Արխիվային լուսանկար

Անի Սամսոնյանը բացատրեց՝ ինչու է Էդմոն Մարուքյանը վարչապետի լավագույն թեկնածուն

246
(Թարմացված է 13:00 11.01.2021)
Նրա խոսքով՝ «Լուսավոր Հայաստանին» մարդիկ միշտ մեղադրել են էմոցիաներին չտրվելու և հավասարակշռված լինելու մեջ, ինչը կուսակցության մասին լավագույն բնորոշումն է։

ԵՐԵՎԱՆ, 11 հունվարի – Sputnik. Ազգային ժողովի «Լուսավոր Հայաստան» խմբակցության պատգամավոր Անի Սամսոնյանը լրագրողների հետ զրույցում բացատրեց՝ ինչու է խմբակցության և կուսակցության ղեկավար Էդմոն Մարուքյանը վարչապետի լավագույն թեկնածուն։

«Մենք տարիներ շարունակ համոզվել ենք, որ Էդմոն Մարուքյանն ունի բոլոր անհրաժեշտ կարողությունները երկրի ղեկին լինելու համար։ Նա կարողանում է թիմ ղեկավարել, հավասարակշռված որոշումներ կայացնել, համագործակցել։ «Լուսավոր Հայաստանը» միակ ուժն է, որ չի այրել կամուրջները ոչ մի քաղաքական ուժի հետ, չի վիրավորել որևէ մեկին, կարմիր գծերը չի հատել», - ասաց Սամսոնյանը։

Նրա խոսքով՝ «Լուսավոր Հայաստանին» մարդիկ միշտ մեղադրել են էմոցիաներին չտրվելու և հավասարակշռված լինելու մեջ, ինչը կուսակցության մասին լավագույն բնորոշումն է։

«Հիշեցնեմ նաև, որ ԼՀԿ-ն միակ ուժն է, որ պատրաստ է երկրի ղեկավարման պատասխանատվությունը ստանձնել իր առաջնորդով», - ասաց նա՝ նկատի ունենալով այն փաստը, որ 16 ընդդիմադիր կուսակցությունները առաջարկել են վարչապետի միասնական թեկնածուի դերում Վազգեն Մանուկյանին, որը նրանցից և ոչ մեկի առաջնորդը կամ ներկայացուցիչը չէ։

Սամսոնյանի խոսքով, սակայն, Հայաստանը դեռևս պատրաստ չէ արտահերթ ընտրությունների անցկացմանը։

«Դուք գիտեք, որ ԼՀԿ-ն մերժել է Նիկոլ Փաշինյանի կողմից արտահերթ ընտրություններ կազմակերպելու առաջարկը։ Բացի այդ, ես՝ որպես պատգամավոր, այն կարծիքին եմ, որ մեր հանրությունը հիմա պատրաստ չէ ընտրության։ Ընտրությունները չպետք է հապճեպ անցկացվեն։ Նախ՝ դրա համար ֆինանսավորում է պետք, իսկ երկրում շատ ուրիշ սոցիալական հարցեր կան, հետո՝ այժմ մարդիկ զգացմունքային են, որոշ խմբերի մոտ զենք կա, հնարավոր են բախումներ, կեղծիքներ, ստիպողաբար քվեարկություններ»,-ասել է պատգամավորը։

«Նիկոլը persona non grata է Հայաստանում»․ Սաղաթելյանը՝ ընդդիմության ձեռքբերումների մասին

Հիշեցնենք, որ Լուսավոր Հայաստան ներկայացված է ներկայիս Ազգային ժողովում 18 պատգամավորներով։

ԼՀԿ-ն միացել է ըննդիմադիր այլ կուսակցությունների կողմից վարչապետ Նիկոլ Փաշինյանի հրաժարականի պահանջին, սակայն չի սատարել Վազգեն Մանուկյանի թեկնածությունը, այլ ունի իր վարչապետի թեկնածուն՝ հանձինս կուսակցության ղեկավար Էդմոն Մարուքյանի։

Ընդդիմության առաջնորդները հանդիպում են ՀՀ արտաքին գործերի նախարար Արա Այվազյանի հետ

246
թեգերը:
թեկնածու, Վարչապետ, Անի Սամսոնյան, Էդմոն Մարուքյան
Ըստ թեմայի
«Ես իմն ասացի, նա` իրենը». Մարուքյան–Փաշինյան հանդիպումն ավարտվեց
Մարուքյանն ու Սիմոնյանը հանդիպել են Արցախի նախագահի հետ
Ինչպե՞ս լուծել Շուռնուխի և Որոտանի խնդիրը. Մարուքյանն առաջարկ ունի
Շուռնուխ. ձախ կողմում հայերեն գրություն է, աջում՝ ադրբեջաներեն

«Սյունիքից ոչ մի միլիմետր չի զիջվել». Փաշինյանը հայտնեց` երբ է հրահանգ տվել հետ քաշվել

53
(Թարմացված է 19:19 20.01.2021)
Վարչապետը վստահեցնում է, որ հետ քաշվելու որոշումը կայացվել է սահմանին կանգնած տղաների և նրանց տների անվտանգությունն ապահովելու համար։

ԵՐԵՎԱՆ, 20 հունվարի – Sputnik. ՀՀ վարչապետ Նիկոլ Փաշինյանը վստահեցնում է, թե Սյունիքից ոչ մի տարածք, ոչ մի միլիմետր չի զիջվել։ Փաշինյանը նման հայտարարություն արեց այսօր` ԱԺ–ում կառավարության անդամների հետ հարցուպատասխանի ժամանակ։

ԲՀԿ–ական պատգամավոր Արտյոմ Ծառուկյանը նշել էր, որ եռակողմ հայտարարությունից հետո՝ դեկտեմբերի 17-ին Սյունիքի հետ կապված հրահանգ է իջեցվել, որ մեր տղաները հետ քաշվեն այն նպաստավոր դիրքերից, որ զբաղեցնում են։ Նրա խոսքով` կանոնավոր բանակը Սյունիքում օգնության է հասել միայն հունվարի 5-ից հետո։ Ծառուկյանը Փաշինյանից հետաքրքրվեց, թե ե՞րբ է պաշտպանության նախարարին վարչապետի կողմից նման հրահանգ իջեցվել, և ինչո՞ւ է կանոնավոր բանակն այդ հատվածում սյունեցիներին մենակ թողել։

«Մեծ աղմուկ է բարձրացվում, որ Սյունիքից տարածքներ են զիջվել` Սյունիքից ոչ մի տարածք, ոչ մի միլիմետր չի զիջվել։ Սյունիքի այն տարածքը, որն այսօր գոյություն ունի, արձանագրված է 2010 թ. «ՀՀ վարչատարածքային բաժանման մասին» օրենքով, որին կողմ է քվեարկել նաև ԲՀԿ–ն, այդ թվում այժմ դահլիճում նստած որոշ պատգամավորներ»,–ասաց Փաշինյանն ի պատասխան Արտյոմ Ծառուկյանի։

Վարչապետը նշեց, որ այդ օրենքով արձանագրված է, որ Սյունիքի մարզի Շուռնուխ համայնքի վարչական գծից այն կողմ գտնվում է Ադրբեջանը։ Նրա խոսքով` հասկանալի է, որ սերունդ է մեծացել, որը երբեք չի տեսել այն Սյունիքը, որը եղել 1990 թվականից առաջ։ Փաշինյանը շեշտեց, որ 2010 թվականին «ՀՀ վարչատարածքային բաժանման մասին» օրենքին կողմ քվեարկած բոլոր խմբակցություններն այսօր ընդդիմություն են։

Սյունիքում սահմանների որոշման գործընթացի համար հանձնաժողովներ են անհրաժեշտ. ՄԻՊ

«Իրենք են գծել Սյունիքի այն տեսքը, որն այսօր կա։ Բանակցային բոլոր գործընթացներով, այդ թվում այն գործընթացով, որով ՀՀ–ն պատրաստակամություն էր հայտնել ստորագրել դեռևս 2011-ին և որի ստորագրումը մերժել է Ադրբեջանը, Կուբաթլուի և Զանգելանի շրջանները պետք է հանձնվեին Ադրբեջանին։ Ի դեպ, 2011-ին էր ընթանում Կազանյան գործընթացը, ինչն ուղղակի փաստ է վերլուծության համար»,–ասաց Փաշինյանը։

Նա նշեց նաև, որ իրենց հասցեին հնչող մեղադրանքները հաճախ իրարամերժ և իրար չեզոքացնող են։ Փաշինյանի խոսքով` մի դեպքում, իրենց մեղադրում են, որ տարածքներ են տվել, մյուս դեպքում մեղադրում են, որ տարածքները չենք տվել ինչ-որ իրադարձություններից խուսափելու համար։ Վարչապետը վստահեցրեց` որոշումները կայացվել են ռազմական նոր էսկալացիան, այդ թվում՝ Սյունիքում կանխելու և Սյունիքի անվտանգությունը ապահովելու համար։

Պատասխանելով հարցին, թ ե՞րբ է պաշտպանության նախարարին վարչապետի կողմից հրահանգ իջեցվել լքել Սյունիքի նպաստավոր դիրքերը` Փաշինյանը պատասխանեց, որ դեկտեմբերին 18-ին է նման հրահանգ տվել։

«Որոշումը կայացվել է այդ տղաների և նրանց տների անվտանգությունն ապահովելու համար։ Պատերազմի ընթացքում գնացել եմ Սյունիքի մարզ, և իմ հրահանգով են ձևավորվել ինքնապաշտպանական ուժերը։ Նրանք հետ են քաշվել Սյունքի անվտանգությունն ապահովելու համար։ Դրանից հետո այնտեղ ռուս խաղաղապահներն են տեղակայվել»,–ասաց Փաշինյանը։

Նշենք, որ նոյեմբերի 9-ի եռաոկղմ հայտարարությունից հետո սահմանային իրավիճակը փոխվել է ոչ միայն Արցախում, այլև ՀՀ մարզերում։ ՀՀ պաշտպանության նախարարությունը դեկտեմբերի 20–ին տեղեկացրեց, որ ռուս սահմանապահ ուժեր կտեղակայվեն Սյունիքի մարզի Գորիս-Կապան ավտոճանապարհի 21 կիլոմետրանոց հատվածի վիճարկելի տեղերում։

Դեկտեմբերի 24-ին ՀՀ կառավարության նիստում ՀՀ վարչապետ Նիկոլ Փաշինյանը հայտարարեց, որ այն, ինչ իրականացվում է Սյունիքի սահմաններին, չի կարելի համարել դեմարկացիա կամ դելիմիտացիա։ Նրա խոսքով` տեղի է ունենում սահմանային որոշակի կետերի տեղորոշում, որի նպատակն է անվտանգության ապահովումը։

Հունվարի 5-ին Շուռնուխ գյուղի 12 տներ հանձնվեցին ադրբեջանցիներին։ Գյուղի այդ հատվածում ադրբեջանական զինծառայողներ են տեղակայվել։

53
թեգերը:
Նիկոլ Փաշինյան, Պատերազմ, Ադրբեջան, Սյունիք, Հայաստան
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Պատերազմից հետո Սյունիքի Նռնաձորում գյուղացիները զրկվել են որոշ այգիներից ու վարելահողերից
«2–3 ժամից ուզում են վաճառել Սյունիքի մարզը». քաղաքացիները փակել են «Զվարթնոցի» ճանապարհը
Սյունիքը համարում եմ մեր պետականության ողնաշարը. Նիկոլ Փաշինյան
Գագիկ Ծառուկյանն ու Նիկոլ Փաշինյանը, արխիվային լուսանկար

«Եթե այդքան վատն էինք, ինչո՞ւ էիք պաշտպանում հեղափոխությունը»․ Փաշինյանը՝ ԲՀԿ-ին

43
(Թարմացված է 19:12 20.01.2021)
Վարչապետը խորհուրդ է տալիս իշխանության դավաճանությունը փաստող տեղեկություններ ունենալու դեպքում ասուլիս հրավիրել ու հրապարակայնացնել դրանք կամ էլ դիմել իրավապահներին։

ԵՐԵՎԱՆ, 20 հունվարի – Sputnik. Հայաստանի վարչապետ Նիկոլ Փաշինյանն այսօր Ազգային ժողովում հարցուպատասխանի ժամանակ նորից ասաց, որ «Բարգավաճ Հայաստան» կուսակցության ջոկատը պատերազմին չի մասնակցել։

«Այդ ջոկատը այդպես էլ մնաց հեռուստատեսային ռեպորտաժ։ Պարզ հարց եմ տվել՝ այդ ջոկատը հասե՞լ է մարտի դաշտ, թե՞ չէ», - ասաց նա։

Ի պատասխան Ազգային ժողովի «Բարգավաճ Հայաստան» խմբակցության պատգամավոր Արայիկ Աղաբաբյանը նշեց, որ մամուլով տարածվել է մի լուսանկար, որում ԲՀԿ ներկայացուցիչները հոտնկայս նիստ են անցկացրել, և այդ նկարն է ներկայացվել որպես կամավորականների ջոկատ։ Իրական ջոկատը շատ ավելի մեծաթիվ է եղել և պատերազմին մասնակցել մինչև ընդհուպ նոյեմբերի ինը։ Նա նաև կրկին բարձրաձայնեց Փաշինյանի հրաժարականի հարցը՝ ասելով, որ հանրությունն անգամ տեղյակ չէ, թե ինչ բանավոր պայմանավորվածություններ կան այժմ Ադրբեջանի հետ և իշխանությանը կարող է օբյեկտիվորեն կասկածել դավաճանության մեջ։

«Ինձ համար պարզ չէ` եթե ձեր ուժը միշտ վստահ էր, որ մենք իշխանության ենք գալու վատ նպատակներով, ինչո՞ւ էիք պաշտպանում հեղափոխության պրոցեսը։ Եթե դուք ունեք հիմնավորումներ ձեր ասածներին, ասուլիս հրավիրեք ու հրապարակեք տվյալները։ Չեք ուզում ասուլիս հրավիրել, դիմեք Քննչական կոմիտե։ Չեք վստահում քննիչներին, սկզբում հրապարակեք ձեր եղած տվյալները, ապա նոր ցուցմունք տվեք», - ասաց վարչապետը։

Նշենք, որ սեպտեմբերի 27-ին Ադրբեջանի սանձազերծած պատերազմից հետո` հոկտեմբերի 26-ին, «Բարգավաճ Հայաստան» խմբակցության անդամ Վահե Էնֆիաջյանը Facebook– իր էջում գրեց, որ ԲՀԿ առաջնորդ Գագիկ Ծառուկյանի կոչով և գլխավորությամբ ձևավորվել է մարտունակ ջոկատ մարտական բարձր պատրաստվածությամբ, որտեղ ներգրաված են նաև հմուտ և հատուկ պատրաստվածություն անցած զինվորականներ։ Ըստ Էնֆիաջյանի` իրենց ջոկատը կմիանա հայոց բանակին, որտեղ անհրաժեշտ է՝ ունենալով իր ներդրումը հաղթանակի կերտման գործում։

Իշխանության վերաբերյալ որոշումներ պետք է կայացնի ժողովուրդը. Փաշինյանը՝ հրաժարականի մասին

43
թեգերը:
Բարգավաճ Հայաստան կուսակցություն (ԲՀԿ), Նիկոլ Փաշինյան, Հայաստան
թեմա:
ՀՀ վարչապետ Նիկոլ Փաշինյան
Ըստ թեմայի
Արտաքին քաղաքականության մեջ շտկումներ կլինեն. նախարարն ասաց` ինչն են հաշվի առնելու
Անընդունելի է Ադրբեջանի կողմից հայտնի դրոշմանիշի հրապարակումը. Նիկոլ Փաշինյան
«Մոտ 1300 քրեական գործ կա»․ Փաշինյանը պատասխանեց՝ ինչու իր ասած դավաճանները չեն պատժվել
Արխիվային լուսանկար

Հայաստանում ովքեր ու երբ առաջնահերթ կպատվաստվեն կորոնավիրուսի դեմ. ԱՆ-ն տեղեկացնում է

0
Որոշվել է չմերժել «AstraZeneca» ընկերության պատվաստանյութի ձեռքբերումը` նախատեսված բնակչության 3%-ի համար։

Կայացել է «Իմունականխարգելման հարցերով հանրապետական խորհրդատվական փորձագիտական հանձնաժողովի» հերթական նիստը, որի ընթացքում քննարկվել են կորոնավիրուսային հիվանդության (COVID-19) դեմ պատվաստումների ռիսկի խմբերի առաջնահերթությունները և «COVAX FACILTY» նախաձեռնության երկրորդ պատուհանի ընթացքում COVID-19-ի դեմ պատվաստանյութերի ձեռքբերման հնարավորություններն ու առաջարկները: Տեղեկությունը հայտնում են ՀՀ առողջապահության նախարարությունից։

Հանձնաժողովը քննարկել է COVID-19-ի դեմ պատվաստումների ռիսկի խմբերի առաջնահերթությունների որոշման հարցը՝ հաշվի առնելով տարբեր երկրներում այս ուղղությամբ կիրառվող սկզբունքները, ինչպես նաև այս հիվանդության համաճարակաբանական օրինաչափությունները:

Ամփոփելով հանձնաժողովի անդամների և նիստին հրավիրված փորձագետների կարծիքները` հանձնաժողովն առաջարկել է COVID-19-ի դեմ պատվաստումներն իրականացնել փուլային՝ սահմանելով ռիսկի խմբերի հետևյալ առաջնահերթությունը.

1-ին փուլում կպատվաստվեն տարեցների խնամքի կենտրոնների բնակիչները և աշխատակիցները, բուժաշխատողները, սոցիալական խնամքի կենտրոնների աշխատակիցները, 65 տարեկան և բարձր տարիքի անձինք, 16-ից 64 տարեկան քրոնիկ հիվանդները:

Հաջորդ փուլում կպատվաստվեն դասախոսները, ուսուցիչները, արտակարգ իրավիճակների նախարարության աշխատակիցները, զինծառայողները, արդարադատության ոլորտի աշխատակիցները, հանրային տրանսպորտի աշխատակիցները, պետական ծառայողները:

Հանձնաժողովը քննարկել է նաև «COVAX FACILTY» նախաձեռնության շրջանակներում երկրորդ պատուհանի ընթացքում առաջարկված COVID-19-ի դեմ «AstraZeneca» ընկերության պատվաստանյութի ձեռքբերման հնարավորությունը: Որոշվել է չմերժել «AstraZeneca» ընկերության պատվաստանյութի ձեռքբերումը` նախատեսված բնակչության 3%-ի համար՝ հաշվի առնելով հնարավորինս վաղ ժամկետում հասանելիությունը (2021 թվականի մարտ) և արժեքի մատչելիությունը:

Նախարարությունից տեղեկացնում են, որ Միացյալ Թագավորության «AstraZeneca» ընկերության COVID-19-ի դեմ պատվաստանյութը կլինիկական փորձարկումների բոլոր փուլերում բավարարել է պատվաստանյութերի անվտանգությանը և արդյունավետությանը ներկայացվող պահանջները և Առողջապահության համաշխարհային կազմակերպության կողմից ստացել է արտակարգ իրավիճակներում կիրառման թույլտվություն:

0