Նիկոլ Փաշինյան. արխիվային լուսանկար

Արտահերթ ընտրություններ կանցկացվեն միայն մեկ դեպքում. ինչի՞ է սպասում իշխանությունը

213
(Թարմացված է 10:02 18.02.2021)
«Ժողովուրդ» օրաթերթի աղբյուրները փոխանցում են, որ իշխանությունները նպատակ ունեն խորհրդարանական ընդդիմության միջոցով սահմանադրական փոփոխություններ իրականացնել, բայց դրանից առաջ նրանց այլ կառույցից է պետք «այո» ստանալ։

ԵՐԵՎԱՆ, 18 փետրվարի - Sputnik. Մինչև ընտրական օրենսգիրքը չկարվի նոր իշխանությունների հագով, նրանք չեն պատրաստվում ընտրություններ իրականացնել: ՀՀ իշխանություններն արդեն ԵԽ Վենետիկի հանձնաժողով են ուղարկել «Ընտրական օրենսգրքի մասին» օրենքում փոփոխություններ կատարելու մասին նախագիծը: Այս մասին գրում է «Ժողովուրդը»։

Ըստ թերթի տեղեկությունների՝ մարտին եվրահանձնաժողովը նիստ ունի, որի ժամանակ էլ, ամենայն հավանականությամբ, կքննարկվեն ՀՀ ԸՕ փոփոխությունները, ու եվրոպական այդ կառույցը կներկայացնի իր դիրքորոշումը:

«Իշխանությունները նպատակ ունեն մինչև խորհրդարանի գարնանային նստաշրջանի ավարտը նախագիծը քննարկել, ընդունել և ունենալ իրենց «սրտի» Ընտրական օրենսգիրքը, ինչի համար էլ շտապողականություն են դրսևորել այս հարցում: Իշխանություններն առաջին հերթին նպատակ ունեն ձերբազատվելու «կայուն մեծամասնություն» ձևակերպումից, որը եղել է նախորդ իշխանությունների կողմից սահմանադրական փոփոխությունների ժամանակ ներմուծված տերմին»,–գրում է թերթը:

Եթե առանց կապիտուլյանտի ընտրություններ լինեն, ակտիվորեն մասնակցելու ենք. Սերժ Սարգսյան

Բայց գործող իշխանությունների համար այնքան հեշտ չի լինելու «կայուն մեծամասնություն» տերմինը հեռացնել ԸՕ-ից, քանի որ այն ամրագրված է Սահմանադրությամբ ու պետք է Սահմանադրական փոփոխություններ ևս իրականացնել:

«Ժողովուրդ» օրաթերթի աղբյուրները փոխանցում են, որ իշխանությունները նպատակ ունեն սահմանադրական փոփոխություններն իրականացնել արդեն խորհրդարանական ընդդիմության միջոցով:

Բանակցություններ կվարեն, ու եթե իշխանություններին հաջողվի մինչև ամառ ԸՕ այս փոփոխություններն իրականացնել Վենետիկի հանձնաժողովի «ok»-ը ստանալուց հետո, ապա կմտածեն արտահերթ խորհրդարանական ընտրությունների հավանականության ու տարբերակների մասին:

Սերժ Սարգսյանը վերադառնում է ստվերային կարդինալի կարգավիճակին. քաղտեխնոլոգ

213
թեգերը:
Վենետիկի հանձնաժողով, Ընտրություններ, Իշխանություն, Նիկոլ Փաշինյան
Ըստ թեմայի
Ընտրությունների առաջարկով Փաշինյանը փորձում էր շեղել օրակարգն իր հրաժարականի պահանջից
Արտահերթի թեման փակված չէ. Ծառուկյանն ասել է`ինչ ձևաչափով կմասնակցեն ընտրություններին
Արցախում մեկ տարի ՏԻՄ ընտրություններ չեն անցկացվի
Արխիվային լուսանկար

«Միրզոյանը ոչինչ չի կարողանում անել»․ Ազգային ժողովի խորհրդի նիստը չի կայացել

218
(Թարմացված է 11:46 26.02.2021)
ԱԺ խորհուրդը պետք է քննարկեր մի խումբ պատգամավորների դիմումը՝ ԱԺ արտահերթ նիստ անցկացնելու վերաբերյալ։

ԵՐԵՎԱՆ, 26 փետրվարի - Sputnik. Ազգային ժողովի խորհրդի նիստը չի կայացել։ Այդ մասին լրագրողներին տեղեկացրեց ԱԺ «Լուսավոր Հայաստան» խմբակցության ղեկավար Էդմոն Մարուքյանը։

«Ազգային ժողովի նախագահը չեկավ ու չբացեց նիստը։ Ես սա համարում եմ անհարգալից վերբերմունք ԱԺ ընդդիմադիր խմբակցությունների հանդեպ՝ մեկ, երկրորդ՝ ԱԺ նախագահը պետք է իր լիազորությունները կատարի, որ չի արել, երրորդ՝ ԱԺ նախագահը երկրի թիվ երկու պաշտոնյան է, նա ըստ էության քաղաքական իմաստով գոյություն չունի։ Բոլոր պատգամավորներս, այդ թվում նա, երդում ենք տվել քաղաքացիական ծառայության։ Բայց նա ոչինչ չի անում և երևի չի կարողանում անել», - ասաց Մարուքյանը լրագրողների հետ զրույցում։

Նա ասաց, որ իշխանությունը անընդհատ հայտարարում է ընդդիմությանը՝ եկեք քննարկենք, եկեք բանակցությունների սեղանի շուրջ, բայց անգամ այս նիստը չի կայանում։

«Երկրում լարված վիճակ է, պարտադիր պետք է քննարկում, բայց ո՞ւմ հետ քննարկենք, եթե մի կողմը չկա», - ասաց Մարուքյանը։

Մարուքյանն ասաց, որ ԼՀԿ-ի համար խնդիր չկա, եթե Փաշինյանը կազմակերպի արտահերթ ընտրությունները։ Նա նաև տեղեկացրեց, որ հանդիպելու է նախագահ Արմեն Սարգսյանին՝ քննարկելու երկրի վիճակը։

Հիշեցնենք, որ ԱԺ խորհուրդը պետք է քննարկեր մի խումբ պատգամավորների դիմումը՝ ԱԺ արտահերթ նիստ անցկացնելու վերաբերյալ։ Օրակարգում ՀՀ-ում ռազմական դրության վերացման հարցն էր։

Ավելի վաղ Հայերնիքի փրկության շարժման՝ վարչապետի թեկնածուՎազգեն Մանուկյանը տեղեկացրել էր, որ ժամը 11-ին ԱԺ խորհրդի նիստ է, որը պետք է քննի նաև, թե արտահերթ նիստի պահանջը բավարարի, թե ոչ, կամ ավելի ճիշտ՝ ինչպես անցկացնի, քանի որ անհրաժեշտ 35 ստորագրությունը կա։ 

ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, դեռ չի ստորագրել ՀՀ նախագահ Արմեն Սարգսյանը։

Նույն օրը Երևանում զուգահեռ հանրահավաքներ ու բողոքի երթեր անցկացվեցին։ Նիկոլ Փաշինյանն ու իր կողմնակիցները հավաքվել էին Հանրապետության հրապարակում, իսկ ընդդիմադիրները` Հայրենիքի փրկության շարժման նախաձեռնությամբ Ազատության հրապարակում պահանջում էին Նիկոլ Փաշինյանի հրաժարականը։

Նրանք հայտարարել են, որ Բաղրամյան պողոտայում` ԱԺ-ի դիմաց, անժամկետ նստացույց են իրականացնելու։

218
թեգերը:
Արարատ Միրզոյան, Էդմոն Մարուքյան, ՀՀ Ազգային ժողով
Ըստ թեմայի
Այն, ինչ տեսնում ենք Հայաստանում, մեզ չափազանց անհանգստացնում է. ՄԱԿ ներկայացուցիչ
Ամենանախկինը հենց Նիկոլ Փաշինյանն է. Արթուր Վանեցյանը՝ «նախկիններով» մանիպուլացնելու մասին
Արցախի նախագահ Արայիկ Հարությունյանը Օնիկ Գասպարյանի հրաժարականը չի պահանջում
Վազգեն Մանուկյան

«Իսկանդերի» մասին խոսելով՝ Նիկոլն ավելի նվազեցրեց ՀՀ-ի անվտանգության մակարդակը. Մանուկյան

227
(Թարմացված է 10:04 26.02.2021)
Այսօր ժամը 13-ին հանրահավաք է նախատեսվում Բաղրամյան պողոտայում, ապա` երթ։

ԵՐԵՎԱՆ, 26 փետրվարի - Sputnik. Ոչ մի սադրանք տեղի չի ունեցել, գիշերը ես բավականին ուշ գնացել եմ, ամեն ինչ նորմալ է։ Այս մասին առավոտյան Բաղրամյան պողոտայում հայտարարեց Հայրենիքի փրկության շարժման՝ վարչապետի միասնական թեկնածու Վազգեն Մանուկյանը՝ պատասխանելով 24news-ի՝ ինչպես է անցել գիշերը հարցին։

Վազգեն Մանուկյանը տեղեկացրեց, որ ժամը 11-ին ԱԺ խորհրդի նիստ է, որը պետք է քննի նաև, թե արտահերթ նիստի պահանջը բավարարի, թե ոչ, կամ ավելի ճիշտ՝ ինչպես անցկացնի, քանի որ անհրաժեշտ 35 ստորագրությունը կա։ 

Ժ. 13-ին հանրահավաք է նախատեսվում Բաղրամյան պողոտայում, ապա` երթ։

Ժամը 16-ից 18-ը, ըստ Մանուկյանի, կսպասեն արտահերթ նիստին, որտեղ մի հարց է քննարկվելու՝ ռազմական դրության վերացում։

Իշխանությունը, ըստ նրա, հոգեվարքի մեջ է, վերջնական ավարտի հասցնելու համար համաժողովրդական շարժում է պետք։ «Տեղեկություն ունենք, որ շրջաններից մարդիկ են ցանկանում գալ... Ուզի չուզի՝ պետք է գնա»-, հայտարարեց ընդդիմության առաջնորդը։

Վազգեն Մանուկյանը նշեց նաև, որ Հայաստանի անվտանգությունը գտնվում է 0 վիճակում։ «Սրանից ավել վատացնել գրեթե հնարավոր չէ, չնայած Նիկոլը Իսկանդերի մասին խոսելով՝ ավելի նվազեցրեց այդ անվտանգության մակարդակը»,-ասաց նա։

Բանակը հեղաշրջում չի արել, չնայած եթե հեղաշրջում էլ աներ՝ ես դեմ չէի լինի, ասաց Մանուկյանը՝ անդրադառնալով ԶՈւ ԳՇ երեկվա հայտարարությանը կառավարության հրաժարականի վերաբերյալ։

ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, դեռ չի ստորագրել ՀՀ նախագահ Արմեն Սարգսյանը։

Նույն օրը Երևանում զուգահեռ հանրահավաքներ ու բողոքի երթեր անցկացվեցին։ Նիկոլ Փաշինյանն ու իր կողմնակիցները հավաքվել էին Հանրապետության հրապարակում, իսկ ընդդիմադիրները` Հայրենիքի փրկության շարժման նախաձեռնությամբ Ազատության հրապարակում պահանջում էին Նիկոլ Փաշինյանի հրաժարականը։

Նրանք հայտարարել են, որ Բաղրամյան պողոտայում` ԱԺ-ի դիմաց, անժամկետ նստացույց են իրականացնելու։

Ընդդիմադիրները գիշերն անցկացրել են Բաղրամյան պողոտայում։

227
թեգերը:
Բողոքի ակցիա, Նիկոլ Փաշինյան, Վազգեն Մանուկյան
թեմա:
Իրավիճակը Հայաստանում ԶՈւ ԳՇ-ի` վարչապետի հրաժարականի պահանջից հետո
Ըստ թեմայի
Վիգեն Սարգսյանն ասել է` որոնք ենք այս իրավիճակի հնարավոր ելքերը
Ձեր անկեղծ մղումն օգտագործել են ու ձեզ դավաճանել․ Մանուկյանը՝ «Իմ քայլի» պատգամավորներին
Այն, ինչ տեսնում ենք Հայաստանում, մեզ չափազանց անհանգստացնում է. ՄԱԿ ներկայացուցիչ
Ընդդիմության ակցիան Բաղրամյան պողոտայում. 26 փետրվարի, 2021

Նիկոլ Փաշինյանը փորձում է համբերությունից հանել Օնիկ Գասպարյանին. Վազգեն Մանուկյան

8
(Թարմացված է 13:35 26.02.2021)
Հարցին՝ ինչ է ծրագրում այս իրավիճակում ընդդիմությունը, վարչապետի միասնական թեկնածուն պատասխանեց, որ «պլան Բ»–ի կարիք չկա և որ «պլան Ա»–ն առայժմ իրեն լիովին արդարացնում է։

ԵՐԵՎԱՆ, 26 փետրվարի, Sputnik. Հայրենիքի փրկության շարժման վարչապետի թեկնածու Վազգեն Մանուկյանը ՀՀ ԳՇ պետ Օնիկ Գասպարյանի հետ այս օրերին չի հանդիպել։ Այս մասին Մանուկյանը հայտնեց լրագրողներին այսօր Բաղրամյան պողոտայում կազմակերպված ընդդիմության ճամբարում։

Խոսելով իշխանության հայտարարած ռազմական հեղաշրջման փորձի մասին` Վազգեն Մանուկյանն ասաց. «Հեղաշրջում նշանակում է, երբ զորքը մտնում է մայրաքաղաք, և կա՛մ վերցնում է իշխանությունը, կա՛մ իշխանությունը փոխում է, տալիս ընդդիմության ձեռքը։ Այդպիսի բան Հայաստանում տեղի չի ունեցել»։

Իշխանության նման որակումները Մանուկյանը համարում է ԳՇ պետին համբերությունից հանելու փորձ։

«Նիկոլ Փաշինյանը կարող է ցանկացած մարդու համբերությունից հանել։ Հիմա ինքը փորձում է անօրինական ձևով համբերությունից հանել Գասպարյանին, ինչը հակասում է Սահմանադրությանն ու օրենքներին։ Թե դա ինչ սրացում կառաջացնի նրանց միջև, ես չեմ կարող կանխագուշակել։ Բայց իրավիճակ սրողը Հայաստանում Նիկոլ Փաշինյանն է»,– ասաց Մանուկյանը։

Ինչ է ծրագրում այս իրավիճակում ընդդիմությունը հարցին ընդդիմության միասնական թեկնածուն պատասխանեց, որ «պլան Բ»–ի կարիք չկա և որ «պլան Ա»–ն առայժ իրեն լիովին արդարացնում է։

«Գրեթե չի մնացել Հայաստանում ինստիտուտ, որը չի պահանջում Նիկոլ Փաշինյանի հրաժարականը։ Այսինքն` ինքը կորցնում է իր հենարանները, և որևիցե «պլան–Բ»–ի անհրաժեշտություն կարող է չառաջանալ։ Ասեմ նաև, որ «պլան–Բ»–ն ոչ թե դու ես իրականացնում, այլ ժողովուրդն ինքը։ Բախում է տեղի ունենում, ինչ–որ անհամաձայնություն է տեղի ունենում, ինքն իրեն բռնկվում է»,– ասաց Մանուկյանը։

Հիշեցնենք՝ փետրվարի 20–ին Ազատության հրապարակում ունեցած իր ելույթում Վազգեն Մանուկյանը նշել էր, որ Փաշինյանն ինքնակամ չի հեռանալու, ուստի պետք է կոտրել այն հենարանները, որը նա ունի, և դա իրենց պլան Ա–ն է։ Մակայն միշտ ունեն պլան Բ–ն.

«Իսկանդերի» մասին խոսելով՝ Նիկոլն ավելի նվազեցրեց ՀՀ-ի անվտանգության մակարդակը. Մանուկյան

«Մենք պետք է պատրաստ լինենք ապստամբելով, կայծակնային արագությամբ վերցնել իշխանությունը։ Մենք այժմ իրականացնելու ենք պլան Ա–ն` միշտ պատրաստ լինելով պլան Բ–ին»,-ասել էր նա։

Երեկ` փետրվարի 25-ին, ԶՈւ Գլխավոր շտաբը պահանջեց Փաշինյանի հրաժարականը։ Դա տեղի ունեցավ այն բանից հետո, երբ վարչապետը պաշտոնից հեռացրեց ԳՇ պետի առաջին տեղակալ Տիրան Խաչատրյանին։

Ի պատասխան Փաշինյանը հայտարարեց ռազմական հեղաշրջման փորձի մասին և Հանրապետության հրապարակում հավաքվելու կոչ արեց իր համակիրներին։ Նա հայտնեց նաև, ստորագրել է ԳՇ պետ Օնիկ Գասպարյանին պաշտոնից հեռացնելու փաստաթուղթը, որը, սակայն, դեռ չի ստորագրել նախագահ Արմեն Սարգսյանը։

8
թեգերը:
Նիկոլ Փաշինյան, Օնիկ Գասպարյան, Վազգեն Մանուկյան
Ըստ թեմայի
Աշխատանքից ազատել եմ Օնիկ Գասպարյանին. Նիկոլ Փաշինյան
Արցախի նախագահ Արայիկ Հարությունյանը Օնիկ Գասպարյանի հրաժարականը չի պահանջում
Արմեն Սարգսյանը կհանդիպի Օնիկ Գասպարյանի հետ