Սեյրան Օհանյան

ՍԴ որոշմամբ ևս մեկ անգամ արձանագրվեց` քաղաքական հետապնդում է եղել մեր դեմ. Սեյրան Օհանյան

92
(Թարմացված է 14:25 30.03.2021)
Պաշտպանության նախկին նախարարը կարծում է, որ դատարանը պետք է պարզի` ովքեր են «Մարտի 1»-ի սպանությունների մեղավորները։

ԵՐԵՎԱՆ, 30 մարտի – Sputnik.  ՀՀ պաշտպանության նախկին նախարար Սեյրան Օհանյանը կարծում է, որ Երևանի ընդհանուր իրավասության դատարանն այսօր ՀՀ երկրորդ նախագահ Ռոբերտ Քոչարյանի և մյուսների դեմ հարուցված քրգործով կասի իր խոսքը և հանցակազմի բացակայության պատճառով կկարճի քրգործը։ Օհանյանը մինչև դատական նիստը սկսվելը լրագրողների հետ զրույցում նման կարծիք հայտնեց` հիշեցնելով, որ Սահմանադրական դատարանն արդեն իսկ ասել է իր խոսքը։

Հիշեցնենք, որ ՍԴ–ն հակասահմանադրական է ճանաչել ՀՀ քրեական օրենսգրքի 300.1 հոդվածը(սահմանադրական կարգը տապալումը): Ըստ որոշման` 300.1 հոդվածը ճանաչվել է Սահմանադրության 78-րդ և 79-րդ հոդվածներին հակասող և անվավեր։ Քիչ անց կկայանա Քոչարյանի և մյուսների դեմ հարուցված քրգործով հերթական նիստը։

«Փաստաբանների հետ կխորհրդակցենք և կորոշենք մեր հետագա քայլերը։ Ամեն դեպքում, կարծում եմ, որ Սահմանադրական դատարանի որոշումը ճիշտ որոշում է, ՍԴ-ն իր որոշմամբ ևս մեկ անգամ փաստում է, որ 300.1 հոդվածով քաղաքական հետապնդում է եղել մեր նկատմամբ։ Ես դեռ այն ժամանակ էի ասում, որ չեմ հասկանում մեղադրանքի էությունն իմ նկատմամբ»,–ասաց Օհանյանը։

Նրա խոսքով` զինված ուժերը մարտի 1-ի դեպքերի ժամանակ ՀՀ կարևոր օբյեկտների պաշտպանությունն են ապահովել։

Հարցին, թե ի՞նչ է կարծում` հնարավոր է վերաորակավորվի իրենց առաջադրված մեղադրանքը` Օհանյանը պատասխանեց, որ այդ դեպքում ավելի կհաստատվի, որ իրենց դեմ քաղաքական հետապնդում է իրականացվում, այլ ոչ թե քրեական։

Սեյրան Օհանյանը նշեց` «Մարտի 1»-ին վերաբերյալ բոլոր տեսանյութերով հստակ երևում է՝ ով է բախումներ հրահրում, ում հոգին էր լուսավորվում, երբ ոստիկանների ձեռքից ինչ–որ պարագաներ էին վերցնում։

Ռոբերտ Քոչարյանի նկատմամբ 300.1 հոդվածով քրեական հետապնդումը դադարեցվում է. փաստաբան

«Կարծում եմ, որ դատական համակարգը պետք է պարզի` ովքեր են մեղավորները սպանությունների։ Փաշինյանը դատապարտվել է զանգվածային անկարգությունների հոդվածով, ու այդ դատապարտման հոդվածը մինչ օրս չի հերքվել` անգամ Փաշինյանի` վարչապետ լինելու ժամանակ։ Իսկ այս ամենն արդյունք է զանգվածային անկարգության»,–ասաց Օհանյանը։

Հիշեցնենք՝ Քոչարյանի փաստաբանները  դիմել էին Սահմանադրական դատարան ՝ խնդրելով պարզել նրան առաջադրված մեղադրանքների օրինականությունը:

Իսկ արդեն ՍԴ-ի որոշումից հետո Քոչարյանի փաստաբանները հայտարարեցին, որ նախկին նախագահի դեմ հարուցված քրեական գործը պետք է կարճվի և դատարանից պահանջեցին դադարեցնել նրա քրեական հետապնդումը:

2018-ի հուլիսի 26-ին Հայաստանի հատուկ քննչական ծառայությունը մեղադրանք առաջադրեց երկրորդ նախագահ Ռոբերտ Քոչարյանին ՝ 2008 թվականի մարտի 1-ին բողոքի ցույցերը ցրելու դեպքի առթիվ հարուցված քրեական գործի շրջանակներում սահմանադրական կարգը տապալելու մեջ:

Քոչարյանը գործը համարում է շինծու և պնդում է, որ դրանով իր նկատմամբ քաղաքական հետապնդում է իրականացվում: Գործում ներգրավված են նաև ՀԱՊԿ նախկին գլխավոր քարտուղար Յուրի Խաչատուրովը, պաշտպանության նախկին նախարար Սեյրան Օհանյանը և նախագահի աշխատակազմի նախկին ղեկավար Արմեն Գևորգյանը:

 

92
թեգերը:
Ռոբերտ Քոչարյան, «Մարտի 1–ի» գործով դատավարություն, Սահմանադրական դատարան, Դատարան, Սեյրան Օհանյան
Ըստ թեմայի
«Քոչարյան» դաշի՞նք կստեղծվի. ինչ են պայմանավորվել ընդդիմության լիդերները. «Ժողովուրդ»
Ռոբերտ Քոչարյանի նկատմամբ 300.1 հոդվածով քրեական հետապնդումը դադարեցվում է. փաստաբան
Քոչարյանի կրած վնասների համար կան ռեաբիլիտացիայի հնարավորություններ. Խուդոյան
Ռուս խաղաղապահների անցակետը Շուշի տանող ճանապարհին

Երևանը չի կարող, Բաքուն չի ցանկանա. փորձագետը՝ Արցախում էսկալացիայի վտանգի մասին

80
(Թարմացված է 18:13 11.04.2021)
Արցախի վերաբերյալ համաձայնագրերից «դուրս գալու» բացասական սցենար չի դիտարկվում ոչ հայ, ոչ էլ ադրբեջանցի վերլուծաբանների կողմից։

ԵՐԵՎԱՆ, 11 ապրիլի – Sputnik․ Ղարաբաղում ռազմական գործողությունների վերսկսման ռիսկը 99 տոկոսով նվազել է, բայց երկար տարիներ են պետք՝ Երևանի և Բաքվի միջև հարաբերությունների կարգավորման, տնտեսական համագործակցության հաստատման համար։ Բաքվում լրագրողների հետ հանդիպման ժամանակ նման կարծիք է հայտնել «Եվրասիական զարգացման» փորձագիտական կենտրոնի գործադիր տնօրեն Ստանիսլավ Պրիտչինը։

«Ղարաբաղում ռազմական գործողությունների վերսկսման վտանգը նվազագույն է։ Ֆորսմաժորային հանգամանքներ հնարավոր են, բայց ընդհանուր առմամբ 99 տոկոսով նվազեցվել են ռազմական գործողությունների վերսկսման ռիսկերը՝ աշխարհաքաղաքական, ռազմաքաղաքական, դիվանագիտական, միջազգային-իրավական իրավիճակի շնորհիվ»,- նշել է նա։

Փորձագետի կարծիքով՝ Հայաստանը ոչ ռեսուրս, ոչ էլ հնարավորություն ունի փոխելու գոյություն ունեցող ստատուս-քվոն, իսկ Ադրբեջանի առջև դրված են տնտեսական համագործակցության իրականացման, Երևանի հետ հարաբերությունների կարգավորման խնդիրներ։

«Ներկայիս ստատուս-քվոն բխում է Ադրբեջանի շահերից։ Իրավիճակը համեմատաբար կայուն է», - կարծում է փորձագետը։

Նրա խոսքով՝ Ղարաբաղի վերաբերյալ համաձայնագրերից «դուրս գալու» բացասական սցենար չի դիտարկվում ոչ հայ, ոչ էլ ադրբեջանցի վերլուծաբանների կողմից։

Արցախյան պատերազմում զոհված հայերի հիշատակին այգի է տնկվել Կիպրոսում

«Գործնականում իրագործվել են հայտարարության հիմնական կետերը (հրադադարի մասին-խմբ.), աստիճանաբար լուծվում են հարցերը։ Ընդունելի սցենարը բոլոր հարցերի կարգավորումն է, տնտեսական ակտիվությունը, հայ-ադրբեջանական արաբերությունների նորմալացումը։ Այո, սա այսօր մի քիչ ֆանտաստիկ է թվում։ Դրա համար տարիների աշխատանք է պետք, շատ բան պետք է որոշվի, կան «ստորջրյա խութեր» և ռիսկեր»,- ընդգծել է նա։

80
թեգերը:
Ադրբեջան, Հայաստան, Արցախ
Ըստ թեմայի
Արցախի նախագահականում քննարկվել է բռնազավթված համայնքների իրավական կարգավիճակի հարցը
ՀՀ նախագահը խոսել է Արցախի հիմնախնդրի ծագման մասին ու հիշեցրել Պուտինի խոսքերը
Զոհերի աճյունների որոնողական աշխատանքներն արդյունք չեն տվել. Արցախի ԱԻՊԾ
Նիկոլ Փաշինյան, Վլադիմիր Պուտին. 7 ապրիլի, 2021

Փաշինյանն ասել է, թե ինչ են պայմանավորվել Պուտինի հետ «Սպուտնիկ V»-ի հարցով

98
(Թարմացված է 15:46 11.04.2021)
ՀՀ վարչապետի խոսքով՝ մեր երկրին ռուսական պատվաստանյութի միլիոնավոր դեղաչափ է պետք։

ԵՐԵՎԱՆ, 11 ապրիլի – Sputnik․ ՀՀ վարչապետ Նիկոլ Փաշինյանը հայտարարել է, որ պայմանավորվել է ՌԴ Վլադիմիր Պուտինի հետ «Սպուտնիկ V» ռուսական պատվաստանյութի մատակարարման վերաբերյալ։

«Առաջին խմբաքանակը Հայաստան է բերվում՝ 15 հազար դեղաչափ, բայց մենք մոտավորապես միլիոնների կարիք ունենք։ Եվ մենք Ռուսաստանի նախագահի հետ պայմանավորվել ենք, որ Հայաստանը կստանա այն»,- ասել է Փաշինյանը «Ռոսիա 1» հեռուստաալիքին տված հարցազրույցում։

Նա նշել է, որ այսօր աշխարհում ռուսական պատվաստանյութի հեղինակությունը բարձրանում է, և Հայաստանում նույնպես մեծ վստահությամբ են վերաբերվում դրան։

Նշենք, որ կորոնավիրուսի դեմ ռուսական «Սպուտնիկ V» պատվաստանյութի առաջին խմբաքանակը՝ 15 հազար դեղաչափով, Հայաստան է տեղափոխվել ապրիլի 8-ին:

Հայաստանի առողջապահության նախարարությունից «Ինտերֆաքսին» հայտնել են, որ «Սպուտնիկ V» պատվաստանյութը պաշտոնական օգտագործման թույլտվություն է ստացել փետրվարի 1-ին:

«Ռոսիա 1»-ի եթերում Փաշինյանն անդրադարձել է նաև ՌԴ նախագահի հետ ապրիլի 7-ի հանդիպմանն ու այն արդյունավետ գանահատել։

Որքա՞ն պատվաստանյութ է գնել Հայաստանը

«Մենք ունեցել ենք շատ հագեցած օրակարգ, արդյունավետ քննարկել ենք երկկողմ հարաբերությունների բոլոր հարցերը, նաև տարածաշրջանային հարցեր, և անվտանգությանը, տնտեսությանը վերաբերող հարցեր։ Լեռնային Ղարաբաղի իրավիճակի հետ կապված շատ հարցեր կան։ Այո, ես շատ գոհ եմ», - ասել է Փաշինյանը։

Ավելի վաղ Մոսկվայի հայ իրավաբանների ասոցիացիայի ներկայացուցիչների հետ հանդիպման ժամանակ Փաշինյանը հայտարարել էր, որ Ռուսաստանի նախագահի հետ շատ բաց հարաբերություններ են հաստատվել, որոնք, նրա խոսքով, ավելի անմիջական են դարձել, հատկապես վերջին ամիսների ընթացքում: Հայաստանի կառավարության ղեկավարն ընդգծել է, որ «հայ-ռուսական հարաբերությունների բնույթը ռազմավարական է» և ներկայիս մարտահրավերների ու ստեղծված իրավիճակի պայմաններում այդ հարաբերություններին պետք է առավել խորություն հաղորդել։

98
թեգերը:
պատվաստանյութ, Վլադիմիր Պուտին, Նիկոլ Փաշինյան
Ըստ թեմայի
Հայաստանը պատրաստվում է ևս 800 մլն դրամի պատվաստանյութ ներկրել
Նուբար Աֆեյանի Moderna ընկերությունը 80 մլն չափաբաժին պատվաստանյութ կմատակարարի Գերմանիա
Հայաստան բերված «Սպուտնիկ V» պատվաստանյութը նախատեսված է 7500 հոգու համար. տեսանյութ
Անձրև

Արմավիրում տներից մեկի նկուղից 8 տոննա անձրևաջուր է հեռացվել

0
(Թարմացված է 20:06 11.04.2021)
Փրկարարները մոտոպոմպով են հեռացրել անձրևաջրերը, որոնք ամբողջությամբ ողողել էին 6քմ տարածքով նկուղը։

ԵՐԵՎԱՆ, 11 ապրիլի – Sputnik․ Արմավիրի մարզում գիշերվա հորդառատ անձրևն անհետևանք չի անցել։ ԱԻՆ մամուլի ծառայությունից հայտնում են, որ ապրիլի 11-ին՝ ժամը 10:37-ին, մարզային ճգնաժամային կառավարման կենտրոն տեղեկություն է ստացվել, որ անձրևաջրերը լցվել են Բամբակաշատ գյուղի 13-րդ փողոցի տներից մեկի նկուղ։ Անհրաժեշտ է է եղել փրկարարների օգնությունը։

Քամին վնասներ է հասցրել Երևանում ու ՀՀ մի շարք այլ բնակավայրերում

«Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ»,- նշված է հաղորդագրության մեջ։

Փրկարարները տան՝ մոտ 6քմ մակերեսով նկուղից մոտոպոմպով հեռացրել են մոտ 8 տոննա անձրևաջուր:

0
թեգերը:
նկուղ, Արմավիր, ՀՀ արտակարգ իրավիճակների նախարարություն (ԱԻՆ), Անձրև
Ըստ թեմայի
Կապան-Գորիս ճանապարհին հայտնաբերվել են հակատանկային արկեր, ականներ և զինամթերքի մնացորդներ
Covid-19–ին դեմ հանդիման. ՀՀ–ում համավարակի պատճառով ինքնասպանությունների թիվն աճե՞լ է
Խոշոր վթար Սյունիքում․ 6 վիրավորներից 2-ի վիճակը ծանր է