Կիրո Մանոյան

ՀՀ իշխանությունները չեն նպաստում ԱՄՆ-ի կողմից Հայոց ցեղասպանության ճանաչմանը. Կիրո Մանոյան

79
(Թարմացված է 17:16 22.04.2021)
ՀՅԴ ներկայացուցչի խոսքով ՝ իշխանության կողմից հնչում են առնվազն հակասական հայտարարություններ Թուրքիայի հետ հարաբերությունների վերաբերյալ։

ԵՐԵՎԱՆ, 22 ապրիլի - Sputnik. Հայաստանի գործող իշխանությունները նույնիսկ ցանկության դեպքում չեն կարող օգտագործել առկա հնարավորությունները, որպեսզի ԱՄՆ–ն ճանաչի Հայոց ցեղասպանությունը։ Այս մասին լրագրողների հետ հրավիրված մամուլի ասուլիսի ժամանակ հայտարարել է ՀՅԴ Հայ դատի և քաղաքական հարցերի գրասենյակի ղեկավար Կիրո Մանոյանը։

Նրա խոսքով` արցախյան վերջին պատերազմից հետո Հայաստանը բարդ իրավիճակում է հայտնվել։ Մասնավորապես Հայաստանի ԱԳՆ-ն Թուրքիայի հետ հարաբերությունների մասին մի բան է ասում, վարչապետի աշխատակազմը, քաղաքական մեծամասնությունը խորհրդարանում մեկ այլ բան է ասում։

Մասնավորապես, Անվտանգության խորհրդի քարտուղարն ասում է, որ պետք է վերանայել դիրքորոշումները Թուրքիայի հարցում, և իրենք աշխատում են այդ ուղղությամբ։ Մինչդեռ ՀՀ ԱԳՆ-ն հայտարարում է, որ տեղյակ չէ Հայաստան-Թուրքիա որևէ երկխոսության մասին։

Նրա խոսքով, մի կողմից հայտարարություններ են հնչում, որ պետք չէ խոսել Թուրքիայի հետ թշնամանքի մասին, իսկ մյուս կողմից ԱԳՆ ղեկավարը, ԱՄՆ-ում Հայաստանի դեսպանը հայտարարում են, որ Բայդենի վարչակազմի կողմից Հայոց ցեղասպանության ճանաչումը դրական կլինի տարածաշրջանի անվտանգության համար:

Ձախողել չկա. թանգարանը «գնացել» է Հայոց ցեղասպանությունը վերապրածների ընտանիքների հետքերով

«Ներկա իշխանությունները, ցավոք սրտի, նույնիսկ ցանկության դեպքում, չեն կարող լավագույնս օգտագործել ԱՄՆ-ում հարաբերականորեն դրական տրամադրությունները Հայոց ցեղասպանության ճանաչման հարցում», - նշել է Մանոյանը:

ՀՅԴ ներկայացուցչի կարծիքով`թուրքական և ադրբեջանական իշխանությունները միանշանակ տրամադրված են Նիկոլ Փաշինյանին սատարելուն:

Ինչ վերաբերում է Բայդենի վարչակազմի կողմից Հայոց ցեղասպանության հնարավոր ճանաչման հետևանքներին, ապա դա, ըստ Մանոյանի, կլինի ոչ միայն հայտարարություն: Այն կնշանակի ԱՄՆ գործադիր իշխանության քաղաքականության փոփոխություն։

«Դա պետք է լինի բազմաթիվ ներքին քննարկումների արդյունքը։ Թեև առայժմ վստահաբար ոչինչ ասել չի կարելի», - նշել է Մանոյանը։

Հենրիխ Մխիթարյանը նկարահանվել է Հայոց ցեղասպանության տարելիցին նվիրված տեսահոլովակում

Մյուս կողմից, ըստ Մանոյանի, ԱՄՆ-ի կողմից Հայոց ցեղասպանության ճանաչումը կարելի է համարել կայացած փաստ ՝ հաշվի առնելով խորհրդարանի երկու պալատների բանաձևերը: Չէ որ այլ երկրների դեպքում ճանաչում է համարվում նույնիսկ մեկ պալատի բանաձևը։

Ավելի վաղ Wall Street Journal թերթը, վկայակոչելով ամերիկացի պաշտոնատար անձանց, հայտնել էր, որ ԱՄՆ նախագահ Ջո Բայդենը մտադիր է պաշտոնապես ճանաչել Հայոց ցեղասպանությունը:

79
թեգերը:
Հայոց ցեղասպանություն, ԱՄՆ, Կիրո Մանոյան
Ըստ թեմայի
Դա պատիվ կբերի հենց ամերիկացիներին. Բայդենը կասի՞ «ցեղասպանություն» բառը
Ցեղասպանության թանգարան–ինստիտուտի քաղաքականությունը փոխելու փորձ չի եղել. Մարության
Կորոնավիրուսի հետևանքով Ցեղասպանության թանգարանի այցելուների թիվը կրճատվել է 19 անգամ
Էդմոն Մարուքյան

Կուսակցաշինության բումը, կամ ո՞ր տեղի համար կպայքարեն ՀԱԿ-ն ու ԼՀԿ-ն. «Հրապարակ»

83
(Թարմացված է 09:29 11.05.2021)
Մայիսի 15-ին երեք նորաստեղծ ուժերի հիմնադիր համագումարն է նշանակված՝ «Ձայն», «Ապագայի երկիր», «Արդար Հայաստան»։

ԵՐԵՎԱՆ, 11 մայիսի – Sputnik. «Հրապարակ» թերթն իր այսօրվա համարում անդրադարձել է առաջիկա արտահերթ ընտրություններին և նկատել, որ ընտրություններին ընդառաջ, կուսակցաշինության բումը և արդեն իսկ դաշտում գոյություն ունեցող կուսակցությունների համագումարների շքերթը շարունակվում են։

«Մայիսի 15-ին համագումար է նշանակել Էդմոն Մարուքյանի «Լուսավոր Հայաստանը»՝ կառավարման նոր խորհուրդ են ընտրելու։ Կուսակցության աղբյուրներից տեղեկացանք, որ անակնկալ դեմքեր կհամալրեն առկա կազմը։

Նույն օրը երեք նորաստեղծ ուժերի հիմնադիր համագումարն է նշանակված՝ «Ձայն», «Ապագայի երկիր», «Արդար Հայաստան»։ Ավելին՝ երկու անգամ հետաձգված ՀԱԿ-ի համագումարը ևս պլանավորել էին մայիսի 15-ին, բայց հետաձգեցին 16-ին»,–գրում է թերթը։

«Հրապարակի»  տվյալներով` թե՛ ՀԱԿ-ը, թե՛ ԼՀԿ-ն ընտրարշավին մասնակցելու դեպքում պայքարելու են, այսպես կոչված, երրորդ ուժի տեղի համար, այսինքն՝ նախկիններին և ներկաներին մերժողների էլեկտորատի վրա են աշխատելու։ «Համագումարներում պաշտոնապես կհայտարարվի ընտրություններին մասնակցել-չմասնակցելու և մասնակցության ձևաչափի մասին»,–գրում է թերթը:

Նյութն ամբողջությամբ կարդացեք այսօրվա համարում։

Հիշեցնենք` 2021թ–ի մարտի 18-ին վարչապետ Նիկոլ Փաշինյանը հայտարարել էր, որ հունիսի 20-ին Հայաստանում ԱԺ արտահերթ ընտրություններ կկայանան: Ավելի ուշ Ազգային ժողովը հաստատել էր Ընտրական օրենսգրքի փոփոխությունների նախագիծը, ըստ որի՝ խորհրդարանական ընտրությունները տեղի կունենան միայն համամասնական ընտրակարգով։

Ապրիլի 25-ին Նիկոլ Փաշինյանը հայտարարեց իր հրաժարականի մասին։

ՀՀ նախագահ Արմեն Սարգսյանը մայիսի 10-ի հրամանագրով խորհրդարանական արտահերթ ընտրությունների օր է նշանակել հունիսի 20-ը։

83
թեգերը:
կուսակցություն, Լևոն Տեր-Պետրոսյան, Էդմոն Մարուքյան, «Լուսավոր Հայաստան» կուսակցություն, Ազգային ժողովի ընտրություններ, Հայաստան
Ըստ թեմայի
Արտահերթ ընտրություններն անցկացվելու են այս պահին գործող օրենքով. Հովակիմյան
ՀՀ նախագահը խառնեց պլանները. Հայաստանում հնարավոր է` ընտրությունների երկրորդ փուլ անցկացվի
ԱԺ–ն երկրորդ անգամ չընտրեց Փաշինյանին. Հայաստանը գնում է արտահերթ ընտրությունների
Դավիթ Հարությունյան

Հայտնի է, թե ով կղեկավարի «Պատիվ ունեմ» դաշինքի ընտրական շտաբը. «Փաստինֆո»

233
(Թարմացված է 00:16 11.05.2021)
ՀՀ նախագահ Արմեն Սարգսյանը մայիսի 10-ի հրամանագրով խորհրդարանական արտահերթ ընտրությունների օր է նշանակել հունիսի 20-ը։

ԵՐԵՎԱՆ, 11 մայիսի - Sputnik. «Պատիվ ունեմ» դաշինքի ընտրական շտաբը կղեկավարի ՀՀ արդարադատության նախկին նախարար Դավիթ Հարությունյանը։ Այս պահին հիմնական թեկնածուն նա է, տեղեկացնում է «Փաստինֆոն»։

Հիշեցնենք, որ «Պատիվ ունեմ» դաշինքի մաս են կազմում ՀՀԿ և «Հայրենիք» կուսակցությունները, որոնք արտահերթ ընտրություններին կմասնակցեն միասին, իսկ ընտրացուցակը կգլխավորի «Հայրենիք» կուսակցության նախագահ, ԱԱԾ նախկին տնօրեն Արթուր Վանեցյանը։

ՀՀ նախագահ Արմեն Սարգսյանը մայիսի 10-ի հրամանագրով խորհրդարանական արտահերթ ընտրությունների օր է նշանակել հունիսի 20-ը։

«Սպաներ, միացեք». ԱԱԾ պահեստազորի սպաների միությունը վերահսկելու է գալիք ընտրությունները

233
թեգերը:
Դավիթ Հարությունյան, Ընտրություններ, «Հայրենիք» կուսակցություն, Հայաստանի Հանրապետական կուսակցություն (ՀՀԿ)
Ըստ թեմայի
Արտահերթ ընտրություններն անցկացվելու են այս պահին գործող օրենքով. Հովակիմյան
ՀՀ նախագահը խառնեց պլանները. Հայաստանում հնարավոր է` ընտրությունների երկրորդ փուլ անցկացվի
ԱԺ–ն երկրորդ անգամ չընտրեց Փաշինյանին. Հայաստանը գնում է արտահերթ ընտրությունների
Շտապօգնության ավտոմեքենա

Կրակոցներ և պայթյուն Կազանի դպրոցներից մեկում. զոհեր կան, դեռահաս է ձերբակալվել. տեսանյութ

65
(Թարմացված է 11:37 11.05.2021)
Դեպքի վայր են մեկնել շտապօգնության ավելի քան 20 բրիգադներ, իրավապահ մարմինների աշխատակիցներ։

ԵՐԵՎԱՆ, 11 մայիսի - Sputnik. Կազանի դպրոցներից մեկում կրակոցներ են հնչել, ապա պայթյուն է որոտացել։ Տեղեկությունը հայտնում է ՌԻԱ Նովոստին՝ հղում անելով Թաթարստանի իրավապահ մարմինների իր աղբյուրին։

«Ֆայզիի դպրոցի շրջանում կրակոցների ձայներ են լսել, պարզում ենք», - ասել է գործակալության զրուցակիցը:

Թաթարստանի դատախազությունից հայտնել են, որ դեպքի վայր է մեկնել գլխավոր դատախազ Իլդուս Նաֆիկովը:

«Միջադեպի հանգամանքները պարզվում են», - լրագրողներին ասել է դատախազության ներկայացուցիչը:

Տեղեկություններ կան, որ կրակոցների հեղինակը դեռահաս է, նա արդեն ձերբակալվել է:

ՌԻԱ Նովոստին հայտնում է, որ 9 զոհ կա, 12 տուժած, չորսը վերակենդանացման բաժանմունքում են։ Մահացածներից 8-ը աշակերտներ են, մեկը` ուսուցիչ։

Ըստ որոշ տվյալների՝ ձերբակալվածը 19 տարեկան Իլնազ Գալյավիևն է։

Դատելով կադրերից՝ երեխաները փրկվելու համար թռել են շենքի պատուհաններից։ 

Դեպքի վայր է մեկնել շտապօգնության ավելի քան 20 բրիգադ։ Թաթարստանի կրթության նախարարության նախնական տվյալներով՝ Կազանի դպրոցում հրաձգության հետեւանքով տուժածների թվում երեխաներ չկան:

«Վայ, Հովո ջան․․․»․ ականատեսը՝ Նոր Նորքում հնչած կրակոցների ու սպանության մասին

65
թեգերը:
Զոհ, կրակոց, դպրոց, Կազան