Նիկոլ Փաշինյան․ արխիվային լուսանկար

«Նիկոլը persona non grata է Հայաստանում»․ Սաղաթելյանը՝ ընդդիմության ձեռքբերումների մասին

380
(Թարմացված է 14:44 10.01.2021)
Ըստ դաշնակցական գործչի՝ Փաշինյանը չի կարողանում ազատ տեղաշարժվել Հայաստանում, չի կարողանում աշխատել քաղաքական իրական ուժերի հետ, չի կարողանում եկեղեցի մտնել, մտավորականների հետ շփվել։

ԵՐԵՎԱՆ, 10 հունվարի - Sputnik. ՀՅԴ ԳՄ ներկայացուցիչ Իշխան Սաղաթելյանը կարծում է, որ Հայաստանի վարչապետ Նիկոլ Փաշինյանը «persona non grata» է երկրում, և դա «Հայրենիքի փրկության շարժման» ջանքերի արդյունքն է։

«Եկեք փաստենք, որ շատ կարևոր խնդիրներ արդեն լուծված են. դավաճան Նիկոլը Հայաստանում այլևս իշխանություն չունի։ Նա չի կարող ազատ տեղաշարժվել մեր երկրում։ Նա չի կարող աշխատել քաղաքական իրական ուժերի հետ, չի կարող եկեղեցի մտնել, չի կարող մտավորականների հետ շփվել և այլն, և այլն։

Եվ սա մեր հետևողական պայքարի արդյունքն է։ Նիկոլի ձեռքն այսուհետև սեղմում է միայն թշնամին, և հենց թշնամու օգնությամբ է նա շարունակում զբաղեցնել Հայաստանի վարչապետի պաշտոնը», - գրել է Սաղաթելյանը Facebook-ում։

Նրա խոսքով՝ Փաշինյանի պաշտոնավարումը ժամանակավոր է, դրան էլ հետևելու է նրա դեմ դատական գործը, և նա հայտնվելու է ճաղերի հետևում։ Սաղաթելյանի խոսքով՝ ընդդիմադիրների շարքերը շուտով ավելի են խտանալու։

«Առաջիկա օրերին Հայրենիքի փրկության շարժումը կշարունակի «բացատրական աշխատանքներ» տանել ԱԺ «Իմ Քայլը» խմբակցության՝ Նիկոլին ծառայող պատգամավորների, նրա թիմի այլ անդամների հետ։ Եվ այս աշխատանքի կոնտեքստում խնդրանք ունեմ դավաճանին հեռացնելու հարցով մտահոգ մեր բոլոր համաքաղաքացիներին՝ ձեր բողոքն ու զայրույթը փոխանցեք նրանց։ Բացատրեք, որ դավաճանի հետ լինելն ու նրան պաշտպանելը նույնպես դավաճանություն է։ Աշխատեք ձեր հարևանների, մտերիմների ու հարազատների հետ, բացատրեք նրանց, որ Հայաստանը փրկության միայն մեկ ուղի ունի՝ դավաճանի հեռացումը», - գրել է ՀՅԴ ներկայացուցիչը։

Նա հավելել է, որ պայքարի նոր փուլ է սկսվելու՝ ավելի շատ բողոքի ցույցերով և  անհնազանդության զանգվածային ակցիաներով։

Փաշինյանը 1.5 տարի առաջ Արցախի նախագահին պատմել է Արցախի հետ կատարվելիքի մասին. Մինասյան

«Հեշտ չի լինելու։ Դա դժվար ուղի է։ Բայց մենք պետք է հասկանանք, որ մեծ արհավիրքների հաղթահարումը մեծ ջանքեր է պահանջում»,-գրել է նա։

Հիշեցնենք, որ Փաշինյանի հրաժարականը պահանջող ընդդիմադիր ուժերը ստեղծել են Հայրենիքի փրկության շարժում ու Վազգեն Մանուկյանին առաջադրել վարչապետի միասնական թեկնածու։

Հանրապետության հրապարակում դեկտեմբերի 22-ից ընդդիմադիրներն անժամկետ նստացույց են հայտարարել նույն պահանջով՝ վարչապետի հրաժարական։

380
թեգերը:
Հրաժարական, Վարչապետ, ընդդիմություն, Իշխան Սաղաթելյան, Նիկոլ Փաշինյան
Ըստ թեմայի
Քաղաքագիտական բանաձև, որն աշխատել է աշխարհի բոլոր երկրներում, կամ ինչ է կատարվում ՀՀ–ում
Ինչպես է Հայաստանի իշխանությունը փորձում լցնել բյուջեն, և արդյո՞ք դա վտանգավոր չէ
Փաշինյանը մեկնում է Մոսկվա․ Կրեմլը հաստատեց
Второй президент Республики Армения Роберт Кочарян в гостях у Sputnik Армения

«Մասնակցելու ենք և կրելու ենք». Քոչարյանը կմասնակցի արտահերթ ընտրություններին

161
(Թարմացված է 01:27 28.01.2021)
Ինչ վերաբերում է Փաշինյանի հրաժարականը պահանջող քաղաքական ուժերին, երկրորդ նախագահը շեշտեց, որ կիսում է նրանց դիրքորոշումը ՀՀ ժամանակավոր կառավարություն ստեղծելու մասին:

ԵՐԵՎԱՆ, 28 հունվարի - Sputnik. ՀՀ երկրորդ նախագահ Ռոբերտ Քոչարյանը կմասնակցի առաջիկա արտահերթ ընտրություններին՝ իր քաղաքական թիմով:
Այս մասին նա հայտարարեց այսօր հայաստանյան մի քանի կայքերին տված հարցազրույցում:

«Մասնակցելու ենք և կրելու ենք»,- ասաց Քոչարյանը՝ հավելելով, որ դրա համար ունի քաղաքական թիմ, հետևորդներ ու անհրաժեշտ գործիքակազմ:

Իսկ թե ինչու մինչև հիմա ակտիվություն չի դրսևորել ՀՀ գործող իշխանոթյան դեմ այքարում, Քոչարյանը մեկնաբանեց նրանով, որ չի ցանկացել իշխանությունների հնարավորություն տալ իր վերադարձով վախեցնել թիմակիցներին:

«Ես ինձ հեռու պահեցի այդ գործընթացներից, որ իմ գործոնը չօգտագործվի այդ 20-30 պատգամավորներին վախեցնելու համար»,- ասաց Քոչարյանը:

Ինչ վերաբերում է Փաշինյանի հրաժարականը պահանջող քաղաքական ուժերին, երկրորդ նախագահը շեշտեց, որ կիսում է նրանց դիրքորոշումը ՀՀ ժամանակավոր կառավարություն ստեղծելու ու արտահերթ ընտրություններ կազմակերպելու առումով, հատկապես, որ ժամանակավոր կառավարության ղեկավարը չի մասնակցելու ընտրություններին՝ հնարավոր չարաշահումներ թույլ չտալու համար:

Ի՞նչ մտավախություններ ունի Ռոբերտ Քոչարյանը ճանապարհների ապաշրջափակման հեռանկարից

Նշենք, որ նոյեմբերի 9–ի եռակողմ հայտարարությունից հետո Հայաստանի ընդդիմադիր կուսակցությունները պահանջում են վարչապետ Նիկոլ Փաշինյանի հրաժարականը։ Նրանք ժամանակավոր` ազգային համաձայնության կառավարության վարչապետի միասնական թեկնածու են առաջարկում Վազգեն Մանուկյանին։

Արցախում ամեն օր նոր տարածքային կորուստներ են գրանցվում. Քոչարյան

Իշխանությունը, սակայն, այդ տարբերակին համաձայն չէ։ Նրանք առաջարկում են միանգամից գնալ արտահերթ խորհրդարանական ընտրությունների։

161
թեգերը:
ընդդիմություն, Հայաստան, Ազգային ժողովի ընտրություններ, Ընտրություններ, Ռոբերտ Քոչարյան
Ըստ թեմայի
Եթե ՀՀ վարչապետը լիներ թուրքական գործակալ, կաներ այն ամենը, ինչ արվել է. Ռոբերտ Քոչարյան
Ինչու էր թշնամին խնայում Արցախի նախագահի նստավայրը. Քոչարյանն իր վարկածը ներկայացրեց
Ռուսաստանի գործընկեր ու դաշնակից երկրից Հայաստանը վերածվել է ՌԴ–ի պրոտեկտորատի. Քոչարյան
Ռոբերտ Քոչարյան

Ռուսաստանի գործընկեր ու դաշնակից երկրից Հայաստանը վերածվել է ՌԴ–ի պրոտեկտորատի. Քոչարյան

205
(Թարմացված է 23:56 27.01.2021)
ՀՀ երկրորդ նախագահը խոսեց հայ–ռուսական հարաբերությունների նախկին ու ներկա վիճակից։

ԵՐԵՎԱՆ, 27 հունվարի – Sputnik. Ռուսաստանի գործընկեր ու դաշնակից երկրից Հայաստանը վերածվել է Ռուսաստանի պրոտեկտորատի: Հայաստանյան մի քանի կայքերին տված հարցազրույցում հայ-ռուսական հարաբերութուններն այս կերպ գնահատեց ՀՀ երկրորդ նախագահ Ռոբերտ Քոչարյանը:

«Մենք նաև պետք ենք եղել ՌԴ-ին, որովհետև այսօրվա այս անկայուն աշխարհում մենք տարածաշրջանում ունեցել ենք ամենից մարտունակ բանակը: Հիմա մենք այնքան ենք թուլացել, որ յուրաքանչյուր հարևան երկիր կարող է մեզ գրավել: Մենք մեր սահմանները չենք կարողանում պաշտպանել կամ չենք ուզում»,- ասաց Քոչարյանը:

ՀՀ երկրորդ նախագահն արձանագրեց՝ նման երկրները կոչվում են պրոտեկտորատ, և Հայաստանն այսօր փաստացի ՌԴ-ի պրոտեկտորատն է Հարավային Կովկասում, քանի դեռ Հայաստանի անվտանգությունն ապահովում է Ռուսաստանը:

«Այս իշխանությունը մեզ Ռուսաստանի դաշնակից երկրից դարձրել է Ռուսաստանի պրոտեկտորատը, և հեգնանքը նրանում է, որ դա արել են այն մարդիկ, ովքեր ՌԴ դեսպանատան դիմաց ցույցեր էին անում ՌԴ-ի ռազմական բազան Հայաստանից հանելու համար»,- ասաց Քոչարյանը:

Արցախում ամեն օր նոր տարածքային կորուստներ են գրանցվում. Քոչարյան

Նրա դիտարկմամբ, գեներալ Մուրադովն այսօր ՀՀ ռազմական դաշտում ավելի մեծ նշանակություն ունի, քան ՀՀ գլխավոր գերագույն հրամանատարը: Երկրորդ նախագահի պնդմամբ` Հայաստանը պետք է անի ամեն ինչ իր նախկին՝ ռազմաքաղաքական դաշնակցի կարգավիճակը հետ բերելու համար:

ՀՀ 2–րդ նախագահը կարծում է, որ եթե դու դաշնակից ես, չպետք է անընդհատ խնդրողի դերում լինես, դու ինքդ պետք է քեզանից արժեք ներկայացնես, և այդ դեպքում երկկողմ հարաբերությունները կլինեն լիարժեք։

«Մենք չպետք է ռուսական բյուջեի վրա ծանրություն դառնանք և երբեք ծանրություն չենք եղել։ Մենք եղել ենք այս տարածաշրջանում ամենավստահելի գործընկերը, մեր շահերը համընկնում էին։ Հիմա մենք ի՞նչ արժեք ենք ներկայացնում, մենք քրտնաջան աշխատանքով այդ արժեքը պիտի վերականգնենք, մեզանից մի բան ներկայացնենք»,–ասաց նա։

Քոչարյանի հավաստմամբ` Ռուսաստանին այստեղ պետք է ուժեղ Հայաստան, և հնարավոր է այդ ուղղությամբ աշխատել, և մեր շահերը կհամընկնեն։

205
թեգերը:
Արցախյան պատերազմ, Նիկոլ Փաշինյան, Հայաստան, Ռոբերտ Քոչարյան, Ռուսաստան
Ըստ թեմայի
Մոսկվան շահագրգռված է Թեհրանի հետ ղարաբաղյան իրավիճակի վերաբերյալ երկխոսության ակտիվացմամբ
Ղարաբաղում խաղաղության վերահսկողության ռուս-թուրքական կենտրոնը սկսում է աշխատանքը. ՌԴ ՊՆ
Միջազգային հանրությունը պետք է հումանիտար օգնություն ցուցաբերի Ղարաբաղին. Պուտին