Եվգենի Սատանովսկի

Իսրայելը կարող է ԱՄՆ–ից հետո ճանաչել Հայոց ցեղասպանությունը. Սատանովսկի

276
Հայտնի ռուս քաղաքագետ Եվգենի Սատանովսկին անդրադարձել է ամերիկյան վարչակազմի կողմից Հայոց ցեղասպանության ճանաչման թեմային` ենթադրություն հայտնելով, որ այս հարցում ԱՄՆ–ին կհետևեն այլ երկրներ, օրինակ, Իսրայելը։

ԵՐԵՎԱՆ, 25 ապրիլի — Sputnik. ԱՄՆ նախագահ Ջո Բայդենի կողմից Հայոց ցեղասպանությունը ճանաչելուց հետո Իսրայելը կարող է հետևել այդ օրինակին, գրում է ռուս քաղաքագետ Եվգենի Սատանովսկին «Բայդենը և հայերը» հոդվածում` հրապարակված նրա Telegram ալիքում։

Նրա խոսքով` երկար ժամանակ Էրդողանին` որպես Իսրայելի գրեթե միակ խոշոր տարածաշրջանային դաշնակցի հաջողվել է հետ պահել երկիրն այդ քայլից` «չնայած Հայոց ցեղասպանությունը պաշտոնական մակարդակում ճանաչելու իսրայելցիների պահանջներին»։ Բայց Էրդողանը խիստ փչացրել է Իսրայելի հետ հարաբերությունները, ինչը ամերիկյան նախագահի նախաձեռնությանը Իսրայելի միանալու վերաբերյալ կանխատեսումն ավելի իրատեսական է դարձնում։

Սատանովսկին կարծում է, որ Էրդողանին այդ իրավիճակում կօգնի Ալիևը, քանի որ Բաքուն Իսրայելի համար, հաշվի առնելով Իրանի հետ նրա հակասությունները, միակ գործընկերն է, և Իսրայելի վարչապետ Նեթանյահուն ավելի մեծ հավանականությամբ կլսի Ադրբեջանի նախագահ Ալիևին։

Ինչ վերաբերում է ԱՄՆ նախագահ Բայդենի կողմից Հայոց ցեղասպանության ճանաչման փաստին, Սատանովսկին կարծում է, որ պատմական տեսանկյունից հարցեր չկան. «Հայերի ցեղասպանություն եղել է, այն ցուցադրաբար փորձել են «չնկատել», և հենց դա է դրդել Հիտլերին «հրեական հարցի վերջնական լուծմանը»»։

Քաղաքագետը միաժամանակ կարծում է, որ Հայոց ցեղասպանությունը ճանաչելու Սպիտակ տան որոշումն ուղղված էր ավելի շատ ներքաղաքական խնդիրների լուծմանը, քան Թուրքիային սանձելուն։

«Իզուր են լրագրողները և քաղաքագետները թաքնված իմաստ որոնում Բայդենի որոշման մեջ` վերլուծելով թուրք–ամերիկյան հարաբերությունները։ Վաշինգտոնը թքած ունի Անկարայի և նրա վրա, թե այն ինչ է ուզում կամ չի ուզում։ Բայդենը ենթադրում է, որ այն ոչ մի տեղ չի կորչի»,– գրել է Սատանովսկին։

Սա բարոյական հաղթանակ է․ Արցախի ԱԳՆ-ն՝ Բայդենի հայտարարության մասին

Ռուս քաղաքագետն անդրադարձել է նաև հայ–ադրբեջանական հակամարտության գոտում այսօրվա իրավիճակին` նշելով, որ ռուս խաղաղապահները կանխել են Արցախի հայ բնակչության զանգվածային սպանությունները և արտաքսումը։ Նա ընդգծել է այն փաստը, որ թե՛ ԽՍՀՄ–ում, թե՛ ժամանակակից Ռուսաստանում փորձում են կանխել ազգամիջյան հակամարտությունները, իսկ Թուրքիան` հակառակը, ուստի անհասկանալի է, թե ինչպիսի քայլեր կձեռնարկի Էրդողանը Վաշինգտոնի կողմից Հայոց ցեղասպանությունը ճանաչելուց հետո։

Հիշեցնենք՝ ապրիլի 24-ին՝ Հայոց ցեղասպանության 106-րդ տարելիցին, ԱՄՆ 46-րդ նախագահ Ջո Բայդենը 20-րդ դարասկզբին Օսմանյան Թուրքիայում իրագործված զանգվածային սպանությունները որակեց որպես «ցեղասպանություն»: Դրան անմիջապես հաջորդեց Թուրքիայի արտգործնախարարության արձագանքը։ Արտգործնախարար Մևլութ Չավուշօղլուն Բայդենի հայտարարությունը պոպուլիստական անվանեց՝ ընդգծելով, որ Թուրքիան մերժում է այն։

276
թեգերը:
Եվգենի Սատանովսկի, Իսրայել, ԱՄՆ, Հայոց ցեղասպանություն
Ըստ թեմայի
Ցեղասպանության ճանաչումը իրավական հետևանք չի ունենա. Թուրքիայի խորհրդարանի խոսնակ
«Վերջապես այդ օրը եկավ»․ Քիմ Քարդաշյանն արձագանքել է Ջո Բայդենի հայտարարությանը
«Արդարությունը հաղթեց»․ Ռոբերտ Քոչարյանն իր երախտագիտությունն է հայտնել ԱՄՆ նախագահին
ՀՀ ԱԳ նախարարի տեղակալ Արտակ Ապիտոնյանն ընդունել է ԵԱՀԿ/ԺՀՄԻԳ դիտորդական առաքելության հիմնական կազմին

ԱԳ նախարարի տեղակալն ընդունել է ԵԱՀԿ/ԺՀՄԻԳ դիտորդական առաքելության անդամներին

25
(Թարմացված է 13:54 18.05.2021)
Արտակ Ապիտոնյանը վերահաստատել է Հայաստանի՝ արդար, թափանցիկ և եվրոպական չափանիշներին համապատասխան ընտրություններ անցկացնելու պատրաստակամությունը։ 

ԵՐԵՎԱՆ, 18 մայիսի - Sputnik. Մայիսի 18-ին ՀՀ ԱԳ նախարարի տեղակալ Արտակ Ապիտոնյանն ընդունել է ԵԱՀԿ ժողովրդավարական հաստատությունների և մարդու իրավունքների գրասենյակի(ԺՀՄԻԳ)՝ հունիսի 20-ին կայանալիք ԱԺ արտահերթ ընտրությունների դիտորդական առաքելության հիմնական կազմին՝ պատվիրակության ղեկավար Օուեն Մըրֆիի գլխավորությամբ։ Տեղեկությունը հայտնում են ՀՀ արտգործնախարարությունից։

Նախարարի տեղակալն կարևորել է ԵԱՀԿ/ԺՀՄԻԳ դիտորդական առաքելության դերն ընտրությունների դիտարկման ընթացքում և գոհունակությամբ արձանագրել ԵԱՀԿ/ԺՀՄԻԳ-ի հետ ընտրական գործընթացներում համագործակցությունը։

Արտակ Ապիտոնյանը վերահաստատել է Հայաստանի՝ արդար, թափանցիկ և եվրոպական չափանիշներին համապատասխան ընտրություններ անցկացնելու պատրաստակամությունը։ 

Հիշեցնենք` 2021թ–ի մարտի 18-ին վարչապետ Նիկոլ Փաշինյանը հայտարարել էր, որ հունիսի 20-ին Հայաստանում ԱԺ արտահերթ ընտրություններ կկայանան: Ավելի ուշ Ազգային ժողովը հաստատել էր Ընտրական օրենսգրքի փոփոխությունների նախագիծը, ըստ որի՝ խորհրդարանական ընտրությունները տեղի կունենան միայն համամասնական ընտրակարգով։

Ապրիլի 25-ին Նիկոլ Փաշինյանը հայտարարեց իր հրաժարականի մասին։

ՀՀ նախագահ Արմեն Սարգսյանը մայիսի 10-ի հրամանագրով խորհրդարանական արտահերթ ընտրությունների օր է նշանակել հունիսի 20-ը։

Լևոն Տեր–Պետրոսյանը կլինի վարչապետի թեկնածուն, եթե ՀԱԿ–ը մասնակցի ընտրություններին

25
թեգերը:
դիտորդ, Ընտրություններ, Հայաստան, ԵԱՀԿ
Ըստ թեմայի
Պատկերացնո՞ւմ եք` ընտրություններում հաղթի Քոչարյանը, իսկ Երևանի քաղաքապետ մնա դերասանը
Ընտրությունների հետ կապված դատախազությունում ձևավորվել է աշխատանքային խումբ
Չեմ բացառում, որ ռազմական դրություն հայտարարվի, ընտրությունը չեղարկվի. Նաիրա Զոհրաբյան
Գագիկ Ծառուկյան

Հայտնի է` ովքեր կլինեն ԲՀԿ–ի նախընտրական ցուցակի առաջին եռյակում

327
(Թարմացված է 11:02 18.05.2021)
Արման Աբովյանը տեղեկացրել է, թե ովքեր են գլխավորելու ԲՀԿ–ի նախընտրական ցուցակը։ Այս առումով անակնկալներ չկան։

ԵՐԵՎԱՆ, 18 մայիսի – Sputnik. «Բարգավաճ Հայաստան» կուսակցության նախընտրական ցուցակի առաջին եռյակը հայտնի է. խմբակցության քարտուղար Արման Աբովյանը հայտնել է նրանց անունները` գրառում անելով ֆեյսբուքյան իր էջում։

«Բարգավաճ Հայաստան» կուսակցության նախընտրական ցուցակի առաջին եռյակը` Գագիկ Ծառուկյան, Միքայել Մելքումյան, Իվետա Տոնոյան: ...շարունակելի»,-գրել է Աբովյանը։

Հիշեցնենք` ԱԺ արտահերթ ընտրությունները նախատեսված են հունիսի 20-ին։

Օնիկ Գասպարյանը Ռոբերտ Քոչարյանի թիմում է հայտնվել «Հրապարակ»

327
թեգերը:
Գագիկ Ծառուկյան, Բարգավաճ Հայաստան կուսակցություն (ԲՀԿ), Հայաստան
Ըստ թեմայի
Լևոն Տեր–Պետրոսյանն ասաց` ինչո՞վ է վտանգավոր թե՛ Փաշինյանի, թե՛ Քոչարյանի հաղթանակը
Վանո Սիրադեղյանը ՀԱԿ վարչության անդամ է, բայց ընտրական ցուցակում չի լինելու
Սյունիքյան դեպքերը կազդեն նախընտրական տրամադրությունների վրա. քաղտեխնոլոգն ասաց` ինչպես
Пожар у здания парламента Армении (9 ноября 2019). Еревaн

Հրդեհ է բռնկվել Երևանի երեքհարկանի շենքերից մեկի տանիքում. տեսանյութ

0
(Թարմացված է 17:42 18.05.2021)
Հայտարարվել է հրդեհի բարդության «1 ԲԻՍ» կանչ․ դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից ևս երկու մարտական հաշվարկ և մեկ ավտոսանդուղք։

Երևանի Պուշկին-Սարյան փողոցների խաչմերուկի երեքհարկանի շենքի տանիքում հրդեհ է բռնկվել։ Տեղեկությունը հայտնում է ՀՀ ԱԻՆ մամուլի ծառայությունը։

Հայտնում են, որ Ճգնաժամային կառավարման ազգային կենտրոն ահազանգը ստացվել է մայիսի 18-ին, ժամը 17:04-ին։ Տեղեկացրել են, որ երեքհարկանի շենքի տանիքում, հրդեհ է բռնկվել։

Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ, Ճգնաժամային կառավարման ազգային կենտրոնի և Հրդեհաշիջման և փրկարարական աշխատանքների կազմակերպման բաժնի օպերատիվ խմբերը։

Հայտարարվել է հրդեհի բարդության «1 ԲԻՍ» կանչ․ դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից ևս երկու մարտական հաշվարկ և մեկ ավտոսանդուղք։

Ըստ նախնական տվյալների՝ հրդեհը բռնկվել է շենքի տանիքում (240 քմ)։

0
թեգերը:
շենք, Երևան, ՀՀ արտակարգ իրավիճակների նախարարություն (ԱԻՆ), հրդեհ