Արմեն Աշոտյան

Ընտրությունները ՀՀ պետականության անփառունակ վախճանի նոր էջ կբացեն․ Աշոտյան

691
(Թարմացված է 13:37 25.04.2021)
ՀՀԿ-ն մասնակցելու է քաղաքական պայքարին, սակայն ձևաչափի վերաբերյալ քաղաքական որոշում առայժմ կայացված չէ։

ԵՐԵՎԱՆ, 25 ապրիլի – Sputnik․ Արտահերթ խորհրդարանական ընտրությունները մեր երկրում ստեղծված խնդիրների համար լուծում չեն դառնալու՝ լրիվ հակառակը։ Sputnik Արմենիայի հետ զրույցում նման կարծիք հայտնեց Հայաստանի Հանրապետական կուսակցության փոխնախագահ Արմեն Աշոտյանը։ Նա վստահ է, որ փլուզվող տնտեսությամբ, օրեցօր խորացող սոցիալական ճգնաժամով, սահմանային անվտանգության սպառնալիքներով մեր երկիրը չի կարող իրեն թույլ տալ գնալ ընտրությունների։ Սա «դժոխքի շղթայի» մի մասն է։

«Ընտրությունները խնդրի լուծում չեն լինելու, այլ Հայաստանի պետականության անփառունակ անկման նոր էջ են բացելու»,- նշեց Աշոտյանը։

Մեկնաբանելով Նիկոլ Փաշինյանի հրաժարականը՝ նա ընդգծեց, որ տեխնիկապես սա դեռ նախընտրական գործընթացի սկիզբ չի նշանակում, քանի որ Փաշինյանը դեռ հնարավորություն ունի «դուրս թռչել այս գնացքից», առավել ևս եթե ընդդիմադիր խմբակցությունները համարձակություն ունենան երկու շաբաթվա ընթացքում վարչապետի նոր թեկնածու առաջադրել։

«Սա երևի թե պատմական վերջին հնարավորություն կլինի փրկելու հայկական պետականությունը փլուզման և կազմալուծման հաջորդ փուլից»,- նշեց Աշոտյանը։

Նա վստահ է, որ եթե Փաշինյանը գնա արտահերթ ընտրությունների, ապա բացառապես «արտաքին ուժերի պահանջով»։ Խոսքը վերաբերում է Ռուսաստանի Դաշնությանը, ԱՄՆ-ին, Եվրամիությանը։ Երկրի ներսում Աշոտյանը չի տեսնում տրամադրություններ ընտրությունները հիմա անցկացնելու համար։

Աշոտյանը նկատում է, որ ընդդիմադիր ճամբարն էլ, որ դեռ նախորդ տարվա դեկտեմբերին հրաժարվեց այս ծուղակից, չկարողացավ պահպանել միասնականությունը։ Արդեն գրեթե բոլոր ընդդիմադիր ուժերը հայտարարել են, որ մասնակցելու են արտահերթ խորհրդարանական ընտրություններին։

ՀՀԿ-ն առայժմ չի հայտարարել իր դիրքորոշման մասին։

Քաղաքացու բերած, քաղաքացու տարած․ Գեղամ Մանուկյանը՝ Փաշինյանի հրաժարականի մասին

«Բոլորը վազեցին, մենք էլ վազեցինք»,- հայտնի ֆիլմի արտահայտություններից մեկը հիշեցրեց Աշոտյանն ու ընդգծեց՝ քանի որ Հայրենիքի փրկության շարժման գրեթե բոլոր խոշոր ուժերը հայտարարել են արտահերթ ընտրություններին մասնակցելու մասին, ՀՀԿ-ին մանևրելու քիչ հնարավորություններ են լինելու։

«Թերեևս ՀՀԿ-ն ինչ-որ ձևաչափով կմասնակցի քաղաքական այս պայքարին։ Առանց մեզ այս պայքարը չի լինի»,- հայտարարեց նա։ Ընդգծեց՝ առայժմ ձևաչափի հետ կապված քաղաքական որոշում չկա։

Այնուամենայնիվ, ուրախալի կանխատեսումներ երկրում կատարվող գործընթացների շուրջ Աշոտյանն այս պահին չի տեսնում։

Հիշեցնենք՝ մարտի 18-ին վարչապետ Նիկոլ Փաշինյանը հայտարարեց, որ հունիսի 20-ին Հայաստանում ԱԺ արտահերթ ընտրություններ կկայանան: Ավելի ուշ Ազգային ժողովը հաստատեց Ընտրական օրենսգրքի փոփոխությունների նախագիծը, ըստ որի՝ խորհրդարանական ընտրությունները տեղի կունենան միայն համամասնական ընտրակարգով։

691
թեգերը:
Արմեն Աշոտյան, Ընտրություններ, Հրաժարական, Նիկոլ Փաշինյան
Ըստ թեմայի
Նիկոլ Փաշինյանը հրաժարական տվեց. տեսանյութ
«Քաղաքացիական պայմանագիրը» կմասնակցի արտահերթին․ Փաշինյանը վարչապետի թեկնածուն է
Արմեն Սարգսյանը ստորագրեց կառավարության հրաժարականն ընդունելու մասին հրամանագիրը
Դավիթ Հարությունյան. արխիվային լուսանկար

Կան մոտեցումներ, որոնք տարբերվում են. Հարությունյանը` Քոչարյանի հետ դաշինք կազմելու մասին

43
(Թարմացված է 14:30 15.05.2021)
Դավիթ Հարությունյանը վստահեցնում է, որ համագործակցում են Ռոբերտ Քոչարյանի հետ, քանի որ իրենց նպատակը նույնն է։ Նա չբացառեց նաև ՀԱԿ–ի հետ դաշինք կազմելը։

ԵՐԵՎԱՆ, 15 մայիսի- Sputnik. «Պատիվ ունեմ» դաշինքը չմիավորվեց ՀՀ երկրորդ նախագահ Ռոբերտ Քոչարյանի հետ, քանի որ կան որոշակի մոտեցումներ, որոնք տարբերվում են։ Այս մասին հայտնեց «Պատիվ ունեմ» նախընտրական շտաբի ներկայացուցիչ, արդարադատության նախկին նախարար Դավիթ Հարությունյանը` պատասխանելով հարցին, թե ինչո՞ւ դաշինք չկազմեցին Քոչարյանի հետ։

Նշենք, որ ՀՀԿ–ն և «Հայրենիք» կուսակցությունն այսօր դաշինք կազմավորելու մասին հուշագիր ստորագրեցին։ Նրանք ընտրություններին կմասնակցեն «Պատիվ ունեմ» դաշինքով:

«Մեր նպատակները նույնն են` ունենալ անվտանգ և զարգացող Հայաստան, հեռացնել գործող իշխանություններին։ Սակայն կան մոտեցումներ էլ, որ տարբեր են, բայց սա չի նշանակում, որ մենք չենք համագործակցում։ Մենք համագործակցում ենք, սակայն ընտրողներին նաև այլընտրանք են առաջարկել»,–ասաց Հարությունյանը։

Հարությունյանը հավելեց` այն, որ ընդդիմադիր ուժերը տարբեր ճակատներով են պայքարի գնում, ամենևին էլ չի նշանակում ուժերի փոշիացում։ Ավելին, իրենք կարծում են, որ այդպես ավելի ճիշտ և արդյունավետ է։

Մեկ այլ հարցի, թե հնարավո՞ր է, որ ՀԱԿ–ն էլ միանա իրենց դաշինքին` Հարությունյանը նշեց, որ ոչինչ չի բացառում և միայն իշխանության կողմից ստեղծված կեղծ ընդդիմադիր ուժերի հետ համագործակցությունն են բացառում։

Հիշեցնենք, որ հունիսի 20-ին Հայաստանում նախատեսված են արտահերթ խորհրդարանական ընտրություններ։

Վանեցյանը ժամանակին գիտակցեց շնագայլերի էությունը. Սերժ Սարգսյանը` դաշինք կազմելու մասին

43
թեգերը:
«Հայրենիք» կուսակցություն, Հայաստանի Հանրապետական կուսակցություն (ՀՀԿ), «Պատիվ ունեմ» դաշինք, Ռոբերտ Քոչարյան, Դավիթ Հարությունյան
Ըստ թեմայի
Պատկերացնո՞ւմ եք` ընտրություններում հաղթի Քոչարյանը, իսկ Երևանի քաղաքապետ մնա դերասանը
Ի՞նչ ցույց տվեց Ռոբերտ Քոչարյանի, ՀՅԴ–ի ու «Վերածնվող Հայաստանի» հանրահավաքը
Սերժ Սարգսյանի և Քոչարյանի շահերից է բխում, որ ՀԱԿ-ը մասնակցի ընտրություններին․ «Հրապարակ»
Արթուր Վանեցյան. արխիվային լուսանկար

«Կպնենք գործին, որ ապրենք». Արթուր Վանեցյանի կոչը ժողովրդին

26
(Թարմացված է 14:17 15.05.2021)
Արթուր Վանեցյանը նշում է, որ մենք լուրջ խնդիրների առաջ ենք և դրա վառ ապացույցը թշնամու զորքերի անարգել ներթափանցումն է Սյունիքի ու Գեղարքունիքի մարզեր։

ԵՐԵՎԱՆ, 15 մայիսի- Sputnik. Այսօր կանգնած ենք պետականություն կորցնելու և նույնիսկ բնաջնջվելու իրական սպառնալիքի առաջ։ «Պատիվ ունեմ» դաշինքի հուշագրի ստորագրման ժամանակ նման հայտարարություն արեց դաշինքի վարչապետի թեկնածու Արթուր Վանեցյանը։

Նշենք, որ ՀՀԿ–ն և «Հայրենիք» կուսակցությունը արտահերթ խորհրդարանական ընտրություններին կմասնակցեն «Պատիվ ունեմ» դաշինքով: Այսօր` մայիսի 15–ին, ստորագրվեց դաշինք կազմավորելու մասին հուշագիր։

«Մեր հայրենակիցների մի հատված այսօր սգակիր է, և դրանում մեղավոր ենք բոլորս՝ ժողովուրդը, մտավորականությունը, քաղաքական վերնախավը: Բոլորիս սխալների ու բացթողումների հետևանքով Հայաստանում իշխանության է եկել մի ուժ, որը կործանել է ամեն ինչ»,–ասաց Վանեցյանը։

Վանեցյանը ժամանակին գիտակցեց շնագայլերի էությունը. Սերժ Սարգսյանը` դաշինք կազմելու մասին

Նրա խոսքով` մենք լուրջ խնդիրների առաջ ենք և դրա վառ ապացույցը օրերս թշնամու զորքերի անարգել ներթափանցումն է Սյունիքի ու Գեղարքունիքի մարզերի տարածքներ։ Վանեցյանը վստահեցնում է` այդ սպառնալիքը հաղթահարելու մեկ հնարավորություն կա՝ մեկտեղել մեր ժողովրդի բոլոր կարողությունները:

«Այլ տարբերակ չկա, բավակա՛ն է արդեն։ Սիրելի՛ ժողովուրդ, իմ կոչը քեզ` ուղղիր մեջքդ, կպնենք գործին, որ ապրենք»,–իր խոսքն ամփոփեց Վանեցյանը։

Հիշեցնենք, որ հունիսի 20-ին Հայաստանում նախատեսված են արտահերթ խորհրդարանական ընտրություններ։

Պատկերացնո՞ւմ եք` ընտրություններում հաղթի Քոչարյանը, իսկ Երևանի քաղաքապետ մնա դերասանը

26
թեգերը:
Հայաստան, Ընտրություններ, «Պատիվ ունեմ» դաշինք, Արթուր Վանեցյան
Ըստ թեմայի
Վանեցյան, Համբարձումյան և այլք. ԱԱԾ բարձրաստիճան սպաների միությունը գրանցվել է. «Հրապարակ»
Չենք գնդակահարի. Շարմազանովը խոսել է Վանեցյանի հետ դաշինքի և երկրում տիրող իրավիճակի մասին
ԱԱԾ վետերանները չեն սպասարկելու «Հայրենիք» կուսակցության շահերը. Վանեցյան