Միքայել Մինասյան

Սոթքի ոսկու հանքը հնարավոր էր Ադրբեջանին չհանձնել. Մինասյան

400
(Թարմացված է 16:55 31.12.2020)
Վատիկանում ՀՀ նախկին դեսպան Միքայել Մինասյանը հրապարակել է փաստաթղթերի փաթեթ, որոնք նրա մեկնաբանմամբ, կարող էին հիմք հանդիսանալ բանակցությունների միջոցով Սոթքի ոսկու հանքն Ադրբեջանին չհանձնելու համար:

ԵՐԵՎԱՆ, 31 հոկտեմբերի - Sputnik. Վատիկանում ՀՀ նախկին դեսպան Միքայել Մինասյանը հրապարակել է Գեղարքունիքի մարbի Սոթք համայնքի հատվածում գտնվող ոսկու հանքավայրին վերաբերող մի շարք փաստաթղթեր:

Приказ о создании Армзолото
«Հայոսկի» ստեղծելու հրամանը

«Հաշվի առնելով հանրային մեծ հետաքրքրությունը, հրապարակում եմ փաստաթղթերի փաթեթը, որը կարող էր հիմք հանդիսանալ բանակցությունների միջոցով Սոթքի ոսկու հանքը Ադրբեջանին չհանձնելու համար, եթե, իհարկե, Հայաստանի իշխանության ղեկին լինեին ոչ թե ապաշնորհ տգետներ և դավաճաններ, այլ բանակցելու ունակ գործիչներ»,- Facebook-ում գրել է Մինասյանը:

Նրա մեկնաբանմամբ, այդ փաստաթղթերի փաթեթից պարզ է, որ Սովետական Հայաստանը Սովետական Ադրբեջանից վարձակալել էր հանքի տարածքի մի մասը, և եթե սահմանները որոշվում են սովետական քարտեզներով, ապա այս կարևոր հանգամանքը ևս չէր կարելի անտեսել:

Приказ о создании Армзолото
«Հայոսկի» ստեղծելու հրամանը

Մինասյանը նշում է, որ իր հրապարակած փաստաթղթերը պահվում են Հայաստանի, Ռուսաստանի և Ադրբեջանի Ազգային արխիվում:

Հիշեցնենք` նոյեմբերի 26-ին լուրեր տարածվեցին, որ ադրբեջանական զինվորները մտել են Սոթքի հանքավայր և աշխատակիցներին ժամանակ տվել դուրս գալու համար: ՀՀ պաշտպանության նախարարությունը հերքեց այդ լուրը։ Գեղամասար խոշորացված համայնքի (որտեղ ներառված է նաև Սոթքը) ղեկավար Հակոբ Ավետյանը Sputnik Արմենիայի հետ զրույցում հայտնեց, որ ադրբեջանցիները Սոթքի հանքի տարածքում են, բանակցություններ են վարում։

Горноотводный акт по предоставлению территории Армянской ССР
Տարածքը Հայկական ԽՍՀ-ին տրամադրելու վերաբերյալ արձանագրություն

Sputnik Արմենիայի նկարահանող խումբը հաջորդ օրը մեկնեց Սոթք և տեսավ, որ դեպի Քարվաճառ ու հանքի տարածք գնացող ճանապարհին կանգնած են ՀՀ ոստիկանության ու ռազմական ոստիկանության աշխատակիցները, որոնք բացի զինվորականներից ու հանքի աշխատակիցներից, այլ անձանց թույլ չէին տալիս շարունակել ճանապարհը դեպի ոսկու հանք:

400
թեգերը:
Ադրբեջան, Հայաստան, Սոթքի հանքավայր, Միքայել Մինասյան
Ըստ թեմայի
Սոթքի հանքը Ադրբեջանի հետ կիսելով` հայկական կողմը կունենա շատ լուրջ խնդիրներ
Որքա՞ն կտևի պատերազմի բացասական ազդեցությունը. Թևիկյանը` Սոթքի հանքավայրի մասին
ԽՍՀՄ քարտեզագրողները կաշառակեր էին. ո՞ւմ է վստահում տնտեսագետը Սոթքի հանքի հարցում
Второй президент Республики Армения Роберт Кочарян в гостях у Sputnik Армения

«Մասնակցելու ենք և կրելու ենք». Քոչարյանը կմասնակցի արտահերթ ընտրություններին

82
(Թարմացված է 01:27 28.01.2021)
Ինչ վերաբերում է Փաշինյանի հրաժարականը պահանջող քաղաքական ուժերին, երկրորդ նախագահը շեշտեց, որ կիսում է նրանց դիրքորոշումը ՀՀ ժամանակավոր կառավարություն ստեղծելու մասին:

ԵՐԵՎԱՆ, 28 հունվարի - Sputnik. ՀՀ երկրորդ նախագահ Ռոբերտ Քոչարյանը կմասնակցի առաջիկա արտահերթ ընտրություններին՝ իր քաղաքական թիմով:
Այս մասին նա հայտարարեց այսօր հայաստանյան մի քանի կայքերին տված հարցազրույցում:

«Մասնակցելու ենք և կրելու ենք»,- ասաց Քոչարյանը՝ հավելելով, որ դրա համար ունի քաղաքական թիմ, հետևորդներ ու անհրաժեշտ գործիքակազմ:

Իսկ թե ինչու մինչև հիմա ակտիվություն չի դրսևորել ՀՀ գործող իշխանոթյան դեմ այքարում, Քոչարյանը մեկնաբանեց նրանով, որ չի ցանկացել իշխանությունների հնարավորություն տալ իր վերադարձով վախեցնել թիմակիցներին:

«Ես ինձ հեռու պահեցի այդ գործընթացներից, որ իմ գործոնը չօգտագործվի այդ 20-30 պատգամավորներին վախեցնելու համար»,- ասաց Քոչարյանը:

Ինչ վերաբերում է Փաշինյանի հրաժարականը պահանջող քաղաքական ուժերին, երկրորդ նախագահը շեշտեց, որ կիսում է նրանց դիրքորոշումը ՀՀ ժամանակավոր կառավարություն ստեղծելու ու արտահերթ ընտրություններ կազմակերպելու առումով, հատկապես, որ ժամանակավոր կառավարության ղեկավարը չի մասնակցելու ընտրություններին՝ հնարավոր չարաշահումներ թույլ չտալու համար:

Ի՞նչ մտավախություններ ունի Ռոբերտ Քոչարյանը ճանապարհների ապաշրջափակման հեռանկարից

Նշենք, որ նոյեմբերի 9–ի եռակողմ հայտարարությունից հետո Հայաստանի ընդդիմադիր կուսակցությունները պահանջում են վարչապետ Նիկոլ Փաշինյանի հրաժարականը։ Նրանք ժամանակավոր` ազգային համաձայնության կառավարության վարչապետի միասնական թեկնածու են առաջարկում Վազգեն Մանուկյանին։

Արցախում ամեն օր նոր տարածքային կորուստներ են գրանցվում. Քոչարյան

Իշխանությունը, սակայն, այդ տարբերակին համաձայն չէ։ Նրանք առաջարկում են միանգամից գնալ արտահերթ խորհրդարանական ընտրությունների։

82
թեգերը:
ընդդիմություն, Հայաստան, Ազգային ժողովի ընտրություններ, Ընտրություններ, Ռոբերտ Քոչարյան
Ըստ թեմայի
Եթե ՀՀ վարչապետը լիներ թուրքական գործակալ, կաներ այն ամենը, ինչ արվել է. Ռոբերտ Քոչարյան
Ինչու էր թշնամին խնայում Արցախի նախագահի նստավայրը. Քոչարյանն իր վարկածը ներկայացրեց
Ռուսաստանի գործընկեր ու դաշնակից երկրից Հայաստանը վերածվել է ՌԴ–ի պրոտեկտորատի. Քոչարյան
Ռոբերտ Քոչարյան

Ռուսաստանի գործընկեր ու դաշնակից երկրից Հայաստանը վերածվել է ՌԴ–ի պրոտեկտորատի. Քոչարյան

166
(Թարմացված է 23:56 27.01.2021)
ՀՀ երկրորդ նախագահը խոսեց հայ–ռուսական հարաբերությունների նախկին ու ներկա վիճակից։

ԵՐԵՎԱՆ, 27 հունվարի – Sputnik. Ռուսաստանի գործընկեր ու դաշնակից երկրից Հայաստանը վերածվել է Ռուսաստանի պրոտեկտորատի: Հայաստանյան մի քանի կայքերին տված հարցազրույցում հայ-ռուսական հարաբերութուններն այս կերպ գնահատեց ՀՀ երկրորդ նախագահ Ռոբերտ Քոչարյանը:

«Մենք նաև պետք ենք եղել ՌԴ-ին, որովհետև այսօրվա այս անկայուն աշխարհում մենք տարածաշրջանում ունեցել ենք ամենից մարտունակ բանակը: Հիմա մենք այնքան ենք թուլացել, որ յուրաքանչյուր հարևան երկիր կարող է մեզ գրավել: Մենք մեր սահմանները չենք կարողանում պաշտպանել կամ չենք ուզում»,- ասաց Քոչարյանը:

ՀՀ երկրորդ նախագահն արձանագրեց՝ նման երկրները կոչվում են պրոտեկտորատ, և Հայաստանն այսօր փաստացի ՌԴ-ի պրոտեկտորատն է Հարավային Կովկասում, քանի դեռ Հայաստանի անվտանգությունն ապահովում է Ռուսաստանը:

«Այս իշխանությունը մեզ Ռուսաստանի դաշնակից երկրից դարձրել է Ռուսաստանի պրոտեկտորատը, և հեգնանքը նրանում է, որ դա արել են այն մարդիկ, ովքեր ՌԴ դեսպանատան դիմաց ցույցեր էին անում ՌԴ-ի ռազմական բազան Հայաստանից հանելու համար»,- ասաց Քոչարյանը:

Արցախում ամեն օր նոր տարածքային կորուստներ են գրանցվում. Քոչարյան

Նրա դիտարկմամբ, գեներալ Մուրադովն այսօր ՀՀ ռազմական դաշտում ավելի մեծ նշանակություն ունի, քան ՀՀ գլխավոր գերագույն հրամանատարը: Երկրորդ նախագահի պնդմամբ` Հայաստանը պետք է անի ամեն ինչ իր նախկին՝ ռազմաքաղաքական դաշնակցի կարգավիճակը հետ բերելու համար:

ՀՀ 2–րդ նախագահը կարծում է, որ եթե դու դաշնակից ես, չպետք է անընդհատ խնդրողի դերում լինես, դու ինքդ պետք է քեզանից արժեք ներկայացնես, և այդ դեպքում երկկողմ հարաբերությունները կլինեն լիարժեք։

«Մենք չպետք է ռուսական բյուջեի վրա ծանրություն դառնանք և երբեք ծանրություն չենք եղել։ Մենք եղել ենք այս տարածաշրջանում ամենավստահելի գործընկերը, մեր շահերը համընկնում էին։ Հիմա մենք ի՞նչ արժեք ենք ներկայացնում, մենք քրտնաջան աշխատանքով այդ արժեքը պիտի վերականգնենք, մեզանից մի բան ներկայացնենք»,–ասաց նա։

Քոչարյանի հավաստմամբ` Ռուսաստանին այստեղ պետք է ուժեղ Հայաստան, և հնարավոր է այդ ուղղությամբ աշխատել, և մեր շահերը կհամընկնեն։

166
թեգերը:
Արցախյան պատերազմ, Նիկոլ Փաշինյան, Հայաստան, Ռոբերտ Քոչարյան, Ռուսաստան
Ըստ թեմայի
Մոսկվան շահագրգռված է Թեհրանի հետ ղարաբաղյան իրավիճակի վերաբերյալ երկխոսության ակտիվացմամբ
Ղարաբաղում խաղաղության վերահսկողության ռուս-թուրքական կենտրոնը սկսում է աշխատանքը. ՌԴ ՊՆ
Միջազգային հանրությունը պետք է հումանիտար օգնություն ցուցաբերի Ղարաբաղին. Պուտին