Ռոբերտ Քոչարյան

Քոչարյանը Մանուկյանի փոխարե՞ն. փորձագետներն ընդդիմության ձևաչափի փոփոխում են կանխատեսում

931
(Թարմացված է 11:04 04.02.2021)
Որոշ դիտորդների կարծիքով` Վազգեն Մանուկյանի վարչապետության ծրագրերը ձախողվել են, և հիմա ձևաչափի փոփոխման անհրաժեշտություն է հասունանում։

ԵՐԵՎԱՆ, 3 փետրվարի – Sputnik. Ընդդիմությանն, ի դեմս Հայրենիքի փրկության շարժման, կարծես թե ձևաչափի փոփոխություն է սպասում։ Ներկայիս ձևաչափը չարդարացրեց իրեն, ինչի մասին վկայում է գոնե ՀՀ երկրորդ նախագահ Ռոբերտ Քոչարյանի` ընտրություններին մասնակցելու մտադրության մասին հայտարարությունը։

Միևնույն ժամանակ Քոչարյանն ամենասկզբից չի թաքցրել իր աջակցությունն ու համակրանքը շարժման նկատմամբ։ Ավելին. փետրվարի 2-ի երեկոյան հայտնի դարձավ, որ Քոչարյանն ու երրորդ նախագահ Սերժ Սարգսյանը հանդիպել են այդ շարժման քաղաքական ուժերի ղեկավարների հետ։

Ու թեև այդ ձևաչափի ներկայացուցիչները վստահեցնում են, որ վարչապետի միակ թեկնածուն շարունակում է մնալ Վազգեն Մանուկյանը, որոշ դիտորդներ կարծում են, որ շուտով կարող է «փոխատեղում» լինել և Հանրային խորհրդի նախկին ղեկավարին վարչապետի միասնական թեկնածուի դիրքում կփոխարինի Քոչարյանը։

Քաղաքագետ Նորայր Դունամալյանի կարծիքով` ակնհայտ է, որ շարժումը սպառել է ներուժը` բախվելով ոչ համակարգային մոտեցման ու այդ դաշինքը ձևավորած կուսակցությունների ներսում ակնհայտ կոնֆլիկտի հետ։

«Մանուկյանի վարչապետության ծրագիրը ձախողվել է և այժմ պետք է առաջադրել ավելի ուժեղ թեկնածուի, օրինակ` Ռոբերտ Քոչարյանին, այն հաշվարկով, որ դա պատասխան կդառնա գոյություն ունեցող մարտահրավերներին և թույլ կտա չկորցնել ներուժն ու ընտրազանգվածի ներկայիս աջակցության մակարդակը», – Sputnik Արմենիայի հետ զրույցում ասաց փորձագետը։

Բայց, միևնույն ժամանակ, ընդդիմությունը մինչ օրս չի ինստիտուցիոնալացվել, հստակ ծրագիր չի ներկայացրել, ասում է փորձագետը։ Հայտնի չէ, թե ինչպես և ում հետ Քոչարյանը կգնա ընտրությունների, անհասկանալի է նաև, թե որ կուսակցությունները կմասնակցեն ընտրություններին, ինչ պայմաններում կկայանան այդ ընտրությունները։

Սակայն մեր զրուցակիցը հակված չէ այն մտքին, թե խնդիրներ ունի միայն ընդդիմությունը։ Իշխանությունը ևս մի շարք դժվարությունների է բախվում։ Դունամալյանը նշում է, որ պետական ապարատն այժմ իներցիայով է գործում։ Ընդ որում. այդ իներտությունը բնորոշ էր նրան արցախյան պատերազմի ամենասկզբից։ Այդ իներցիայով է Դունամալյանը բացատրում, օրինակ, ներկայիս կադրային փոփոխությունները, որոնք հաճախ անհասկանալի են լինում և անբացատրելի հասարակության համար։ Միևնույն ժամանակ նա կարծում է, որ իներցիոն այդ ցիկլը կարող են փոխել միայն արտահերթ ընտրությունները։

Խոսելով ընտրություններում իշխանության և ընդդիմության շանսերի մասին, մեր զրուցակիցը հայտարարեց, որ այդ հարցի պատասխանը կախված է այն պայմաններից ու համատեքստից, որում կողմերը կգործեն։

«Չափազանց կարևոր է, թե սոցիալ–տնտեսական ինչ իրավիճակ կլինի Հայաստանում ընտրությունների պահին։ Դեռ քաղաքացիները լիարժեք չեն զգում իրենց վրա տնտեսական ռեցեսիայի հետևանքները, սակայն եթե ճգնաժամը խորանա, ընդդիմության շանսերը կարող են աճել», – նշում է Դունամալյանը։

«Պարտվել է ոչ թե ընդդիմությունը կամ իշխանությունը, այլ մեր պետականությունը». Դունամալյան

Քաղաքագետ Ստեփան Դանիելյանն իր հերթին նշում է, որ Հայրենիքի փրկության շարժումն արտահերթ ընտրությունների անցկացման դեպքում կհայտարարի ինքնալուծարման մասին, և այդ ձևաչափում հիմա ընդգրկված կուսակցություններից յուրաքանչյուրը կգնա իր ճանապարհով։

«Ընտրություններ իհարկե կլինեն։ Հարցն այն է, թե որ կառավարությունն այն կանցկացնի` Նիկոլ Փաշինյա՞նը, թե՞ այլ թիմ։ Հայրենիքի փրկության ծրագիրը հետևյալն է` Վազգեն Մանուկյանը դառնում է վարչապետ և դրանից մեկ տարի անց արտահերթ ընտրություններ են անցկացվում։ Այլ սցենարների պարագայում չգիտեմ` կմասնակցի՞ արդյոք Մանուկյանն ընտրություններին։ Բայց կարծում եմ, որ շարժումն այլ սցենարների դեպքում կդադարի գոյություն ունենալ որպես ձևաչափ։ Եվ կուսակցություններն ընտրություններին կմասնակցեն կա՛մ առանձին–առանձին, կա՛մ կոալիցիաների կազմում», – ասաց Դանիելյանը։

Փորձագետը կարծում է, որ շարժման ուժերի շարքերում անպայման կգտնվեն կուսակցություններ, որոնք սատարում են Քոչարյանին ընտրություններում և կդառնան նրա քաղաքական հենարանը։ Սակայն այդ ուժերի անունները տալու հարցում նա այս պահին դժվարանում է։ 

Հիշեցնենք, որ Արցախի վերաբերյալ եռակողմ հայտարարության ստորագրումից հետո Հայաստանում բողոքի ակցիաներ են մեկնարկել` վարչապետ Նիկոլ Փաշինյանի գլխավորությամբ կառավարության հրաժարականի պահանջով։ Մի շարք ընդդիմադիր ուժեր իրենց թեկնածուին են առաջադրել կառավարության ղեկավարի պաշտոնի համար` Հայրենիքի փրկության շարժման առաջնորդ Վազգեն Մանուկյանին։

Ընդդիմությունը կառավարությանը առաջարկում է հրաժարական տալ, ձևավորել ժամանակավոր կառավարություն, այնուհետև արտահերթ ընտրություններ անցկացնել։ Իշխանությունն իր հերթին առաջարկում է արտահերթ խորհրդարանական ընտրություններ անցկացնել արդեն այս տարի` չսպասելով նախարարների կաբինետի հրաժարականին։

Ընդդիմադիր ուժերն այդ տարբերակի հետ համաձայն չեն` կարծելով, որ իշխանությունները կկեղծեն արդյունքները և կապահովեն իրենց վերարտադրությունը։

«Բոլորս ենք պարտվել». Թևան Պողոսյանը` իշխանության և ընդդիմության ձախողումների մասին

931
թեգերը:
Վարչապետ, Իշխանություն, ընդդիմություն, Վազգեն Մանուկյան, Ռոբերտ Քոչարյան
Ըստ թեմայի
«Նիկոլը persona non grata է Հայաստանում»․ Սաղաթելյանը՝ ընդդիմության ձեռքբերումների մասին
Անպատժելիության մթնոլորտի հետևանքը. ի՞նչ են սպասում իշխանականներն ընդդիմությունից
Ինչու ընդդիմությանը չհաջողվեց շատ հարցերում հասնել հաջողության. քաղտեխնոլոգի դիտարկումները
Ռուս խաղաղապահների անցակետը Շուշի տանող ճանապարհին

Երևանը չի կարող, Բաքուն չի ցանկանա. փորձագետը՝ Արցախում էսկալացիայի վտանգի մասին

249
(Թարմացված է 18:13 11.04.2021)
Արցախի վերաբերյալ համաձայնագրերից «դուրս գալու» բացասական սցենար չի դիտարկվում ոչ հայ, ոչ էլ ադրբեջանցի վերլուծաբանների կողմից։

ԵՐԵՎԱՆ, 11 ապրիլի – Sputnik․ Ղարաբաղում ռազմական գործողությունների վերսկսման ռիսկը 99 տոկոսով նվազել է, բայց երկար տարիներ են պետք՝ Երևանի և Բաքվի միջև հարաբերությունների կարգավորման, տնտեսական համագործակցության հաստատման համար։ Բաքվում լրագրողների հետ հանդիպման ժամանակ նման կարծիք է հայտնել «Եվրասիական զարգացման» փորձագիտական կենտրոնի գործադիր տնօրեն Ստանիսլավ Պրիտչինը։

«Ղարաբաղում ռազմական գործողությունների վերսկսման վտանգը նվազագույն է։ Ֆորսմաժորային հանգամանքներ հնարավոր են, բայց ընդհանուր առմամբ 99 տոկոսով նվազեցվել են ռազմական գործողությունների վերսկսման ռիսկերը՝ աշխարհաքաղաքական, ռազմաքաղաքական, դիվանագիտական, միջազգային-իրավական իրավիճակի շնորհիվ»,- նշել է նա։

Փորձագետի կարծիքով՝ Հայաստանը ոչ ռեսուրս, ոչ էլ հնարավորություն ունի փոխելու գոյություն ունեցող ստատուս-քվոն, իսկ Ադրբեջանի առջև դրված են տնտեսական համագործակցության իրականացման, Երևանի հետ հարաբերությունների կարգավորման խնդիրներ։

«Ներկայիս ստատուս-քվոն բխում է Ադրբեջանի շահերից։ Իրավիճակը համեմատաբար կայուն է», - կարծում է փորձագետը։

Նրա խոսքով՝ Ղարաբաղի վերաբերյալ համաձայնագրերից «դուրս գալու» բացասական սցենար չի դիտարկվում ոչ հայ, ոչ էլ ադրբեջանցի վերլուծաբանների կողմից։

Արցախյան պատերազմում զոհված հայերի հիշատակին այգի է տնկվել Կիպրոսում

«Գործնականում իրագործվել են հայտարարության հիմնական կետերը (հրադադարի մասին-խմբ.), աստիճանաբար լուծվում են հարցերը։ Ընդունելի սցենարը բոլոր հարցերի կարգավորումն է, տնտեսական ակտիվությունը, հայ-ադրբեջանական արաբերությունների նորմալացումը։ Այո, սա այսօր մի քիչ ֆանտաստիկ է թվում։ Դրա համար տարիների աշխատանք է պետք, շատ բան պետք է որոշվի, կան «ստորջրյա խութեր» և ռիսկեր»,- ընդգծել է նա։

249
թեգերը:
Ադրբեջան, Հայաստան, Արցախ
Ըստ թեմայի
Արցախի նախագահականում քննարկվել է բռնազավթված համայնքների իրավական կարգավիճակի հարցը
ՀՀ նախագահը խոսել է Արցախի հիմնախնդրի ծագման մասին ու հիշեցրել Պուտինի խոսքերը
Զոհերի աճյունների որոնողական աշխատանքներն արդյունք չեն տվել. Արցախի ԱԻՊԾ
Նիկոլ Փաշինյան, Վլադիմիր Պուտին. 7 ապրիլի, 2021

Փաշինյանն ասել է, թե ինչ են պայմանավորվել Պուտինի հետ «Սպուտնիկ V»-ի հարցով

146
(Թարմացված է 15:46 11.04.2021)
ՀՀ վարչապետի խոսքով՝ մեր երկրին ռուսական պատվաստանյութի միլիոնավոր դեղաչափ է պետք։

ԵՐԵՎԱՆ, 11 ապրիլի – Sputnik․ ՀՀ վարչապետ Նիկոլ Փաշինյանը հայտարարել է, որ պայմանավորվել է ՌԴ Վլադիմիր Պուտինի հետ «Սպուտնիկ V» ռուսական պատվաստանյութի մատակարարման վերաբերյալ։

«Առաջին խմբաքանակը Հայաստան է բերվում՝ 15 հազար դեղաչափ, բայց մենք մոտավորապես միլիոնների կարիք ունենք։ Եվ մենք Ռուսաստանի նախագահի հետ պայմանավորվել ենք, որ Հայաստանը կստանա այն»,- ասել է Փաշինյանը «Ռոսիա 1» հեռուստաալիքին տված հարցազրույցում։

Նա նշել է, որ այսօր աշխարհում ռուսական պատվաստանյութի հեղինակությունը բարձրանում է, և Հայաստանում նույնպես մեծ վստահությամբ են վերաբերվում դրան։

Նշենք, որ կորոնավիրուսի դեմ ռուսական «Սպուտնիկ V» պատվաստանյութի առաջին խմբաքանակը՝ 15 հազար դեղաչափով, Հայաստան է տեղափոխվել ապրիլի 8-ին:

Հայաստանի առողջապահության նախարարությունից «Ինտերֆաքսին» հայտնել են, որ «Սպուտնիկ V» պատվաստանյութը պաշտոնական օգտագործման թույլտվություն է ստացել փետրվարի 1-ին:

«Ռոսիա 1»-ի եթերում Փաշինյանն անդրադարձել է նաև ՌԴ նախագահի հետ ապրիլի 7-ի հանդիպմանն ու այն արդյունավետ գանահատել։

Որքա՞ն պատվաստանյութ է գնել Հայաստանը

«Մենք ունեցել ենք շատ հագեցած օրակարգ, արդյունավետ քննարկել ենք երկկողմ հարաբերությունների բոլոր հարցերը, նաև տարածաշրջանային հարցեր, և անվտանգությանը, տնտեսությանը վերաբերող հարցեր։ Լեռնային Ղարաբաղի իրավիճակի հետ կապված շատ հարցեր կան։ Այո, ես շատ գոհ եմ», - ասել է Փաշինյանը։

Ավելի վաղ Մոսկվայի հայ իրավաբանների ասոցիացիայի ներկայացուցիչների հետ հանդիպման ժամանակ Փաշինյանը հայտարարել էր, որ Ռուսաստանի նախագահի հետ շատ բաց հարաբերություններ են հաստատվել, որոնք, նրա խոսքով, ավելի անմիջական են դարձել, հատկապես վերջին ամիսների ընթացքում: Հայաստանի կառավարության ղեկավարն ընդգծել է, որ «հայ-ռուսական հարաբերությունների բնույթը ռազմավարական է» և ներկայիս մարտահրավերների ու ստեղծված իրավիճակի պայմաններում այդ հարաբերություններին պետք է առավել խորություն հաղորդել։

146
թեգերը:
պատվաստանյութ, Վլադիմիր Պուտին, Նիկոլ Փաշինյան
Ըստ թեմայի
Հայաստանը պատրաստվում է ևս 800 մլն դրամի պատվաստանյութ ներկրել
Նուբար Աֆեյանի Moderna ընկերությունը 80 մլն չափաբաժին պատվաստանյութ կմատակարարի Գերմանիա
Հայաստան բերված «Սպուտնիկ V» պատվաստանյութը նախատեսված է 7500 հոգու համար. տեսանյութ
Կաթնամթերք. արխիվային լուսանկար

Կաթնամթերքի գնի էական բարձրացում չկա, բայց արտադրողները մոլորեցնում են սպառողին

0
(Թարմացված է 11:46 12.04.2021)
ՏՄՊՊՀ–ն արտադրողներից պահանջում է հստակ տարանջատել կաթ պարունակող ու բուսական յուղ պարունակող մթերքները և ապրանքի վրա գրել իրականությանը համապատասխանող տեղեկություններ։

ԵՐԵՎԱՆ, 12 ապրիլի - Sputnik. ՀՀ Տնտեսական մրցակցության հանձնաժողովն ուսումնասիրություններ է իրականացնում կաթնամթերքի շուկայում։ Տեղեկությունը լրագրողներին հայտնեց ՏՄՊՊՀ նախագահ Գեղամ Գևորգյանը։

«Խնդիրն այն է, որ կաթ ու բուսական յուղ պարունակող մթերքները պետք է իրարից հստակ տարանջատվեն, և այն տվյալները, որոնք զետեղված են ապրանքի վրա, պետք է համապատասխանեն իրականությանը, որպեսզի հասարակությանը մոլորության մեջ չգցեն»,– ասաց Գևորգյանը։

Դրա համար, նրա խոսքով, անհրաժեշտ է իրականացնել օրենսդրական փոփոխություններ։

Օրինակ` պանիրն ու կարագը համարվում են կաթնային մթերքներ, հետևաբար դրանց արտադրության մեջ արգելվում է օգտագործել ոչ կաթնային ծագման յուղեր ու ճարպեր։ Մածունը, կաթնաշոռն ու թթվասերը թեևթև կաթանային բաղադրությամբ մթերքներ են, որոնցում ևս ոչ կաթնային բաղադրիչների կիրառությունն արգելվում է։

Այս մթերքների արտադրության մեջ կարող են կիրառվել միայն կաթնային ճարպի փոխարինիչներ` ոչ ավելի, քան 50 տոկոս։ Եվ դրա կիրառման մասին արտադրողը պետք է պարտադիր գրի մակնշման մեջ, ընդ որում` խոշոր տառատեսակներով։

Գևորգյանը նաև հայտնեց, որ այս շուկայում գնի էական բարձրացում չկա։ Շուկան կենտրոնացած չէ, ոլորտի արտադրողները թիվը Հայաստանում մի քանի տասնյակ է, հետևաբար մեծ է նաև մրցակցությունը, ինչը նվազեցնում է հակամրցակցային համաձայնությունների ռիսկը։

Գևորգյանը շեշտեց, որ անցնող 2 տարիների ընթացքում հանձնաժողովը պարբերաբար ստուգումներ է իրականացրել կաթնամթերքի շուկայում, և ամեն հաջորդ ստուգման արդյունքներով ավելի քիչ խախտումներ են արձանագրվել։

Առաջ կարողանում էինք 10 000 դրամով նորմալ գնումներ անել. քաղաքացիները` թանկացումների մասին

«Սակայն այսօր չենք կարող ասել, որ դաշտն ամբողջությամբ զերծ է իրավախախտումներից։ Հիմա հավաքել ենք նաև տնտեսվարող սուբյեկտներին, որպեսզի ցույց տանք, թե ինչպես է պետք մակնշումը կատարել»,– ասաց Գևորգյանը։

Նշենք, որ կաթնամթերքի արտդրությամբ զբաղվող գործարարների հետ քննարկումը նախատեսված է Գևորգյանի ասուլիսից անմիջապես հետո։

Ինչու և ինչքան են Հայաստանում թանկացել ապրանքները վերջին մեկ տարում

0
թեգերը:
Գեղամ Գևորգյան, արտադրություն, Հայաստան, թանկացում, Կաթնամթերք