ՀՀ նախագահն այլևս «ժապավեն կտրող» չէ, այլ իր տեսլականն ունեցող խաղացող․ Մարկեդոնով
(Թարմացված է 17:28 05.03.2021)
ՀՀ նախագահը իշխանության և ընդդիմության բանակցություններում հիմնական մոդերատորն է դարձել, որոշ դեպքերում էլ սկզբունքայնություն է դրսևորում՝ օրինակ, երբ չհամաձայնեց ստորագրել Գլխավոր շտաբի պետին պաշտոնից ազատելու մասին միջնորդությունը։ԵՐԵՎԱՆ, 5 մարտի - Sputnik. ՀՀ նախագահ Արմեն Սարգսյանն այլևս արարողակարգային կերպար չէ, ինչպես նախատեսվում էր երկրի նոր սահմանադրությամբ։ Այս մասին Sputnik Արմենիայի մուլտիմեդիոն մամուլի կենտրոնում կայացած Երևան-Մոսկվա տեսակապի ժամանակ հայտարարեց Մոսկվայի միջազգային հարաբերությունների պետական ինստիտուտի (ՄԳԻՄՕ) միջազգային հետազոտությունների ինստիտուտի առաջատար գիտաշխատող Սերգեյ Մարկեդոնովը։
©
Sputnik / Владимир Трефилов
Թեև իր լիազորություններով նախագահը ոչ ավելի է, քան «ժապավեններ կտրող», սակայն այժմ նա գնալով ավելի շատ է քաղաքական իրադարձությունների իրական մասնակից դառնում, նշեց Մարկեդոնովը։ 2020 թվականի նոյեմբերին արդեն նա հայտարարեց արտահերթ ընտրությունների անհրաժեշտության մասին, իսկ հիմա հանդես է գալիս որպես բանակցային գործընթացի մոդերատոր։ Նրա մոտ են տանում խորհրդարանական և արտախորհրդարանական ընդդիմության, և նույնիսկ զինվորականների բանակցային թելերը։ Իսկ Գլխավոր շտաբի պետին պաշտոնից ազատելու հարցում նախագահը նաև իր հստակ դիրքորոշումն արտահայտեց՝ հրաժարվելով ստորագրել Նիկոլ Փաշինյանի միջնորդությունը։
«Ուստի այսօր Հայաստանում ներքին հակասությունները ընդամենը «ընդդիմություն-Փաշինյան» դիմակայության չեն հանգում», - եզրափակեց Մարկեդոնովը։
Հիշեցնենք, որ փետրվարի 26-ին նախագահը հանդիպեց Վազգեն Մանուկյանի (Հայրենիքի փրկության ընդդիմադիր շարժման վարչապետի թեկնածու), այնուհետև ԱԱԾ նախկին տնօրեն, ներկայիս ընդդիմադիր ակտիվիստ Արթուր Վանեցյանի հետ։ Մարտի 1-ին նախագահը հերթական անգամ հանդիպեց վարչապետ Նիկոլ Փաշինյանի, իսկ 2-ին՝ «Լուսավոր Հայաստան» կուսակցության նախագահ Էդմոն Մարուքյանի հետ։ Հանդիպումներին քննարկվում է ստեղծված իրավիճակն ու արտահերթ խորհրդարանական ընտրությունների հարցը։
Հանդիպել են Նիկոլ Փաշինյանն ու Էդմոն Մարուքյանը. ի՞նչ են քննարկել նրանք
«Կապիտուլյանտի կողմից պետության կազմաքանդումն անթույլատրելի է»․ Սարգսյանը նիստ է հրավիրել
(Թարմացված է 22:17 22.03.2021)
ՀՀԿ Գործադիր մարմնի հերթական նիստում շեշտել են, որ երկրի հետագա քաղաքական զարգացումների համատեքստում ռազմական դրության վերացումն անհրաժեշտություն է։ԵՐԵՎԱՆ, 22 մարտի – Sputnik․ Այսօր` մարտի 22–ին, կայացել է ՀՀԿ Գործադիր մարմնի հերթական նիստը, որը վարել է ՀՀԿ նախագահ, ՀՀ երրորդ նախագահ Սերժ Սարգսյանը։ Տեղեկությունը Facebook-ի իր էջում հայտնում է ՀՀԿ փոխնախագահ Արմեն Աշոտյանը։
Քննարկվել են ներքաղաքական օրակարգին, երկրի անվտանգային միջավայրին և տարածաշրջանային զարգացումներին վերաբերող մի շարք հարցեր։
Գործադիր մարմնի նիստում վերահաստատվել են կուսակցության դիրքորոշումներն ու գնահատականները, որոնք վերաբերում են արցախյան վերջին պատերազմում «խայտառակ պարտությունից հետո Հայաստանում ստեղծված իրավիճակին» և հնարավոր լուծումներին։
«Շեշտվել է կապիտուլյանտի կողմից պետության շարունակական կազմաքանդման, աղաղակող ապօրինությունների, իրավական ինքնիրավչության անթույլատրելիությունը»,- գրում է Աշոտյանը։
ՀՀԿ Գործադիր մարմնի անդամները նաև կարևորել են ստեղծված իրավիճակում ռազմական դրությունը վերացնելու անհրաժեշտությունը։
Հիշեցնենք, որ նոյեմբերի 9-ի եռակողմ հայտարարության ստորագրումից հետո Հայաստանում սկսվեցին բողոքի ակցիաներ։ 17 կուսակցությունների նախաձեռնությամբ ստեղծված Հայրենիքի փրկության շարժումը պահանջում է վարչապետի հրաժարական, ապա մեկ տարի Ազգային համաձայնության կառավարություն՝ Վազգեն Մանուկյանի գլխավորությամբ, նոր միայն խորհրդարանական արտահերթ ընտրությունների անցկացում։ Փետրվարի 25-ից մայրաքաղաքի Բաղրամյան պողոտայում շարժումն անժամկետ նստացույց է սկսել։
Մարտի 18-ին էլ ՀՀ վարչապետ Նիկոլ Փաշինյանը հայտարարեց, որ «Բարգավաճ Հայաստան» խմբակցության ղեկավար Գագիկ Ծառուկյանի, ՀՀ նախագահի, «Իմ քայլը» խմբակցության, «Լուսավոր Հայաստան» խմբակցության ղեկավար Էդմոն Մարուքյանի հետ ունեցած քննարկումներից հետո որոշել է, որ հունիսի 20-ին Հայաստանի Հանրապետությունում կանցկացվեն արտահերթ խորհրդարանական ընտրություններ։
Ես քաղաքական խրամատը չեմ լքելու. Սերժ Սարգսյան
Հավելենք, որ ավելի վաղ ՀՀ երրորդ նախագահ Սերժ Սարգսյանը հայտարարել էր, որ «ՀՀԿ-ն էլ է լինելու էլ ավելի ակտիվ, և եթե առանց կապիտուլյանտի ընտրություններ լինեն», իրենք ակտիվորեն մասնակցելու են։ Նա նաև շեշտել էր, որ ավարտել է իր ծառայությունը ՀՀ բարձրադիր պաշտոններում:
Կարող է լինել ցանկացած լուրջ պաշտոնյայի խորհրդատու, խորհրդական, բայց ոչ ավելին, սակայն դա չի նշանակում, թե ինքը հեռանում է ակտիվ քաղաքականությունից:
«Արցախյան պատերազմի մասին հարցազրույցի հետքերով». ինչում էր ճիշտ ու սխալ Սերժ Սարգսյանը
թեգերը:
Խաչատուր Սուքիասյանը կմասնակցի՞ ԱԺ արտահերթ ընտրություններին
(Թարմացված է 16:33 22.03.2021)
«ՍԻԼ կոնցեռն» ընկերության մամուլի խոսնակը պատասխանել է լրատվամիջոցների հարցումներին։ ԵՐԵՎԱՆ, 22 մարտի – Sputnik. «ՍԻԼ կոնցեռն» ՍՊԸ-ի հիմնադիր, գործարար Խաչատուր Սուքիասյանը դեռ չի որոշել` մասնակցելու է Ազգային ժողովի արտահերթ ընտրություններին, թե ոչ։
«Ի պատասխան լրատվամիջոցների հարցումների՝ կապված ԱԺ առաջիկա արտահերթ ընտրություններում Խաչատուր Սուքիասյանի մասնակցության հետ, հայտնում եմ` Խաչատուր Սուքիասյանն այս օրերին հանդիպում-քննարկումներ է ունենում քաղաքական և հասարակական գործիչների հետ»,– Facebook–ի իր էջում գրել է «ՍԻԼ կոնցեռն» ընկերության մամուլի խոսնակ Աննա Մկրտչյանը։
ՔՊ–ի նախընտրական ցուցակը կգլխավորի Նիկոլ Փաշինյանը. Ռուստամ Բադասյան
Մկրտչյանի խոսքով` առաջիկայում հանդես կգան պաշտոնական հայտարարությամբ՝ հանրությանը տեղեկացնելով կայացված որոշման մասին։
Հիշեցնենք` 2020-ի մարտի 18–ին ՀՀ վարչապետ Նիկոլ Փաշինյանը հայտարարեց, որ հունիսի 20-ին Հայաստանում ԱԺ արտահերթ ընտրություններ կանցկացվեն։
Գալիք ընտրությունները չեն կարող անցնել առանց ատելության մթնոլորտի. Դանիելյան
Ներքաղաքական իրավիճակը Հայաստանում սրվեց 2020–ի նոյեմբերի 9–ին եռակողմ հայտարարությունից հետո, երբ 44–օրյա պատերազմի արդյունքում Հայաստանը կորցրեց Արցախի 70 %–ից ավելին, մնացած մասում տեղակայվեցին ռուս խաղաղապահներ, սահամնների ճշգրտում սկսվեց նաև Հայաստանի սուվերեն տարածքում։
Ընդդիմադիր 17 կուսակցություններ, միավորվելով «Հայրենիքի փրկության շարժման» անվան տակ և Վազգեն Մանուկյանին առաջադրելով որպես ժամանակավոր կառավարության` վարչապետի միասնական թեկնածու, սկսեցին բողոքի ակցիաններով պայքարել վարչապետի հրաժարականին հասնելու համար։
Չեմ կարծում, որ իշխող ուժը կկարողանա 2018–ի ցուցանիշներին հավակնել. իմքայլական պատգամավոր
թեգերը:
Օդի ջերմաստիճանը կբարձրանա, ապա կիջնի. եղանակի տեսություն
(Թարմացված է 14:49 22.03.2021)
Օդերևութաբանները ներկայացրել են առաջիկա օրերի եղանակային կանխատեսումները Հայաստանի և Արցախի համար։ ԵՐԵՎԱՆ, 23 մարտի – Sputnik. Հանրապետության տարածքում մարտի 23-ի գիշերը և երեկոյան առանձին շրջաններում, 24-25-ը, 27-ին շրջանների զգալի մասում ժամանակ առ ժամանակ սպասվում են տեղումներ, հնարավոր է ամպրոպ։ Մարտի 26-ին սպասվում է առանց տեղումների եղանակ:
Վստահ եմ, որ առնվազն ԼՂԻՄ–ի նախկին սահմանները վերականգնվելու են. Վիտալի Բալասանյան
Տեղեկությունը հայտնում են ՀՀ ԱԻՆ «Հիդրոմետ» ծառայությունից և հավելու, որ քամին հարավ-արևմտյան է՝ 2-5 մ/վ արագությամբ, առանձին շրջաններում քամու ուժգնացում մինչև 15-20 մ/վ արագությամբ։
Օդի ջերմաստիճանը 23-ի ցերեկն աստիճանաբար կբարձրանա 5-7 աստիճանով, 24-27-ը նույնքան կնվազի:
Երևան քաղաքում մարտի 23-ի գիշերը և երեկոյան, 24-25-ը, 27-ին ժամանակ առ ժամանակ սպասվում է անձրև, հնարավոր է ամպրոպ: Մարտի 26-ին սպասվում է առանց տեղումների եղանակ:
Ի՞նչ պետք է անի կինը սրտի հետ կապված խնդիրներից խուսափելու համար
Մայրաքաղաքում մարտի 23–ի գիշերը սպասվում է 8-10 աստիճան տաքություն, իսկ ցերեկային ժամերին կգրանցվի +16...+18 աստիճան։
թեգերը:
թեմա: