Նիկոլ Փաշինյան

Նիկոլ Փաշինյանը հրաժարական տվեց. տեսանյութ

796
(Թարմացված է 13:01 25.04.2021)
Հունիսի 20-ին հանրապետությունում կանցկացվեն արտահերթ խորհրդարանական ընտրություններ, եթե Ազգային ժողովը երկու անգամ վարչապետ չընտրի։

ԵՐԵՎԱՆ, 25 ապրիլի – Sputnik․ Վարչապետ Նիկոլ Փաշինյանը հրաժարական տվեց։ Քիչ առաջ այդ մասին նա հայտարարեց ուղիղ եթերում իր ուղերձի ընթացքում։

«Քաղաքացիական պայմանագիրը» կմասնակցի արտահերթին․ Փաշինյանը վարչապետի թեկնածուն է

«Ես կարող էի հրաժարական տալ ոչ պարտադիր այսօր, բայց կարևոր համարեցի, որ հրաժարականը տամ հենց այսօր՝ ՀՀ քաղաքացու օրը։ Սա կարևոր խորհրդանիշն է այն բանի, որ այսպիսով ՀՀ քաղաքացուց ստացած իշխանությունը մենք վերադարձնում ենք քաղաքացուն, որպեսզի նա՝ ՀՀ քաղաքացին, որոշի իշխանության ապագա ճակատագիրը ազատ, արդար, մրցակցային ընտրություններով»,- հայտարարեց Փաշինյանը։

Այսպիսով՝ հունիսի 20-ին հանրապետությունում արտահերթ խորհրդարանական ընտրություններ կանցկացվեն, եթե ըստ Սահմանադրության՝ ԱԺ-ն երկու անգամ վարչապետ չընտրի։

Փաշինյանը նշեց, որ այսօրվա ուղերձում չի ցանկանում անդրադառնալ 2018-ից ի վեր ունեցած հաջողություններին ու պարտություններին։ Խոստացավ՝ առաջիկա նախընտրական շրջանում դրանց անդրադառնալ։

Նրա խոսքով՝ արտահերթ խորհրդարանական ընտրությունների անցկացումը կարևոր է։ 2020թվականին տեղի ունեցած աղետալի իրադարձությունների մասին արտահայտվել են տարբեր քաղաքական ուժեր, հասարակական կազմակերպություններ և այլն։
Միակ սուբյեկտը, որը կարծիք հայտնելու ինստիտուցիոնալ հնարավորություն չի ունեցել, ժողովուրդն է։

«Ժողովուրդը պետք է իր խոսքն ասելու, անցյալի վերաբերյալ գնահատականներ տալու և ապագայի վերաբերյալ որոշումներ կայացնելու հնարավորություն ունենա, արտահերթ ընտրություններն անցկացվում են այդ հնարավորությունն ունենալու համար»,- հայտարարեց Փաշինյանը։

Հիշեցնենք՝ ապրիլի 14-ին Ազգային ժողովում Նիկոլ Փաշինյանը հայտարարել էր, որ հրաժարական կտա ապրիլի 20-ից հետո։ Դրանից հետո խորհրդարանը պետք է երկու անգամ վարչապետ չընտրի։ ԱԺ–ն դրանից հետո համարվելու է լուծարված և տեղի են ունենալու արտահերթ խորհրդարանական ընտրություններ։

Փաշինյանը նաև ԱԺ-ում խոսել էր այն մասին, թե ինչ կլինի, եթե խորհրդարանի ընդդիմադիր կուսակցությունները խախտեն պայմանավորվածությունն ու վարչապետի թեկնածու առաջադրեն։

«Ըստ պայմանավորվածության` խորհրդարանի ընդդիմադիր կուսակցությունների ներկայացուցիչներն այդ ընթացքում վարչապետի թեկնածու չեն առաջադրելու, իսկ ընթացակարգերը պահելու համար հենց Փաշինյանն էլ կառաջադրվի վարչապետի թեկնածու։ Հիմա շատ են ասում` բա որ նրանք փորձեն այդ ընթացքում պալատական հեղաշրջման միջոցով իշխանափոխություն իրականացնեն։ Չեն կարող։ Եթե ոմանք թեկնածու առաջադրեն, լուծում կա` խորհրդարանական մեծամասնությունն ինձ կընտրի վարչապետ»,–ասաց Փաշինյանը։

Նրա խոսքով` եթե որոշ քաղաքական ուժեր թեկնածու առաջադրեն մինչև բուն ընտրությունների փուլը` չուզենալով, որ ժողովրդին հասնի ընտրությունը, ապա «Իմ քայլն» իր քվեարկությամբ թեման կփակի։

«Ես դրանում ոչ մի կասկած չունեմ». Վանեցյանը` ընտրություններին ընդդիմության հաղթանակի մասին

Հիշեցնենք՝ մարտի 18-ին վարչապետ Նիկոլ Փաշինյանը հայտարարեց, որ հունիսի 20-ին Հայաստանում ԱԺ արտահերթ ընտրություններ կկայանան: Ավելի ուշ Ազգային ժողովը հաստատեց Ընտրական օրենսգրքի փոփոխությունների նախագիծը, ըստ որի՝ խորհրդարանական ընտրությունները տեղի կունենան միայն համամասնական ընտրակարգով։

796
թեգերը:
Հրաժարական, Նիկոլ Փաշինյան
Ըստ թեմայի
Ո՞ր դեպքում Լևոն Տեր-Պետրոսյանի կուսակցությունը կմասնակցի ընտրություններին
Ռուսաստանում ակնկալում են, որ Հայաստանում արդար ընտրություններ կլինեն. Մատվիենկո
Որ դեպքում ընտրությունները կարող են չեղարկվել, կամ Փաշինյանի սյունիքյան այցի արդյունքները
Председатель Нацсобрания Армении Арарат Мирзоян встретился с председателем Сеймаса Литвы Викторией Чмилите-Нильсен во время официального визита в Литву (11 мая 2021). Вильнюс

Լիտվան ուզում է ՀՀ–ին փոխանցել «հաջողության պատմությունը». վարչապետն ընդունել է Միրզոյանին

6
Լիտվայի իշխանությունը պատրաստ է աջակցել Հայաստանին ժողովրդավարացման և բարեփոխումների հարցում:

ԵՐԵՎԱՆ, 12 մայիսի – Sputnik. Լիտվան ցանկանում է Հայաստանին փոխանցել իր «հաջողության պատմությունը»։ Այդ մասին հայտարարել Է երկրի վարչապետ Ինգրիդ Շիմոնիտեն՝ Վիլնյուսում ընդունելով Հայաստանի խորհրդարանի նախագահ Արարատ Միրզոյանին։ Տեղեկությունը հայտնում է Sputnik Լիտվան։

Լիտվայի կառավարության ղեկավարը կարծում է, որ որքան «ավելի շատ Եվրոպա» լինի Հայաստանում, այնքան ավելի հարուստ ու անվտանգ կլինի երկիրը։ Այդ պատճառով էլ Վիլնյուսը պատրաստ է Երևանին փոխանցել ժողովրդավարական բարեփոխումների փորձն ու հաջողության պատմությունը։

Շիմոնիտեն նաև նշել է, որ Լիտվան կցանկանար Հայաստանի հետ զարգացնել համատեղ զբոսաշրջությունը։

Հիշեցնենք, որ Հայաստանի խորհրդարանի պատվիրակությունը պաշտոնական այցով է գտնվում Լիտվայում:

6
Արմեն Գևորգյան

«Հայաստան» դաշինքի գլխավոր շտաբը կղեկավարի Արմեն Գևորգյանը

2
(Թարմացված է 15:31 12.05.2021)
Դաշինքի պաշտոնական ներկայացուցչի գործառույթներն իրականացնելու է Արամ Վարդևանյանը։

ԵՐԵՎԱՆ, 12 մայիսի- Sputnik. «Հայաստան» դաշինքի նախընտրական շտաբը կգլխավորի ՀՀ նախկին փոխվարչապետ Արմեն Գևորգյանը։ Տեղեկությունը Sputnik Արմենիայի հետ զրույցում հայտնեց ՀՀ երկրորդ նախագահ Ռոբերտ Քոչարյանի գրասենյակի ղեկավար Վիկտոր Սողոմոնյանը։

«Արմեն Գևորգյանը չնայած մի փոքր վատառողջ է, սակայն արդեն իսկ իրականացնում է կենտրոնական շտաբի ղեկավարի գործառույթները։ Նա դեռ աշխատում է հիվանդասենյակից կամ տնից, բայց հուսով եմ՝ արագ կապաքինվի»,–ասաց Սողոմոնյանը։
Նա հայտնեց նաև, որ «Հայաստան» դաշինքի պաշտոնական ներկայացուցչի գործառույթներն իրականացնելու է Արամ Վարդևանյանը։

Շտաբն օրերս կհրապարակի այն հեռախոսահամարները, էլեկտրոնային փոստի հասցեն, որոնց միջոցով էլ լրատվամիջոցները կարող են տեղեկատվություն ստանալ դաշինքի գործունեության վերաբերյալ։

Հիշեցնենք, որ դաշինքը գլխավորում է Ռոբերտ Քոչարյանը, դրա կազմում են «Հայ հեղափոխական դաշնակցություն» և նորաստեղծ «Վերածնվող Հայաստան» կուսակցությունները:

Հայաստանում խորհրդարանական արտահերթ ընտրությունները կանցկացվեն հունիսի 20-ին։

ԿԸՀ նախագահը հայտնեց` ինչպես է պետք քվեարկել առաջիկա ընտրություններում

2
թեգերը:
«Հայաստան» դաշինք, Արմեն Գևորգյան
Ըստ թեմայի
ՀՀ նախագահը խառնեց պլանները. Հայաստանում հնարավոր է` ընտրությունների երկրորդ փուլ անցկացվի
Արմեն Սարգսյանը ստորագրեց հրամանագիրը. ընտրությունների օրը հստակ է
Արտահերթ ընտրությունները կանցկացվեն առանց գրիչների. ԿԸՀ–ն հաստատեց նոր քվեաթերթիկի ձևը