Նիկոլ Փաշինյան

Մեզ ընտրություններ պե՞տք են, կամ ինչո՞ւ Նիկոլ Փաշինյանը մտափոխվեց

605
(Թարմացված է 22:50 08.02.2021)
Փորձագետները թվարկել են այն գործոնները, որոնց պատճառով ՀՀ վարչապետը կարող էր հրաժարվել արտահերթ ընտրությունների գաղափարից։

ԵՐԵՎԱՆ, 8 փետրվարի – Sputnik, Աշոտ Սաֆարյան. Հայաստանի իշխանությունները փաստացի թաղեցին արտահերթ ընտրությունների գաղափարը, ինչը միանգամայն կանխատեսելի էր վերջին գործընթացների և իրադարձությունների ֆոնին։ Դեռևս հունվարին վարչապետ Նիկոլ Փաշինյանը ԱԺ ամբիոնից ասել էր, որ եթե ընդդիմությունն ընտրություններ չի ուզում, ապա իշխանության համար էլ են դրանք կորցնում իմաստը։ Եվ ահա իշխող «Իմ քայլը» խմբակցությունը Փաշինյանի հետ հանդիպումից հետո հայտարարեց, որ հանրության շրջանում արտահերթ ընտրությունների պահանջ չկա։

Խմբակցության հայտարարության մեջ ասվում էր, որ վարչապետի` խորհրդարանական ընտրություններ անցկացնելու առաջարկը դրական արձագանք չի ստացել ընդդիմության կողմից: Բացի այդ, նշվում էր, որ հասարակության լայն շերտերի շրջանում արտահերթ ընտրությունների անցկացման պահանջ չի ձևավորվել։

Կովկասի ինստիտուտի փորձագետ Հրանտ Միքայելյանն այս որոշումը բացատրում է նրանով, որ իշխանությունը չի ուզում ռիսկի դիմել։ Ցանկացած ընտրություններ իշխանության կորստի, հետընտրական ցույցերի և քաղաքական ճգնաժամի խորացման վտանգ են պարունակում։ Առհասարակ Հայաստանում, չնչին բացառությամբ, միշտ էլ այդպես է եղել։

«Երևում է` ներկայիս ղեկավարությունը զգուշանում է իր համար անցանկալի սցենարներից՝ փողոցային ակտիվություն, զանազան անակնկալներ ընդդիմադիրներից։ Պետք է նաև հասկանալ, թե իշխող խմբակցությունն ինչու ընտրություններ չի ուզում։ Նրանցից ոմանք պարզապես կզրկվեն իրենց պատգամավորական աթոռներից։ Եթե հիմա խորհրդարանական մեծամասնությունը 88 հոգի է, ապա ընտրությունների արդյունքում խմբակցությունը հազիվ թե 40 տեղից ավել ստանա»,-ասաց Միքայելյանը Sputnik Արմենիային տված հարցազրույցում։

Ինչ վերաբերում է առհասարակ իշխանությանը, ապա, մեր զրուցակցի տեսանկյունից, ներքաղաքական իրավիճակը դեռ չի կայունացել, հարցումները ցույց են տալիս, որ ղեկավարության վարկանիշը բավականին ցածր է, թեկուզ բավարար է մյուս բոլոր ուժերի մեջ առաջին տեղը գրավելու համար։ Եվ համապատասխանաբար նրանք փորձում են խուսափել ավելորդ ռիսկերից։

Հատկանշական է, որ արտահերթ ընտրություններից հրաժարվելու մասին խոսվեց այն բանից հետո, երբ ՀՀ երկրորդ նախագահը հայտարարեց, որ եթե ընտրություններ անցկացվեն, ինքը կմասնակցի դրանց։ Կարելի է ենթադրել, որ իշխանություններն իրենց այդ քայլով ուզում են Ռոբերտ Քոչարյանի համար բացառել իշխանության գալու ցանկացած հնարավորություն։

«Առաջին հայացքից թվում է, որ ուզում են փակել Քոչարյանի ճանապարհները դեպի իշխանություն։ Քանի որ նա Ռուսաստան գնաց, հարցազրույց տվեց այնտեղ, կրկին հայտարարեց իր քաղաքական ծրագրերի մասին։ Իսկ հետո տեղի ունեցավ խմբակցության հանկարծակի հանդիպումը Փաշինյանի հետ։ Բայց ես դժվարանում եմ ասել, թե իրականում որքանով են այդ իրադարձությունները փոխկապակցված»,-նշեց Միքայելյանը։

Նա կարծում է, որ վերջին երեք ամսվա ընթացքում Քոչարյանի վարկանիշը որոշ չափով բարձրացել է, իշխանությունը վախենում է, որ ընդդիմադիր ուժերը կարող են միավորվել Քոչարյանի շուրջը, և այդ դեպքում իշխող թիմի համար լրացուցիչ բարդություններ կառաջանան։

Քաղաքագետի կարծիքով՝ այն պնդումները, թե ընտրությունները թույլ կտային լիցքաթափել հանրության մեջ տիրող մթնոլորտը, նույնպես քննադատության չեն դիմանում։ Իրականում ոչ ոք չի կարող դա երաշխավորել։ Նախընտրական արշավը, քարոզչությունը, ընտրողների հետ հանդիպումները, մարզային այցելությունները՝ այդ ամենը լարվածության լրացուցիչ աղբյուր են հանդիսանում։ Դժվար չէ պատկերացնել, թե ինչ կլինի, եթե յուրաքանչյուր նախընտրական հանդիպում կոնֆլիկտի վերածվի։

«Իմ քայլը» դաշինքի հետ հանդիպման արդյունքները չեն զարմացրել քաղաքագետ Արմեն Բաղդասարյանին, որը դեռևս հունվարին մեզ հետ զրույցում ասել էր, որ ընտրությունները կարող են և տեղի չունենալ։ Հիմա նա պնդում է, որ իշխանությունները չէին էլ պատրաստվում արտահերթ ընտրություններ անցկացնել։ Նրանց այդ գաղափարը պետք էր ներքաղաքական ճգնաժամը թուլացնելու համար։

«Իշխանություններին հաջողվեց նկատելի չափով նվազեցնել լարվածությունը, 17 ընդդիմադիր կուսակցությունների ձևաչափը ֆիասկո ապրեց, և հիմա ընտրությունների հարցը նրանց համար արդիական չէ»,-ասաց Բաղդասարյանը Sputnik Արմենիայի հետ հարցազրույցում։

Միաժամանակ նա չբացառեց, որ Փաշինյանն ու նրա թիմը դեռ կվերադառնան ընտրությունների գաղափարին։ Օրինակ՝ այն դեպքում, եթե ընդդիմության՝ փետրվարի 20-ին նախատեսված հանրահավաքը բազմամարդ և զանգվածային լինի, իշխանությունները կարող են ընտրությունները կրկին վերադարձնել օրակարգ։

«Իշխանությունը, որը խիստ իրավիճակային է գործում, երկարատև ռազմավարություն չունի։ Գործողությունները չափազանց հանկարծակի են, այն այսրոպեական խնդիրներ է լուծում։ Գլոբալ խնդիրն է ցանկացած գնով պահել իշխանությունը»,-ասում է քաղաքագետը։

Մեր զրուցակիցը արտահերթ ընտրություններից հրաժարվելու որոշման համատեքստում նույնպես չի բացառում Քոչարյանի գործոնը։ Նախկին նախագահն ավելի ու ավելի բարձր է հայտարարում իր մասին, ցույց է տալիս, որ ունի Ռուսաստանի աջակցությունը, ընդ որում՝ նաև լուրջ ֆինանսական և մեդիառեսուրսներ ունի։ Այսինքն՝ ընտրություններում լավ արդյունքներ ունենալու բոլոր նախադրյալներն ունի, և, ըստ Բաղդասարյանի, միանգամայն հավանական է, որ իշխանությունները վախենում են նրանից։

Հիշեցնենք՝ Արցախի վերաբերյալ եռակողմ համաձայնության ստորագրումից հետո Հայաստանում բողոքի ցույցեր սկսվեցին Նիկոլ Փաշինյանի և կառավարության հրաժարականի պահանջով։ Մի շարք ընդդիմադիր ուժեր ներկայացրին վարչապետի իրենց թեկնածուին` Հայրենիքի փրկության շարժման առաջնորդ Վազգեն Մանուկյանին։

Ընդդիմությունն առաջարկում է հեռացնել կառավարությանը, ձևավորել ժամանակավոր կառավարություն, այնուհետև արտահերթ ընտրություններ անցկացնել։ Իշխանությունն իր հերթին անցած տարեվերջին հանդես եկավ արդեն 2021թ․-ին արտահերթ խորհրդարանական ընտրություններ անցկացնելու որոշմամբ՝ չսպասելով կառավարության հրաժարականին։ Ընդդիմադիր ուժերը չհամաձայնեցին` համարելով, որ իշխանությունը կկեղծի ընտրությունների արդյունքները։

Ռոբերտ Քոչարյանի միակ հաղթաթուղթը Նիկոլ Փաշինյանն է. քաղաքագետ

605
թեգերը:
Ընտրություններ, Նիկոլ Փաշինյան, Հայաստան
Ըստ թեմայի
Լևոն Տեր–Պետրոսյանն իր առանձնատանն ընդունել է դեսպան Ջոնաթան Լաքոտին. ի՞նչ են քննարկել
ՌԴ դեսպանն ասել է, թե ինչ են քննարկել Հայաստանի նախկին առաջնորդների հետ
Արտահերթ ընտրությունների պահանջ չկա․ «Իմ քայլը» աջակցում է վարչապետին և կառավարությանը
Արթուր Վանեցյան. արխիվային լուսանկար

Վանեցյանն ասաց` ինչ կլինի, եթե Փաշինյանի օրոք ընտրություն կազմակերպվի

117
(Թարմացված է 15:55 06.03.2021)
Արթուր Վանեցյանի խոսքով` հանրային ճնշման արդյունքում Նիկոլ Փաշինյանն ի վերջո հեռանալու է։

ԵՐԵՎԱՆ, 6 մարտի - Sputnik. ՀՀ վարչապետ Նիկոլ Փաշինյանի վերջին քայլերը ցույց են տալիս, որ նա չի կարողանալու ապահովել արդար ընտրություններ, և եթե դրանք կազմակերպվեն Փաշինյանի վարչապետությամբ, չեն վայելելու ժողովրդի մեծամասնության վստահությունը։ Բաղրամյան պողոտայում Հայրենիքի փրկման շարժման հանրահավաքից առաջ լրագրողների հետ զրույցում նման տեսակետ հայտնեց «Հայրենիք» կուսակցության առաջնորդ Արթուր Վանեցյանը։

Նշենք, որ քիչ անց Բաղրամյան պողոտայում կմեկնարկի Հայրենիքի փրկման շարժման հանրահավաքը։

«Մեր օրակարգից չենք շեղվում. Փաշինյանի հրաժարական, ժամանակավոր կառավարության ձևավորում, արտահերթ խորհրդարանական ընտրություններ։ Իսկ թե ով պետք է լինի իշխանության՝ կորոշի ժողովուրդը, սակայն Փաշինյանը վերջին շրջանում ցույց տվեց, որ ինքն ի վիճակի չէ շարունակել ՀՀ վարչապետ լինել»,–ասաց նա։

Վանեցյանի խոսքով` հանրային ճնշման արդյունքում Փաշինյանն ի վերջո հեռանալու է։

Նա նշեց նաև, որ սկզբում իշխանությունները փորձեցին ընդդիմության պայքարը վերածել նախկինների և ներկաների կռվի, սակայն հանրությունը հասկացավ, որ խոսքն ավելի լուրջ բաների մասին է` երկրի ապագայի հարցն է։

Ավելին, ըստ Վանեցյանի, կան մարդիկ, որոնք չունեն Հայրենիքի փրկության շարժման նկատմամբ համակրանք, սակայն գնում են Բաղրամյան պողոտա` իրենց բողոքի ձայնը բարձրաձայնելու։

Հիշեցնենք, որ Հայաստանում Նիկոլ Փաշինյանի հրաժարականի պահանջով բողոքի ակցիաները սկսվել են նոյեմբերի 9-ին եռակողմ հայտարարության ստորագրումից հետո։

Առանց դրա անհնար է ընտրություն կատարել. Փաշինյանը խոսել է ապագայի մասին

117
թեգերը:
ընդդիմություն, Ընտրություններ, Նիկոլ Փաշինյան, Արթուր Վանեցյան
Ըստ թեմայի
«Գուցե որոշել են ուժ կիրառել». Արթուր Վանեցյանը` ոստիկանության հայտարարության մասին
Ամենանախկինը հենց Նիկոլ Փաշինյանն է. Արթուր Վանեցյանը՝ «նախկիններով» մանիպուլացնելու մասին
«Թո՛ղ տղաներին բերի, նոր խոսի». Վանեցյանի ասածը զայրացրել է գերիների հարազատներին
Նիկոլ Փաշինյան

ՀՀ վարչապետ Նիկոլ Փաշինյանը հեռախոսազրույց է ունեցել ԱՄՆ պետքարտուղարի հետ

147
(Թարմացված է 00:25 06.03.2021)
Կողմերն ընդգծել են ԵԱՀԿ Մինսկի խմբի համանախագահության շրջանակում խաղաղ գործընթացի վերսկսման անհրաժեշտությունը:

ԵՐԵՎԱՆ, 6 մարտի - Sputnik. ՀՀ վարչապետ Նիկոլ Փաշինյանը հեռախոսազրույց է ունեցել ԱՄՆ պետքարտուղար Էնթոնի Բլինքենի հետ, տեղեկացնում են վարչապետի աշխատակազմից։

Նիկոլ Փաշինյանը նախ շնորհավորել է զրուցակցին բարձր պաշտոնում նշանակվելու կապակցությամբ: Վարչապետ Փաշինյանը բարձր է գնահատել ԱՄՆ կողմից Հայաստանին տրամադրվող մշտական աջակցությունը և ԵԱՀԿ Մինսկի խմբում ԱՄՆ ունեցած դերակատարումը:

Կողմերն անդրադարձել են պատերազմից հետո տարածաշրջանում տիրող իրավիճակին: Ընդգծվել է ԵԱՀԿ Մինսկի խմբի համանախագահության շրջանակում խաղաղ գործընթացի վերսկսման անհրաժեշտությունը:

«Զրուցակցի ուշադրությունը հատկապես հրավիրվել է Ադրբեջանի կողմից գերիների, պատանդների և այլ պահվող անձանց անհապաղ վերադարձի անհրաժեշտության վրա: Տվյալ համատեքստում ամերիկյան կողմը շեշտել է Մինսկի խմբի համանախագահության գործունեության կարևորությունը և պատրաստակամություն հայտնել շարունակել իր դերակատարումը հակամարտության կարգավորման ուղղությամբ:

Պետքարտուղարն ընդգծել է Հայաստանի հետ գործընկերային հարաբերությունների զարգացման կարևորությունը: Նա բարձր է գնահատել ժողովրդավարության ասպարեզում Հայաստանի արձանագրած ձեռքբերումները և վստահեցրել, որ ԱՄՆ շարունակելու է բարեփոխումների համար Հայաստանին տրամադրվող օժանդակությունը»,-ասված է հաղորդագրության մեջ:

Հավատա՞լ Հայաստանի կորոնավիրուսի պաշտոնական վիճակագրությանը, և ինչ կապ ունի ԱՄՆ–ի ՊՆ–ն

Նշվում է նաև, որ երկուստեք կարևորվել է համագործակցությունը Հայաստանում օրենքի գերակայության ամրապնդման, կոռուպցիայի դեմ պայքարի, արդարադատության համակարգի և ոստիկանության բարեփոխումների ուղղությամբ:

147
թեգերը:
ԵԱՀԿ Մինսկի Խումբ, ԱՄՆ, Նիկոլ Փաշինյան, Հայաստան
Ըստ թեմայի
ԱՄՆ 100 կոնգրեսականներ Բայդենի վարչակազմին կոչ են անում կանգնել Արցախի և Հայաստանի կողքին
ԱՄՆ դեսպանությունն ուշադրությամբ հետևում է հայաստանյան ընթացիկ զարգացումներին
Հայաստանի Զինված ուժերը չպետք է միջամտեն քաղաքականությանը. ԱՄՆ պետդեպ
Հովհաննես Մկրտչյան

«Փորի, ախպեր ջան, փորի». ինչպես համշենահայ երիտասարդը հայտնվեց Թաղավարդում ու ողջ մնաց

0
(Թարմացված է 18:13 04.03.2021)
2020 թվականի 44–օրյա պատերազմը ինքնությունը պահելու պայքար էր ոչ միայն Արցախի ու ՀՀ հայերի, այլև Արևմտյան Հայաստանի մեր հայրենակիցների համար։ Հովհաննեսը համշենցի երիտասարդ է, որը պատերազմի ընթացքում Արցախի Թաղավարդում էր։

Հովհաննես Մկրտչյանը Հայաստան է եկել 2020-ին՝ ֆիլմ նկարահանելու, բայց դա զուգադիպել է նախ կորոնավիրուսի, ապա արցախյան 44–օրյա պատերազմի հետ, ինչի հետևանքով համշենահայ երիտասարդը մնացել է մայր հայրենիքում։ Պատմում է, որ պատերազմի ժամանակ ձգտում էր մեկնել Արցախ, բայց մշտապես ստանում էր մերժումներ։ Չլինելով Հայաստանի քաղաքացի` հնարավորություն չի ունեցել կռվել թշնամու դեմ, առաջարկել է թիկունքային աշխատանքներ, կրկին մերժվել է։

Ованнес Мкртчян
© Photo : provided by Hovhannes Mkrtchyan
Հովհաննես Մկրտչյան

«Ընկերս եկավ, ես նրան ասացի, որ պետք չի սպասել, թե հնարավորություն կունենանք առաջնագիծ գնալու։ Չեն թողնի։ Բայց նա հաջորդ օրը կազմակերպեց, որ կարողանանք մեկնել Արցախ։ Գնեցինք համազգեստ, ժամը 7-ին մեկնեցինք։ Սկզբում շատ դժվարություններ կային։ Մեզ տարան Կարմիր Շուկայի մոտ, հետո Թաղավարդ։ Շատ ամուր տղաներ կային ջոկատում։ Տարբեր երկրներից եկել էին կամավորներ, որոնք իրենց հնարավորության սահմաններում օգնում էին Արցախի պաշտպանության գործին։ Ամենակարևորը՝ մենք ունեինք կարգապահություն։ Որևէ մեկը չէր փորձում ինքնահաստատվել մյուսի հաշվին։ Մենք բոլորս դարձանք մեկ մարդ»,-պատմում է Հովհաննեսը։    

Ованнес Мкртчян
© Photo : provided by Hovhannes Mkrtchyan
Հովհաննես Մկրտչյան

Նրանց ջոկատում հիմնականում եղել են տարբեր ոլորտների մասնագետներ։ Հովհաննեսն ասում է՝ մարդիկ մեկը մյուսի նկատմամբ շատ հոգատար էին, քանի որ համարում էին՝ իրենց գործունեությունը պակաս կարևոր չէ։ 

«Մենք երկու օր չէինք քնել։ Ամբողջ գիշեր փորում էինք։ Ծանր օրեր էին, կռիվները չէին դադարում։ Մեր հրամանատարն ուժեղ, թիկնեղ տղա էր։ Գիշերն ասում էր` փորի, ախպեր ջան, փորի։ Ինքն ամբողջ գիշեր փորում էր։ Մեր հրամանատարն ասում էր` Հովհաննես, փորո՞ւմ ես, տեսնո՞ւմ ես, թե մեր դիմաց ովքեր են, դե փորի։ Նա լավ օրինակ էր, թե ինչպես է հնարավոր մեկ մարդ դառնալ, մեկ մարմին»։

Համշենահայերը Թուրքիայում էլ համարվում են մարտաշունչ էթնիկ խումբ։ Նախնիներից պահպանված բարբառով Հովհաննեսը ներկայացնում է Արցախի, Հայաստանի ու հայրենակիցների մասին իր վերաբերմունքը։

«Հայրս սովորեցրել է, որ երբ խոսում ես հայերեն, պետք է հայերեն մտածել։ Մեր մշակութային արժեքները, մեր պատմությունը պետք է միավորող գործոն լինեն։ Ես այդպես եմ դաստիարակվել»,–ասում է նա։

Համշենցի Հովհաննեսը պատրաստ է հաստատվել Հայաստանում և այստեղ ներդրում ունենալ պաշտպանության ոլորտում, զարգանալ իր մասնագիտության մեջ։

Հիշեցնենք` Արևմտյան Հայաստանի Համշենի տարածաշրջանում տարբեր հաշվարկներով ապրում է 700-800 հազար հայ։

Ցեղասպանության ժամանակ համշենահայերը համեմատաբար խուսափել են կոտորածից, սակայն հետո նրանցից շատերը հեռացել են Թուրքիայից՝ տեղափոխվելով Ռուսաստան կամ Հայաստան։

Վերջին անգամ Շուշիում՝ մահվան հետ դեմ հանդիման, կամ ինչպես ընկավ թշնամու ինքնաթիռը

0
թեգերը:
Թաղավարդ, Պատերազմ, հայ, համշենահայերեն
Ըստ թեմայի
Թե ինչպես մշեցի հայն իր որդուն ուղարկեց հայկական բանակ
Իմ տեսած պատերազմը․ ինչպես հայ կամավորներն օդային հարձակման ենթարկվեցին Շուշիում
Թուրքը նահանջում է, երբ տեսնում է կռվող հայի. Սասունում ապրող հայի պատգամը