Անի Սամսոնյան

«Գագիկ Ջհանգիրյանը տվել է սպառիչ, անկեղծ պատասխաններ». ԼՀԿ–ն հանդիպել է նրա հետ

96
(Թարմացված է 15:31 14.01.2021)
ԲԴԽ անդամի թեկնածուի հետ հանդիպմանը ոչ բոլոր ԼՀԿ–ականներն են ներկա եղել, և նրա թեկնածության մասին որոշում կայացնելու համար լրացուցիչ քննարկում կլինի։

ԵՐԵՎԱՆ, 14 հունվարի – Sputnik. «Լուսավոր Հայաստան» խմբակցությունը հանդիպել է Բարձրագույն դատական խորհրդի անդամի թեկնածու Գագիկ Ջհանգիրյանի հետ, և ըստ ԼՀԿ–ական պատգամավոր Անի Սամսոնյանի, բոլոր հարցերին տրվել են սպառիչ, անկեղծ պատասխաններ։ Սամսոնյանը լրագրողների հետ զրույցում նման կարծիք հայտնեց Ազգային ժողովում կայացած հանդիպումից հետո։

Հունվարի 13-ին նախկին զինվորական դատախազ Գագիկ Ջհանգիրյանը լրագրողների հետ զրույցում ասել էր, որ ԱԺ «Իմ քայլը» խմբակցությունը Բարձրագույն դատական խորհրդի անդամի պաշտոնում կառաջադրի իր թեկնածությունը:

«Ինչպես Ջհանգիրյանի, այնպես էլ Վճռաբեկ դատարանի նախագահի թեկնածու Լիլիթ Թադևոսյանի հետ հանդիպումներն անցել են կառուցողական, հարցուպատասխանի մթնոլորտում։ Մեր խմբակցության անդամներն ինչ հարցեր ունեին՝ տվեցին` ստանալով պարզաբանումներ»,–ասաց Սամսոնյանը։

Նրա խոսքով` հանդիպմանը խմբակցության բոլոր անդամները ներկա չեն եղել, և Ջհանգիրյանի թեկնածության մասին որոշում կայացնելու համար լրացուցիչ քննարկում կլինի։

Հարցին, թե շատերն ասում են, որ Ջհանգիրյանն արդեն տարիքով մեծ է, և նշանակվելուց հետո թոշակի է անցնելու (խմբ. նա 65 տարեկան է) Սամսոնյանը պատասխանեց, որ այդ խնդիրը նույնպես քննարկել են։

ԼՀԿ–ական պատգամավորը նշեց, որ Ջհանգիրյանը ներկայացրել է օրենքի հոդվածներ, որոնց համաձայն` որևէ խնդիր չկա իր առաջադրվելու դեպքում։

«Լուսավոր Հայաստանը» վարչապետի իր թեկնածուն ունի. նրանք չեն միանում ընդդիմությանը

Սամսոնյանը նշեց, որ տարիքային շեմի հարցը քննարկել են նաև իրենց խմբակցության իրավաբան պատգամավորներով, և հասկացել են, որ ընդամենը մեկնաբանության հարց կա այդտեղ, և օրենքի կոշտ խախտում չկա։

Նա իր խոսնքն ամփոփեց` ասելով, որ որոշում կայացնելուց առաջ քննարկելու են Ջհանգիրյանի կենսագրությունը, բարեվարքությունը։

Հիշեցնենք, որ ԲԴԽ անդամի պաշտոնում ընտրվելու համար թեկնածուին անհրաժեշտ է ԱԺ պատգամավորների թվի 3/5-ից ավելի «կողմ» ձայներ:

96
թեգերը:
«Լուսավոր Հայաստան» կուսակցություն, Բարձրագույն դատական խորհուրդ (ԲԴԽ), Անի Սամսոնյան, Գագիկ Ջհանգիրյան
Ըստ թեմայի
«Լուսավոր Հայաստանը» Փաշինյանի հրաժարականի պահանջով խորհրդարանական լսումներ կանցկացնի
Վճռաբեկ դատարանի 9 դատավորներից 6-ը հրաժարվել են մասնակցել ԲԴԽ անդամի ընտրությանը
«Պատերի տակ վնգստացող դատավորնե՞ր ենք, թե՞ ազնիվ պրոֆեսիոնալներ». ԲԴԽ նախագահի կոչը
Տիգրան Բալայան

Միակ ելքն Ալիևի դեմ պատժամիջոցներ կիրառելն է․ Տիգրան Բալայանի դիտարկումները

18
(Թարմացված է 15:39 18.01.2021)
Արցախում հրադադար հաստատելու հայտարարությունից հետո Եվրամիության խորհուրդը կողմերին հորդորել էր քայլեր ձեռնարկել տարածաշրջանում խաղաղության ամրապնդման ուղղությամբ՝ նախանշելով դրա համար անհրաժեշտ քայլերը։ Ադրբեջանը խախտել է փաստաթղթում նշված բոլոր սկզբունքները։

ԵՐԵՎԱՆ, 18 հունվարի – Sputnik. Նիդեռլանդներում և Լյուքսեմբուրգում Հայաստանի դեսպան Տիգրան Բալայանը Facebook-ի իր էջում հրապարակել է Եվրամիության խորհրդի` նոյեմբերի 19-ի հայտարարությունը և Ադրբեջանի փաստացի արձագանքն այդ փաստաթղթին:

«Երկու ամիս առաջ Եվրոպական միության խորհուրդը հանդես եկավ հայտարարությամբ, որում կողմերին հորդորում էր քայլեր ձեռնարկել Լեռնային Ղարաբաղում և նրա շուրջ հրադադարի ռեժիմի ամրապնդման ուղղությամբ: Առայժմ Իլհամ Ալիևի վարչակարգը հակառակն է անում։ Միակ ելքն Ալիևի դեմ պատժամիջոցներ կիրառելն է», - գրել է նա։

Արցախում հրադադարի հաստատման մասին հայտարարության ստորագրումից հետո Եվրամիության խորհուրդը նախանշել էր նաև այն քայլերը, որոնք անհրաժեշտ են տարածաշրջանի խաղաղությունն ամրապնդելու համար։ Ադրբեջանը ոչ միայն այդ կոչը չի լսել, այլև ավելին՝ Բաքվի բոլոր գործողությունները փաստաթղթում ամրագրված սկզբունքների ուղղակի խախտում են։

Օրինակ` ԵՄԽ-ն կողմերին կոչ է արել խստորեն պահպանել հրադադարի ռեժիմը, սակայն Ադրբեջանը այն խախտել է դեկտեմբերի 12-ին. գրավել է Հադրութում գտնվող երկու գյուղ, գերեվարել 64 հայ զինծառայողի: Հայտարարության մեջ ասվում է, որ կողմերը պետք է ձեռնպահ մնան հռետորաբանությունից, որը կարող է վտանգի տակ դնել հրադադարը, սակայն Ալիևը շարունակում է հայերի հանդեպ ատելություն քարոզել՝ հայտարարելով, որ մտադիր է ներխուժել Հայաստանի տարածք: ԵՄԽ-ն կոչ է արել տարածաշրջանից դուրս բերել բոլոր օտարերկրացի գրոհայիններին, բայց ո՛չ Բաքուն, ո՛չ Անկարան չեն ընդունել պատերազմում վարձկանների ներգրավումը: ԵՄԽ-ն կողմերին հետագա բանակցություններ վարելու կոչ է արել, սակայն Ալիևը հայտարարել է, որ լուծել է Ղարաբաղի կարգավիճակի հարցը, և նման խնդիր այլևս չկա: Բացի այդ, Բաքուն հրաժարվում է ազատ արձակել հայ գերիներին՝ նրանց ներկայացնելով որպես հանցագործներ և նրանց դեմ հարուցելով քրեական գործեր։

Վեցերորդ սկզբունքը, որն Ադրբեջանը խախտել է, վերաբերում է միջազգային մարդասիրական կազմակերպությունների մուտքի թույլտվությանը մարտական գործողությունների տարածք։ Ադրբեջանը մերժել է թույլատրել ՅՈՒՆԵՍԿՕ-ին, Եվրամիությանը, ՄԱԿ-ի Փախստականների հարցերով գերագույն հանձնակատարի վարչությանը և Եվրոպական Միության խորհրդին մուտք գործել տարածք:

ԵՄԽ-ն նաև կարևորել է վերաբնակիչների և փախստականների վերադարձի համար պայմաններ ստեղծելը, սակայն մինչ օրս բոլոր այն հայերը, որոնք գտնվել են Ադրբեջանի գրաված տարածքներում, կա՛մ սպանվել են, կա՛մ գերության մեջ են հայտնվել:

Հայտարարության 8-րդ կետը, որը խախտել է Բաքուն, վերաբերում է մշակութային ժառանգության պահպանմանը։ Ադրբեջանը հայկական եկեղեցիները բազմաթիվ անգամ «ալբանական» է անվանել, բայց դա էլ նրանց չի խանգարել ավերել տաճարները զինադադարից հետո։ Բացի այդ, Շուշիում և Հադրութում ավերվել են հուշարձաններ, հայկական գերեզմաններ, խաչքարեր։

Եվրոպական կառույցի հայտարարության մեջ նաև ընդգծվում է ռազմական հանցագործությունների հետաքննության կարևորությունը: Սակայն Բաքուն ոչ միայն հետաքննություն չի սկսել, այլև շարունակում է ռազմական հանցագործություններ կատարել։

18
թեգերը:
Տիգրան Բալայան, Ադրբեջան, Հայաստան
Ըստ թեմայի
Ադրբեջանական սոցցանցերը լի են հայ երեխաների սպանելու, արյունը խմելու կոչերով. Թաթոյան
Ադրբեջանցիները հպարտանում են իրենց վայրագություններով. Թաթոյանը՝ Ալիևի սպառնալիքների մասին
Ադրբեջանը հրաժարվում է կատարել իր հանձնառությունը. Այվազյանի նամակը Գուտերեշին
Նիկոլ Փաշինյան. արխիվային լուսանկար

Նիկոլ Փաշինյանը նոր օգնական ունի

68
(Թարմացված է 15:31 18.01.2021)
ՀՀ վարչապետի համապատասխան որոշումը հրապարակել է նրա լրատվական ծառայությունը։

ԵՐԵՎԱՆ, 18 հունվարի - Sputnik. ՀՀ վարչապետ Նիկոլ Փաշինյանը նոր օգնական ունի։ Տեղեկությունը հայտնում է ՀՀ վարչապետի մամուլի ծառայությունը։

«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 10-րդ մասով՝ Գագիկ Իսախանյանին նշանակել ՀՀ վարչապետի օգնական»,–նշված է վարչապետի համապատասխան որոշման մեջ։

Հիշեցնենք` այսօր հայտնի է դարձել, որ ՀՀ վարչապետ Նիկոլ Փաշինյանը առողջապահության նախարար Արսեն Թորոսյանին պաշտոնից ազատելու առաջարկություն է ներկայացրել ՀՀ նախագահին։ Արմեն Սարգսյանը դեռ չի ստորագրել փաստաթուղթը։

Առողջապահության նախարար կարող է դառնալ Անահիտ Ավանեսյանը

Բացի այդ, ՀՀ նախագահ Արմեն Սարգսյանը վարչապետ Նիկոլ Փաշինյանից առաջարկություն է ստացել առողջապահության նախարարի պաշտոնում նշանակել գերատեսչության ղեկավարի տեղակալ Անահիտ Ավանեսյանին:

68
թեգերը:
Գագիկ Իսախանյան, ՀՀ կառավարություն, օգնական, Նիկոլ Փաշինյան
Ըստ թեմայի
Արցախի կառավարությունում նոր նշանակումներ են կատարվել
Նոր նշանակում ԶՈւ գլխավոր շտաբում. Արմեն Սարգսյանը ստորագրել է փաստաթուղթը
Զարուհի Բաթոյանը կազատվի պաշտոնից. նոր թեկնածուի նշանակումը կլինի շուտով
Հեռուստատեսություն

Հ2-ը պայքարելու է եթերը վերականգնելու համար. մինչ այդ ինչպե՞ս դիտել հաղորդումները

18
(Թարմացված է 16:26 18.01.2021)
Հեռուստաընկերության տարածած հայտարարության մեջ ասվում է, որ այս որոշումը ոչ իրավաչափ է և խտրական։

ԵՐԵՎԱՆ, 18 հունվարի – Sputnik. Հայկական երկրորդ հեռուստաալիքը (Հ2) օրինական հնարավոր բոլոր ուղիներով պայքարելու է վերգետնյա եթերային հեռարձակումը վերականգնելու համար։ Հեռուստաալիքը պաշտոնական հաղորդագրություն է տարածել՝ նշելով, որ հունվարի 21-ից սկսած ալեհավաքի միջոցով այլևս հնարավոր չի լինելու դիտել հեռուստաալիքի հաղորդումները:

«Մեր հեռուստաընկերությունը այս որոշումը համարում է ոչ իրավաչափ և խտրական և բոլոր օրինական միջոցներով պայքարելու է վերգետնյա եթերային հեռարձակումը վերականգնելու համար»,- նշված է հաղորդագրության մեջ։

Առայժմ Հ2-ի հաղորդաշարերին կարելի է հետևել ցանցային օպերատորների կամ մալուխային ցանցերի միջոցով, այդ թվում՝ Յուքոմ, Ռոստելեկոմ, Բիլայն, Վիվասել և մյուս բոլոր մալուխային ցանցերով, նաև հեռուստաալիքի YouTube-յան ալիքով։

Հիշեցնենք, որ Հեռուստատեսության և ռադիոյի հանձնաժողովի 2021 թվականի հունվարի 15-ի որոշմամբ` Հայկական երկրորդ հեռուստաալիքը զրկվել է վերգետնյա եթերային հեռարձակում իրականացնելու հնարավորությունից։ Հ2 հեռուստաալիքը դիմել էր միայն հանրապետական սլոթի համար։ Ստացած առավելագույն միավորներով հանրապետական սփռման իրավունք ստացան «Արմենիա TV»-ն, «Հուսաբեր» ՓԲԸ-ն (Երկիր մեդիա), «Շանթ» ՍՊԸ-ն, ATV-ն և «Մուլիտիմեդիա կենտրոն TV»-ն։

Հանրապետական սփռման իրավունք չստացան «Շարք» ՍՊԸ-ն (5-րդ ալիք), «Հայկական երկրորդ հեռուստաալիքը», «Արմնյուզ» ՓԲԸ-ն, «Մելտեքստ» ՍՊԸ-ն (Ա1+) և Freenews ՍՊԸ լրատվական կայքը:

Հեռուստաընկերությունները մրցույթի արդյունքները կարող են բողոքարկել. Մկրտչյան

Հավելենք, որ հանրապետական սփռման իրավունք չստացած հեռուստաալիքներից միայն «Հ2»-ն է նախկինում այդ իրավունքն ունեցել, «5-րդ ալիքն» ու «Արմնյուզը» միայն մայրաքաղաքային սփռում ունեին։

18
թեգերը:
Հայաստան, Հեռուստատեսության և ռադիոյի հանձնաժողով (ՀՌԱՀ), Հեռուստատեսություն
Ըստ թեմայի
ՀՌՀ նախագահ Տիգրան Հակոբյանը հորդորում է եթեր չտրամադրել սադրիչ կոչերով հանդես եկող անձանց
«Հեռուստադիտողը խելացի է. նրան չես խաբի». Սոլովյովը բացատրել է` ինչու է իր վարկանիշը բարձր