Էդմոն Մարուքյան

Բոլորը հին են, այդ թվում՝ գործող իշխանությունը․ Էդմոն Մարուքյան

292
(Թարմացված է 17:31 25.04.2021)
Նրա խոսքով՝ արտահերթ խորհրդարանական ընտրությունների նպատակը խաղաղության, հանդարտության, համերաշխության և միասնության մթնոլորտի վերականգնումն է։

ԵՐԵՎԱՆ, 25 ապրիլի – Sputnik․ ԱԺ «Լուսավոր Հայաստան» խմբակցությունը ոչ մեկին «չի քցելու», իշխանության հետ պայմանավորվածությունները չի խախտելու և ԱԺ-ում վարչապետի թեկնածու չի առաջադրելու։ Facebook-ի ուղիղ եթերում հայտարարեց խմբակցության ղեկավար Էդմոն Մարուքյանը։

Նրա խոսքով՝ առավոտից, ինչ հայտնի դարձավ Նիկոլ Փաշինյանի հրաժարականի մասին, տարբեր ուժեր հայտարարություններ ու կոչեր են հնչեցնում, որ եթե խորհրդարանական ուժերը չօգտվեն հնարավորությունից ու վարչապետի նոր թեկնածու չառաջադրեն, չկանխեն արտահերթ ընտրությունները, ապա ազգադավ են ու դավաճան։

«Մենք բան ենք պայմանավորվել։ Մենք խոսք ենք տվել, որ մենք չենք խոչընդոտելու խորհրդարանի արձակմանը, որպեսզի լինեն ընտրություններ․․․ Ոչ մի ճնշում չի աշխատելու մեզ վրա, անհնար է մեզ ճնշել, ոչ մի ավանտյուրայի մենք չենք գնալու, հետևաբար չենք պաշտպանելու որևէ մեկի առաջադրումն ու չենք առաջադրելու որևէ մեկին»,- նշեց Մարուքյանը։

Նրա խոսքով՝ արտահերթ խորհրդարանական ընտրությունների նպատակը խաղաղության, հանդարտության, համերաշխության և միասնության մթնոլորտի վերականգնումն է։

Շեշտում է՝ իրենց կուսակցությունը չի աջակցելու, որ ներկա իշխանությունը վերարտադրվի, որևէ կերպ չի էլ աջակցելու, որ Ռոբերտ Քոչարյանը կամ նախկին իշխանություններից որևէ մեկը վերադառնա։ Հավելում է՝ ոչ թե նախկին, այլ հին են բոլորը, այդ թվում՝ ներկա իշխանությունները։

Մարուքյանն ընդգծում է՝ ստեղծված քաղաքական ճգնաժամից դուրս գալու բոլոր մնացած միջոցները փորձարկվել են վերջին վեց ամիսների ընթացքում, միակ տարբերակն արտահերթ ընտրությունների գնալն էր։

«Գնում ենք մենակ, գնում ենք հաղթելու». Գագիկ Ծառուկյանը խոսեց ընտրությունների մասին

«Առաջ քֆուր էին դնում, որ ով համաձայնի ընտրություններին մասնակցել, եսիմ ինչ ա, հայաստանյան քաղաքական մշակույթ է, մեկ էլ տեսնեմ՝ քֆուր դնող ուժերն իրենք են առաջինը հայտարարում, որ մասնակցելու են։ Դուք ձեր վրա քֆու՞ր եք դնում։ Հիմա էլ քֆուր եք դնում, որ ով որ չտապալի պառլամենտը ցրելը․․․ Չի աշխատելու, չենք կարողանալու երկիրը նորից բերել ցնցումների վիճակի»,- նշում է Մարուքյանը։

Նկատում է, որ երբ հայտարարվեց ընտրությունների մասին, երկիրը խաղաղվեց, բայց դա հարաբերական անդորր է, իրականը անդորրը կարող է գալ ընտրություններով, երբ իրար հայհոյող խմբերը դուրս կշպրտվեն քաղաքական գործընթացներից։

Մարուքյանի կարծիքով՝ այս ընտրություններից է կախված նաև ՀՀ բնակչության՝ Հայաստանում ապրելու հարցը։ Վստահ է, որ եթե չլինի երրորդ տարբերակը և վերընտրվի Նիկոլ Փաշինյանը կամ «իրեն սարքած օպոնենտները» հաջողություն ունենան, մեծ արտագաղթ է սպասվում։ Հավատում է, որ այդ արտագաղթը հնարավոր է կանխել գալիք ընտրություններով։

Խորհրդարանական լծակներն «Իմ քայլի» ձեռքերում են․ Արման Աբովյան

Հիշեցնենք՝ այսօր Նիկոլ Փաշինյանը հայտարարեց իր հրաժարականի մասին։ Ըստ Սահմանադրության՝ ԱԺ-ն երկու անգամ պետք է վարչապետ չընտրի, ինչից հետո խորհրդարանը կլուծարվի։

Հունիսի 20-ին նախատեսվում է արտահերթ խորհրդարանական ընտրություններ անցկացնել։ Փաշինյանը հայտարարեց, որ մինչ ընտրություններն ինքը կկատարի վարչապետի պարտականություններն ամբողջ ծավալով։ Նա նաև տեղեկացրեց, որ «Քաղաքացիական պայմանագիր» կուսակցությունը կմասնակցի ընտրություններին․ վարչապետի թեկնածուն ինքն է։

292
թեգերը:
Ընտրություններ, Էդմոն Մարուքյան
Ըստ թեմայի
Քաղաքացու բերած, քաղաքացու տարած․ Գեղամ Մանուկյանը՝ Փաշինյանի հրաժարականի մասին
Արմեն Սարգսյանը ստորագրեց կառավարության հրաժարականն ընդունելու մասին հրամանագիրը
Ընտրությունները ՀՀ պետականության անփառունակ վախճանի նոր էջ կբացեն․ Աշոտյան
Ռոբերտ Քոչարյանը հանրահավաքում. 9 մայիսի, 2021

4.5 տարի անց Ադրբեջանը կարող է հրաժարվել ռուսական խաղաղապահ զորքերից. Քոչարյան

277
(Թարմացված է 18:19 09.05.2021)
ՀՀ երկրորդ նախագահը Ազատության հրապարակում հավաքվածներին հարց ուղղեց` որևէ մեկը լսե՞լ է այս իշխանություններից` արդյո՞ք պատրաստ են իրենք այդպիսի սցենարի։

ԵՐԵՎԱՆ, 9 մայիսի - Sputnik. Արցախի ապագան բավական մշուշոտ է։ Այս մասին այսօր Ազատության հրապարակում կազմակերպված հանրահավաքի իր ելույթում հայտարարեց ՀՀ երկրորդ նախագահ Ռոբերտ Քոչարյանը։

«Նոյեմբերի 9-ին ստորագրված այդ չարաբաստիկ հայտարարությամբ ենթադրվում է, որ 4.5 տարի անց Ադրբեջանը կարող է հրաժարվել ռուսական խաղաղապահ զորքերից։ Որևէ մեկը ձեզանից լսե՞լ է այս իշխնավորներից, թե ինչ են անում իրենք այդ ուղղությամբ, արդյո՞ք պատրաստ են իրենք այսպիսի սցենարի, թե՞ ոչ»,– ասաց Քոչարյանը։

Նա հայտարարեց, որ պարտության դեմք հանդիսացող իշխանությունը չի կարող արդյունավետ բանակցող լինել։

«Հնարավոր չէ բանակցել թշնամու հետ, եթե դու չորեքթաթ ես շարժվում, եթե ծնկների վրա ես կանգնած»,– ասաց նա։

Քոչարյանն ընդգծեց, որ գործող իշխանությունն այսօր ոչինչ չի անում քայքայված բանակը վերականգնելու համար։

Հիշեցնենք, որ ՀՀ երկրորդ նախագահ Ռոբերտ Քոչարյանը, ՀՅԴ Հայաստանի ԳՄ ներկայացուցիչ Իշխան Սաղաթելյանն ու «Վերածնվող Հայաստան» կուսակցության նախագահ Վահե Հակոբյանն այսօր համագործակցության հռչակագիր են ստորագրել՝ հայտարարելով ընտրություններին «Հայաստան» դաշինքով մասնակցելու մասին։

Քոչարյանը Տեր–Պետրոսյանին ու Սերժ Սարգսյանին միասնական պայքարելու առաջարկ արեց

Հռչակագրի ստորագրումից հետո դաշինքի անդամները ոտքով շարժվեցին Ազատության հրապարակ՝ հանրահավաքին մասնակցելու։

277
թեգերը:
հանրահավաք, Ռոբերտ Քոչարյան
Ըստ թեմայի
Նիկոլ Փաշինյանը հայտնեց` ինչ կարգախոսով է «Իմ քայլը» մասնակցելու ընտրություններին
Մասնակցելո՞ւ եք ընտրություններին և ինչո՞ւ. հարցախույզ Երևանում
«Սպաներ, միացեք». ԱԱԾ պահեստազորի սպաների միությունը վերահսկելու է գալիք ընտրությունները
Ռոբերտ Քոչարյանը ելույթ է ունենում հռչակագրի ստորագրումից առաջ

Քոչարյանը Տեր–Պետրոսյանին ու Սերժ Սարգսյանին միասնական պայքարելու առաջարկ արեց

306
(Թարմացված է 17:44 09.05.2021)
ՀՀ երկրորդ նախագահի համոզմամբ նա, ով չի պայքարում առաջին բաղադրիչով, ուղղակի դասալքություն է անում։

ԵՐԵՎԱՆ, 9 մայիսի - Sputnik. Ես առաջարկւմ եմ և՛ առաջին, և՛ երրորդ նախագահին միասնական պայքարել այս իշխանության դեմ։ Այսօր «Հայ Յեղափոխական Դաշնակցություն» և «Վերածնվող Հայաստան» կուսակցությունների հետ քաղաքական համագործակցության հռչակագրի ստորագրման արարողության ավարտին հայտարարեց ՀՀ երկրորդ նախագահ Ռոբերտ Քոչարյանը` պատասխանելով Տեր–Պետրոսյանի համանման առաջարկի վերաբերյալ լրագրողների հարցին։

«Եթե մտադրված են պայքարել, ուրեմն սա բոլորիս հաջողությունը կլինի։ Միասնական դաշինք ձևավորել–չձևավորելը ուղղակի այդ պայքարի տեխնիկաներից մեկն է։ Միայն կողջունեմ, եթե նաև իրենք ամբողջությամբ, ամբողջ չափով, ամբողջ թափով մտնեն այդ պայքարի մեջ»,– ասաց Քոչարյանը։

Նա նաև շեշտեց, որ այդ պայքարն ունի երկու բաղադրիչ. պայքար կործանարար իշխանության դեմ և պայքար` իշխանության համար։ Ըստ նրա` կարելի է պայքարել միայն առաջին բաղադրիչով։

Բայց նա, ով չի պայքարում առաջին բաղադրիչով, Քոչարյանի համոզմամբ, ուղղակի դասալքություն է անում։

Նիկոլ Փաշինյանը հայտնեց` ինչ կարգախոսով է «Իմ քայլը» մասնակցելու ընտրություններին

306
թեգերը:
Լևոն Տեր-Պետրոսյան, Սերժ Սարգսյան, Ռոբերտ Քոչարյան
Ըստ թեմայի
Կարևոր է, որ Հայաստանում ընտրությունները լինեն ազատ և օրինական. Փաշինյան
Առաջիկա ընտրությունները հեշտ չեն լինելու. Ռոբերտ Քոչարյանը` փողոցային պայքարի մասին
Դա քաղաքական բլեֆ է. քաղտեխնոլոգը խոսել է Փաշինյանի ելույթի և ընտրությունների մասին
Քիմ Քարդաշյան

Նման է հայի, հիշեցնում է պապիկիս. Քարդաշյանը հրապարակել է 2 տարեկան որդու լուսանկարը

425
(Թարմացված է 00:09 10.05.2021)
Քիմ Քարդաշյանի խոսքով ՝ երկու տարեկան Փսալմը ընտանիքի սիրելին է, որն իրենց կյանքում խաղաղություն է բերել:

ԵՐԵՎԱՆ, 9 մայիսի - Sputnik. Աշխարհահռչակ հեռուստաաստղ Քիմ Քարդաշյանն Instagram-ում շնորհավորել է իր կրտսեր որդու ծննդյան օրը, ով մայիսի 9-ին դարձել է 2 տարեկան։

Посмотреть эту публикацию в Instagram

Публикация от Kim Kardashian West (@kimkardashian)

«Իմ փոքրիկին ես ամենաշատը հայի եմ նմանեցնում։ Նա ինձ չափից շատ հայ է թվում` պապիս պես, և հիշեցնում է հայրիկիս: Նա ամենաքաղցրիկ բալիկն է: Ես նույնիսկ չեմ կարող նկարագրել նրա ժպիտն ու քաղցրությունը»,– գրում է Քարդաշյանը։

Նա նաև նշում է, որ փոքրիկն իրենց ընտանիքին ու իրենց կյանքին հանգստություն և խաղաղություն է բերել:

«Քո բոլոր զարմիկները և եղբայրները շատ են սիրում քեզ: Դու իսկապես մեր ուրախությունն ես: Մայրիկը քեզ շատ է սիրում »,– գրում է նա։ 

«Ուզում եմ անձամբ ձեզ ասել». Քիմ Քարդաշյանն արտասվել է իր շոուի նկարահանման ժամանակ

Հայտնի ռեփեր Քանյե Ուեսթի հետ ամուսնությունից Քիմը 4 երեխա ունի։

Աստղային զույգը պաշտոնապես ամուսնալուծվել է այս տարվա սկզբին:

425
թեգերը:
երեխա, Քիմ Քարդաշյան
Ըստ թեմայի
Քիմ Քարդաշյանը սկսել է հանդիպել CNN-ի լրագրողի հետ. լուսանկար
Քիմ Քարդաշյանը պատասխանել է ՀՀ նախագահի նամակին
Քիմ Քարդաշյանը, Թանկյանը` հանուն հայ երեխաների կրթական հնարավորությունների ընդլայնման