Սերժ Սարգսյան. արխիվային լուսանկար

Սերժ Սարգսյանի շեշտադրումներն արտացոլված չէին նրա հանրային քաղաքականության մեջ. Մակունց

94
(Թարմացված է 17:28 19.02.2021)
«Իմ քայլը» խմբակցության ղեկավարին հետաքրքրում է, թե ինչո՞ւ է Սերժ Սարգսյանը հարցազրույց տալիս այն ժամանակ, երբ դրա անհրաժեշտությունն այլևս չկա։

ԵՐԵՎԱՆ, 19 փետրվարի - Sputnik. ԱԺ «Իմ քայլը» խմբակցության ղեկավար Լիլիթ Մակունցը կարծում է, որ երրորդ նախագահ Սերժ Սարգսյանի հարցազրույցը լի էր իրարամերժ պնդումներով, որոնք ավելի շատ հարցեր են առաջացրել, քան տվել են պատասխաններ: Մակունցը նման կարծիք հայտնեց Ազգային ժողովում լրագրողների հետ զրույցում։

«Այն շեշտադրումները, որ անում է Սարգսյանն իր հարցազրույցի ընթացքում, որևէ կերպ արտացոլված չեն եղել իրենց հանրային քաղաքականությունում և խոսքում օրինակ` 2017-ի նախընտրական ժամանակաշրջանում կամ 2018-ի արտահերթ ընտրություններ ընթացքում: Չեն եղել նաև 2019-ին, երբ նախընտրական որևէ գործընթաց չկար կամ 2020-ին՝ պատերազմի ընթացքում»,–ասաց Մակունցը։

Նրա խոսքում`այս տարիներին, ընդհակառակը, հնչել են թեզեր, որոնք եղել են ծայրահեղ հակառակ թևում:

Մակունցը նշեց, որ ցանկացած շերտ, որը փորձ է կատարել որևէ կերպ այլ դիսկուրս ներմուծել քաղաքական դաշտ, արժանացել է ծայրահեղական պիտակումների: «Իմ քայլը» խմբակցության ղեկավարին հետաքրքրում է, թե ինչո՞ւ է այս հարցազրույցն այն ժամանակ, երբ դրա անհրաժեշտությունն այլևս չկա։

Հիշեցնենք, որ Սերժ Սարգսյանը ArmNews–ին տված հարցազրույցում ասել էր, որ պատերազմի սխալները սկսվել են առաջին իսկ օրվանից ու շարունակվել երկար ժամանակ: Սարգսյանը նշել էր, որ ՀՀ ԶՈւ պաշտպանական պլանում հստակ նշված է, թե որ ստորաբաժանումները որ պարագայում որ դիրքերը պիտի զբաղեցնեն: Սակայն, ըստ նրա, չեն զբաղեցրել, քանի որ պատերազմի կառավարմանն անհարկի միջամտություններ են եղել ոչ իրավասու մարդկանց կողմից:

«Ձեր դժգոհությունն ուղղեք ընդդիմությանը». Մակունցը` ընտրություններ չանցկացնելու մասին

94
թեգերը:
հարցազրույց, Սերժ Սարգսյան, Լիլիթ Մակունց
Ըստ թեմայի
«Քննարկման փուլում է»․ Լիլիթ Մակունցը խոսել է իր` ԱՄՆ-ում դեսպան նշանակվելու մասին
Մակունցին դեսպան նշանակելը հակահայկական նպատակ է հետապնդում. բողոքի ակցիա Գլենդելում
«Սերժ Սարգսյանը ռիսկի դիմեց ու պարտվեց». փորձագետները՝ ՀՀ նախկին նախագահի մեսիջների մասին
Անդրեյ Արեշև

Փաշինյանն օգտվում է ընդդիմադիրների անվճռականությունից և մասնատվածությունից. Արեշև

106
Ռուս քաղաքագետի կարծիքով ՝ այս ոչ ադեկվատ իշխանության օրոք երկիրը դատապարտված է նոր ցնցումների։

ԵՐԵՎԱՆ, 8 մարտի - Sputnik. Հայաստանի իշխանությունները և մասնավորապես վարչապետ Նիկոլ Փաշինյանն օգտվում են ընդդիմադիրների պասիվությունից ու մասնատվածությունից և, ժամանակ շահելով, փորձելում են ամրապնդել իրենց դիրքերը: Այս կարծիքը Sputnik Արմենիայի եթերում հայտնել է ռուս քաղաքագետ Անդրեյ Արեշևը։

Նրա խոսքով՝ Հայաստանի քաղաքական ղեկավարությանը փաստացի ձեռնտու է նաև զինվորականների անվճռականությունը։ Արեշևը կարծում է, որ Հայաստանի վարչապետն այժմ արտաքին աջակցության է սպասում, մասնավորապես Արևմուտքից, ինչպես նաև հենվում է այն բարձրաստիճան զինվորականների աջակցության վրա, որոնք չեն ստորագրել կառավարության հրաժարականի պահանջի տակ։

«Բայց այսպես թե այնպես արտահերթ խորհրդարանական ընտրությունների գործընթացը մեկնարկել է։ Ակնհայտ է, որ ներկայիս իրավիճակում, այս ոչ ադեկվատ իշխանության օրոք երկիրը դատապարտված է նոր ցնցումների։ Բացառված չեն նաև ռազմական սադրանքները սահմանում։ Ի հավելումն այս ամենին միջնաժամկետ հեռանկարում կարող է տեղի ունենալ նաև տնտեսական կոլապս », - հավելել է Արեշևը։

Եթե Փաշինյանն անկեղծ է, հենց հիմա թող գա հրաժարական տա. Սաղաթելյան

Անդրադառնալով զինվորականների թեմային՝ փորձագետը հիշեցրել է, որ նրանք հանդես են եկել մի քանի քաղաքական հայտարարություններով, սակայն առայժմ կոնկրետ գործողությունների չեն դիմել։ Ավելին, զինվորականները փորձում են չեզոք դիրք գրավել ինչպես ընդդիմության, այնպես էլ իշխանության հանդեպ։

Իրադրությունը սրվեց այն բանից հետո, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը կրկին առաջարկությունն ուղարկեց ՀՀ նախագահին։

Գլխավոր շտաբը մարտի 1-ին նոր հայտարարություն տարածեց նշելով, որ կրկին հաստատում է ստեղծված իրավիճակի վերաբերյալ իր գնահատականները և շեշտում, որ, անկախ Զինված ուժերը քաղաքական գործընթացների մեջ ներքաշելու փորձերից, մնում Է անդրդվելի, կշռադատված և հաստատակամ։

Մարտի 2-ին հայտնի դարձավ, որ նախագահը չի ստորագրել Օնիկ Գասպարյանին ԳՇ պետի պաշտոնից ազատելու հրամանագիրը, բայց ՍԴ դիմելու է ոչ թե Նիկոլ Փաշինյանի ներկայացրած հրամանագրի նախագծի սահմանադրականության հարցը պարզելու համար, այլ «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով:

Հայրենիքի փրկության շարժումը այդ տեղեկությունից հետո հայտարարեց, որ շտապ հանդիպում է պահանջում նախագահի հետ։

106
թեգերը:
Հեղաշրջում, Բանակ, Օնիկ Գասպարյան, Ռուսաստան, Նիկոլ Փաշինյան, Հայաստան
Եռաբլուր

Հայրենիքի փրկության շարժումը Եռաբլուրում ծաղիկներ խոնարհեց զոհված հերոսների գերեզմաններին

114
(Թարմացված է 18:16 08.03.2021)
Մարտի 8-ը ընդդիմադիրները անցկացրին այն սգավոր կանանց հետ, որոնք զինվորական պանթեոնում էին։

ԵՐԵՎԱՆ, 8 մարտի - Sputnik. Հայրենիքի փրկության շարժումը Եռաբլուրում ծաղիկներ խոնարհեց զոհված հերոսների գերեզմաններին։ Մի քանի տասնյակ քաղաքական և հանրային գործիչներ Բաղրամյան պողոտայից միկրոավտոբուսներով շարժվեցին զինվորական պանթեոն` հարգանքի տուրք մատուցելու մեր ընկած հերոսներին։

«Սիրելի՛ կանայք, մայրեր, քույրեր, դուստրեր, ավաղ, մեր ցավալի պարտությունն ու մեր պետականության կազմաքանդումը նաև շատերիդ անձնական ցավն ու ողբերգությունն է», – ասել են շարժման անդամները։
Նրանք կանանց իրավունքներին նվիրված օրը անցկացրել են սգավոր կանանց հետ, որոնք զինվորական պանթեոնում էին։

Հիշեցնենք` «Հայրենիքի փրկության շարժումը» մարտի 1-ից փակել է Բաղրամյան պողոտան, վրաններ տեղադրել այնտեղ և շարունակական հանրահավաքներով պահանջում է վարչապետ Նիկոլ Փաշինյանի հրաժարականը։

114
թեգերը:
Մարտի 8, Եռաբլուր պանթեոն, Հայրենիքի փրկության շարժում
Ըստ թեմայի
Հասկանալի է զինվորականության վրդովմունքը. Տեր–Պետրոսյանը մեկնաբանել է ստեղծված իրավիճակը
Եթե Փաշինյանն անկեղծ է, հենց հիմա թող գա հրաժարական տա. Սաղաթելյան
Աշոտ Մինասյան

Կողոպտել են «Սիսական» ջոկատի հրամանատար Աշոտ Մինասյանի տունը և գողացել նրա շքանշանները

237
(Թարմացված է 23:17 08.03.2021)
Այդ տանը ոչ ոք հիմա չի ապրում։ Այն, որպես հայրական օջախ, վերածվել էր Աշոտ Մինասյանի` Արցախյան պատերազմում զոհված եղբոր` Աղվան Մինասյանի թանգարանի։

ԵՐԵՎԱՆ, 8 մարտի - Sputnik․ Անհայտ անձինք կողոպտել են «Սիսական» ջոկատի լեգենդար հրամանատար Աշոտ Մինասյանի հայրական տունը։ Լուրը Sputnik Արմենիայի հետ զրույցում հաստատեց նրա քրոջ դուստրը` Արմինե Սահակյանը։

Նշենք, որ Աշոտ Մինասյանի հայրական տունը գտնվում է Սիսիանի Լծեն գյուղում։

Մեր զրուցակցի խոսքով` այդ տանը ոչ ոք հիմա չի ապրում։ Այն որպես հայրական օջախ վերածվել էր Արցախյան պատերազմին մասնակցած որդիների թանգարանի։ Կողոպուտի մասին նրանց զանգել, տեղեկացրել է հարևանը։

«Ջարդել են ամեն ինչ և տարել են հրամանատարի` առաջին Արցախյան պատերազմի ռազմական շքանշանները: Տարել են նաև զոհված մորեղբորս` Աղվանի Մինասյանի շքանշանները ու նրա մատանին, որը պահում էինք որպես մասունք։ Աղվանի նկարները գցել են գետնին և քայլել վրայով»,–ասաց հրամանատարի ազգականը` հավելելով, որ հնարավոր է` դիտավորյալ արված քայլ է` վախեցնելու, լռեցնելու նպատակ են ունեցել։

Սահակյանը նշեց, որ տան ամեն ինչը խառնել, թափել են գետնին, տանը եղած օղիները մասամբ խմել, մասամբ բացել ու թափել են։ Սենյակներից մեկի վարագույրը մասամբ այրված է եղել, նա ենթադրում է, որ գուցե փորձել են այրել տունը։

Հիշեցնենք, որ ՀՀ ազգային անվտանգության ծառայությունը 2020-ի նոյեմբերի 14-ին ՀՀ վարչապետ Նիկոլ Փաշինյանի սպանության փորձի փաստով հարուցված քրեական գործի շրջանակներում որպես կասկածյալներ ձերբակալել էր մի շարք անձանց, այդ թվում՝ «Հայրենիք» կուսակցության ղեկավար Արթուր Վանեցյանին, ՀՀ ԱԺ նախկին պատգամավոր, ՀՀԿ խմբակցության ղեկավար Վահրամ Բաղդասարյանին, ՀՅԴ անդամ Աշոտ Ավագյանին, ինչպես նաև Սիսիանի կամավորականների ջոկատի հրամանատար Աշոտ Մինասյանին։

Բոլոր 4 կասկածյալներին մեղադրանք է առաջադրվել Քրեական օրենսգրքի 35-300-րդ հոդվածի 1-ին մասի (իշխանության յուրացման), 35-305-րդ հոդվածի (պետական, քաղաքական կամ հասարակական գործչի գործունեությունը դադարեցնելու նպատակով սպանության նախապատրաստման) և 235-րդ հոդվածի (ապօրինի զենք զինամթերք պահելու) կասկածանքով։

237
թեգերը:
Սիսիան, շքանշան, տուն, գողություն, կողոպուտ, Աշոտ Մինասյան