Նախագահն ու «Առավոտի» գլխավոր խմբագիրը հարցազրույցի ժամանակ

Արմեն Սարգսյան. «Ո՛չ աջ ենք, ո՛չ ձախ ենք, ո՛չ սև ենք, ո՛չ սպիտակ ենք»

146
(Թարմացված է 18:32 29.03.2021)
Նախագահը վերահաստատել է նախկինում արած իր առաջարկը, ըստ որի հրաժարական պետք է տա ոչ թե միայն վարչապետը, այլև կառավարությունը:

ԵՐԵՎԱՆ, 29 մարտի - Sputnik. ՀՀ նախագահ Արմեն Սարգսյանը բացառիկ հարցազրույց է տվել «Առավոտ»-ին ու կարծիք է հայտնել, թե որևէ մեկը, մեկ կամ երկու կուսակցություն երկիրն այս իրավիճակից միայնակ հանել չեն կարող:

«Բոլորիս ներդրման անհրաժեշտությունը կա: Կարիք կա, որ բոլորս կարգապահ ձևով ամեն օր մեր աշխատանքով ներդրում ունենանք մեր տունը վերակառուցելու գործում: Հետևաբար, եթե նույնիսկ գնում ենք ընտրությունների, որովհետև երեք խորհրդարանական կուսակցությունները որոշել են, հուսով եմ, որ ամբողջ ընթացքում, բուն ընտրություններին և դրանից հետո մենք բոլորս մեզ կպահենք քաղաքակիրթ ձևով»,- ասել է Սարգսյանը:

Նախագահը վերահաստատել է նախկինում արած իր առաջարկը, ըստ որի հրաժարական պետք է տա ոչ թե միայն վարչապետը, այլև կառավարությունը:

«Եթե խորհրդարանական հանրապետություն ես և ունես ճգնաժամային իրավիճակ, կառավարությունը հրաժարական է տալիս, ձևավորվում է ազգային համաձայնության կառավարություն, այսինքն՝ հիմնական կուսակցությունները, համաձայնության գալով, ձևավորում են կառավարություն կամ ազգային համաձայնության կառավարություն, բայց զրոյական մակարդակով, այսինքն՝ որևէ քաղաքական ուժ չկա, միայն պրոֆեսիոնալ, արհեստավարժ մարդիկ են»,- ասել է նախագահը՝ հավելելով, որ ժամանակավոր կառավարությանը պետք է բավարար ժամանակ տրամադրվի քննարկումներ, ընդհուպ հանրաքվե կազմակերպելու համար:

Ըստ նրա, այս տարբերակը թույլ կտար նաև ընտրություններին նախապատրաստվել Ընտրական օրենսգիրքն ու Սահմանադրությունը բարեփոխելուց հետո:

«Իմ՝ նման ձևով Սահմանադրական դատարան դիմելը ճիշտ էր». Արմեն Սարգսյան

«Հակառակ դեպքում ընտրություններից հետո, գուցե մի սցենարով կամ մի հնարավորության դեպքում կունենանք կուսակցություն, որը կունենա մեծամասնություն, և այդ դեպքում մյուսները, հնարավոր է, բավարարված չլինեն: Հնարավոր է՝ այնպիսի Ազգային ժողով ունենանք, որ որևէ կուսակցություն չունենա մեծամասնություն, և Ազգային ժողովի ներսում ունենանք զանազան խնդիրներ, այսինքն՝ ոչ կայուն և ոչ հավասարակշիռ Ազգային ժողով ունենանք»,- կանխատեսում է նախագահը:

Ինչ վերաբերում է առկա իրավիճակում ՀՀ նախագահի դերին ու քաղաքական ուժերի հետ իր հանդիպումներին, Արմեն Սարգսյանը շեշտել է, որ ինքը փորձում է չխառնվել գործադիրի գործունեությանն ու քաղաքական գործընթացներին: «Փորձում եմ միշտ լինել մեջտեղում, և դրա համար նախագահն ու ինստիտուտը քննադատվում են և՛ աջից, և՛ ձախից:

Եթե քո որոշումն այս կամ այն օրենքի կամ երևույթի հետ կապված համընկնում է կառավարության որոշման հետ, այդ դեպքում գուցե կառավարությունը բավարարված է, բայց ընդդիմությունը քեզ քարկոծում է: Եթե հակառակն է՝ քո որոշումը համընկնում է այն ցանկությունների հետ, որ ունի ընդդիմությունը, դու դառնում ես իրենց մարդը, հերոս, բայց հանկարծ եթե չի համընկնում, քեզ քարկոծում են»,- նշել է Արմեն Սարգսյանը:

Նրա դիտարկմամբ, քանի որ քարկոծումը երկու կողմից էլ կա, ապա ինքը կարծում է, որ ճիշտ է վարվում.

«Որովհետև ոչ աջ ենք, ոչ ձախ ենք, ոչ սև ենք, ոչ սպիտակ ենք, այլ փորձում ենք պաշտպանել ու պահպանել պետական շահը»,- ասել է նախագահը:

Հիշեցնենք, որ Հայաստանում խորհրդարանական արտահերթ ընտրությունների օր է նշվում հունիսի 20-ը։

146
թեգերը:
կառավարություն, Հայաստան, Արմեն Սարգսյան, Նախագահ
Ըստ թեմայի
200 տարի արդեն առանց թուրքական լծի. ՀՀ նախագահը շնորհավորել է Հունաստանի նախագահին
Արմեն Սարգսյանն ընդունել է Րաֆֆի Հովհաննիսյանին և ոչ միայն նրան. տեսանյութ
Անհետ կորածների հարազատները նախագահականում են եղել
Գևորգ Գորգիսյան

Նախկինների մասնակցությունն ընտրություններին ուժեղացնում է Փաշինյանին. ԼՀԿ

28
(Թարմացված է 12:11 20.04.2021)
«Լուսավոր Հայաստանը» որոշում է կայացրել ընտրություններին մասնակցել առանձին` առանց դաշինքի, իր ցուցակով։

ԵՐԵՎԱՆ, 20 ապրիլի – Sputnik. Նախկինների մասնակցությունն ընտրություններին ուժեղացնում է Փաշինյանին։

Նման տեսակետ այսօր ԱԺ–ում կայացած «Լուսավոր Հայաստան» խմբակցության ճեպազրույցում հայտարարեց խմբակցության պատգամավոր Գևորգ Գորգիսյանը` մեկնաբանելով ընդդիմադիր ճամբարին ուղղված իրենց քաղաքական ուժի առաջարկը։

«Առաջարկը դրա մասին էր. թույլ տվեք մենք հաղթենք Փաշինյանին, որովհետև իրենց ներկայությամբ նախկինները միայն ուժեղացնում են Փաշինյանին։ Փաշինյանն այսօր ունի երկու մասից բաղկացած ընտրողներ. նրանք, ովքեր, ինչ էլ անի Փաշինյանը, երդվել են իր անունով ու ընտրելու են իրեն, և նրանք, ովքեր վախենում են, որ նախկինները կվերադառնան»,– ասաց Գորգիսյանը` համոզմունք հայտնելով, որ հների վերադարձի հարցը բացառելու պարագայում «Իմ քայլին» առաջիկա ընտրություններին կհաջողվի ընդամենը 10 տոկոսանոց ֆրակցիա ունենալ։

Ինչ վերաբերում է «Լուսավոր Հայաստանին», Գորիգիսյանի պնդմամբ, իրենք թույլ չեն տալու ո՛չ նախկինների վերադարձը, ո՛չ Փաշինյանի վերարտադրությունը։

Գորգիսյանը նաև նշեց, որ «Լուսավոր Հայաստանը» որոշում է կայացրել ընտրություններին մասնակցել մենակ` առանց դաշինքի, իր ցուցակով։

Դաշնակցությունը կմասնակցի արտահերթ խորհրդարանական ընտրություններին․ ՀՅԴ Գերագույն ժողո

28
թեգերը:
Ընտրություններ, «Լուսավոր Հայաստան» կուսակցություն, Գևորգ Գորգիսյան
Ըստ թեմայի
Նորահայտ մարդ–կուսակցությունները. քաղաքագետն ասաց` որն է նրանց դերը ընտրություններում
Ռուսաստանում ակնկալում են, որ Հայաստանում արդար ընտրություններ կլինեն. Մատվիենկո
«Ում չկարողացանք դատել, ընտրություններին դուք ձեր քվեարկությամբ դատեք». Նիկոլ Փաշինյան
Էդմոն Մարուքյան

«Ռուս գործընկերներից ճշտում ենք». Մարուքյանը` ԵԽԽՎ–ում գերիների հարցով քվեարկության մասին

807
(Թարմացված է 12:08 20.04.2021)
Էդմոն Մարուքյանը հայտնեց, որ գերիների վերադարձի թեմայով քննարկումներ են լինելու այսօր։ Եթե ռուսական կողմն աջակցի իր ելույթներով, կստացվի, որ քվեարկությամբ դեմ արտահայտվելը տեխնիկական խնդիր է եղել։

ԵՐԵՎԱՆ, 20 ապրիլի - Sputnik. ԵԽԽՎ–ում հայկական պատվիրակության անդամներն այժմ փորձում են կապ հաստատել ռուս գործընկերների հետ` հասկանալու, թե որն էր գերիների հարցի քննարկմանը նրանցից մի քանիսի դեմ լինելու պատճառը։

«Գերիների հարցն առանձին փաթեթով է քվեարկության դրվել։ Չգիտեմ` ինչո՞ւ են մեր ռուս գործընկերները նման դիրքորոշում հայտնել։ Հիմա մեր պատվիրակության տարբեր անդամներ փորձում են կապ հաստատել նրանց հետ` հասկանալու, թե ինչու է այդպես ստացվել»,–Sputnik Արմենիային տեղեկացրեց Մարուքյանը։

Նրա խոսքով` իրենց հայտնել են, որ կոմունիկացիայի խնդիր է։ Մարությանը նշեց, որ այսօր ելույթներ են նախատեսված, և եթե ռուսական կողմից ելույթներ լինեն ու աջակցեն հայկական կողմին, կստացվի, որ տեխնիկական խնդիր էր ընդամենը։

Մարուքյանը նշեց նաև, որ իրեն հուշել են` օնլայն են մասնակցել քվեարկությանը ռուսական կողմի բոլոր այն ներկայացուցիչները, որոնք դեմ են քվեարկել նախագծին։

«Ուկրաինական կողմի հետ Հայաստանն, օրինակ, աշխատանք էր տարել, և նրանք չեն մասնակցել քվեարկությանը։ Եթե նման խնդիր է լինում` չկողմնորոշվելու, լավագույն տարբերակը չմասնակցելն է։ Սակայն Ռուսաստանի պաշտոնական տեսակետը գերիների վերադարձն է, ինչի մասին բազմիցս շեշտել է անձամբ ՌԴ նախագահ Վլադիմիր Պուտինը»,–նշեց Մարուքյանը։

Անդրադառնալով այսօր նախատեսված քննարկմանը` Մարուքյանը նշեց, որ մինչ այս պահը միջազգային մակարդակում նման բարձր մակարդակով գերիների վերադարձի հարցը չի քննարկվել։ Իսկ թե ինչ ազդեցություն կունենա այս քննարկումը` Մարուքյանը նշեց, թե ժամանակը ցույց կտա։

ԵԽԽՎ–ն նոր բանաձև է ընդունել. հայ և ադրբեջանցի պատվիրակները դիտողություն են ստացել

Նշենք, որ հայ գերիների ու տեղահանված անձանց հարցը ԵԽԽՎ լիագումար նիստի օրակարգում ներառելուն, թուրքերից ու ադրբեջանցիներից բացի, դեմ են քվեարկել նաև ԵԽԽՎ-ում Ռուսաստանի պատվիրակության մի քանի անդամներ, ինչպես նաև Սերբիայի ներկայացուցիչներից մի քանիսը: Ռուսական պատվիրակության մյուս անդամները ձեռնպահ են քվեարկել: Օրակարգում հարցի ներառմանը կողմ է արտահայտվել 93 պատգամավոր, դեմ` 21, ձեռնպահ` 18: Դեմ քվեարկածներից 5-ը ռուսական պատվիրակության անդամներն են եղել, իսկ ևս 7-ը ձեռնպահ են մնացել։

807
թեգերը:
Ռուսաստան, գերի, Էդմոն Մարուքյան, Եվրախորհրդի խորհրդարանական վեհաժողով (ԵԽԽՎ)
Ըստ թեմայի
«Որովհետև չէին գնացել գերիների հետևից». Ավագյանը` դատարկ ինքնաթիռի ու շահարկումների մասին
Ամենակարևորը եվրոպացիների ելույթներն են. ի՞նչ կփոխի ԵԽԽՎ նիստում գերիների հարցի քննարկումը
Գերիները կարողացել են կապ հաստատել հարազատների հետ․ ԿԽՄԿ
Հարրին ու Մեգանը

Հարրին ու Մեգանը դստերը Դիանա չե՞ն անվանի․ հայտնի է՝ ինչ անվան մասին է մտածում զույգը

0
Բուքմեյքերներն արդեն իսկ խաղադրույքներ են ընդունում, թե ինչպես կանվանեն դստերը Սասեքսի դուքսն ու դքսուհին։

ԵՐԵՎԱՆ, 20 ապրիլի - Sputnik․ Մեգան Մարքլը ու արքայազն Հարրին իրենց դստերը հավանաբար չեն կոչի Հարրիի մոր՝ վաղաժամ մահացած արքայադուստր Դիանայի պատվին։ Այս մասին գրում են բրիտանական լրատվականները։

Հայտնի է, որ զույգը քննարկում է իրենց երկրորդ երեխային Լիլի կոչել՝ թագուհու պատվին։ Մանկության տարիներին Եղիսաբեթ թագուհուն Լիլիբեթ էին անվանում, Լիլի էր նրան անվանում նրա ամուսինը՝ արքայազն Ֆիլիպը, որի հետ թագուհին ամուսնացած է եղել 73 տարի, և որը մահացավ բոլորովին վերջերս։

Թագավորական ընտանիքի երկրպագուները սոցցանցերում բուռն քննարկում են զույգի որոշումը։ Շատերը հիասթափված են, որ Հարրին չի անվանակոչելու դստերը մոր անունով։ Նույնպիսի հիասթափություն էին ապրում հետևորդները, երբ Հարրիի եղբայրը՝ արքայազն Ուիլյամը և նրա կին Քեթրինը, դստերը կոչեցին Շառլոտ։

Սկանդալային հարցազրույցի հետքերով. Մեգան Մարքլին մեղադրել են բացահայտ ստելու համար

Բուքմեյքներն արդեն իսկ խաղադրույքներ են ընդունում, թե ինչպես Մեգանն ու Հարրին կանվանեն դստերը։

Հիշեցնենք՝ զույգը ամուսնացել է 2018-ի մայիսին, ուղիղ մեկ տարի անց՝ 2019-ի մայիսին, նրանց ընտանիքը համալրվեց փոքրիկ Արչիով։

Հարրին և Մեգանը հրաժարվել են թագավորական կոչումներից և  Բրիտանիայից տեղափոխվել ԱՄՆ։

Սկանդալային հարցազրույց․ Մեգան Մարքլը՝ ռասիզմի և արքայական ընտանիքի հետ «պատերազմի» մասին

0
թեգերը:
անուն, դուստր, Արքայազն Հարրի, Մեգան Մարքլ