Ալեն Սիմոնյան. արխիվային լուսանկար

Սիմոնյանն ԱԺ-ում կցանկանար տեսնել Խաչատուր Սուքիասյանին, Արամ Սարգսյանին, ՀՅԴ-ին, ՀԱԿ-ին

346
(Թարմացված է 17:20 31.03.2021)
Ալեն Սիմոնյանն անդրադարձել է նաև այսօր հրապարակված հարցումներին, որոնց համաձայն` Փաշինյանի վարկանիշը Հայաստանում նվազել է, Քոչարյանինը՝ բարձրացել:

ԵՐԵՎԱՆ, 31 մարտի – Sputnik. Ճիշտ կլինի, եթե իշխող քաղաքական ուժը արտահերթ ընտրություններին մասնակցի «Քաղաքացիական պայմանագիր» անունով և ոչ թե դաշինքով: Այսօր լրագրողների հետ զրույցում նման տեսակետ հայտնեց ՀՀ ԱԺ փոխնախագահ Ալեն Սիմոնյանը:

Նա նաև ասաց, որ ապագա նախընտրական ցուցակի շուրջ արդեն որոշակի պատկերացում կա: Օրինակ՝ «Իմ քայլը» լքած պատգամավորները դրանում տեղ չեն ունենա:

«Նրանց հետ աշխատելն անհնար եմ համարում: Նրանց այսօրվա աշխատանքն էլ համարում եմ ոչ լեգիտիմ: Մնացածի հետ կապված` կարող եմ ասել, որ մեր գործընկերների մեծ մասը շարունակելու է իր աշխատանքը: Մի մասը կարող է գործադիրում շարունակել: Բայց մեր թիմը, որը կուռ մնաց, շարունակելու է աշխատել: Մեր ներսում ամեն ինչ ավելի քան հարթ է»,- ասաց նա՝ առանց կոնկրետ անուններ հնչեցնելու:

Ինչ վերաբերում է գործարար Խաչատուր Սուքիասյանի՝ ընտրություններին մասնակցելու հավանականությանը, Սիմոնյանը նշեց, որ հստակ տեղեկություններ չունի այդ հարցի վերաբերյալ, թեև ուրախ կլինի, եթե նա ու «իր նման մարդիկ, որոնք պատմություն ունեն», ինչ-որ ձևով մասնակցություն ունենան:

«Ես իմ պատկերացումն եմ ասում, որ կան մարդիկ, որոնք, լավ կլինի, որ լինեն ԱԺ-ում և ներկայացնեն այդ խավի շահերը: Ես չեմ խոսում մեր ցուցակով կամ միասնական գնալու մասին: Օրինակ, ես ուզում եմ, որ Արամ Զավենի Սարգսյանը անպայման ներկայացված լինի, էլի շատ ուժեր, օրինակ, «Քաղաքացու որոշում» կուսակցությունը, ՀԱԿ-ը, նույնիսկ ՀՅԴ-ն կուզենամ, որ ներկայացված լինի ԱԺ-ում»,- ասել է ԱԺ փոխնախագահը:

Ալեն Սիմոնյանն անդրադարձել է նաև այսօր հրապարակված հարցումներին, որոնց համաձայն, Փաշինյանի վարկանիշը Հայաստանում նվազել է, Քոչարյանինը՝ բարձրացել:

«Գնացեք մոտակա մարզը, մոտակա գյուղը եւ ձեր ասած անձի անունը տվեք, բայց խորհուրդ եմ տալիս մեքենայի շարժիչը չանջատել այդ անունը տալուց: Ձեր ասած անձնավորությունը, երբ ունեցել է իշխանական լծակներ, բոլոր գրեթե բոլոր հեռուստաալիքները, այդ ժամանակ նույնիսկ չեն կարողացել ընտրություններում հաղթել»,-ասաց նա:

«Դեռ պետք է ստորագրեմ». Արմեն Սարգսյանը` ընտրությունների լինել–չլինելու մասին

Հիշեցնենք՝ մարտի 31-ին Gallup-ի հայաստանյան ներկայացուցիչ «Էմ Փի Ջի» ընկերության հրապարակած հարցումների արդյունքների համաձայն` Հայաստանում ամենաբարձր վարկանիշ ունեցող գործիչը ՀՀ մարդու իրավունքների պաշտպան Արման Թաթոյանն է, որն առավելագույն 5 միավորից ստացել է 3.7 բալ:

Գործող վարչապետ Նիկոլ Փաշինյանը ստացել է 2.7 բալ, ՀՀ նախագահ Արմեն Սարգսյանը` 2.4 բալ, ՀՀ երկրորդ նախագահ Ռոբերտ Քոչարյանն ու ԲՀԿ նախագահ Գագիկ Ծառուկյանը`2.1 բալ, «Լուսավոր Հայաստանի» նախագահ Էդմոն Մարուքյանը՝ 1.9, ՀՀ երրորդ նախագահ Սերժ Սարգսյանը` 1.6, ՀՅԴ ԳՄ ներկայացուցիչ Իշխան Սաղաթելյանը՝ 1.5, նախկին վարչապետ Վազգեն Մանուկյանը՝ 1.5, «Հայրենիք» կուսակցության նախագահ Արթուր Վանեցյանը՝ 1.4 բալ:

«Հույսեր են կապում Գագիկ Ծառուկյանի հետ». ինչո՞ւ է ԲՀԿ–ն մարզային այցեր անցկացնում

346
թեգերը:
Ընտրություններ, Հայ Յեղափոխական Դաշնակցություն (ՀՅԴ), Արամ Սարգսյան, Խաչատուր Սուքիասյան, Ալեն Սիմոնյան
Ըստ թեմայի
Ես ոչ մեկի կողքին կանգնած չեմ. Խաչատուր Սուքիասյանը մասնակցում է իշխանության հանրահավաքին
Խաչատուր Սուքիասյանը կանոններ կթելադրի՞ շուկայում. Դավթյանը «բենզինային» գործարքի մասին
Խաչատուր Սուքիասյանը կմասնակցի՞ ԱԺ արտահերթ ընտրություններին
Նիկոլ Փաշինյանն ու Արթուր Վանեցյանը. արխիվային լուսանկար

Ինչի համար պատժվեց ԲԴԽ նախագահը, և ով է լինելու հաջորդ թիրախը. «Ժողովուրդ»

112
(Թարմացված է 10:17 16.04.2021)
ԲԴԽ–ի արդեն նախկին նախագահ Ռուբեն Վարդազարյանի կնոջը հրավիրել էին ՀՔԾ մի քրեական գործով, որը հարուցված էր իր հայտարարագրի ուսումնասիրության հիման վրա։

ԵՐԵՎԱՆ, 16 ապրիլի – Sputnik. ԲԴԽ նորընտիր անդամ Գագիկ Ջհանգիրյանը հասավ իր նպատակին. երեկ ԲԴԽ անդամ Գագիկ Ջհանգիրյանի ստորագրությամբ կասեցվեցին ԲԴԽ նախագահ Ռուբեն Վարդազարյանի լիազորությունները, և ԲԴԽ նախագահի պարտականությունները այսուհետ կկատարի Գագիկ Ջհանգիրյանը։ Այս փոփոխությունը պատահական չէր, քանի որ ՀՀ վարչապետ Նիկոլ Փաշինյանը հրահանգել էր քրեական գործերի սպառնալիքներով հասնել ԲԴԽ նախագահ Ռուբեն Վարդազարյանի հրաժարականին։ Այս մասին գրում է «Ժողովուրդ» օրաթերթը։ 

«Նկատենք, որ թեև Գագիկ Ջհանգիրյանի տարիքը չի համապատասխանում ԲԴԽ անդամ ընտրվելու համար, սակայն օրենքները շրջանցելով՝ նրան ուղարկեցին ԲԴԽ, որպեսզի բոլոր անհնազանդ դատավորներին իր բուռը հավաքի։ Իհարկե, իշխանությունները ԲԴԽ նախագահի պաշտոնը խոստացել են Ջհանգիրյանին»,–գրում է թերթը։

Հիշեցնենք, որ նաև Վարդազարյանի կնոջը հրավիրել էին ՀՔԾ մի քրեական գործով, որը հարուցված էր իր հայտարարագրի ուսումնասիրության հիման վրա։ Դրանից բացի, Ռուբեն Վարդազարյանի հետ կապված երկու քրեական գործ կա հարուցված: Եվ ստացվում է՝ իշխանությունները չեն բավարարվել խորհրդարանում նրա դեմ արշավով և անցել են պատժի այլ մեթոդի:

ԲԴԽ նախագահ Ռուբեն Վարդազարյանի նկատմամբ քրեական գործ է հարուցվել. «Հրապարակ»

Պատճառն էլ, ըստ օրաթերթի, այն էր, որ Վարդազարյանը մտերիմ հարաբերություններ է ունեցել Ազգային անվտանգության ծառայության նախկին տնօրեն Արթուր Վանեցյանի հետ: 

«Ժողովուրդի» տեղեկություններով՝ իշխանությունների հաջորդ թիրախը ՀՀ մարդու իրավունքների պաշտպան Արման Թաթոյանն է։

ԲԴԽ նախագահը` վեթինգի, վնգստացող դատավորների և դրածո լինելու մասին. բացառիկ հարցազրույց

112
թեգերը:
Արման Թաթոյան, Արթուր Վանեցյան, Ռուբեն Վարդազարյան, Բարձրագույն դատական խորհուրդ (ԲԴԽ), Նիկոլ Փաշինյան
Ըստ թեմայի
Քաղաքացու դիմումը կարող է դատավորին պատժելու առիթ դառնալ. ԲԴԽ–ին լիազորություն են տալիս
ԲԴԽ նախագահի հայտարարության մեջ քաղաքական ֆոն փնտրելն անիմաստ է. նախկին նախարար
ՀՀ նախագահն ու ԲԴԽ նախագահը քննարկել են սահմանադրական օրենքի փոփոխությունները
Արմեն Սարգսյանը Վրաստանում

Ի՞նչ կտա Արմեն Սարգսյանի թբիլիսյան այցը. Վրաստանի փոխվարչապետի մեկնաբանությունը

93
(Թարմացված է 17:07 15.04.2021)
Վրաստանում ՀՀ նախագահ Արմեն Սարգսյանի այցը համարում են ժամանակին, հատկապես տարածաշրջանում ստեղծված իրավիճակից հետո:

ԵՐԵՎԱՆ, 15 ապրիլի – Sputnik. Վրաստանի փոխվարչապետ, արտաքին գործերի նախարար Դավիթ Զալկալիանին երկկողմ հարաբերությունների զարգացման տեսանյկյունից կարևոր իրադարձություն է համարում Հայաստանի նախագահ Արմեն Սարգսյանի այցը Վրաստան: Տեղեկությունը հայտնում է Վրաստանի ԱԳՆ մամուլի ծառայությունը։

Նշենք, որ ՀՀ նախագահ Արմեն Սարգսյանը Թբիլիսի է մեկնել երկօրյա պաշտոնական այցով։ Նրան Թբիլիսիի միջազգային օդանավակայանում դիմավորել է Դավիթ Զալկալիանին։

«Այցն իրականացվում է պատմական կարևոր ժամանակահատվածում։ Բնականաբար, լավ հնարավորություն կա, որպեսզի քննարկվեն երկկողմ հարաբերությունների բոլոր հիմնական ուղղությունները, ինչպես նաև տարածաշրջանի իրադրությունը», - ասել է Զալկալիանին:

Նա նշել է, որ այցի ընթացքում կողմերը հնարավորություն կունենան խոսելու այն դինամիկայի մասին, որը պահպանվել է հայ-վրացական հարաբերություններում վերջին տարիներին, ինչպես նաև երկկողմ հարաբերությունների հեռանկարների մասին:

Զալկալիանիի խոսքով ՝ այսօր կարևոր է տարածաշրջանում ստեղծված իրավիճակի վերաբերյալ դիրքորոշումների փոխանակումը, նաև այն առումով, թե ինչ է անհրաժեշտ անել տարածաշրջանի շարունակական կայունության և զարգացման համար:

«Վստահ եմ, որ այս այցից հետո մեր հարաբերությունները որակական նոր փուլ կտեղափոխվեն», - ասել է նա:

Հիշեցնենք, որ Սարգսյանը ՀՀ նախագահի պաշտոնը ստանձնելուց հետո երրորդ անգամ է այցելում Վրաստան։ Առաջին անգամ նա Թբիլիսի էր մեկնել 2018 թվականի մայիսի 26-ին Վրաստանի առաջին ժողովրդավարական հանրապետության հիմնադրման 100-ամյակի տոնակատարությանը: Իսկ 2018 թվականի դեկտեմբերին ՀՀ նախագահը մասնակցել էր Վրաստանի նախագահ Սալոմե Զուրաբիշվիլիի երդմնակալության արարողությանը:

93
թեգերը:
Արմեն Սարգսյան, Վրաստանի Հանրապետություն
Ըստ թեմայի
ՀՀ նախագահ Արմեն Սարգսյանը Վրաստան մեկնելուց առաջ վրացերեն գրառում է արել
Սարգսյանի այցին ընդառաջ․ Հայաստանն ու Վրաստանը՝ թվերով
Հայաստանի և Վրաստանի դրոշները` դիմակների վրա. Արմեն Սարգսյանն արդեն Թբիլիսիում է
Նունե Սարգսյանը հյուրընկալվել է Թբիլիսիի «Art Palace» արվեստի թանգարանում

Նունե Սարգսյանի այցի պատվին Թբիլիսիի «Art Palace» թանգարանում բացվել է հայկական անկյուն

0
(Թարմացված է 11:35 16.04.2021)
Տիկին Սարգսյանը գրառում է կատարել թանգարանի պատվավոր հյուրերի գրքում՝ ներկայացնելով իր տպավորությունները:

ԵՐԵՎԱՆ, 16 ապրիլի — Sputnik. Հայաստանի Հանրապետության նախագահ Արմեն Սարգսյանի՝ Վրաստան կատարած պաշտոնական այցի շրջանակում տիկին Նունե Սարգսյանը հյուրընկալվել է Թբիլիսիի «Art Palace» արվեստի թանգարանում Տեղեկությունը հայտնում են ՀՀ նախագահի մամուլի ծառայությունից։

Встреча президента Армении Армена Саркисяна и Патриарха всея Грузии Илии II (16 апреля 2021 год), Тбилиси
© Sputnik / Aram Nersesyan
Նունե Սարգսյանը հյուրընկալվել է Թբիլիսիի «Art Palace» արվեստի թանգարանում

Պատմական այս շենքը հայտնի է ոչ միայն իր ճարտարապետությամբ, այլև վրացական մշակույթի ու արվեստի ցուցանմուշների յուրօրինակ հավաքածուներով: Այստեղ պահվում են վրացական թատրոնին, կինոյին, օպերային ու բալետին, բանահյուսությանը վերաբերող ավելի քան 300 հազար ցուցանմուշներ, այդ թվում՝ հայկական արվեստն ու մշակույթը ներկայացնող բազմաթիվ նմուշներ:

Супруга президента Нунэ Саркисян посетила музей искусств Art Palace (16 апреля 2021). Тбилиси
© Photo / official site of the President of RA / Karo Sahakyan
Նունե Սարգսյանը հյուրընկալվել է Թբիլիսիի «Art Palace» արվեստի թանգարանում

«Տիկին Սարգսյանը թանգարանի գլխավոր տնօրեն Գիորգի Կալանդիայի ուղեկցությամբ շրջայց է կատարել թանգարանում, ծանոթացել արվեստի տարբեր ճյուղերի պատմությունն ու զարգացումը ներկայացնող իրերին ու ցուցանմուշներին»,–ասված է հաղորդագրության մեջ:

Արմեն Սարգսյանը Թբիլիսիի Հերոսների հրապարակում ծաղիկներ է խոնարհել անմար կրակի մոտ

Տեղեկացվում է, որ տիկին Սարգսյանի այցի կապակցությամբ թանգարանում բացվել է յուրահատուկ «հայկական անկյուն», որտեղ, մասնավորապես, ներկայացվել են Թբիլիսիի Պետրոս Ադամյանի անվան պետական հայկական դրամատիկական թատրոնի տարբեր տարիների խաղացանկերը՝ սկսած դեռևս 19-րդ դարից, երբ այն հանդես էր գալիս որպես հայկական պրոֆեսիոնալ թատրոն։

Супруга президента Нунэ Саркисян посетила музей искусств Art Palace (16 апреля 2021). Тбилиси
© Photo / official site of the President of RA / Karo Sahakyan
Նունե Սարգսյանը հյուրընկալվել է Թբիլիսիի «Art Palace» արվեստի թանգարանում

Ներկայացված էին նաև մեծանուն ռեժիսոր Սերգեյ Փարաջանովի ֆիլմերում օգտագործված արքունական տարազները, ինչպես նաև Ախալցխայի արծաթագործության հիանալի նմուշներ և միջնադարյան Անի մայրաքաղաքի եկեղեցիների ու վանքերի արխիվային լուսանկարների հավաքածուներ:

Супруга президента Нунэ Саркисян посетила музей искусств Art Palace (16 апреля 2021). Тбилиси
© Photo / official site of the President of RA / Karo Sahakyan
Նունե Սարգսյանը հյուրընկալվել է Թբիլիսիի «Art Palace» արվեստի թանգարանում

Տիկին Սարգսյանը շնորհակալություն է հայտնել թանգարանի ղեկավարին՝ նման գեղեցիկ ու տպավորիչ ցուցադրության կազմակերպման համար: Նա նաև գրառում է կատարել թանգարանի պատվավոր հյուրերի գրքում՝ ներկայացնելով իր տպավորությունները և խոստանալով վերադառնալ ու ավելի շատ ժամանակ անցկացնել թանգարանում:

0
թեգերը:
Թանգարան, Հայաստան, Վրաստանի Հանրապետություն, Թբիլիսի, Արմեն Սարգսյան, Նունե Սարգսյան