Միքայել Մինասյան

Եթե որոշեմ մասնակցել այս ընտրություններին, ապա դա կանեմ իմ դեմքով. Միքայել Մինասյան

206
(Թարմացված է 20:50 09.04.2021)
Միքայել Մինասյանը վստահեցնում է` եթե մասնակցի ընտրություններին, ապա Նիկոլ Փաշինյանին կհեռացնի իշխանությունից։

ԵՐԵՎԱՆ, 9 ապրիլի - Sputnik. ՀՀ երրորդ նախագահ Սերժ Սարգսյանի փեսա, Սուրբ Աթոռում ՀՀ նախկին դեսպան Միքայել Մինասյանը «Քառյակ մեդիայի» համահիմնադիր Սամվել Ֆարմանյանի հետ հարցազրույցում ասաց` եթե որոշի մասնակցել արտահերթ խորհրդարանական ընտրություններին, ապա դա կանի իր դեմքով։

«Ես երբեք այս ընտրությունների նախաշեմին չեմ սատարելու որևէ ուժի՝ լինի իշխանամետ, թե իրապես ընդդիմադիր: Իմ ոչ մի ընկեր, համախոհ չի լինելու որևէ ցուցակում, եթե նա ինչ-որ մեկի ցուցակում է, ապա նա ոչ իմ ընկերն է: Եթե մասնակցեմ ընտրություններին, ապա դա անելու եմ իմ ընկերների ու այն մարդկանց հետ, որոնց համար կրելու եմ ուղիղ պատասխանատվություն։ Ես հեռացնելու եմ Նիկոլ Փաշինյանին  իշխանությունից»,–ասաց Մինասյանը։

Նրա խոսքով` ընտրությունները հնարավորություն են բոլորիս համար ցույց տալու, թե ով ով է: Մինասյանը նշեց` պետք չէ ընտրություններին վերաբերվել որպես վերջին ճշմարտության, քանի որ ոչինչ չի փոխվելու. եթե Փաշինյանը բանտում չէ, ապա դա, ըստ Մինասյանի,  պարտություն է բոլորի համար։

Արտահերթ ընտրությունները երկիրը ճգնաժամից դուրս չեն բերի. Արմեն Սարգսյան

Հիշեցնենք՝ մարտի 18-ին վարչապետ Նիկոլ Փաշինյանը հայտարարեց, որ հունիսի 20-ին Հայաստանում ԱԺ արտահերթ ընտրություններ կկայանան: Ավելի ուշ Ազգային ժողովը հաստատեց Ընտրական օրենսգրքի փոփոխությունների նախագիծը, ըստ որի՝ խորհրդարանական ընտրությունները տեղի կունենան միայն համամասնական ընտրակարգով։

206
թեգերը:
Նիկոլ Փաշինյան, Հայաստան, Ազգային ժողովի ընտրություններ, Միքայել Մինասյան
թեմա:
ԱԺ արտահերթ ընտրություններ 2021 (314)
Ըստ թեմայի
«Եթե Քոչարյանը մասնակցի ընտրություններին, կաջակցեմ իրեն». Սեյրան Օհանյան
Սահմանադրության ինչ կետեր է խախտել Փաշինյանը` ընտրությունների օր հայտարարելով
ԼՀԿ–ն ընտրությունների ցուցակ չի կազմում. Անի Սամսոնյանն ասաց` ինչին են սպասում
Տիգրան Եկավյան

«Ֆրանսիայում մեզ թուրքերից շատ են սիրում». ինչ անել պատրանքներին չտրվելու համար

150
(Թարմացված է 15:28 25.07.2021)
Հայ համայնքը սիրված և հարգված է Ֆրանսիայում, սակայն անհեռատեսություն է այդքանով բավարարվելը։ Պետք է նորովի կառուցել հարաբերությունները Ֆրանսիայի հետ, հատկապես որ դա վաղուց են սկսել Թուրքիան ու Ադրբեջանը։

Եթե ֆրանսահայ համայնքը ավանդաբար ճանաչված և սիրված է, արդյոք դա նշանակում է, որ կարող ենք այլևս հարաբերություններ չզարգացնել Ֆրանսիայի հետ։ Իրականությունը ցույց է տալիս, թե ուր է տանում նման ինքնահանգստացնող մտածելակերպը, Sputnik Արմենիայի հետ զրույցում նշում է ֆրանսահայ լրագրող, վերլուծաբան և հետազոտող Տիգրան Եկավյանը։

Տիգրանը Ֆրանսիայում հայտնի է որպես Միջին Արևելքի կրոնական համայնքների (քրիստոնյաների և եզդիների) հարցերի հետազոտող։ Այս համայնքների պատմության և ներկա վիճակի մասին նա գիրք է հրատարակել, որը ֆրանսախոս աշխարհում անտեսված այս հարցին նոր ուշադրություն է հաղորդել։ Շնորհիվ իր համբավի, Տիգրանը պարբերաբար հրավիրվում է Ֆրանսիայի ճանաչված ԶԼՄ–ներ` մեկնաբանելու Հայաստանի և Արցախի շուրջ իրավիճակը։ Սակայն մեկ կամ մի քանի անհատի գործը բավարար չէ պետական խնդիր լուծելու համար, ընդգծում է նա։

Ճիշտ է, ֆրանսիական մամուլը թե՛ պատերազմի ընթացքում, թե՛ զինադադարից հետո պարբերաբար անդրադառնում է Արցախյան հիմնահարցին կամ ՀՀ սահմանային իրավիճակին, սակայն պետք չէ ենթադրել, որ բոլոր ֆրանսիացիները գիտեն իրողությունը և «իմունիտետ» ունեն թուրք–ադրբեջանական քարոզչության դեմ, ընդգծում է Եկավյանը։

«Հայ հասարակությունը Ֆրանսիայում ընդհանուր առմամբ համակրանք ու հարգանք է վայելում, բայց դա չի նշանակում, որ այսքանով պետք է բավարարվենք, որովհետև հակառակ կողմը շատ ագրեսիվ էր լրատվական պատերազմի ժամանակ ու շատ ջանք թափեց, որ բոլոր ուժերը` ծայրահեղ աջակողմյաններից մինչև ձախակողմյաններ, իրենց կարծիքն ընդունեն», – նշում է Եկավյանը։

Վերջին մի քանի տարիներին ադրբեջանական իշխանությունները գումարներ են տրամադրել Նորմանդիայում մի քանի լքված եկեղեցիների նորգման համար` այն ակնկալիքով, որ Ֆրանսիայում չբարձրացնեն Շուշիում կամ այլ վայրերում հայկական վանքերի ու հուշարձանների հարցը։ Արդյունքում, օրինակ, «ալբանական ժառանգության» մասին մտացածին թեզերը, որոնք հինգ–վեց տարի առաջ ֆրանսիական հասարակության համար ծիծաղելի էին հնչում, հիմա հայկական կողմից լուրջ բացատրական աշխատանք են պահանջում։

«Որոշ ժամանակ առաջ նրանք ջանքեր գործադրեցին՝ մի հայտնի հրատարակչատանն իրենց «գրականությունը» տպագրելու համար։

Կարողացանք դա խոչընդոտել, բայց ընդհանրապես ակնհայտ է, որ ադրբեջանցիները նոր ֆրանսախոս էլիտա են պատրաստում՝ Ֆրանսիա ուսանողներ ուղարկելով, ինչպես  նաև  ընդլայնելով ֆրանսերենի ուսուցումը Բաքվում, ուր արդեն կա ֆրանսիական համալսարան և ծրագիր կա վարժարան ստեղծելու։ Հայաստանը վաղուց ունի, բայց անհրաժեշտ է  հզորացնել դրանք, որովհետև ակնհայտ է, որ ֆրանսախոս մասնագետների, ներառյալ՝ դիվանագետների կարիք ունենք։ Նրանց պակասից է, որ պատերազմական գործողությունների օրերին չկարողացանք բացատրել մեր դատն ու կեցվածքը», – նշում է Տիգրանը։ 

Մեծ և բազմազան Ֆրանսիա

Տարբեր ուժերի հետ տարբերակված աշխատանք է պետք, նշում է նա։ Ֆրանիական հասարակությունում հետզհետե ընդլայնվում են արմատական տրամադրությունները, և պահպանողական ուժերի կշիռն աճում է։ Այս թևում Արցախյան խնդիրը դիտում են որպես քրիստոնյա հավատքի պաշտպանություն, իսկ Արցախի հայերը համարվում են հավատքի պաշտպաններ (ինչպես Միջին Արևելքի քրիստոնյաները)։

Ընդգծված հայասեր վերաբերմունք է որդեգրել նաև Ֆրանսիայի կոմունիստական կուսակցությունը` ի հիշատակ Միսաք Մանուշյանի (որը, ինչպես հայտնի է, կոմունիստական կուսակցության ակտիվ անդամներից էր)։ Դրանից բացի, Ֆրանսիայի Կոմկուսը պաշտպանում է Կատալոնիայի ու քրդերի անկախությունը, նույն համատեքստում էլ` Արցախի ժողովրդի ինքնորոշման իրավունքը։

Ֆրանսիացիները տապալեցին միապետությունը՝ է՛լ ավելի անսահմանափակ միապետություն ստանալով

Մի շարք այլ ձախակողմյան ուժեր, սակայն, փորձել էին հարել ադրբեջանական կողմին, մանավորապես սա երևում էր mediapart.fr կայքի ու Liberation թերթի դեպքում։

Վերը նշվածը կրկին ստիպում է հիշել մի բան, որը Հայաստանում շատ հաճախ մոռանում ենք. Ֆրանսիայում կա ոչ միայն կես միլիոնանոց հայ համայնք, այլ նաև 65 միլիոնանոց հասարակություն, որի հետ պետք է մշտապես հաղորդակցվել (այդ թվում` պետական ծրագրերով)։ Այս գործն է, որ տարիներ շարունակ կատարում են բազմաթիվ ֆրանսիացի գործիչներ. պատգամավոր, այժմ սենատոր Վալերի Բուայեն, Ֆրանսիա–Արցախ խորհրդարանական խմբի նախկին և ներկա նախագահներ Գի Տեսյեն ու Ֆրանսուա Պուպոնին և այլք։

«Մենք պետք է աշխատենք ոչ միայն հայ համայնքի օրակարգի, այլև Հայաստան-Ֆրանսիա օրակարգի համար։ Սա թերևս մեր գլխավոր թույլ կողմն է. մենք չունենք թե՛ համայնքի, թե՛ Սփյուռքի հետ հարաբերությունների օրակարգ։ Թուրք և ադրբեջանական համայնքներն ունեն այդ տեսլականը և կարգապահությունը։ Մենք ի՞նչ պատասխան ունենք նրանց տալու», – նշում է Տիգրանը։

Բարեկամներ և դաշնակիցներ

Հայ համայնքը Ֆրանսիայում ունի ոչ շատ հզոր ու հարուստ, բայց հավատարիմ բարեկամներ, ի դեմս ասորական և հունական համայնքների, որոնք մշտապես նեցուկ են կանգնում Հայ դատի պաշտպանությանը։ Նրանց հետ կապը պետք է ուժեղացնել` արդարության միասնական պահանջ բարձրացնելով, ընդգծում է Տիգրանը։

Դրանից բացի, հսկայական աշխատանք կա անելու Ֆրանսիայի հրեական համայնքի հետ, որի հետ կապը շատ թույլ է։ Թեև վերջին քսան տարվա մեջ նրանք ընդունեցին Ցեղասպանությունը և աջակցում են հայ համայնքին, բայց կան նաև այնպիսիք, որոնք չեն ուզում դեմ կանգնել Իսրայելի պաշտոնական քաղաքականությանը։ Կարևոր խնդիր է`  նորովի մոտենալ այս հարաբերություններին և երկխոսություն ծավալել նրանց հետ, ընդգծում է Տիգրանը։

Realpolitik

Ֆրանսիա–Թուրքիա և Ֆրանսիա–Ադրբեջան հարաբերությունները հիմնված են նախևառաջ գործարար կապերի և ներդրումային ծրագրերի վրա։ Հայաստան–Ֆրանսիա բարեկամությունը մեծապես զգայական հիմքեր ունի. Հայաստանում եղել է և կա ֆրանսիական հումանիստական մտքի և մշակույթի խորը գնահատանք։ Սա շատ կարևոր է, բայց կա նաև ավելորդ խանդավառություն, որով Հայաստանում դիմավորում են Ֆրանսիայի ղեկավարների ելույթները հօգուտ Հայաստանի, նշում է Տիգրանը։

Նույնը վերաբերում է Եվրահանձնաժողովի նախագահ Շառլ Միշելի վերջին հայտարարություններին Ղարաբաղի մասին։ Բրյուսելը քննադատում է ատելության խոսքը, բայց ոչինչ չի անում դրա դեմ, մինչդեռ ԵՄ մի շարք երկրներ,իրենց շահերից ելնելով, շարունակում են ադրբեջանամետ քաղաքականությունը։

«Պետք է հստակ գիտակցենք, թե որտեղ է, որ Ֆրանսիան ու ԵՄ–ն կարող են ու ցանկություն ունեն ինչ-որ բան անել, և որտեղ հայտարարություններից այն կողմ բան չսպասենք։ Քննադատական հայացքն է, որ մեզ պակասում է (և որն, ի դեպ, ֆրանսիական մշակույթի անբաժանելի մասն է)», – նշում է Տիգրանը։

Ինչու են Ադրբեջանում Ռուսաստանի, ԱՄՆ–ի և Ֆրանսիայի դեսպանները հրաժարվել մեկնել Շուշի

Նույն կերպ այն պակասում է ֆրանսահայ կուսակցական կառույցների մոտ, երբ հայացք են գցում Հայաստանին։ Ավանդական կուսակցությունները (ՀՅԴ և այլն) երկրորդում են Հայաստանի իրենց կուսակիցների քարոզչությունը` առանց ընկալելու Հայաստանի իրականությունը։ Ցավալի է, որ ինչպես Հյաաստանում, այնպես էլ Սփյուռքում այնպես էլ չձևավորվեց միմյանց խնդիրներն ըմբռնելուև քննելու մշակույթը, ընդգծում է Եկավյանը։

Որպես հետևանք`  թուլացել են նաև համայնքային կառույցները (առաջին հերթին` Ֆրանսիայի հայկական կազմակերպությունների համակարգող կոմիտեն` CCAF-ը), որոնք կարող էին ամրապնդել ներդրումային և քաղաքական համագործակցությունը։ Ընդհանուր այն պիտի ավելի շատ հիմնված լինի փոխադարձ կախվածության ու շահերի ըկնալման վրա, եզրափակում  է Տիգրանը։

Այս խնդիրները Տիգրանը նախատեսում է ներկայացնել իր նոր գրքում, որի վրա արդեն սկսել է աշխատել։

150
թեգերը:
Տիգրան Եկավյան, Հայաստան, Ֆրանսիա
Ըստ թեմայի
Ֆրանսիական հիփ-հոփ և հայկական երաժշտություն. Jinj–ը նորովի է բացահայտել Փարաջանովին
«Կարևոր քայլ». Ֆրանսիայի ԱԳՆ-ն՝ հայ գերիների ազատ արձակման մասին
Ով չհասցրեց, եկող տարի կուտի. Ֆրանսիայում սկսել են տոննաներով հայկական ծիրան վաճառել
Ստորագրահավաք Հյուսիսային պողոտայում. 23 հուլիսի, 2021

Նույնիսկ դա է խրտնեցնում իշխանություններին. արգելվել է «Հայաստան» դաշինքի ստորագրահավաքը

83
(Թարմացված է 19:16 24.07.2021)
Գեղամ Մանուկյանը Sputnik Արմենիայի հետ զրույցում մեկնաբանել է ոստիկանության գործողությունները։ Ոստիկանության լրատվության ու հասարակայության հետ կապերի վարչություն զանգերն անպատասխան են մնում։

ԵՐԵՎԱՆ, 24 հուլիսի - Sputnik. «Հայաստան» դաշինքի անդամ Գեղամ Մանուկյանը Sputnik Արմենիայի հետ զրույցում հաստատեց տեղեկություններն այն մասին, որ ոստիկանությունն այսօր արգելել է Սյունիքի համայնքապետների ազատության պահանջով Երևանում կազմակերպված ստորագրահավաքը։

«Երեկվանից մեկնարկել էր ստորագրահավաքը, բազմաթիվ քաղաքացիներ միանում էին ստորագրահավաքին, նույնիսկ դա է խրտնեցնում, վախեցնում այս իշխանություններին։ Ստորագրահավաքն արգելելու հետ կապված որևէ տրամաբանական, մարդկային բացատրություն չկա։ Ինչպես բազմաթիվ մարդիկ, այդ թվում Սյունիքի համայնքների մեր ղեկավար ընկերները, անօրինական ձերբակալվեցին, բերման ենթարկվեցին, այնպես էլ նույն անօրինականությունը շարունակվում է նաև այժմ»,– ասաց Մանուկյանը։

Նրա խոսքով, Հայաստանի ոստիկանության ու իրավապահ համակարգի գործողություններում վերացել է որևէ տրամաբանություն, բացի իշխանությանը ցուցադրաբար ծառայելուց։

Նշենք, որ «Հայաստան» դաշինքի ստորագրահավք արգելելու մասին ոստիկանությունից մեկնաբանելու մեր փորձերն առայժմ որևէ արդյունք չեն տալիս։ Ոստիկանության լրատվության ու հասարակայության հետ կապերի վարչություն զանգերն անպատասխան են մնում։

Հիշեցնենք` հուլիսի 23-ից Հյուսիսային պողոտայում «Հայաստան» դաշինքի նախաձեռնությամբ ստորագրահավաք էր սկսվել ի պաշտպանություն Սյունիքի կալանավորված համայնքապետների։

Սյունիքի մարզի համայնքների ղեկավարների հետապնդումների հարցով ՄԻՊ–ը միջոցներ է ձեռնարկում

«Հայաստան» դաշինքի անդամ Արծվիկ Մինասյանը լրագրողների հետ զրույցում նշել էր, որ ստորագրահավաքը նախ արձանագրումն է այն բանի, որ Հայաստանի Հանրապետությունում այսօր քաղբանտարկյալներ կան։ Ըստ նրա` իրավասու մարմինները պարտավոր են ստորագրահավաքն ընդունել որպես հանրագրի մի ձև և պատշաճ ընթացք տալ դրան։

ԱԺ արտահերթ ընտրություններից հետո Սյունիքի նախկին և ներկա որոշ պաշտոնյաների դեմ քրեական գործեր են հարուցվել։ Կալանավորվել են Քաջարանի համայնքի ղեկավար Մանվել Փարամազյանը, Մեղրիի նախկին համայնքապետ Մխիթար Զաքարյանը, Որոտանի համայնքապետ Սուրիկ Օհանջանյանը, Գորիսի մշակութային կենտրոնի տնօրեն Հայկ Խաչատրյանը, Գորիսի համայնքապետ Առուշ Առուշանյանն ու Սիսիանի համայնքապետ Արթուր Սարգսյանը։

Կալանավորվել էր նաև Քարահունջի համայնքապետ Լուսինե Ավետյանը, սակայն ավելի ուշ նա ազատ արձակվեց։ 

83
թեգերը:
Գեղամ Մանուկյան, ստորագրահավաք, «Հայաստան» դաշինք
Ըստ թեմայի
«Ինչու էր որոշվել, որ լիքը ոստիկան Երևանից պետք է գնա Սյունիք՝ քվեարկի». Վարդևանյան
Քննարկվում է Գեղարքունիքում ու Սյունիքում ռուս սահմանապահների տեղակայման հարցը. ՌԴ դեսպան
ՀՀ Սյունիքի մարզպետ Մելիքսեթ Պողոսյանի որդու նկատմամբ հետախուզում է հայտարարվել. ՔԿ
Նիկոլ Փաշինյան. արխիվային լուսանկար

Կադրային տեղապտույտն ու ինֆորմացիայի արտահոսքը. ինչի՞ մասին են խոսում Փաշինյանի քայլերը

15
(Թարմացված է 19:58 25.07.2021)
Քաղաքագետ Սուրեն Սուրենյանցը Sputnik Արմենիայի եթերում անդրադարձել է այն հարցին, թե ինչպիսի հնարավորություններ ունեն իշխանությունները կադրային ռեսուրսների առումով, և ինչի մասին են վկայում փոխատեղումներն ու վերջին նշանակումները։ 
Կադրերի տեղապտույտը խոսում է իշխանության կադրային բանկի բացակայության մասին

Տպավորություն է, որ ինստիտուցիոնալ բովանդակային առումով թիմի որևէ փոփոխություն տեղի չի ունենում, կադրերի տեղապտույտ է, ինչը մի կողմից վկայում է իշխանության կադրային բանկի բացակայության մասին, մյուս կողմից կադրային տեղապտույտները խոսում են կոռուպցիոն ռիսկերի մասին, որ թիմի ներսում կան ստվերային պայմանավորվածություններ, և իշխանության առաջին դեմքը կադրային նման նշանակումներով ցանկանում է, որ ինֆորմացիոն արտահոսք չլինի։ Sputnik Արմենիայի հետ զրույցում նման կարծիք հայտնեց քաղաքագետ Սուրեն Սուրենյանցը`գնահատելով ՀՀ վարչապետի պաշտոնակատար Նիկոլ Փաշինյանի կադրային նշանակումները։ 

Խոսքը վերաբերում է մասնավորապես Արայիկ Հարությունյանի, Արմեն Գրիգորյանի և Արշակ Կարապետյանի նշանակմանը, որոնք համապատասխանաբար նշաակվել են ՀՀ վարչապետի աշխատակազմի ղեկավար, ՀՀ ԱԳՆ առաջին փոխնախարար և պաշտպանության նախարարի առաջին տեղակալ։           

«Արայիկ Հարությունյանը Փաշինյանի առաջին պաշտոնավարման ամենաքննադատված նախարարներից մեկն էր, ընդ որում` նրան նույնիսկ իշխանության թիմի ներկայացուցիչներն էին քննադատում։ Քննադատությունն այնքան մեծ էր, որ նոյեմբերի 9-ի տխրահռչակ հայտարարությունից հետո հասարակության ցասումը մի փոքր զսպելու համար Արայիկ Հարությունյանը պաշտոնանկ եղած նախարարներից մեկն էր, և հիմա, երբ այդ անձը նշանակվում է աշխատակազմի ղեկավար, դա կադրային քաղաքականության շատ վատ ցուցիչ է։ Նրան նույնիսկ փորձել են ապարատային շատ մեծ կշիռ հաղորդել, որովհետև նա էր ԱԳՆ–ում և ՊՆ–ում ներկայացրել դե ֆակտո նախարարներին»,– նշեց քաղաքագետը։

Արշակ Կարապետյանի պատճառով ՊՆ-ում հրաժարականների շարք է սկսվել․ աղբյուր

Սուրենյանցը երկրորդ նշանակման վերաբերյալ ասաց, թե բոլորի համար էլ կախնատեսելի է, որ հենց Արմեն Գրիգորյանն է դառնալու արտգործնախարարը։ Նրա կուրացիայով պատերազմից ընդամենը երկու ամիս առաջ մշակվեց և հաստատվեց ազգային անվտանգության դոկտրինը, որում, ըստ քաղաքագետի, պատերազմի վերսկսման ռիսկերը հաշվարկված չէին, ինչը լավագույնս ցույց է տալիս, որ Գրիգորյանն ամենևին էլ չի փայլում պրոֆեսիոնալ հատկանիշներով։ 

«Մյուս կողմից, հաշվի առնելով պատերազմի ծանր հետևանքներն ու այն հանգամանքը, որ մեր երկրի դիմադրողականությունը շեշտակի անկում է ապրել, Նիկոլ Փաշինյանը նույնիսկ պարտավոր էր կադրային քաղաքականության մեջ այնպիսի լուծումներ գտնել, որպեսզի նոր նշանակված կադրերը կարողանան արդյունավետ աշխատել մեր գործընկերների հետ, մինչդեռ Արմեն Գրիգորյանի նկատմամբ շեշտված անվստահություն կա ՌԴ իշխանության որոշ շրջանակներում, փորձագիտական, մեդիա շրջանակներում։ Այս առումով` դա նույնպես անհաջող նշանակում էր»,–հավելեց քաղաքագետը։ 

Երրորդ նշանակումն առնչվում է Արշակ Կարապետյանին, որին, Սուրենյանցի վկայակոչմամբ, հանրությունը ճանաչում է երկու դրվագով։

Առաջինն այն է, որ Կարապետյանը 2016 թվականի պատերազմից առաջ և ընթացքում եղել է ԳՇ հետախուզության վարչության պետը և պաշտոնանկ է արվել պատերազմից անմիջապես հետո այն պատճառով, որ հետախուզությունը պատշաճ չի աշխատել և համապատասխան տեղեկություններ չի փոխանցել ռազմաքաղաքական ղեկավարությանը պատերազմի սկսման մասին, և երկրորդ` Արշակ Կարապետյանը հայտնի է նրանով, որ միակ գեներալն է, որը ցուցմունք է տվել «Մարտի 1»-ի գործով Ռոբերտ Քոչարյանի դեմ, ինչը լավ ցուցիչ չէ կադրեր ընտրելու հարցում, քանզի շեշտը դրվում է ոչ թե պրոֆեսիոնալիզմի, այլ անձնական հավատարմության վրա։ 

Բարեփոխումները բավականին արագ են լինելու. Հարությունյանը ներկայացրել է Արշակ Կարապետյանին

15
թեգերը:
պաշտոն, ազատում, Նշանակում, Հայաստան, Նիկոլ Փաշինյան
Ըստ թեմայի
ՍԴ գործընթացից հետո էլ ընտրությունների գլոբալ պատկերը չի փոխվի. Սուրենյանց
Որը կլիներ ամենացանկալի տարբերակը. քաղաքագետը` Խաչատուրով - Փաշինյան հակամարտության մասին
Ի՞նչ կա Քոչարյանի մտքում, որ փողոցային պայքարից հրաժարվել է, և ի՞նչ կապ ունի Մոսկվան