Գագիկ Ջհանգիրյան

«Իմ քայլը» խմբակցությունը ԲԴԽ անդամի պաշտոնում կառաջադրի Գագիկ Ջհանգիրյանին

87
(Թարմացված է 16:04 13.01.2021)
«Իմ քայլը» խմբակցության ղեկավար Լիլիթ Մակունցը լրագրողների հետ զրույցում նշել է, որ իրենք Գագիկ Ջհանգիրյանին իր ոլորտի պրոֆեսիոնալ են համարում։

ԵՐԵՎԱՆ, 13 հունվարի - Sputnik. Ազգային ժողովի «Իմ քայլը» խմբակցությունը Բարձրագույն դատական խորհրդի անդամի պաշտոնում կառաջադրի նախկին զինվորական դատախազ Գագիկ Ջհանգիրյանի թեկնածությունը: Այս մասին Ջհանգիրյանն ասաց լրագրողների հետ զրույցում:

«Ես համաձայնել եմ թվապես մեծամասնություն խմբակցության կողմից առաջադրվելուն, բայց ես քաղաքական պաշտոն չեմ զբաղեցնում, քաղաքական թիմի անդամ չեմ դառնում: Ես գնում եմ մասնագիտական աշխատանքի»,- ասաց Ջհանգիրյանը:

Նշենք, որ Ջհանգիրյանն ԱԺ-ում մինչ այդ հանդիպել էր «Իմ քայլը» խմբակցության անդամների հետ։

ԲԴԽ անդամի պաշտոնում ընտրվելու համար թեկնածուին անհրաժեշտ է ԱԺ պատգամավորների թվի 3/5-ից ավելի «կողմ» ձայներ:

Ավելի ուշ ԱԺ «Իմ քայլը» խմբակցության ղեկավար Լիլիթ Մակունցը լրագրողների հետ զրույցում նշեց, որ խմբակցությունը միաձայն է ընդունել Ջհանգիրյանին առաջադրելու որոշումը։

«Մենք համարում ենք Գագիկ Ջհանգիրյանին իր ոլորտի պրոֆեսիոնալ։ Նա սպառիչ պարզաբանումներ է ներկայացրել մեզ և նույնը կանի նաև հանրությանը»,– ասաց նա։

Պատշաճ արձագանք ունե՞նք. Նիկոլ Փաշինյանն իրավապահներից բացատրություն է պահանջել

Հարցին` թե արդյոք խմբակցությունը չի կաշկանդվել Ջհանգիրյանի անցյալով, կարողությունով և կոռուպցիայի մեջ թաթախված լինելու մեղադրանքներով, Մակունցը պատասխանեց՝ ոչ ու հավելեց, որ մասնագիտական առումով Ջհանգիրյանը ԲԴԽ անդամի թեկնածուի չափանիշներին համապատասխանում է, իսկ մյուս հարցերով նա անձամբ կպատասխանի։

87
թեգերը:
ԱԺ, Բարձրագույն դատական խորհուրդ (ԲԴԽ), Գագիկ Ջհանգիրյան
Ըստ թեմայի
Մեկ օրում ավելի քան 500 փաստաբան է միացել Փաշինյանի հրաժարականի հայտարարությանը
Դատարանները կբեռնաթափվեն. Ռուստամ Բադասյանը նախագիծ է ներկայացրել
Վճռաբեկ դատարանի 9 դատավորներից 6-ը հրաժարվել են մասնակցել ԲԴԽ անդամի ընտրությանը
Второй президент Республики Армения Роберт Кочарян в гостях у Sputnik Армения

«Մասնակցելու ենք և կրելու ենք». Քոչարյանը կմասնակցի արտահերթ ընտրություններին

53
(Թարմացված է 01:27 28.01.2021)
Ինչ վերաբերում է Փաշինյանի հրաժարականը պահանջող քաղաքական ուժերին, երկրորդ նախագահը շեշտեց, որ կիսում է նրանց դիրքորոշումը ՀՀ ժամանակավոր կառավարություն ստեղծելու մասին:

ԵՐԵՎԱՆ, 28 հունվարի - Sputnik. ՀՀ երկրորդ նախագահ Ռոբերտ Քոչարյանը կմասնակցի առաջիկա արտահերթ ընտրություններին՝ իր քաղաքական թիմով:
Այս մասին նա հայտարարեց այսօր հայաստանյան մի քանի կայքերին տված հարցազրույցում:

«Մասնակցելու ենք և կրելու ենք»,- ասաց Քոչարյանը՝ հավելելով, որ դրա համար ունի քաղաքական թիմ, հետևորդներ ու անհրաժեշտ գործիքակազմ:

Իսկ թե ինչու մինչև հիմա ակտիվություն չի դրսևորել ՀՀ գործող իշխանոթյան դեմ այքարում, Քոչարյանը մեկնաբանեց նրանով, որ չի ցանկացել իշխանությունների հնարավորություն տալ իր վերադարձով վախեցնել թիմակիցներին:

«Ես ինձ հեռու պահեցի այդ գործընթացներից, որ իմ գործոնը չօգտագործվի այդ 20-30 պատգամավորներին վախեցնելու համար»,- ասաց Քոչարյանը:

Ինչ վերաբերում է Փաշինյանի հրաժարականը պահանջող քաղաքական ուժերին, երկրորդ նախագահը շեշտեց, որ կիսում է նրանց դիրքորոշումը ՀՀ ժամանակավոր կառավարություն ստեղծելու ու արտահերթ ընտրություններ կազմակերպելու առումով, հատկապես, որ ժամանակավոր կառավարության ղեկավարը չի մասնակցելու ընտրություններին՝ հնարավոր չարաշահումներ թույլ չտալու համար:

Ի՞նչ մտավախություններ ունի Ռոբերտ Քոչարյանը ճանապարհների ապաշրջափակման հեռանկարից

Նշենք, որ նոյեմբերի 9–ի եռակողմ հայտարարությունից հետո Հայաստանի ընդդիմադիր կուսակցությունները պահանջում են վարչապետ Նիկոլ Փաշինյանի հրաժարականը։ Նրանք ժամանակավոր` ազգային համաձայնության կառավարության վարչապետի միասնական թեկնածու են առաջարկում Վազգեն Մանուկյանին։

Արցախում ամեն օր նոր տարածքային կորուստներ են գրանցվում. Քոչարյան

Իշխանությունը, սակայն, այդ տարբերակին համաձայն չէ։ Նրանք առաջարկում են միանգամից գնալ արտահերթ խորհրդարանական ընտրությունների։

53
թեգերը:
ընդդիմություն, Հայաստան, Ազգային ժողովի ընտրություններ, Ընտրություններ, Ռոբերտ Քոչարյան
Ըստ թեմայի
Եթե ՀՀ վարչապետը լիներ թուրքական գործակալ, կաներ այն ամենը, ինչ արվել է. Ռոբերտ Քոչարյան
Ինչու էր թշնամին խնայում Արցախի նախագահի նստավայրը. Քոչարյանն իր վարկածը ներկայացրեց
Ռուսաստանի գործընկեր ու դաշնակից երկրից Հայաստանը վերածվել է ՌԴ–ի պրոտեկտորատի. Քոչարյան
Ռոբերտ Քոչարյան

Ռուսաստանի գործընկեր ու դաշնակից երկրից Հայաստանը վերածվել է ՌԴ–ի պրոտեկտորատի. Քոչարյան

151
(Թարմացված է 23:56 27.01.2021)
ՀՀ երկրորդ նախագահը խոսեց հայ–ռուսական հարաբերությունների նախկին ու ներկա վիճակից։

ԵՐԵՎԱՆ, 27 հունվարի – Sputnik. Ռուսաստանի գործընկեր ու դաշնակից երկրից Հայաստանը վերածվել է Ռուսաստանի պրոտեկտորատի: Հայաստանյան մի քանի կայքերին տված հարցազրույցում հայ-ռուսական հարաբերութուններն այս կերպ գնահատեց ՀՀ երկրորդ նախագահ Ռոբերտ Քոչարյանը:

«Մենք նաև պետք ենք եղել ՌԴ-ին, որովհետև այսօրվա այս անկայուն աշխարհում մենք տարածաշրջանում ունեցել ենք ամենից մարտունակ բանակը: Հիմա մենք այնքան ենք թուլացել, որ յուրաքանչյուր հարևան երկիր կարող է մեզ գրավել: Մենք մեր սահմանները չենք կարողանում պաշտպանել կամ չենք ուզում»,- ասաց Քոչարյանը:

ՀՀ երկրորդ նախագահն արձանագրեց՝ նման երկրները կոչվում են պրոտեկտորատ, և Հայաստանն այսօր փաստացի ՌԴ-ի պրոտեկտորատն է Հարավային Կովկասում, քանի դեռ Հայաստանի անվտանգությունն ապահովում է Ռուսաստանը:

«Այս իշխանությունը մեզ Ռուսաստանի դաշնակից երկրից դարձրել է Ռուսաստանի պրոտեկտորատը, և հեգնանքը նրանում է, որ դա արել են այն մարդիկ, ովքեր ՌԴ դեսպանատան դիմաց ցույցեր էին անում ՌԴ-ի ռազմական բազան Հայաստանից հանելու համար»,- ասաց Քոչարյանը:

Արցախում ամեն օր նոր տարածքային կորուստներ են գրանցվում. Քոչարյան

Նրա դիտարկմամբ, գեներալ Մուրադովն այսօր ՀՀ ռազմական դաշտում ավելի մեծ նշանակություն ունի, քան ՀՀ գլխավոր գերագույն հրամանատարը: Երկրորդ նախագահի պնդմամբ` Հայաստանը պետք է անի ամեն ինչ իր նախկին՝ ռազմաքաղաքական դաշնակցի կարգավիճակը հետ բերելու համար:

ՀՀ 2–րդ նախագահը կարծում է, որ եթե դու դաշնակից ես, չպետք է անընդհատ խնդրողի դերում լինես, դու ինքդ պետք է քեզանից արժեք ներկայացնես, և այդ դեպքում երկկողմ հարաբերությունները կլինեն լիարժեք։

«Մենք չպետք է ռուսական բյուջեի վրա ծանրություն դառնանք և երբեք ծանրություն չենք եղել։ Մենք եղել ենք այս տարածաշրջանում ամենավստահելի գործընկերը, մեր շահերը համընկնում էին։ Հիմա մենք ի՞նչ արժեք ենք ներկայացնում, մենք քրտնաջան աշխատանքով այդ արժեքը պիտի վերականգնենք, մեզանից մի բան ներկայացնենք»,–ասաց նա։

Քոչարյանի հավաստմամբ` Ռուսաստանին այստեղ պետք է ուժեղ Հայաստան, և հնարավոր է այդ ուղղությամբ աշխատել, և մեր շահերը կհամընկնեն։

151
թեգերը:
Արցախյան պատերազմ, Նիկոլ Փաշինյան, Հայաստան, Ռոբերտ Քոչարյան, Ռուսաստան
Ըստ թեմայի
Մոսկվան շահագրգռված է Թեհրանի հետ ղարաբաղյան իրավիճակի վերաբերյալ երկխոսության ակտիվացմամբ
Ղարաբաղում խաղաղության վերահսկողության ռուս-թուրքական կենտրոնը սկսում է աշխատանքը. ՌԴ ՊՆ
Միջազգային հանրությունը պետք է հումանիտար օգնություն ցուցաբերի Ղարաբաղին. Պուտին