ԱԺ նիստ

Կուսակցություններ ստեղծելու ընթացակարգը հեշտացվեց. ԱԺ-ն նոր օրենք է ընդունել

69
(Թարմացված է 15:49 29.12.2020)
Օրենքի նախագիծը երկրորդ ընթերցմամբ և ամբողջությամբ ընդունվեց 99 «կողմ» և 1 «դեմ» ձայներով:

ԵՐԵՎԱՆ, 29 դեկտեմբերի - Sputnik. Ազգային ժողովը երկրորդ ընթերցմամբ և ամբողջությամբ ընդունեց «Կուսակցությունների մասին» սահմանադրական օրենքում փոփոխություններ և լրացումներ կատարելու մասին և հարակից օրենքներում փոփոխություններ և լրացումներ կատարելու բուռն քննարկման արժանացած օրենսդրական փաթեթը:

Փաթեթով նախատեսվում է դյուրացնել կուսակցությունների գրանցման և ստեղծման ընթացակարգերը: 

Ազգային ժողովում նախագիծը ներկայացրեց «Իմ քայլը» խմբակցության անդամ Համազասպ Դանիելյանը:

Ըստ զեկուցողի՝ նախագծի առանցքային նպատակը Հայաստանի Հանրապետությունում ավելի առողջ քաղաքական դաշտ ու այնպիսի կուսակցական համակարգ ունենալն է, որտեղ կուսակցությունները կլինեն պակաս ապագաղափարական, պակաս անձակենտրոն, ֆինանսական առումով կլինեն ավելի հաշվետու և թափանցիկ: Օրենքի փոփոխությունները կնպաստեն, որպեսզի կուսակցությունները լինեն ֆինանսական առումով առավել թափանցիկ և հաշվետու:

Օրենքի նախագիծը երկրորդ ընթերցմամբ և ամբողջությամբ ընդունվեց 99 «կողմ» և 1 «դեմ» ձայներով:

Ծխախոտի վաճառքը խստացնող օրենքը ՀՀ բյուջեին մի քանի մլրդ դրամի վնաս կհասցնի. Թունյան

Նոր օրենքի համաձայն, մասնավորապես, կուսակցությունները չեն կարող ֆինանսավորվել բիզնեսից ու օտարերկրյա կազմակերպություններից, դրան զուգահեռ կաճի պետության կողմից տրամադրվող ֆինանսավորման չափը։

Կուսակցության ղեկավարը կամ ղեկավար կազմը զրկվում է միանձնյա որոշումներ ընդունելու հնարավորությունից, աճում է շարքային կուսակցականների դերը։ Օրինակ՝ կուսակցության ղեկավարի ընտրությունը նոր օրենքով դառնում է փակ գաղտնի՝ կուսակցականների վրա ճնշումներից խուսափելու համար։

69
թեգերը:
Օրենք, ԱԺ, կուսակցություն
Ըստ թեմայի
ԱԺ-ն հաստատեց գերեվարված զինվորականների իրավունքները պաշտպանող օրենքը
Բժշկական համալսարանը կոչ է անում հետ կանչել բարձրագույն կրթության մասին օրենքի նախագիծը
«Բարձրագույն կրթության և գիտության մասին» աղմկահարույց օրենքն ունի բազմաթիվ խութեր
Ֆելիքս Ցոլակյան արխիվային լուսանկար

Ֆելիքս Ցոլակյանը հանդիպել է ՌԴ դեսպանի հետ. քննարկվել են հայ գերիների հետ կապված հարցեր

52
(Թարմացված է 14:48 21.01.2021)
Դեսպանը մանրամասներ է ներկայացրել գերիներին անվտանգ Հայաստան վերադարձնելու շուրջ կատարվող աշխատանքների վերաբերյալ

ԵՐԵՎԱՆ, 21 հունվարի - Sputnik. Կատարված և կատարվող աշխատանքը հույս է ներշնչում, որ մեր գերիների կյանքին և առողջությանը վտանգ չի սպառնում։ Այս մասին Facebook սոցիալական ցանցում գրառում է կատարել ՀՀ արտակարգ իրավիճակների նախկին նախարար, Շիրակի նախկին մարզպետ Ֆելիքս Ցոլակյանը։

«Հատկապես Շիրակի մարզից այս օրերին մի շարք ահազանգեր եմ ստանում` կապված մեր գերիների ցուցակների, նրանց վիճակի, վերջիններիս անվտանգ Հայաստան վերադարձնելու վերաբերյալ։

Ուզում եմ տեղեկացնել մեր հայրենակիցներին, որ գերիների հետ կապված խնդիրների, ինչպես նաև Հայաստանի անվտանգությանը վերաբերող մի շարք հարցերի շուրջ այսօր առավոտյան առանձնազրույց եմ ունեցել Հայաստանի Հանրապետությունում Ռուսաստանի Դաշնության արտակարգ և լիազոր դեսպան Սերգեյ Կոպիրկինի հետ։

Պարոն դեսպանը ներկայացրել է մանրամասներ` գերիներին անվտանգ Հայաստան վերադարձնելու շուրջ կատարվող աշխատանքների վերաբերյալ` հավաստիացնելով, որ ՌԴ ղեկավարությունը և ԱԳՆ-ն սրտացավորեն են զբաղվում մեր հայրենակիցների անվտանգ վերադարձի խնդիրներով»,-նշված է գրառման մեջ։

Ֆելիքս Ցոլակյանի խոսքով՝ նա նաև հեռախոսազրույց է ունեցել ՀՀ փոխվարչապետ Տիգրան Ավինյանի հետ, որը նույնպես պարզաբանումներ է տվել այս ուղղությամբ կատարվող աշխատանքների մասին և հավաստիացրել, որ ամեն ինչ արվում է գերիների անվտանգ վերադարձը Հայրենիք ապահովելու համար։

Գերիների հարցը քննարկվում է Երևանի և Բաքվի հետ. ՌԴ պետդումայի պատգամավոր

Ըստ նախկին մարզպետի՝ կատարված և կատարվող աշխատանքը հույս է ներշնչում, որ մեր գերիների կյանքին և առողջությանը վտանգ չի սպառնում։

52
թեգերը:
Դեսպան, գերի, Ռուսաստան, Սերգեյ Կոպիրկին, Ֆելիքս Ցոլակյան
Ըստ թեմայի
Գերիների վերադարձ և այլ թեմաներ․ Այվազյանն ու Լավրովը հեռախոսազրույց են ունեցել
Դա ընդունելի մոտեցում չէ. Թաթոյանը՝ գերիների թիվը չհրապարակելու պատճառաբանության մասին
«8 տարի գերիներ են եղել, ինչո՞ւ հին կառավարությունից հրաժարական չէիք պահանջում»․ Փաշինյան
Էդմոն Մարուքյան, արխիվային լուսանկար

«Արտահերթ ընտրություններին պատրաստ ենք, բայց ես առաջադրվելու եմ». Էդմոն Մարուքյան

98
(Թարմացված է 13:54 21.01.2021)
Էդմոն Մարուքյանը կոնտր հուշագիր է առաջարկել իշխանությանը, որին, սակայն, չեն համաձայնել։

ԵՐԵՎԱՆ, 21 հունվարի – Sputnik. «Լուսավոր Հայաստան» խմբակցությունը պատրաստ է խորհրդարանական արտահերթ ընտրություններին, սակայն վարչապետի իր թեկնածուով։ Խորհրդարանական ճեպազրույցների ժամանակ հայտնեց ԼՀԿ ղեկավար Էդմոն Մարուքյանը` մանրամասներ հայտնելով վարչապետ Նիկոլ Փաշինյանի հետ` այդ թեմայով կայացած հանդիպումից։

«Փաշինյանի հետ հանդիպման ժամանակ հնչել է արտահերթ ընտրություններ կազմակերպելու առաջարկություն։ Առաջարկվել է ստորագրել հուշագիր, որով կպարտավորվենք չառաջադրել իմ թեկնածությունը։ Ես ասել եմ, որ մերը անցումային կառավարություն ձևավորելու օրակարգ է, և այդ կառավարության վարչապետի մեր թեկնածուն ես եմ և պետք է առաջադրվեմ։ Կոնսենսուսի չենք եկել, և հուշագրի թեման փակվել է»,–ասաց Մարուքյանը։

Նրա խոսքով` այն, որ իրենք ասում են` պատրաստ են ընտրությունների, չի նշանակում, որ վարչապետի իրենց թեկնածուին չեն առաջադրելու։ Մարուքյանը հիշեցրեց, որ խորհրդարանում մեծամասնություն են կազմում իշխանության ներկայացուցիչները, ուստի այս դեպքում ի՞նչ մտահոգություն պետք է ունենան իր` որպես վարչապետի թեկնածու առաջադրվելու համար։

«Սա աբսուրդ է` կա՛մ նրանք պետք է ասեն, որ վստահ չեն իրենց թիմի վրա, կա՛մ էլ պետք է արտահերթ ընտրության գնանք»,–նշեց Մարուքյանը։

Իշխանության վերաբերյալ որոշումներ պետք է կայացնի ժողովուրդը. Փաշինյանը՝ հրաժարականի մասին

Նրա խոսքով` քանի որ իշխանությունն իրենց ասում է` եթե Մարուքյանն ընտրվի, արտահերթ ընտրություն չի կազմակերպվի, ինքն էլ կոնտր հուշագիր է առաջարկել իշխանությանը։ Ըստ այդմ` առաջարկել է հուշագիր ստորագրել, որ ինքն ընտրվի, որից հետո հրաժարական տա սահմանված ժամկետում և գնան արտահերթ ընտրությունների։ Իշխանությունը, սակայն, չի համաձայնվել։

Հիշեցնենք, որ երեկ ՀՀ փոխվարչապետ Տիգրան Ավինյանը խորհրդարանական կուսակցություններին հրավիրեց արտահերթ ընտրությունների գնալու հուշագրի ստորագրման հարցի քննարկմանը։ Ավինյանն այդ մասին հայտարարեց կառավարության անդամների հետ հարցուպատասխանի ժամանակ` պատասխանելով ԼՀԿ–ական պատգամավոր Արմեն Եղիազարյանի հարցին, թե ե՞րբ են պատրաստվում կյանքի կոչել խոստացված արտահերթ ընտրությունները։ Ավինյանի խոսքով` առաջին անգամ է, որ ընդդիմության կողմից նման հստակ դիրքորոշում է արտահայտվում այդ առնչությամբ։

98
թեգերը:
Նիկոլ Փաշինյան, Էդմոն Մարուքյան, Հայաստան
Ըստ թեմայի
Խաղի կանոնները պետք է պարզ լինեն բոլորին. ինչպես կանցնեն հնարավոր արտահերթ ընտրությունները
Եթե Փաշինյանն արտահերթ ընտրությունններ կազմակերպի, աննախադեպ ջարդ կլինի. Վազգեն Մանուկյան
Ինչու ընդդիմադիրները չեն պահանջում արտահերթ խորհրդարանական ընտրություններ. Փաշինյան
Նիկոլ Փաշինյան

Նիկոլ Փաշինյանն իր խորհրդականին Սյունիք է գործուղել

11
(Թարմացված է 17:24 21.01.2021)
Վարչապետի խորհրդականը քսանհինգ օր կանցկացնի Սյունիքում։ Փաշինյանը ստորագրել է որոշումը:

ԵՐԵՎԱՆ, 21 հունվարի – Sputnik. ՀՀ վարչապետ Նիկոլ Փաշինյանն իր խորհրդական Ռոբերտ Ղուկասյանին գործողել է Սյունիք։ Վարչապետի որոշումը հրապարակվել է կառավարության կայքում։

«Աշխատանքային հանդիպումներ ունենալու նպատակով՝ Հայաստանի Հանրապետության վարչապետի խորհրդական Ռոբերտ Ղուկասյանին 2021 թվականի հունվարի 21-ից մինչև փետրվարի 15-ը ներառյալ գործուղել Հայաստանի Հանրապետության Սյունիքի մարզ»,– նշված է որոշման մեջ:

Ղուկասյանի՝ գործուղման օրապահիկի և գիշերավարձի ծախսերը կատարվում են ՀՀ 2021 թվականի պետական բյուջեով նախատեսված՝ Հայաստանի Հանրապետության վարչապետի աշխատակազմի պահպանման ծախսերում ներքին գործուղումների համար նախատեսված միջոցների հաշվին:

Նշենք, որ նոյեմբերի 9-ի եռակողմ հայտարարությունից հետո սահմանային իրավիճակը փոխվեց ոչ միայն Արցախում, այլև ՀՀ մարզերում։ ՀՀ պաշտպանության նախարարությունը դեկտեմբերի 20–ին տեղեկացրեց, որ ռուս սահմանապահ ուժեր կտեղակայվեն Սյունիքի մարզի Գորիս-Կապան ավտոճանապարհի 21 կիլոմետրանոց հատվածի վիճարկելի տեղերում։

Էկոնոմիկայի նախարարը հանդիպել է Սյունիքի մարզպետի ու գործարարների հետ

Դեկտեմբերի 24-ին ՀՀ կառավարության նիստում ՀՀ վարչապետ Նիկոլ Փաշինյանը հայտարարեց, որ այն, ինչ իրականացվում է Սյունիքի սահմաններին, չի կարելի համարել դեմարկացիա կամ դելիմիտացիա։ Նրա խոսքով` տեղի է ունենում սահմանային որոշակի կետերի տեղորոշում, որի նպատակն է անվտանգության ապահովումը։

Հունվարի 5-ին Շուռնուխ գյուղի 12 տներ հանձնվեցին ադրբեջանցիներին։ Գյուղի այդ հատվածում ադրբեջանական զինծառայողներ են տեղակայվել։

Սյունիքի և Տավուշի հատվածի անվտանգության համար հստակ պայմանավորվածություն ունենք. Ավինյան

11
թեգերը:
Նիկոլ Փաշինյան, Սյունիք, Հայաստան
Ըստ թեմայի
Էկոնոմիկայի նախարարը հանդիպել է Սյունիքի մարզպետի ու գործարարների հետ
Սյունիքի և Տավուշի հատվածի անվտանգության համար հստակ պայմանավորվածություն ունենք. Ավինյան
«Սյունիքից ոչ մի միլիմետր չի զիջվել». Փաշինյանը հայտնեց` երբ է հրահանգ տվել հետ քաշվել