Լուիս Ալբերտո Լակալե Պոու

«Մեր երկրում Հայոց ցեղասպանությանը վերաբերվում են որպես սեփական խնդրի». Ուրուգվայի նախագահ

69
Ուրուգվայն առաջին պետությունն է, որ պաշտոնապես ճանաչել է 1915 թվականի ողբերգությունը, իսկ դեպքերից 50 տարի անց ընդունել է մի օրենք, որն ապրիլի 24-ը հռչակել է «Հայ նահատակների հիշատակման օր»։

ԵՐԵՎԱՆ, 24 ապրիլի - Sputnik. Հայոց ցեղասպանությունը մի հարց է, որին Ուրուգվայում վերաբերվում են որպես սեփական խնդրի, որովհետև դրա հետևանքով Ուրուգվայը հյուրընկալեց հայ գաղթականների մեծ ալիքի։ Հայոց ցեղասպանության 106-րդ տարելիցի կապակցությամբ իր ուղերձում ասել է Ուրուգվայի Արևելյան Հանրապետության նախագահ Լուիս Ալբերտո Լակալե Պոուն։

Նա հիշեցրել է, որ ունեն արտոնություն՝ լինել աշխարհում առաջին պետությունը, որը պաշտոնապես ճանաչել է 1915 թ. ողբերգությունը։ Լակալե Պոուն նշել է, որ երբ լրանում էր այդ դեպքերի 50-րդ տարելիցը, Ուրուգվայի խորհրդարանն ընդունեց օրենք, որն ապրիլի 24-ը հռչակեց «Հայ նահատակների հիշատակման օր»։

«Հայոց հարցի պաշտպանությունը համահունչ դիրքորոշում է այն մոտեցումների հետ, որ մեր երկիրը մշտապես դրսևորել է միջազգային հարթությունում՝ օրենքի գերակայություն, մարդու իրավունքների պաշտպանություն, ժողովուրդների ազգային ինքնորոշում։ Այն հազարավոր հայերը, որոնք եկան այստեղ, փնտրելով խաղաղություն, ազատություն և հնարավորություններ, օգնեցին կառուցել ավելի դինամիկ և ավելի բազմազան հասարակություն»,–ասված է նախագահի ուղերձում։

Մոսկվայում հարգանքի տուրք է մատուցվել Հայոց ցեղասպանության զոհերի հիշատակին

Նշվում է նաև, որ այս յուրահատուկ ամսաթվին ազգային կառավարության անունից ի սրտե փոխանցում են իրենց ողջույնները հայ համայնքին։

Հիշեցնենք` Հայոց ցեղասպանություն են անվանում Օսմանյան կայսրությունում և նրան հարակից շրջաններում 1915-1923 թթ. տեղի ունեցած հայերի զանգվածային բռնագաղթը և կոտորածներն ու բռնի կրոնափոխումը։

Այդ կոտորածները ծրագրեցին ու կազմակերպեցին երիտթուրքերը, իսկ հետագայում ավարտին հասցրեց քեմալական կառավարությունը։
Միջազգային առաջին արձագանքն այս իրադարձություններին դրսևորվեց Ֆրանսիայի, Ռուսաստանի, Մեծ Բրիտանիայի` 1915թ. մայիսի 24-ի համատեղ հայտարարությամբ, որտեղ հայ ժողովրդի նկատմամբ կատարված բռնությունները բնորոշվեցին որպես «հանցագործություն մարդկության և քաղաքակրթության դեմ»: Կողմերը կատարված հանցագործության համար պատասխանատու էին համարում թուրքական կառավարությանը:

«Դուք այն ժողովուրդն եք, որը լավագույնս է մեզ հասկանում». Սարգսյանը` կիպրոսցի նախարարին

Շուրջ մեկուկես միլիոն հայ սպանվեց 1915-1923 թթ., իսկ մնացյալ հատվածը կա՛մ բռնի կերպով հավատափոխ եղավ, կա՛մ ապաստան գտավ տարբեր երկրներում:

Օսմանյան կառավարության կողմից իրականացված Հայոց ցեղասպանության փաստը հիմնավորվել է, ճանաչվել ու հաստատվել ականատեսների վկայություններով, օրենքներով, բանաձևերով և բազմաթիվ նահանգների ու միջազգային կազմակերպությունների որոշումներով:

Թուրքական սպառնալիքի մակարդակն աճել է. փորձագետներն ահազանգում են «ստորջրյա խութերի» մասին

69
թեգերը:
Հայոց ցեղասպանություն, Ուրուգվայ, Հայաստան
թեմա:
Ապրիլի 24. Հայոց ցեղասպանության չմոռացվող էջը (128)
Ըստ թեմայի
Այսօր հայ ժողովուրդն ամուր կանգնած է. Ֆրանսիայի պետքարտուղարը Ազնավուրից մեջբերում արեց
Նիդեռլանդների դեսպանը Հայոց ցեղասպանության տարելիցին հայերեն տեսաուղերձ է հղել. տեսանյութ
Թուրքիան արհամարհում է Ցեղասպանությունը ճանաչելու կոչերը. Կիպրոսի պաշտպանության նախարար
Արարատ Միրզոյանի գլխավորած պատվիրակությունը Լիտվայում

Լիտվան ուզում է ՀՀ–ին փոխանցել «հաջողության պատմությունը». վարչապետն ընդունել է Միրզոյանին

19
(Թարմացված է 15:37 12.05.2021)
Լիտվայի իշխանությունը պատրաստ է աջակցել Հայաստանին ժողովրդավարացման և բարեփոխումների հարցում:

ԵՐԵՎԱՆ, 12 մայիսի – Sputnik. Լիտվան ցանկանում է Հայաստանին փոխանցել իր «հաջողության պատմությունը»։ Այդ մասին հայտարարել Է երկրի վարչապետ Ինգրիդ Շիմոնիտեն՝ Վիլնյուսում ընդունելով Հայաստանի խորհրդարանի նախագահ Արարատ Միրզոյանին։ Տեղեկությունը հայտնում է Sputnik Լիտվան։

Լիտվայի կառավարության ղեկավարը կարծում է, որ որքան «ավելի շատ Եվրոպա» լինի Հայաստանում, այնքան ավելի հարուստ ու անվտանգ կլինի երկիրը։ Այդ պատճառով էլ Վիլնյուսը պատրաստ է Երևանին փոխանցել ժողովրդավարական բարեփոխումների փորձն ու հաջողության պատմությունը։

Շիմոնիտեն նաև նշել է, որ Լիտվան կցանկանար Հայաստանի հետ զարգացնել համատեղ զբոսաշրջությունը։

Հիշեցնենք, որ Հայաստանի խորհրդարանի պատվիրակությունը պաշտոնական այցով է գտնվում Լիտվայում:

19
թեգերը:
Արարատ Միրզոյան, Լիտվա, Հայաստան
Ըստ թեմայի
Առանց հայ գերիների վերադարձի վստահություն չի լինի․ Լիտվայի արտգործնախարար
Լիտվայի ԱԳ նախարարը Բաքվում խոսել է Հայոց ցեղասպանության մասին. տեսանյութ
Լիտվայի Սեյմասի նախագահը անհանգստություն է հայտնել հայ ռազմագերիների վերադարձի վերաբերյալ
Արմեն Գևորգյան

«Հայաստան» դաշինքի գլխավոր շտաբը կղեկավարի Արմեն Գևորգյանը

13
(Թարմացված է 15:31 12.05.2021)
Դաշինքի պաշտոնական ներկայացուցչի գործառույթներն իրականացնելու է Արամ Վարդևանյանը։

ԵՐԵՎԱՆ, 12 մայիսի- Sputnik. «Հայաստան» դաշինքի նախընտրական շտաբը կգլխավորի ՀՀ նախկին փոխվարչապետ Արմեն Գևորգյանը։ Տեղեկությունը Sputnik Արմենիայի հետ զրույցում հայտնեց ՀՀ երկրորդ նախագահ Ռոբերտ Քոչարյանի գրասենյակի ղեկավար Վիկտոր Սողոմոնյանը։

«Արմեն Գևորգյանը չնայած մի փոքր վատառողջ է, սակայն արդեն իսկ իրականացնում է կենտրոնական շտաբի ղեկավարի գործառույթները։ Նա դեռ աշխատում է հիվանդասենյակից կամ տնից, բայց հուսով եմ՝ արագ կապաքինվի»,–ասաց Սողոմոնյանը։
Նա հայտնեց նաև, որ «Հայաստան» դաշինքի պաշտոնական ներկայացուցչի գործառույթներն իրականացնելու է Արամ Վարդևանյանը։

Շտաբն օրերս կհրապարակի այն հեռախոսահամարները, էլեկտրոնային փոստի հասցեն, որոնց միջոցով էլ լրատվամիջոցները կարող են տեղեկատվություն ստանալ դաշինքի գործունեության վերաբերյալ։

Հիշեցնենք, որ դաշինքը գլխավորում է Ռոբերտ Քոչարյանը, դրա կազմում են «Հայ հեղափոխական դաշնակցություն» և նորաստեղծ «Վերածնվող Հայաստան» կուսակցությունները:

Հայաստանում խորհրդարանական արտահերթ ընտրությունները կանցկացվեն հունիսի 20-ին։

ԿԸՀ նախագահը հայտնեց` ինչպես է պետք քվեարկել առաջիկա ընտրություններում

13
թեգերը:
«Հայաստան» դաշինք, Արմեն Գևորգյան
Ըստ թեմայի
ՀՀ նախագահը խառնեց պլանները. Հայաստանում հնարավոր է` ընտրությունների երկրորդ փուլ անցկացվի
Արմեն Սարգսյանը ստորագրեց հրամանագիրը. ընտրությունների օրը հստակ է
Արտահերթ ընտրությունները կանցկացվեն առանց գրիչների. ԿԸՀ–ն հաստատեց նոր քվեաթերթիկի ձևը
Վարազդատ Հարոյան. արխիվային լուսանկար

Վարազդատ Հարոյանը հեռանում է «Աստանայից». հայտնի է նրա նոր ակումբի անունը

0
(Թարմացված է 16:02 12.05.2021)
Հայաստանի ազգային հավաքականի պաշտպան Վարազդատ Հարոյանը «Աստանա» էր տեղափոխվել այս տարվա սկզբին։

ԵՐԵՎԱՆ, 12 մայիսի - Sputnik. Հայաստանի ազգային հավաքականի և ղազախական «Աստանայի» պաշտպան Վարազդատ Հարոյանը հաջորդ մրցաշրջանում հանդես կգա իսպանական Լա լիգայում: Տեղեկությունը հայտնում են ղազախական լրատվամիջոցները:

Ավելի վաղ լրագրող Արարատ Մամբրեյանը իր  տելեգրամ ալիքում հայտնել էր, որ Հայաստանի ազգային հավաքականի պաշտպան Վարազդատ Հարոյանը «Աստանայից» կտեղափոխվի եվրոպական ակումբ։

Sputnik Արմենիայի տեղեկություններով` հայ ֆուտբոլիստն արդեն համաձայնեցրել է պայմանագրի կետերը «Կադիսի» հետ:

Նշենք, որ Հարոյանը «Աստանա» էր տեղափոխվել այս տարվա սկզբին։

Մեր հավաքականի կենտրոնական պաշտպան Վարազդատ Հարոյանն այս մրցաշրջանում «Աստանայի» կազմում անցկացրել է 8 հանդիպում։ «Աստանան» միանձնյա գլխավորում է մրցաշարային աղյուսակը։

Հարոյանը` «Աստանա» գնալու, «Տամբովի» պարտքի ու իր նախասիրությունների մասին. բացառիկ զրույց

0
թեգերը:
Վարազդատ Հարոյան
Ըստ թեմայի
Վարազդատ Հարոյանը նոր ակումբ է տեղափոխվել
Կասպարով. Իրանական ակումբի` Հարոյանից հրաժարվելը քաղաքական որոշում է
Օրվա կադրը. ռումինացի դարպասապահը նեղսրտությունից «գրավեց» սեփական դարպասը