Ընդդիմության առաջնորդները

Արտգործնախարարից որոշ բացատրություններ ստացանք. ընդդիմադիրները հանդիպելու են նաև ԳՇ պետին

314
(Թարմացված է 19:06 09.01.2021)
Վազգեն Մանուկյանը, Իշխան Սաղաթելյանն ու Արթուր Վանեցյանը հանդիպել են ՀՀ արտգործնախարար Արա Այվազյանի հետ։

ԵՐԵՎԱՆ, 9 հունվարի – Sputnik. ՀՀ արտաքին գործերի նախարար Արա Այվազյանի հետ հանդիպման ժամանակ ընդդիմադիր գործիչները հայտնել են իրենց մտահեգությունները։ Հանդիպումից հետո լրագրողների հետ զրույցում այս մասին ասաց Հայրենիքի փրկության շարժման վարչապետի միասնական թեկնածուն` Վազգեն Մանուկյանը։

Արա Այվազյանը քիչ առաջ հանդիպում էր Վազգեն Մանուկյանի, Իշխան Սաղաթելյանի և Արթուր Վանեցյանի հետ։

«Նախարարին հայտնեցինք մեր մտահոգությունները և որոշ բացատրություններ ստացանք։ Առաջիկայում սպասվում է հանդիպում նաև ՀՀ ԶՈւ գլխավոր շտաբի պետի հետ։ Հանդիպումներից հետո կամփոփենք և հայտարարությամբ հանդես կգանք»,–ասաց Սարգսյանը։

Իսկ թե երբ է նախատեսված ՀՀ ԶՈւ ԳՇ պետ Օնիկ Գասպարյանի հետ հանդիպումը` Մանուկյանը պատասխանեց, որ երբ հայտնի լինի` կհայտնեն այդ մասին։

Լրագրողների հարցին, թե Արա Այվազյանի հետ հանդիպման ժամանակ հնչած պատասխանները բավարարե՞լ են իրենց, Մանուկյանը պատասխանեց, որ իրենց հարցերի պատասխանները ստացել են, որոշները բավարարել են, որոշները` ոչ։

Հիշեցնենք, որ երեկ Վազգեն Մանուկյանը բաց նամակով դիմել էր ՀՀ արտաքին գործերի նախարար Արա Այվազյանին, Ազգային անվտանգության ծառայության տնօրեն Արմեն Աբազյանին ու Զինված ուժերի գլխավոր շտաբի պետ Օնիկ Գասպարյանին:

Նա վերոհիշյալ պաշտոնատար անձանցից պահանջել էր այսօր` հունվարի 9-ին, հանդիպել Հայրենիքի փրկության շարժման ներկայացուցիչների հետ։ Մանուկյանը հավելել էր, որ հունվարի 11-ին նախատեսված Նիկոլ Փաշինյան-Իլհամ Ալիև հանդիպման հետ կապված բազմաթիվ մտահոգություններ և տագնապներ կան քաղաքական-հասարակական լայն շրջանակներում:

Վազգեն Մանուկյանը կոչով դիմել է զինված ուժերին` ապահովել երկրի ու ժողովրդի անվտանգությունը

314
թեգերը:
Նախարար, Օնիկ Գասպարյան, Վազգեն Մանուկյան, ընդդիմություն
Ըստ թեմայի
Ինչու ընդդիմությանը չհաջողվեց շատ հարցերում հասնել հաջողության. քաղտեխնոլոգի դիտարկումները
Անպատժելիության մթնոլորտի հետևանքը. ի՞նչ են սպասում իշխանականներն ընդդիմությունից
Բողոքի ակցիա, երթ, լեզվակռիվ. ընդդիմությունը երթով եկավ կառավարության մոտ. տեսանյութ
Տիգրան Բալայան

Միակ ելքն Ալիևի դեմ պատժամիջոցներ կիրառելն է․ Տիգրան Բալայանի դիտարկումները

57
(Թարմացված է 15:39 18.01.2021)
Արցախում հրադադար հաստատելու հայտարարությունից հետո Եվրամիության խորհուրդը կողմերին հորդորել էր քայլեր ձեռնարկել տարածաշրջանում խաղաղության ամրապնդման ուղղությամբ՝ նախանշելով դրա համար անհրաժեշտ քայլերը։ Ադրբեջանը խախտել է փաստաթղթում նշված բոլոր սկզբունքները։

ԵՐԵՎԱՆ, 18 հունվարի – Sputnik. Նիդեռլանդներում և Լյուքսեմբուրգում Հայաստանի դեսպան Տիգրան Բալայանը Facebook-ի իր էջում հրապարակել է Եվրամիության խորհրդի` նոյեմբերի 19-ի հայտարարությունը և Ադրբեջանի փաստացի արձագանքն այդ փաստաթղթին:

«Երկու ամիս առաջ Եվրոպական միության խորհուրդը հանդես եկավ հայտարարությամբ, որում կողմերին հորդորում էր քայլեր ձեռնարկել Լեռնային Ղարաբաղում և նրա շուրջ հրադադարի ռեժիմի ամրապնդման ուղղությամբ: Առայժմ Իլհամ Ալիևի վարչակարգը հակառակն է անում։ Միակ ելքն Ալիևի դեմ պատժամիջոցներ կիրառելն է», - գրել է նա։

Արցախում հրադադարի հաստատման մասին հայտարարության ստորագրումից հետո Եվրամիության խորհուրդը նախանշել էր նաև այն քայլերը, որոնք անհրաժեշտ են տարածաշրջանի խաղաղությունն ամրապնդելու համար։ Ադրբեջանը ոչ միայն այդ կոչը չի լսել, այլև ավելին՝ Բաքվի բոլոր գործողությունները փաստաթղթում ամրագրված սկզբունքների ուղղակի խախտում են։

Օրինակ` ԵՄԽ-ն կողմերին կոչ է արել խստորեն պահպանել հրադադարի ռեժիմը, սակայն Ադրբեջանը այն խախտել է դեկտեմբերի 12-ին. գրավել է Հադրութում գտնվող երկու գյուղ, գերեվարել 64 հայ զինծառայողի: Հայտարարության մեջ ասվում է, որ կողմերը պետք է ձեռնպահ մնան հռետորաբանությունից, որը կարող է վտանգի տակ դնել հրադադարը, սակայն Ալիևը շարունակում է հայերի հանդեպ ատելություն քարոզել՝ հայտարարելով, որ մտադիր է ներխուժել Հայաստանի տարածք: ԵՄԽ-ն կոչ է արել տարածաշրջանից դուրս բերել բոլոր օտարերկրացի գրոհայիններին, բայց ո՛չ Բաքուն, ո՛չ Անկարան չեն ընդունել պատերազմում վարձկանների ներգրավումը: ԵՄԽ-ն կողմերին հետագա բանակցություններ վարելու կոչ է արել, սակայն Ալիևը հայտարարել է, որ լուծել է Ղարաբաղի կարգավիճակի հարցը, և նման խնդիր այլևս չկա: Բացի այդ, Բաքուն հրաժարվում է ազատ արձակել հայ գերիներին՝ նրանց ներկայացնելով որպես հանցագործներ և նրանց դեմ հարուցելով քրեական գործեր։

Վեցերորդ սկզբունքը, որն Ադրբեջանը խախտել է, վերաբերում է միջազգային մարդասիրական կազմակերպությունների մուտքի թույլտվությանը մարտական գործողությունների տարածք։ Ադրբեջանը մերժել է թույլատրել ՅՈՒՆԵՍԿՕ-ին, Եվրամիությանը, ՄԱԿ-ի Փախստականների հարցերով գերագույն հանձնակատարի վարչությանը և Եվրոպական Միության խորհրդին մուտք գործել տարածք:

ԵՄԽ-ն նաև կարևորել է վերաբնակիչների և փախստականների վերադարձի համար պայմաններ ստեղծելը, սակայն մինչ օրս բոլոր այն հայերը, որոնք գտնվել են Ադրբեջանի գրաված տարածքներում, կա՛մ սպանվել են, կա՛մ գերության մեջ են հայտնվել:

Հայտարարության 8-րդ կետը, որը խախտել է Բաքուն, վերաբերում է մշակութային ժառանգության պահպանմանը։ Ադրբեջանը հայկական եկեղեցիները բազմաթիվ անգամ «ալբանական» է անվանել, բայց դա էլ նրանց չի խանգարել ավերել տաճարները զինադադարից հետո։ Բացի այդ, Շուշիում և Հադրութում ավերվել են հուշարձաններ, հայկական գերեզմաններ, խաչքարեր։

Եվրոպական կառույցի հայտարարության մեջ նաև ընդգծվում է ռազմական հանցագործությունների հետաքննության կարևորությունը: Սակայն Բաքուն ոչ միայն հետաքննություն չի սկսել, այլև շարունակում է ռազմական հանցագործություններ կատարել։

57
թեգերը:
Տիգրան Բալայան, Ադրբեջան, Հայաստան
Ըստ թեմայի
Ադրբեջանական սոցցանցերը լի են հայ երեխաների սպանելու, արյունը խմելու կոչերով. Թաթոյան
Ադրբեջանցիները հպարտանում են իրենց վայրագություններով. Թաթոյանը՝ Ալիևի սպառնալիքների մասին
Ադրբեջանը հրաժարվում է կատարել իր հանձնառությունը. Այվազյանի նամակը Գուտերեշին
Նիկոլ Փաշինյան. արխիվային լուսանկար

Նիկոլ Փաշինյանը նոր օգնական ունի

151
(Թարմացված է 15:31 18.01.2021)
ՀՀ վարչապետի համապատասխան որոշումը հրապարակել է նրա լրատվական ծառայությունը։

ԵՐԵՎԱՆ, 18 հունվարի - Sputnik. ՀՀ վարչապետ Նիկոլ Փաշինյանը նոր օգնական ունի։ Տեղեկությունը հայտնում է ՀՀ վարչապետի մամուլի ծառայությունը։

«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 10-րդ մասով՝ Գագիկ Իսախանյանին նշանակել ՀՀ վարչապետի օգնական»,–նշված է վարչապետի համապատասխան որոշման մեջ։

Հիշեցնենք` այսօր հայտնի է դարձել, որ ՀՀ վարչապետ Նիկոլ Փաշինյանը առողջապահության նախարար Արսեն Թորոսյանին պաշտոնից ազատելու առաջարկություն է ներկայացրել ՀՀ նախագահին։ Արմեն Սարգսյանը դեռ չի ստորագրել փաստաթուղթը։

Առողջապահության նախարար կարող է դառնալ Անահիտ Ավանեսյանը

Բացի այդ, ՀՀ նախագահ Արմեն Սարգսյանը վարչապետ Նիկոլ Փաշինյանից առաջարկություն է ստացել առողջապահության նախարարի պաշտոնում նշանակել գերատեսչության ղեկավարի տեղակալ Անահիտ Ավանեսյանին:

151
թեգերը:
Գագիկ Իսախանյան, ՀՀ կառավարություն, օգնական, Նիկոլ Փաշինյան
Ըստ թեմայի
Արցախի կառավարությունում նոր նշանակումներ են կատարվել
Նոր նշանակում ԶՈւ գլխավոր շտաբում. Արմեն Սարգսյանը ստորագրել է փաստաթուղթը
Զարուհի Բաթոյանը կազատվի պաշտոնից. նոր թեկնածուի նշանակումը կլինի շուտով

Շիրակում հրշեջ-փրկարարական ջոկատի 2 մասնաշենք է կառուցվում. տեսանյութ

0
(Թարմացված է 18:28 18.01.2021)
Նախարարի հանձնարարությամբ՝ փրկարարների ֆիզիկական պատրաստվածությունը ստուգելու համար հաճախակի ստուգարքներ կանցկացվեն։

Շիրակի մարզում հրշեջ-փրկարարների համար կառուցվող 2 նոր մասնաշենքերի շինարարությունը շուտով կավարտվի։ ՀՀ արտակարգ իրավիճակների նախարարության մամուլի ծառայությունը տեղեկացնում է, որ տարվա կեսին Գյումրու թիվ 2 և Ախուրյանի թիվ 53 հրշեջ-փրկարարական ջոկատների շենքերն ամբողջությամբ պատրաստ կլինեն: Արտակարգ իրավիճակների նախարար Անդրանիկ Փիլոյանը ծանոթացել է իրականացվող շինարարության ընթացքին։

Նոր աշխատանքային տարվա օրակարգում մարզային փրկարարական ջոկատների խնդիրներն են։Նախարարի վերջին այցերը եղել են Շիրակի, Արագածոտնի, Գեղարքունիքի, Կոտայքի մարզային փրկարարական վարչություններ։

«Անդրանիկ Փիլոյանը շրջել է ջոկատներում, ճգնաժամային կառավարման մարզային կենտրոններում։ Նախարարը ներկա է գտնվել մարտական հաշվարկների կանչի վայր մեկնելու գործընթացին։ Նրան զեկուցվել են առկա խնդիրները. հիմնականում տեխնիկայի համալրման վերաբերյալ հարցեր են բարձրացվել: Նախարարը վստահեցրել է, որ կարճ ժամանակում խնդիրներին լուծումներ կտրվեն»,- նշված է հաղորդագրության մեջ։

Անդրանիկ Փիլոյանը պատրաստ է ցանկացած խնդրի առանձին լուծում տալ

Փիլոյանը կարևորել է փրկարարների ֆիզիկական պատրաստվածության մակարդակի բարձրացումը։ Նրա հանձնարարությամբ նաև հաճախակի մարզական ստուգարքներ կանցկացվեն։

Նախարարը պահանջել է, որ բոլորը բարեխղճորեն և ազնվորեն կատարեն պարտականությունները՝ նպաստելով համակարգի զարգացմանը։

«Տարածքը, որտեղ մենք  էինք, մնացել է Արցախի կազմում». գյումրեցի փրկարարները պարգևատրվեցին

0
թեգերը:
տեսանյութ, Անդրանիկ Փիլոյան, Շիրակի մարզ, Հայաստան