Արխիվային լուսանկար

«Եթե մենք գայլ ենք, ապա իրենք ոչ թե գելխեղդ են, այլ շնագայլեր են». Սերժ Սարգսյան

320
ՀՀ երրորդ նախագահ Սերժ Սարգսյանի հետ հարցազրույցի ամբողջական տարբերակը կցուցադրվի շուտով։

ԵՐԵՎԱՆ, 28 ապրիլի – Sputnik. ՀՀ երրորդ նախագահ Սերժ Սարգսյանը ArmNews ՀԸ-ը եթերում կինոռեժիսոր, «Իշխանություն» ֆիլմի սցենարիստ և ռեժիսոր Մհեր Մկրտչյանի հետ հարցազրույցում խոսել է 2018 թվականի «թավշյա հեղափոխության», դրան նախորդող իրադարձությունների, իշխանությունից հեռանալու մասին։

Հարցազրույցի ամբողջական տարբերակը կցուցադրվի շուտով, իսկ այժմ ՀԸ-ը կարճ անոնս է ներկայացրել։

«Եթե մենք գայլ ենք, ապա իրենք ոչ թե գելխեղդ են, այլ շնագայլեր են... Ես չեմ պարտվել սրանց, ես պարտվել եմ շատ ավելի ուժեղ մարդկանց... Իշխանությունը ստվեր է պատին, և լինում են դեպքեր, երբ փոքր մարդիկ մեծ ստվեր են գցում պատին»,–ասում է Սարգսյանը` նկատի ունենալով ՀՀ իշխանություններին։

Սերժ Սարգսյանը նաև խոսել է իր հրաժարականի տեքստի, դրա փոփոխության և լեգենդներ դարձած թեմաների մասին:

«Իշխանություն» ֆիլմի պրեմիերայից հետո ռեժիսոր Մհեր Մկրտչյանը ֆեյսբուքյան իր էջում գրել էր, որ պատահական չէր հայտնվել ՀՀ երրորդ նախագահ Սերժ Սարգսյանի կողքին:

«Պահանջատեր լինելուց առաջ ազգովի լինենք հայրենատեր». Սերժ Սարգսյանի ուղերձը

«Ֆիլմում իմ ստեղծած կերպարներից մեկն էլ նախագահի կերպարն է, և ես ունեի հնարավորություն ֆիլմը դիտելու ընթացքում հարցեր տալու նրան: Իսկ հարցերը նոր հարցեր ծնեցին: Պայմանավորվեցինք խոսել ֆիլմի մեջ տեղ գտած իրականի և ոչ իրականի մասին, ֆիլմի իշխանության և իրական իշխանության մասին: Ու ոչ միայն՝ 2018-ի մասին, մարդկանց մասին... Ես ունեմ հարցեր, մենք բոլորս ունենք հարցեր...»,– գրել էր ռեժիսորը։

Հիշեցնենք, որ «Իշխանություն» ֆիլմի պրեմիերան տեղի ունեցավ ապրիլի 16–ին։

Ֆիլմը պատմում է 2018 թվականի մայիսին տեղի ունեցած «թավշյա հեղափոխության», 2020 թվականի հուլիսին տեղի ունեցած հայ-ադրբեջանական ռազմական բախումների և Արցախյան 44-օրյա պատերազմի մասին։

320
Ըստ թեմայի
Սերժ Սարգսյանն ու ՌԴ դեսպանը հանդիպել են
Սերժ Սարգսյանի գրասենյակը հրաժարվում է մեկնաբանել «կապիտուլյանտի հնչեցրած ստերը»
Սերժ Սարգսյանը պատասխանել է Ալեքսանդր Լուկաշենկոյի հայտարարությանը
Ազգային ժողովի նախագահ Արարատ Միրզոյանը հանդիպել է Լիտվայի Սեյմասի նախագահ Վիկտորյա Չմիլիտե-Նիլսենի հետ:

Լիտվայի Սեյմասի նախագահը անհանգստություն է հայտնել հայ ռազմագերիների վերադարձի վերաբերյալ

16
(Թարմացված է 20:59 11.05.2021)
Արարատ Միրզոյանն իր լիտվացի պաշտոնակցի հետ հանդիպմանն ընդգծել է, որ Ադրբեջանի իշխանությունը շարունակում է հայատյացության իր քաղաքականությունը, ինչը ևս մեկ անգամ ապացուցում է, որ արցախահայերը որևէ պարագայում չեն կարող անվտանգ ապրել այդ երկրի կազմում:

ԵՐԵՎԱՆ, 11 մայիսի – Sputnik. Լիտվայի Հանրապետություն պաշտոնական այցի շրջանակներում այսօր` մայիսի 11-ին ՀՀ Ազգային ժողովի նախագահ Արարատ Միրզոյանը հանդիպել է Լիտվայի Սեյմասի նախագահ Վիկտորյա Չմիլիտե-Նիլսենի հետ, հայտնում են ԱԺ հասարակայնության հետ կապերի ու հաղորդակցության վարչությունից։

Председатель Нацсобрания Армении Арарат Мирзоян встретился с председателем Сеймаса Литвы Викторией Чмилите-Нильсен во время официального визита в Литву (11 мая 2021). Вильнюс
Ազգային ժողովի նախագահ Արարատ Միրզոյանը հանդիպել է Լիտվայի Սեյմասի նախագահ Վիկտորյա Չմիլիտե-Նիլսենի հետ:

Հայաստանի խորհրդարանի խոսնակը բարձր է գնահատել Լիտվայի աջակցությունը Հայաստանին համաճարակի դեմ պայքարում և երախտագիտություն հայտնել Հայոց ցեղասպանության ճանաչման, Ցեղասպանության զոհերի հիշատակի արարողություններին Լիտվայի բարձր մակարդակով մասնակցության համար:

Председатель Нацсобрания Армении Арарат Мирзоян встретился с председателем Сеймаса Литвы Викторией Чмилите-Нильсен во время официального визита в Литву (11 мая 2021). Вильнюс
Ազգային ժողովի նախագահ Արարատ Միրզոյանը հանդիպել է Լիտվայի Սեյմասի նախագահ Վիկտորյա Չմիլիտե-Նիլսենի հետ:

Արարատ Միրզոյանը նշել է, որ Ադրբեջանը շարունակում է կոպտորեն խախտել նոյեմբերի 9-ի եռակողմ հայտարարությունը՝ հրաժարվելով վերադարձնել հայ ռազմագերիներին և այլ պահվող անձանց: Ի հավելումն դրա՝ Ադրբեջանի իշխանությունը շարունակում է հայատյացության իր քաղաքականությունը, ինչը ևս մեկ անգամ ապացուցում է, որ արցախահայերը որևէ պարագայում չեն կարող անվտանգ ապրել այդ երկրի կազմում:

Սեյմասի նախագահը նշել է, որ Լիտվան շարունակում է անհանգստություն հայտնել ինչպես ռազմագերիների վերադարձի գործընթացի, այնպես էլ Ադրբեջանի կողմից հայկական մշակութային ժառանգության նկատմամբ ոտնձգությունների վերաբերյալ:

Председатель Нацсобрания Армении Арарат Мирзоян встретился с председателем Сеймаса Литвы Викторией Чмилите-Нильсен во время официального визита в Литву (11 мая 2021). Вильнюс
Ազգային ժողովի նախագահ Արարատ Միրզոյանը հանդիպել է Լիտվայի Սեյմասի նախագահ Վիկտորյա Չմիլիտե-Նիլսենի հետ:

Ի դեպ, այս տարի լրանում է Հայաստանի և Լիտվայի միջեւ դիվանագիտական հարաբերությունների հաստատման 30-ամյակը:

Հիշեցնենք, որ ոչ պաշտոնական տվյալներով՝ Ադրբեջանում է գտնվում մոտ 200 գերի։ Մինչ օրս Հայաստանին է վերադարձվել 73 զինվորական ու քաղաքացիական անձ։

16
թեգերը:
Լիտվա, գերի, Հայաստան
Ըստ թեմայի
Արարատ Միրզոյանն ու Քերոլայն Քոքսը հանդիպել են և պայմանավորվածություն ձեռք բերել
Արարատ Միրզոյանը շնորհակալական նամակ է հղել Լատվիայի Սաեյմայի նախագահին
Նիկոլ Փաշինյանն ու Արարատ Միրզոյանն այցելել են «Հաղթանակ» զբոսայգի. լուսանկարներ
Մանե Գևորգյան

Ադրբեջանը փորձում է արդարացնել գերիների վերադարձի պարտավորության չկատարումը. Մանե Գևորգյան

66
(Թարմացված է 18:15 11.05.2021)
Նիկոլ Փաշինյանի խոսնակը շեշտել է, որ ռազմագերիների և պահվող այլ անձանց անհապաղ և անվերապահ հայրենադարձման առնչությամբ միջազգային հանրության դիրքորոշումն առավել քան հստակ է։

ԵՐԵՎԱՆ, 11 մայիսի – Sputnik. Հավատարիմ իր ստանձնած մարդասիրական հանձնառություններին և համամարդկային արժեքներին՝ Հայաստանը միշտ առաջնայնություն է տվել մարդասիրական բնույթի խնդիրների լուծմանը: Այս մասին հայտարարել է ՀՀ վարչապետի խոսնակ Մանե Գևորգյանը՝ պատասխանելով «Արմենպրեսի» հարցին:

Մայիսի 11-ին Բաքվում Ռուսաստանի և Ադրբեջանի արտգործնախարարներ Սերգեյ Լավրովն ու Ջեյհուն Բայրամովը խոսել են մարդասիրական խնդիրների լուծման անհրաժեշտության մասին: Այդ համատեքստում հիշատակվել է ականապատված տարածքների քարտեզների տրամադրման մասին: Գործակալությունը խնդրել է մեկնաբանել այդ հայտարարությունը:

«Անթույլատրելի ենք համարում նոյեմբերի 9-ի եռակողմ հայտարարության 8-րդ կետով ստանձնած պարտավորությունների չկատարումը, որն Ադրբեջանը փորձում է արդարացնել՝ անհիմն մեկնաբանություններով: Ռազմագերիների և պահվող այլ անձանց անհապաղ և անվերապահ հայրենադարձման առնչությամբ միջազգային հանրության դիրքորոշումն առավել քան հստակ է»,– ասել է Գևորգյանը:

​Հիշեցնենք՝ նոյեմբերի 9–ի եռակողմ հայտարարության ընդունումից հետո Ադրբեջանից Հայաստան են վերադարձել 73 գերիներ։ Ոչ պաշտոնական տվյալներով` հարևան երկրում ավելի քան 200 հայ գերի կա։ Մայիսի 3–ին հայտնի դարձավ, որ 19 հայ գերիներ խոշտանգվել ու սպանվել են ադրբեջանցի զինծառայողների կողմից, նրանց մեջ նաև կանայք կան։

Մայիսի 4–ին Ադրբեջանն ազատ արձակեց գերության մեջ գտնվող ևս երեք հայի` Ռոբերտ Վարդանյանին, Սամվել Շուխյանին և Սեյրան Թամրազյանին։

Երևան հասնելուն պես նրանք բուժկենտրոն տեղափոխվեցին բժշկական հետազոտություն անցնելու համար։

66
թեգերը:
գերի, Մանե Գևորգյան (ՀՀ վարչապետի մամուլի խոսնակ), Ադրբեջան, Հայաստան
Ըստ թեմայի
Գերիների ազատման հարցում միջազգային ճնշման տակ Ադրբեջանը առաջ է քաշում կեղծ օրակարգեր
Նիկոլ Փաշինյանը Ղազախստանի նորանշանակ դեսպանի հետ քննարկել է գերիների հարցը
Ադրբեջանից վերադարձած գերիների համար վերասոցիալականացման ծրագրեր են մշակվում
Ստեփանակերտ

Ինչքան ժամանակ և որքան գումար է հարկավոր արցախցիների բնակարանային խնդիրը լուծելու համար

0
Արցախի Հանրապետության քաղաքաշինության նախարարը Sputnik Արմենիայի հետ հարցազրույցում ներկայացրել է շինարարության ընթացքն ու խոսել պատերազմի հետևանքով կրած վնասների մասին։

ԵՐԵՎԱՆ, 11 մայիսի – Sputnik, Դավիթ Գալստյան. Արցախցի ավելի քան 7 հազար ընտանիք բնակարանի կարիք ունի։ Տեղեկությունը Sputnik Արմենիային հայտնել է Արցախի Հանրապետության քաղաքաշինության նախարար Արամ Սարգսյանը:

«Նախնական տվյալներով՝ ավելի քան 7 հազար ընտանիք այժմ տան կարիք ունի։ Շինարարական աշխատանքների առաջին փուլում հին և լքված բնակարանային ֆոնդն ենք թարմացրել, վերանորոգել ու տրամադրել։ Արդեն ավելի քան 150 ընտանիք է տեղակայվել նման տներում։ Այժմ շինարարական աշխատանքներ են ընթանում մոտ 460 օբյեկտում», - ասաց Սարգսյանը։

Նրա խոսքով` երկրորդ փուլում «Հայաստան» համահայկական հիմնադրամի միջոցներով Իվանյան համայնքում կկառուցվի 180 բնակարան (3 հարկանի շենքեր): Այդ համայնքում Ուխտասար գյուղի բնակիչների համար նաև 80 մասնավոր տուն կկառուցվի (Ուխտասարն Ադրբեջանին է հանձնվել Ակնայով(Աղդամ)- խմբ.): Տենդերն արդեն կայացել է։ Շինարարությունը նախատեսում են ավարտեմ մեկ տարվա ընթացքում։

Մայրաքաղաք Ստեփանակերտի` ժողովրդին հայտնի «նախկին լողափ» թաղամասում 214 բնակարաններով նոր շրջան կկառուցվի  (14 հարկանի շենքեր): Այստեղ արդեն բնակարանները բնակիչներին կհանձնեն 2 տարվա ընթացքում։

Բացի այդ, ըստ նախարարի, տարբեր համայնքների թաղամասերի շինարարությունները նախագծման փուլում են: Երբ դրանք պատրաստ լինեն, կուղարկվեն համահայկական հիմնադրամ՝ մրցույթներ կազմակերպելու համար։

Վանաձորցին համաշխարհային ռեկորդ սահմանեց և իր հաղթանակը նվիրեց արցախյան հերոսներին

«Դրանց թվում են Աջափնյակը` Ստեփանակերտի շրջանում` շուրջ 400 բնակարան, Աստղաշեն, Նորագյուղ, Իվանյան, Հովսեփավան համայնքները, Մարտակերտի շրջանի Վարանդա համայնքում (Մարտունի) տների շինարարությունը։ Մեկնարկել է նաև Կարմիր շուկա գյուղում մասնավոր տների հավաքումը (մոտ 160)։ Ընդհանուր առմամբ կկառուցվի 25 - ից ավելի նոր շրջան», - ասաց Սարգսյանը՝ նշելով, որ Ստեփանակերտին բաժին է ընկնում ամբողջ շինարարության շուրջ 30 տոկոսը։

Նրա խոսքով ՝ նախատեսվում է շինարարական բոլոր ծրագրերն ավարտել 2,5-3 տարվա ընթացքում։ Եթե այսքանն իրականանա, Արցախում ապրել ցանկացող բոլոր տեղահանվածների բնակարանային հարցը կլուծվի։

Բնակարանաշինության ամբողջ ծրագրի արժեքը գնահատվում է ավելի քան 200 մլն դոլար։ Ընդ որում, շինանյութերը ամեն օր թանկանում են։

Ինչ վերաբերում է պատերազմի ժամանակ ենթակառուցվածքներին և բնակարանային ֆոնդին հասցված վնասի գնահատմանը (հայկական կողմի վերահսկողության տակ գտնվող տարածք), ապա այդ հաշվարկները բավականին մոտավոր են։

«Միաժամանակ ենք սկսել և՛ գույքագրման, և՛ շինարարության գործընթացը։ Այս պահին հաստատ չեմ կարող ասել, բայց ընդհանուր վնասը` ենթակառուցվածքների, բնակարանային ֆոնդի, հասարակական և վարչական շենքերի գնդակոծություններից կազմում է ավելի քան 40 մլրդ դրամ (մոտ 77 մլն դոլար)», - ասաց Սարգսյանը։

Նշենք, որ Արցախի Հանրապետության նախագահ Արայիկ Հարությունյանը հայտարարել էր, որ ավելի քան 1000 բնակարան շահագործման կհանձնվի երկու տարվա ընթացքում: Տների բաշխման ժամանակ առաջնահերթությունը կտրվի Շուշիի և Հադրութի բնակիչներին (Ադրբեջանի վերահսկողության տակ անցած տարածքներ), ինչպես նաև սոցիալական խոցելի խմբերին: Առաջին բնակարանները շահագործման կհանձնվեն արդեն այս տարվա վերջին։

0
թեգերը:
Պատերազմ, բնակարանաշինություն, բնակարան, շինարարություն, Լեռնային Ղարաբաղ, Ստեփանակերտ, Արցախ
Ըստ թեմայի
Մայիսի 9-ի գույնն Արցախում՝ առանց Շուշիի
Կարմիր Շուկան ռազմագերիների հետ փոխանակելը քննարկման ենթակա չէ․ Արցախի արտգործնախարար
Ռուս սակրավորներն Արցախում արդեն ավելի քան 650 կմ ճանապարհ են մաքրել