ՀՀ վարչապետ Նիկոլ Փաշինյանը հեռախոսազրույց է ունեցել ԱՄՆ պետքարտուղարի հետ
(Թարմացված է 00:25 06.03.2021)
Կողմերն ընդգծել են ԵԱՀԿ Մինսկի խմբի համանախագահության շրջանակում խաղաղ գործընթացի վերսկսման անհրաժեշտությունը:ԵՐԵՎԱՆ, 6 մարտի - Sputnik. ՀՀ վարչապետ Նիկոլ Փաշինյանը հեռախոսազրույց է ունեցել ԱՄՆ պետքարտուղար Էնթոնի Բլինքենի հետ, տեղեկացնում են վարչապետի աշխատակազմից։
©
AFP 2020 / Nicholas KAMM
Նիկոլ Փաշինյանը նախ շնորհավորել է զրուցակցին բարձր պաշտոնում նշանակվելու կապակցությամբ: Վարչապետ Փաշինյանը բարձր է գնահատել ԱՄՆ կողմից Հայաստանին տրամադրվող մշտական աջակցությունը և ԵԱՀԿ Մինսկի խմբում ԱՄՆ ունեցած դերակատարումը:
Կողմերն անդրադարձել են պատերազմից հետո տարածաշրջանում տիրող իրավիճակին: Ընդգծվել է ԵԱՀԿ Մինսկի խմբի համանախագահության շրջանակում խաղաղ գործընթացի վերսկսման անհրաժեշտությունը:
«Զրուցակցի ուշադրությունը հատկապես հրավիրվել է Ադրբեջանի կողմից գերիների, պատանդների և այլ պահվող անձանց անհապաղ վերադարձի անհրաժեշտության վրա: Տվյալ համատեքստում ամերիկյան կողմը շեշտել է Մինսկի խմբի համանախագահության գործունեության կարևորությունը և պատրաստակամություն հայտնել շարունակել իր դերակատարումը հակամարտության կարգավորման ուղղությամբ:
Պետքարտուղարն ընդգծել է Հայաստանի հետ գործընկերային հարաբերությունների զարգացման կարևորությունը: Նա բարձր է գնահատել ժողովրդավարության ասպարեզում Հայաստանի արձանագրած ձեռքբերումները և վստահեցրել, որ ԱՄՆ շարունակելու է բարեփոխումների համար Հայաստանին տրամադրվող օժանդակությունը»,-ասված է հաղորդագրության մեջ:
Հավատա՞լ Հայաստանի կորոնավիրուսի պաշտոնական վիճակագրությանը, և ինչ կապ ունի ԱՄՆ–ի ՊՆ–ն
Նշվում է նաև, որ երկուստեք կարևորվել է համագործակցությունը Հայաստանում օրենքի գերակայության ամրապնդման, կոռուպցիայի դեմ պայքարի, արդարադատության համակարգի և ոստիկանության բարեփոխումների ուղղությամբ:
«Կապիտուլյանտի կողմից պետության կազմաքանդումն անթույլատրելի է»․ Սարգսյանը նիստ է հրավիրել
(Թարմացված է 22:17 22.03.2021)
ՀՀԿ Գործադիր մարմնի հերթական նիստում շեշտել են, որ երկրի հետագա քաղաքական զարգացումների համատեքստում ռազմական դրության վերացումն անհրաժեշտություն է։ԵՐԵՎԱՆ, 22 մարտի – Sputnik․ Այսօր` մարտի 22–ին, կայացել է ՀՀԿ Գործադիր մարմնի հերթական նիստը, որը վարել է ՀՀԿ նախագահ, ՀՀ երրորդ նախագահ Սերժ Սարգսյանը։ Տեղեկությունը Facebook-ի իր էջում հայտնում է ՀՀԿ փոխնախագահ Արմեն Աշոտյանը։
Քննարկվել են ներքաղաքական օրակարգին, երկրի անվտանգային միջավայրին և տարածաշրջանային զարգացումներին վերաբերող մի շարք հարցեր։
Գործադիր մարմնի նիստում վերահաստատվել են կուսակցության դիրքորոշումներն ու գնահատականները, որոնք վերաբերում են արցախյան վերջին պատերազմում «խայտառակ պարտությունից հետո Հայաստանում ստեղծված իրավիճակին» և հնարավոր լուծումներին։
«Շեշտվել է կապիտուլյանտի կողմից պետության շարունակական կազմաքանդման, աղաղակող ապօրինությունների, իրավական ինքնիրավչության անթույլատրելիությունը»,- գրում է Աշոտյանը։
ՀՀԿ Գործադիր մարմնի անդամները նաև կարևորել են ստեղծված իրավիճակում ռազմական դրությունը վերացնելու անհրաժեշտությունը։
Հիշեցնենք, որ նոյեմբերի 9-ի եռակողմ հայտարարության ստորագրումից հետո Հայաստանում սկսվեցին բողոքի ակցիաներ։ 17 կուսակցությունների նախաձեռնությամբ ստեղծված Հայրենիքի փրկության շարժումը պահանջում է վարչապետի հրաժարական, ապա մեկ տարի Ազգային համաձայնության կառավարություն՝ Վազգեն Մանուկյանի գլխավորությամբ, նոր միայն խորհրդարանական արտահերթ ընտրությունների անցկացում։ Փետրվարի 25-ից մայրաքաղաքի Բաղրամյան պողոտայում շարժումն անժամկետ նստացույց է սկսել։
Մարտի 18-ին էլ ՀՀ վարչապետ Նիկոլ Փաշինյանը հայտարարեց, որ «Բարգավաճ Հայաստան» խմբակցության ղեկավար Գագիկ Ծառուկյանի, ՀՀ նախագահի, «Իմ քայլը» խմբակցության, «Լուսավոր Հայաստան» խմբակցության ղեկավար Էդմոն Մարուքյանի հետ ունեցած քննարկումներից հետո որոշել է, որ հունիսի 20-ին Հայաստանի Հանրապետությունում կանցկացվեն արտահերթ խորհրդարանական ընտրություններ։
Ես քաղաքական խրամատը չեմ լքելու. Սերժ Սարգսյան
Հավելենք, որ ավելի վաղ ՀՀ երրորդ նախագահ Սերժ Սարգսյանը հայտարարել էր, որ «ՀՀԿ-ն էլ է լինելու էլ ավելի ակտիվ, և եթե առանց կապիտուլյանտի ընտրություններ լինեն», իրենք ակտիվորեն մասնակցելու են։ Նա նաև շեշտել էր, որ ավարտել է իր ծառայությունը ՀՀ բարձրադիր պաշտոններում:
Կարող է լինել ցանկացած լուրջ պաշտոնյայի խորհրդատու, խորհրդական, բայց ոչ ավելին, սակայն դա չի նշանակում, թե ինքը հեռանում է ակտիվ քաղաքականությունից:
«Արցախյան պատերազմի մասին հարցազրույցի հետքերով». ինչում էր ճիշտ ու սխալ Սերժ Սարգսյանը
թեգերը:
Խաչատուր Սուքիասյանը կմասնակցի՞ ԱԺ արտահերթ ընտրություններին
(Թարմացված է 16:33 22.03.2021)
«ՍԻԼ կոնցեռն» ընկերության մամուլի խոսնակը պատասխանել է լրատվամիջոցների հարցումներին։ ԵՐԵՎԱՆ, 22 մարտի – Sputnik. «ՍԻԼ կոնցեռն» ՍՊԸ-ի հիմնադիր, գործարար Խաչատուր Սուքիասյանը դեռ չի որոշել` մասնակցելու է Ազգային ժողովի արտահերթ ընտրություններին, թե ոչ։
«Ի պատասխան լրատվամիջոցների հարցումների՝ կապված ԱԺ առաջիկա արտահերթ ընտրություններում Խաչատուր Սուքիասյանի մասնակցության հետ, հայտնում եմ` Խաչատուր Սուքիասյանն այս օրերին հանդիպում-քննարկումներ է ունենում քաղաքական և հասարակական գործիչների հետ»,– Facebook–ի իր էջում գրել է «ՍԻԼ կոնցեռն» ընկերության մամուլի խոսնակ Աննա Մկրտչյանը։
ՔՊ–ի նախընտրական ցուցակը կգլխավորի Նիկոլ Փաշինյանը. Ռուստամ Բադասյան
Մկրտչյանի խոսքով` առաջիկայում հանդես կգան պաշտոնական հայտարարությամբ՝ հանրությանը տեղեկացնելով կայացված որոշման մասին։
Հիշեցնենք` 2020-ի մարտի 18–ին ՀՀ վարչապետ Նիկոլ Փաշինյանը հայտարարեց, որ հունիսի 20-ին Հայաստանում ԱԺ արտահերթ ընտրություններ կանցկացվեն։
Գալիք ընտրությունները չեն կարող անցնել առանց ատելության մթնոլորտի. Դանիելյան
Ներքաղաքական իրավիճակը Հայաստանում սրվեց 2020–ի նոյեմբերի 9–ին եռակողմ հայտարարությունից հետո, երբ 44–օրյա պատերազմի արդյունքում Հայաստանը կորցրեց Արցախի 70 %–ից ավելին, մնացած մասում տեղակայվեցին ռուս խաղաղապահներ, սահամնների ճշգրտում սկսվեց նաև Հայաստանի սուվերեն տարածքում։
Ընդդիմադիր 17 կուսակցություններ, միավորվելով «Հայրենիքի փրկության շարժման» անվան տակ և Վազգեն Մանուկյանին առաջադրելով որպես ժամանակավոր կառավարության` վարչապետի միասնական թեկնածու, սկսեցին բողոքի ակցիաններով պայքարել վարչապետի հրաժարականին հասնելու համար։
Չեմ կարծում, որ իշխող ուժը կկարողանա 2018–ի ցուցանիշներին հավակնել. իմքայլական պատգամավոր
թեգերը:
Լավրովը հայտարարել Է, որ Եվրամիությունը ոչնչացրել է Ռուսաստանի հետ հարաբերությունները
(Թարմացված է 09:14 23.03.2021)
Եթե Եվրամիությունը նպատակահարմար գտնի վերացնել Ռուսաստանի հետ շփումների անոմալիան, ապա Մոսկվան պատրաստ կլինի իրավահավասարության, շահերի հավասարակշռության որոնման հիման վրա հարաբերություններ զարգացնել։ԵՐԵՎԱՆ, 23 մարտի – Sputnik. Մոսկվան Եվրամիության հետ հարաբերություններ չունի, դրանք ոչնչացրել է Բրյուսելը, հայտարարել է ՌԴ արտգործնախարար Սերգեյ Լավրովը չինացի գործընկերոջ` Վան Իի հետ բանակցություններից հետո։ Տեղեկությունը հայտնում է ՌԻԱ Նովոստին։
©
CC BY 2.0 / Marco Verch Professional Photographer / Hand injecitng vaccine into the earth
«Եթե Եվրոպան այդ հարաբերությունները խզել է՝ պարզապես քանդելով բոլոր այն մեխանիզմները, որոնք ստեղծվել են տարիներ շարունակ, և առանձին եվրոպական երկրներ են մնացել որպես գործընկերներ, որոնք ցանկանում են իրենց ազգային շահերով առաջնորդվել, երևի օբյեկտիվ է այն, որ մեր և Չինաստանի հարաբերություններն ավելի արագ են զարգանում։ Եվս մեկ անգամ շեշտեմ, որ Եվրամիության՝ որպես կազմակերպության հետ հարաբերություններ չկան։ Այդ հարաբերությունների ողջ ենթակառուցվածքը ոչնչացվել Է Բրյուսելի միակողմանի որոշումներով», - նշել է Լավրովը։
Նախարարն ընդգծել է` երբ Եվրամիությունը նպատակահարմար գտնի վերացնել Ռուսաստանի հետ շփումների անոմալիան, ապա Մոսկվան պատրաստ կլինի իրավահավասարության, շահերի հավասարակշռության որոնման հիման վրա հարաբերություններ զարգացնել։
«Բայց արևմտյան ճակատում առայժմ փոփոխություններ չկան, Արևելքում մենք ունենք շատ ինտենսիվ օրակարգ, որն ամեն տարի հարստանում է», — եզրափակել է Լավրովը:
ԱՄՆ-ն հրաժարվել է Պուտին–Բայդեն զրույցից
Հիշեցնենք` վերջին շրջանում Եվրամիության հարաբերությունները Ռուսաստանի հետ սրվել են այսպես կոչված «Նավալնու գործի» պատճառով։ ԵՄ-ն հակառուսական նոր պատժամիջոցներ է սահմանել։ ՌԴ ԱԳՆ-ում հայտարարել են, որ դրանք փակուղի են տանում, և խոստացել են պատասխանել:
Ռուսաստանի նախագահի մամուլի քարտուղար Դմիտրի Պեսկովն էլ հայտնել է` Կրեմլը վստահ է, որ Մոսկվայի դեմ պատժամիջոցների քաղաքականությունը նպատակին չի հասնում:
թեգերը: