Նիկոլ Փաշինյան

Նիկոլ Փաշինյանը խոստովանել է, թե որ հարցում է ինքը ձախողվել

1285
(Թարմացված է 16:50 04.01.2021)
Հայաստանի վարչապետը հոդված է հրապարակել, որում փորձել է պատասխանել արցախյան պատերազմին վերաբերող հարցերին։

ԵՐԵՎԱՆ, 4 հունվարի – Sputnik. Ինչպե՞ս էր հնարավոր խուսափել պատերազմից, և ինչո՞ւ դա հնարավոր չեղավ գործնականում: ՀՀ վարչապետ Նիկոլ Փաշինյանը հոդված է գրել` փորձելով պատասխանել անընդհատ շրջանառվող այս հարցերին։ Վարչապետի պաշտոնական կայքում հրապարակված հոդվածում նա նշել է, որ 2013 թվականից Ադրբեջանն աննախադեպ սրել էր շփման գծի երկայնքով և հայ-ադրբեջանական սահմանի իրավիճակը, քանի որ աշխարհաքաղաքական «բարենպաստ» պայմաններ կային։

«Եթե մինչ Սիրիայի և Ուկրաինայի իրադարձությունները Ռուսաստանի համար առաջնային թեժ կետը Հարավային Կովկասն էր, 2015 թվականի դրությամբ ավելանում են Ղրիմը, Դոնբասը, Սիրիան: Բոլոր այս տեղերում Ռուսաստանի պատասխանատվությունը աճում է և որքան էլ գերտերություն, ՌԴ կարողություններն անսահմանափակ չեն: Ադրբեջանն օգտվում է ստեղծված հնարավորությունից և ավելի բարձր հայտարարում Ղարաբաղի հարցը ռազմական ճանապարհով լուծելու իր մտադրությունների մասին: Այս պայմաններում Ռուսաստանը կանգնում է բավականին դժվար կացության առաջ, հասկանալով, որ Հարավային Կովկասը կայուն պահելու նախկին գործիքակազմը վերանայման կարիք ունի», - գրում է Փաշինյանը։

Նրա խոսքով՝ ՌԴ կողմից առաջարկված 7 տարածքների և փախստականների վերադարձման նոր փաթեթները շարունակվում են մերժել Ադրբեջանի կողմից։ 2016 թվականի ապրիլին տեղի է ունենում ապրիլյան քառօրյա պատերազմը, դրանից հետո էլ շարունակվում են յոթ տարածքների վերադարձման շուտ բանակցությունները։ Իսկ ԼՂ կարգավիճակը չի քննարկվում․ Ադրբեջանն ասում է՝ իր կազմից դուրս քննարկելի չէ, և ռուսական առաջարկների ի հայտ գալուց հետո ավելի է սրում դիրքորոշումը։

«1994 թվականի մայիսի 12-ի զինադադարի կետից նահանջի մի մեծ գործընթաց է: Տխուր է արձանագրել, բայց բանակցային ողջ գործընթացում հայկական կողմը ոչ մի հաջողություն չի ունեցել, դա անհաջողությունների մի երկար պատմություն է։ Բանակցային 23-ամյա գործընթացում հայկական կողմի միակ հաջողությունը ժամանակն էր, որն, իհարկե, էական հաջողություն կլիներ, եթե այդ ժամանակը հնարավոր լիներ աշխատեցնել մեր օգտին։ Բայց 2016 թվականի ապրիլյան պատերազմով, երբ արձանագրվեց, որ Հայոց բանակը հաղթանակից 22 տարի անց կռվում է 80-ականների զենքերով, ժամանակ ձգելու դարաշրջանը նույնպես ավարտվեց», - գրում է վարչապետը։

Ըստ Փաշինյանի՝ 2019 թվականի մարտի 12-ին Ստեփանակերտում տեղի ունեցած Հայաստանի և Արցախի անվտանգության խորհուրդների համատեղ նիստում, նա հանդես եկավ ելույթով, որում շեշտեց, որ բանակցային գործընթացում Արցախի ներկայացուցիչների մասնակցության հարցը պետք է լինի մեր օրակարգում, ինչպես նաև Մադրիդյան սկզբունքները պետք է ունենան միասնական մեկնաբանություն։

«Եվ հաջորդը՝ հանրային դիսկուրսի առումով հանդես եկա բավականին կառուցողական բանաձևով, հրապարակային պնդելով, որ ԼՂ հարցի որևէ լուծում պետք է ընդունելի լինի նաև Ադրբեջանի ժողովրդի համար: Այս ամենի նպատակը ԼՂ հարցի բանակցային գործընթացը դուրս բերելն էր տարածքներ հանձնելու պրիմիտիվ տրամաբանությունից: Եվ հենց այստեղ էր ձախողումը, որովհետև պարզվեց՝ 2016-ին շարժված գնացքը կանգնեցնել հնարավոր չէ: Հիմա շատերն են ասում, թե այդ գնացքը հնարավոր էր կանգնեցնել ռուսամետ քայլերով և ռուսամետ քաղաքականությամբ, իբր մեր կառավարությունը ուղիղ հակառակն է արել: Իրականությունը, սակայն, բոլորովին այլ է, և այսպես խոսողները չեն նկատում այնպիսի շրջադարձային քայլեր, ինչպիսին Սիրիա ականազերծողներ և բժիշկներ գործուղելու ՀՀ կառավարության՝ 2019 թվականին կայացրած որոշումը», - գրում է Փաշինյանը։

Վարչապետի խոսքով՝ պատերազմը կարելի էր կանխել տարածքներ հանձնելով՝ փոխարենը ստանալով ոչինչ։ Հետահայաց կարելի է ասել՝ դա ավելի լավ է, քան այն ինչ կա, առնվազն մարդկային հազարավոր կյանքեր փրկած կլինեինք, բայց դա՝ հետահայաց, գրում է վարչապետը: Նա նաև ասում է՝ ոչ ոք պատրաստ չէր պատերազմի սկզբնական շրջանում այդ սցենարին։

«Հանրահայտ հակափաստարկ կա. մյուսները, հանրությունը չէին տիրապետում կամ չէին կարող տիրապետել այն տեղեկատվությանը, որ վարչապետն էր տիրապետում, և ուրեմն վարչապետը իր իմացած տեղեկատվության հիման վրա պետք է որոշում կայացներ։ Ճիշտ փաստարկ է, և իմ տիրապետած տեղեկատվությունը այն մասին էր, որ իրադրության լիցքաթափումը կամ պատերազմը կանգնեցնելը հնարավոր չէ առանց Արցախի ու Հայաստանի համար աղետալի հետևանքների։ Եվ ուրեմն որոշումն էր՝ պայքարել այդ աղետալի հետևանքների դեմ։ Արդյունքում ավելի աղետալի հետևանքնե՞ր ունեցանք։ Գուցե։ Բայց այն մյուս աղետի հնարավոր մասշտաբները գիտենք տեսականորեն։ Հիմա չգիտենք, թե այն մյուս աղետը գործնականում ինչպիսին էր լինելու, ինչպես այն ժամանակ չգիտեինք այս մի աղետի գործնական պարամետրերը», - գրում է Փաշինյանը։

Նա ասում է, որ բոլոր սցենարներով հանձնվելու էր Շուռնուխի կեսը, քանի որ Ղուբաթլուի շրջանը պետք է հանձնվեր Ադրբեջանին։

Ըստ Փաշինյանի` հողերի խաղաղ հանձնումը կարող էր Հայաստանին շահավետ լինել 90-ականների սկզբին, երբ Ադրբեջանը ռազմական առումով շատ ավելի թույլ էր, ՀՀ-ն էլ հաղթողի դիրք ուներ։

1285
թեգերը:
Ադրբեջան, Արցախ, Պատերազմ, Նիկոլ Փաշինյան, Հայաստան
թեմա:
ՀՀ վարչապետ Նիկոլ Փաշինյան (1144)
Ըստ թեմայի
Փաշինյանն Ալիևի հետ նոր փաստաթուղթ կստորագրի. Իշխան Սաղաթելյան
Նիկոլ Փաշինյանը ՌԴ փոխվարչապետի հետ քննարկել է իրավիճակն Արցախում
Փաշինյանն Անվտանգության խորհրդի նիստ է հրավիրել. ներկա է եղել նաև Արցախի նախագահը
Второй президент Республики Армения Роберт Кочарян в гостях у Sputnik Армения

«Մասնակցելու ենք և կրելու ենք». Քոչարյանը կմասնակցի արտահերթ ընտրություններին

72
(Թարմացված է 01:27 28.01.2021)
Ինչ վերաբերում է Փաշինյանի հրաժարականը պահանջող քաղաքական ուժերին, երկրորդ նախագահը շեշտեց, որ կիսում է նրանց դիրքորոշումը ՀՀ ժամանակավոր կառավարություն ստեղծելու մասին:

ԵՐԵՎԱՆ, 28 հունվարի - Sputnik. ՀՀ երկրորդ նախագահ Ռոբերտ Քոչարյանը կմասնակցի առաջիկա արտահերթ ընտրություններին՝ իր քաղաքական թիմով:
Այս մասին նա հայտարարեց այսօր հայաստանյան մի քանի կայքերին տված հարցազրույցում:

«Մասնակցելու ենք և կրելու ենք»,- ասաց Քոչարյանը՝ հավելելով, որ դրա համար ունի քաղաքական թիմ, հետևորդներ ու անհրաժեշտ գործիքակազմ:

Իսկ թե ինչու մինչև հիմա ակտիվություն չի դրսևորել ՀՀ գործող իշխանոթյան դեմ այքարում, Քոչարյանը մեկնաբանեց նրանով, որ չի ցանկացել իշխանությունների հնարավորություն տալ իր վերադարձով վախեցնել թիմակիցներին:

«Ես ինձ հեռու պահեցի այդ գործընթացներից, որ իմ գործոնը չօգտագործվի այդ 20-30 պատգամավորներին վախեցնելու համար»,- ասաց Քոչարյանը:

Ինչ վերաբերում է Փաշինյանի հրաժարականը պահանջող քաղաքական ուժերին, երկրորդ նախագահը շեշտեց, որ կիսում է նրանց դիրքորոշումը ՀՀ ժամանակավոր կառավարություն ստեղծելու ու արտահերթ ընտրություններ կազմակերպելու առումով, հատկապես, որ ժամանակավոր կառավարության ղեկավարը չի մասնակցելու ընտրություններին՝ հնարավոր չարաշահումներ թույլ չտալու համար:

Ի՞նչ մտավախություններ ունի Ռոբերտ Քոչարյանը ճանապարհների ապաշրջափակման հեռանկարից

Նշենք, որ նոյեմբերի 9–ի եռակողմ հայտարարությունից հետո Հայաստանի ընդդիմադիր կուսակցությունները պահանջում են վարչապետ Նիկոլ Փաշինյանի հրաժարականը։ Նրանք ժամանակավոր` ազգային համաձայնության կառավարության վարչապետի միասնական թեկնածու են առաջարկում Վազգեն Մանուկյանին։

Արցախում ամեն օր նոր տարածքային կորուստներ են գրանցվում. Քոչարյան

Իշխանությունը, սակայն, այդ տարբերակին համաձայն չէ։ Նրանք առաջարկում են միանգամից գնալ արտահերթ խորհրդարանական ընտրությունների։

72
թեգերը:
ընդդիմություն, Հայաստան, Ազգային ժողովի ընտրություններ, Ընտրություններ, Ռոբերտ Քոչարյան
Ըստ թեմայի
Եթե ՀՀ վարչապետը լիներ թուրքական գործակալ, կաներ այն ամենը, ինչ արվել է. Ռոբերտ Քոչարյան
Ինչու էր թշնամին խնայում Արցախի նախագահի նստավայրը. Քոչարյանն իր վարկածը ներկայացրեց
Ռուսաստանի գործընկեր ու դաշնակից երկրից Հայաստանը վերածվել է ՌԴ–ի պրոտեկտորատի. Քոչարյան
Ռոբերտ Քոչարյան

Ռուսաստանի գործընկեր ու դաշնակից երկրից Հայաստանը վերածվել է ՌԴ–ի պրոտեկտորատի. Քոչարյան

165
(Թարմացված է 23:56 27.01.2021)
ՀՀ երկրորդ նախագահը խոսեց հայ–ռուսական հարաբերությունների նախկին ու ներկա վիճակից։

ԵՐԵՎԱՆ, 27 հունվարի – Sputnik. Ռուսաստանի գործընկեր ու դաշնակից երկրից Հայաստանը վերածվել է Ռուսաստանի պրոտեկտորատի: Հայաստանյան մի քանի կայքերին տված հարցազրույցում հայ-ռուսական հարաբերութուններն այս կերպ գնահատեց ՀՀ երկրորդ նախագահ Ռոբերտ Քոչարյանը:

«Մենք նաև պետք ենք եղել ՌԴ-ին, որովհետև այսօրվա այս անկայուն աշխարհում մենք տարածաշրջանում ունեցել ենք ամենից մարտունակ բանակը: Հիմա մենք այնքան ենք թուլացել, որ յուրաքանչյուր հարևան երկիր կարող է մեզ գրավել: Մենք մեր սահմանները չենք կարողանում պաշտպանել կամ չենք ուզում»,- ասաց Քոչարյանը:

ՀՀ երկրորդ նախագահն արձանագրեց՝ նման երկրները կոչվում են պրոտեկտորատ, և Հայաստանն այսօր փաստացի ՌԴ-ի պրոտեկտորատն է Հարավային Կովկասում, քանի դեռ Հայաստանի անվտանգությունն ապահովում է Ռուսաստանը:

«Այս իշխանությունը մեզ Ռուսաստանի դաշնակից երկրից դարձրել է Ռուսաստանի պրոտեկտորատը, և հեգնանքը նրանում է, որ դա արել են այն մարդիկ, ովքեր ՌԴ դեսպանատան դիմաց ցույցեր էին անում ՌԴ-ի ռազմական բազան Հայաստանից հանելու համար»,- ասաց Քոչարյանը:

Արցախում ամեն օր նոր տարածքային կորուստներ են գրանցվում. Քոչարյան

Նրա դիտարկմամբ, գեներալ Մուրադովն այսօր ՀՀ ռազմական դաշտում ավելի մեծ նշանակություն ունի, քան ՀՀ գլխավոր գերագույն հրամանատարը: Երկրորդ նախագահի պնդմամբ` Հայաստանը պետք է անի ամեն ինչ իր նախկին՝ ռազմաքաղաքական դաշնակցի կարգավիճակը հետ բերելու համար:

ՀՀ 2–րդ նախագահը կարծում է, որ եթե դու դաշնակից ես, չպետք է անընդհատ խնդրողի դերում լինես, դու ինքդ պետք է քեզանից արժեք ներկայացնես, և այդ դեպքում երկկողմ հարաբերությունները կլինեն լիարժեք։

«Մենք չպետք է ռուսական բյուջեի վրա ծանրություն դառնանք և երբեք ծանրություն չենք եղել։ Մենք եղել ենք այս տարածաշրջանում ամենավստահելի գործընկերը, մեր շահերը համընկնում էին։ Հիմա մենք ի՞նչ արժեք ենք ներկայացնում, մենք քրտնաջան աշխատանքով այդ արժեքը պիտի վերականգնենք, մեզանից մի բան ներկայացնենք»,–ասաց նա։

Քոչարյանի հավաստմամբ` Ռուսաստանին այստեղ պետք է ուժեղ Հայաստան, և հնարավոր է այդ ուղղությամբ աշխատել, և մեր շահերը կհամընկնեն։

165
թեգերը:
Արցախյան պատերազմ, Նիկոլ Փաշինյան, Հայաստան, Ռոբերտ Քոչարյան, Ռուսաստան
Ըստ թեմայի
Մոսկվան շահագրգռված է Թեհրանի հետ ղարաբաղյան իրավիճակի վերաբերյալ երկխոսության ակտիվացմամբ
Ղարաբաղում խաղաղության վերահսկողության ռուս-թուրքական կենտրոնը սկսում է աշխատանքը. ՌԴ ՊՆ
Միջազգային հանրությունը պետք է հումանիտար օգնություն ցուցաբերի Ղարաբաղին. Պուտին