունը։

Արտակ Ապիտոնյանը վերահաստատել է Հայաստանի՝ արդար, թափանցիկ և եվրոպական չափանիշներին համապատասխան ընտրություններ անցկացնելու պատրաստակամությունը։ 

Հիշեցնենք` 2021թ–ի մարտի 18-ին վարչապետ Նիկոլ Փաշինյանը հայտարարել էր, որ հունիսի 20-ին Հայաստանում ԱԺ արտահերթ ընտրություններ կկայանան: Ավելի ուշ Ազգային ժողովը հաստատել էր Ընտրական օրենսգրքի փոփոխությունների նախագիծը, ըստ որի՝ խորհրդարանական ընտրությունները տեղի կունենան միայն համամասնական ընտրակարգով։

Ապրիլի 25-ին Նիկոլ Փաշինյանը հայտարարեց իր հրաժարականի մասին։

ՀՀ նախագահ Արմեն Սարգսյանը մայիսի 10-ի հրամանագրով խորհրդարանական արտահերթ ընտրությունների օր է նշանակել հունիսի 20-ը։

Լևոն Տեր–Պետրոսյանը կլինի վարչապետի թեկնածուն, եթե ՀԱԿ–ը մասնակցի ընտրություններին

39
թեգերը:
դիտորդ, Ընտրություններ, Հայաստան, ԵԱՀԿ
Ըստ թեմայի
Պատկերացնո՞ւմ եք` ընտրություններում հաղթի Քոչարյանը, իսկ Երևանի քաղաքապետ մնա դերասանը
Ընտրությունների հետ կապված դատախազությունում ձևավորվել է աշխատանքային խումբ
Չեմ բացառում, որ ռազմական դրություն հայտարարվի, ընտրությունը չեղարկվի. Նաիրա Զոհրաբյան
Արման Խոջոյան

Ինչպես ավելացնել բերքը. կառավարության ծրագրերն ու միջանկյալ արդյունքները

0

Հակաճգնաժամային ծրագրերի մի մասն ուղղվել էր գյուղատնտեսական նոր տեխնոլոգիաների ներդրմանը։ Այգեգործության, բանջարեղենի ու հացահատիկի մշակության համար մեկնարկել էր մի քանի ծրագիր, որոնց ընդհանուր արժեքը կազմել է շուրջ 100 միլիարդ դրամ։ Sputnik Արմենիայի հետ զրույցում էկոնոմիկայի նախարարի տեղակալ Արման Խոջոյանը ներկայացնում է ծրագրերի միջանկյալ արդյունքները։

Լիզինգ

2020 թվականին առաջարկվել էր լիզինգի սուբսիդավորման ծրագիր, իսկ օրենսդրության մեջ լուծվել են լիզինգի հետ կապված մի քանի խնդիրներ։ 2019-ի համեմատ, գյուղտեխնիկայի և վերամշակման սարքավորումների լիզինգի պորտֆելն աճել է 2,2 անգամ, և աճի միտումը շարունակվում է նաև 2021-ին։ 2020-ին լիզինգի ծրագրով իրավաբանական անձանց և անհատ ֆերմերների տրամադրվել է շուրջ 950 միավոր տեխնիկա` ընդհանուր 8,8 միլիարդ դրամ արժողությամբ։

Ավելացել է վերամշակման սարքավորումների (ներառյալ սառնարանները, գյուղատնտեսական նշանակության պահեստները և ջերմոցները) լիզինգի պետական օժանդակության սահմանաչափը` 450 միլիոնից մինչև 1 միլիարդ դրամ։ Շահառուները հիմնականում իրավաբանական անձիք են, քանի որ այդչափ մեծ ներդրումներն արդեն մեծ ծավալների արտադրության համար են։ Սակայն մեծ է նաև ֆերմերների/անհատների մասնակցությունը ծրագրին, որոնք ձեռք են բերում փոքր ծավալի վերամշակող սարքավորումներ, կթի ագրեգատներ և այլն։

Վարկեր

2020-ին կառավարությունը սուբսիդավորել է շուրջ 37 հազար վարկեր, որոնց ընդհանուր ծավալը կազմել է 63 միլիարդ մլրդ դրամ։

«Ձեռնարկությունների մի մասը այդ վարկերով ձեռք է բերել նոր արտադրական և մթերման կարողություններ։ 2020 թվականին, 2019-ի համեմատ, Հայաստանից արտահանվել է 3 հազար տոննա ավելի գյուղմթերք, կամ տոննաժով` 2%–ով ավելի։ Սակայն գումարային արտահայտությամբ աճը եղել է 27-29%, իսկ պահածոների ու հյութերի դեպքում` 30-36%։ Այսինքն, շուկայում առկա է պահանջարկ, իսկ նոր տեխնոլոգիաները և սարքավորումները կնպաստեն ավելի արդյունավետ արտադրության կազմակերպմանը, որն էլ իր հերթին կազդի ինքնարժեքի ձևավորման վրա»,– ընդգծում է փոխնախարարը։

Քերոբյանի խոստացած 30 մլն դոլարանոց գյուղատնտեսական ծրագիրն արդեն մեկնարկել է

Շարունակվում է տրամադրվել նաև տոկոսադրույքների սուբսիդիա` մթերման վարկերի (թե՛ կաթի, թե՛ միրգ–բանջարեղենի)։ 2020 թվականին այս ծրագրով սուբսիդավորվել է 181 կազմակերպության շուրջ 22 միլիարդ դրամի վարկ։

Ըստ այդմ, եթե 2019-ին մթերվել է 86 հազար տոննա պտուղ–բանջարեղեն (չհաշված խաղողը), ապա 2020-ին, չնայած բոլոր դժվարություններին, 98 հազար տոննա։

Հիմնական խնդիրն առաջացել է խաղողի մթերման ժամանակ, քանի որ գինու ու կոնյակի արտահանումը նվազել է մոտ 30%–ով, իսկ տեղի շուկայում վաճառքները նվազել են 70%–ով։ Միևնույն ժամանակ, խաղողի բերքը 2020 թվականին մոտ 35%-ով ավելի էր նախորդ տարվա համեմատ։ Այսինքն, կար մեծ առաջարկ և քիչ պահանջարկ։ Դրան գումարած` հոկտեմբերին քիչ էին բեռնատար մեքենաները (հայտնի պատճառներով)։ «Բայց և այնպես, հաջողվեց այնպես անել, որ ամբողջ խաղողը մթերվի», – նշեց փոխնախարարը։

Ցորենի սերմացու

2020-ին փորձարկվել էր աշնանացան ցորենի սերմացուի ծրագիրը․ ֆերմերները, իրենց ընտրությամբ, գնում էին ցորենի որակյալ (սերտիֆիկացված) սերմացու, որի 1 կգ–ի 70 դրամը (շուրջ մեկ երրորդը) փոխհատուցել էր կառավարությունը։ Ընդհանուր առմամբ, ձեռք է բերվել գրեթե 4 200 տոննա սերմացու, որը, մոտավոր հաշվարկով, ցանվել է 15-17 հազար հեկտարի վրա։

Ինտենսիվ այգեգործություն

Ընդլայնվել է ինտենսիվ այգեգործության ծրագիրը՝ ներառելով ինտենսիվ պտղատու ծառատեսակների, կարկտապաշտպան և ոռոգման համակարգերի ոլորտները։ Մինչև 100 հեկտար այգի հիմնելու դեպքում ֆերմերը պետությունից հետ է ստանում ծախսերի 50%-ը։

Այս տարի ծրագիրը համալրվել է ևս մեկ բաղադրիչով` բարձրարժեք մշակաբույսերի համար (ծնեբեկ, բրյուսելյան կաղամբ և այլն)։ 2020թ․-ին հիմնված այգիների ընդհանուր մակերեսը կազմում է շուրջ 570 հա, որը 10 անգամ ավելի է 2019թ․-ի ցուցանիշից։ Այս տարի ծրագրի նկատմամբ պահանջարկն անհամեմատ աճել է։

Ապահովագրություն

2020 թվականին գյուղատնտեսական ապահովագրության ծրագիրը գործարկվել է ծիրանի և խաղողի համար, արդյունքում կնքվել է մոտ 1 500 պայմանագիր` մոտ 2 500 հեկտար այգիների համար։ 2021-ին ապահովագրությունն ընդլայնվել է 11 մշակաբույսի համար, և առաջին եռամսյակում դրա ծածկույթը կազմել է արդեն մոտ 5 հազար հեկտար, իսկ պայմանագրերի թիվը գրեթե կրկնակի աճել է։ Կարկտի և ցրտահարության դեպքում պետությունը հատուցում է վնասների 50%-60%-ը։

Հայաստանի բանկերը պետք է հավելյալ հարկ վճարեն հակաճգնաժամային վարկերի համար. տնտեսագետ

2020-ին գործող ծրագրում կատարվեցին որոշ փոփոխություններ, որով հնարավորություն տրվեց տնտեսավարողներին ձեռք բերել ֆերմենտացիոն տարաներ, հնեցման համար տակառներ, տարատեսակ պարագաներ՝ ապակյա տարաներ, ասեպտիկ պարկեր, փականներ և այլն։ Իսկ կոնյակի սպիրտ արտահանողներին շահագրգռելու համար արտահանվող սպիրտի 100,000 լիտրից ավելի վճարվող յուրաքանչյուր 1 լիտրի 100 դրամը կառավարությունը հետ է վերադարձնում։ Այդ գումարը կարևոր դերակատարում ունի արտահանման շուկայում ավելի մրցունակ լինելու համար։

0
թեգերը:
Հայաստան, գյուղատնտեսություն
Ըստ թեմայի
Աշխատավարձից բացի ուրիշ ինչ. 2021-ին քաղաքացիների ծախսերի մասին ՀՀ ԿԲ–ի ենթադրությունները
Ծառուկյանն ուզում է մարդկանց մատից փուշ հանել. ինչ է առաջարկում նա
Ինչով է պայմանավորված սննադամթերքի գնաճը. պարզաբանում է տնտեսագետը