Ստանիսլավ Զաս

Հայաստանին, Բելառուսին ու Ղրղզստանին ամրության փորձություն բաժին հասավ․ Ստանիսլավ Զաս

95
(Թարմացված է 14:46 31.12.2020)
Ստանիսլավ Զասի խոսքով՝ այս բարդ ժամանակաշրջանում ՀԱՊԿ անդամ երկրները դաշնակցային համերաշխություն և փոխադարձ փոխօգնություն են ցուցաբերել։

ԵՐԵՎԱՆ, 31 դեկտեմբերի – Sputnik. Պատմություն դարձող 2020 թվականը լուրջ փորձություն էր, այն փոխեց շատերի կյանքի սովորական ռիթմը և առաջին պլան մղեց մարդկության պաշտպանությունը համավարակից: Այս մասին ասված է Հավաքական անվտանգության պայմանագրի կազմակերպության գլխավոր քարտուղար Ստանիսլավ Զասի շնորհավորական ուղերձում։

«Պետության և քաղաքացիական հասարակության ամրության լրացուցիչ փորձության  ենթարկվեցին Բելառուսը, Ղրղզստանն ու Հայաստանը: Այդպիսի հանգամանքներում հատկապես հստակ գիտակցելի են դառնում ժամանակակից աշխարհի խոցելիությունն ու փխրունությունը, ինչպես նաև մեր հայրենիքի անվտանգության և բարեկեցության համար մեզանից յուրաքանչյուրի պատասխանատվությունը»,-ասել է կազմակերպության գլխավոր քարտուղարը։

Ստանիսլավ Զասի խոսքով՝ այս բարդ ժամանակաշրջանում ՀԱՊԿ անդամ երկրները դաշնակցային համերաշխություն և փոխադարձ փոխօգնություն են ցուցաբերել բարդ, երբեմն ողբերգական իրավիճակներում:

«Դա հերթական անգամ հաստատում է Հավաքական անվտանգության պայմանագրի կազմակերպության անվիճելի կարևորությունն ու նշանակությունը և ցույց է տալիս մեր պետությունների ժողովուրդների բարեկամությունը»,-նշել Է ՀԱՊԿ ղեկավարը:

ՀԱՊԿ–ին դիմելը կարող էր լինել անարդյունք. Ալեն Սիմոնյան

2020 թվականին ՀԱՊԿ-ում ընդունվել են մի շարք կարեւոր ռազմավարական փաստաթղթեր ռազմական ոլորտում Հավաքական անվտանգության համակարգի զարգացման, քաղաքական համագործակցության և մարտահրավերներին ու սպառնալիքներին համատեղ հակազդեցության վերաբերյալ: Ուժեղացվել է ՀԱՊԿ-ի խաղաղապահ բաղադրիչը։

Գալիք 2021 թվականին կազմակերպությունը լի է ՀԱՊԿ անդամ պետությունների շահերը պաշտպանելու, նրանց խաղաղությունն ու կայունությունը պահպանելու, ինչպես նաև արտաքին գործընկերների հետ համագործակցությունն ընդլայնելու վճռականությամբ:

95
թեգերը:
Ղրղզստան, Բելառուս, Հայաստան, Ստանիսլավ Զաս, Հավաքական անվտանգության պայմանագիր կազմակերպություն (ՀԱՊԿ)
Ըստ թեմայի
ՀԱՊԿ անդամ երկրները հռչակագիր են ընդունել
Փաշինյանը գերիների ու անհետ կորածների մասին խոսեց ՀԱՊԿ երկրների ղեկավարների հանդիպմանը
ՀԱՊԿ-ի հրապարակված փաստաթղթերի մասին տեղեկություններն ուղարկվում են ՀՔԾ. դատախազություն
Արա Այվազյան

Հայաստանը հավատարիմ է ԵԽ-ին անդամակցելիս ստանձնած պարտավորություններին․ Այվազյան

0
(Թարմացված է 21:45 25.01.2021)
Եվրոպայի խորհրդին Հայաստանի անդամակցության 20-ամյակի կապակցությամբ ուղերձ է հղել ու շնորհավորել է նաև  Եվրոպայի խորհրդի գլխավոր քարտուղար Մարիյա Պեյչինովիչ Բուրիչը։

ԵՐԵՎԱՆ, 25 հունվարի – Sputnik. ՀՀ արտաքին գործերի նախարար Արա Այվազյանը տեսաուղերձ է հղել՝ Եվրոպայի խորհրդին Հայաստանի անդամակցության 20-ամյակի առիթով։ Տեղեկությունը հայտնում է ԱԳՆ մամուլի ծառայությունը։

«Անդամակցելով Եվրոպայի խորհրդին՝ Հայաստանը մաս կազմեց եվրոպական պետությունների ընտանիքին, որոնց հետ մենք կիսում ենք ընդհանուր պատմություն, արժեքներ և գաղափարներ, ինչպես նաև ապագա Եվրոպայի տեսլականը, որտեղ հիմնարար իրավունքներն ու ազատությունները պաշտպանված են առանց տարբերակման և խտրականության»,- նշված է ուղերձում։

Նախարարի խոսքով՝ ԵԽ-ն իր գոյության ավելի քան 70 տարիների ընթացքում եղել և մնացել է Եվրոպայում մարդու իրավունքների և ժողովրդավարության գլխավոր պահապանը:

Նախարարը հետադարձ հայացք է նետել Հայաստանի անդամակցության երկու տասնամյակներին՝ ամփոփելով դրանք։ Այս ընթացքում Հայաստանը միացել է Եվրոպայի խորհրդի շուրջ 70 կոնվենցիայի և մասնակի համաձայնագրի, իսկ 2013 թվականին մեր երկիրը 6 ամսով ստանձնեց Եվրոպայի խորհրդի նախարարների կոմիտեի նախագահությունը՝ «ուղղորդելով ժողովրդավարական գործընթացներին միտված ընդհանուր ջանքերը»։

«Ժողովրդավարական բարեփոխումների գործընթացը շարունակում է մնալ Հայաստան-Եվրոպայի խորհուրդ փոխգործակցության առանցքային ոլորտը, և կազմակերպությունն իր արժեքավոր փորձագիտական ներուժով դարձել է Հայաստանի վստահելի գործընկերն այդ բնագավառում։ Եվրոպայի խորհուրդը, կազմակերպության փորձագետները, մոնիտորինգային և մասնագիտացված մարմինները, ինչպիսին է, օրինակ, Վենետիկի հանձնաժողովը, նշանակալի ներդրում են ունեցել արդար և ժողովրդավարական հասարակություն կառուցելու, ինչպես նաև մարդու իրավունքների և օրենքի գերակայության պաշտպանությանն ուղղված մեր ջանքերում»,- նշվում է ուղերձում։

Նախարար Այվազյանն իր խոսքում ընդգծում է, որ Հայաստանը հավատարիմ է մնում Եվրոպայի խորհրդին անդամակցելիս ստանձնած պարտավորություններին, այդ թվում՝ Լեռնային Ղարաբաղի հակամարտության խաղաղ կարգավորումը։ Նա շեշտել է, որ Արցախյան երկրորդ պատերազմն ավերիչ ազդեցություն ունեցավ տեղի ժողովրդի հիմնարար իրավունքների և կյանքի վրա։ Նա հույս է հայտնել, որ Եվրոպայի խորհուրդն իր մանդատի շրջանակներում քայլեր կձեռնարկի՝ ուղղված հակամարտության գոտիներում, այդ թվում՝ Արցախում, բնակվող բոլոր մարդկանց իրավունքների, ազատությունների և արժանապատվության պաշտպանությանը:

Ուղերձի վերջում Հայաստանի արտաքին գերատեսչության ղեկավարը վերահաստատել է Հայաստանի հավատարմությունն ու նվիրվածությունը Եվրոպայի խորհրդի որդեգրած սկզբունքներին և նպատակներին։

Եվրոպայի խորհրդին Հայաստանի անդամակցության 20-ամյակի կապակցությամբ ուղերձ է հղել ու շնորհավորել է նաև  Եվրոպայի խորհրդի գլխավոր քարտուղար Մարիյա Պեյչինովիչ Բուրիչը։

«Այսօր, Ստրասբուրգում, Հայաստանը նպաստում է մեր գործունեության զարգացմանը: Հայաստանի խորհրդարանականները մասնակցում են մեր Խորհրդարանական վեհաժողովի աշխատանքներին, իսկ հայ դատավորը Մարդու իրավունքների եվրոպական դատարանի անդամ է: Կար ժամանակ, ոչ հեռավոր անցյալում, երբ այս իրողություններն աներևակայելի կարող էին թվալ: Բայց այսօր, մենք հասել ենք այս հանգրվանին»,-մասնավորապես նշել է Բուրիչը։

Նա նաև հույս է հայտնել, որ առաջիկա տարիներին Հայաստանը կշարունակի իր հաստատուն ու դրական ներդրումը բերել Եվրոպայի խորհրդի գործունեությանը, կհաղթահարի այն տարբեր մարտահրավերները, որոնք այսօր ծառացել են երկրի, նաև եվրոպական ողջ աշխարհամասի առջև:

0
թեգերը:
ուղերձ, Արցախ, Հայաստան, Եվրախորհուրդ
Լևոն Տեր–Պետրոսյան, արխիվային լուսանկար

Լևոն Տեր-Պետրոսյանն իր տանը հյուրընկալել է ՌԴ դեսպանին

231
(Թարմացված է 17:52 25.01.2021)
Հայաստանի Հանրապետության առաջին նախագահի ու Սերգեյ Կոպիրկինի զրույցը շուրջ մեկուկես ժամ է տևել։

ԵՐԵՎԱՆ, 25 հունվարի – Sputnik. Այսօր ՀՀ առաջին նախագահ Լևոն Տեր-Պետրոսյանն իր տանը հյուրընկալել է Հայաստանի Հանրապետությունում Ռուսաստանի Դաշնության արտակարգ և լիազոր դեսպան Սերգեյ Կոպիրկինին: Տեղեկությունը հայտնում է առաջին նախագահի խոսնակ Արման Մուսինյանը։

«Շուրջ մեկուկես ժամ տևած զրույցի ընթացքում շոշափվել են հայ-ռուսական հարաբերությունների համատեքստում փոխադարձ հետաքրքրություն ներկայացնող մի շարք հարցեր»,– Facebook–ի իր էջում գրել է նա։

Ըստ Մուսինյանի` քննարկվել է Ադրբեջանում պահվող ռազմագերիների վերադարձի հրատապ անհրաժեշտությունը, ինչը մեծապես կնպաստի թե՛ Արցախում, թե՛ Հայաստանում հասարակական տրամադրությունների բարելավմանը և տարածաշրջանային կարգավորման հետագա քայլերի հստակեցմանը:

Ֆելիքս Ցոլակյանը հանդիպել է ՌԴ դեսպանի հետ. քննարկվել են հայ գերիների հետ կապված հարցեր

231
թեգերը:
Սերգեյ Կոպիրկին, Լևոն Տեր–Պետրոսյան, Հայաստան
Ըստ թեմայի
Տիգրան Ավինյանը հանդիպել է ՌԴ դեսպան Կոպիրկինին. քննարկվել է նաև գերիների վերադարձի հարցը
ՍԴ նախագահն ընդունել է ՀՀ-ում ՌԴ դեսպան Սերգեյ Կոպիրկինին
Էդմոն Մարուքյանը հանդիպել է ՌԴ դեսպանի հետ