ՀԱՊԿ–ին դիմելը կարող էր լինել անարդյունք. Ալեն Սիմոնյան
(Թարմացված է 14:27 29.12.2020)
ԱԺ փոխխոսնակը շեշտել է, որ ՀԱՊԿ–ում կան երկրներ, որոնք սերտ գործընկերական հարաբերություններ ունեն Ադրբեջանի հետ։ԵՐԵՎԱՆ, 29 դեկտեմբերի - Sputnik. ԱԺ փոխնախագահ Ալեն Սիմոնյանը լրագրողների հետ ճեպազրույցում մեկնաբանել է, թե ինչու Արցախյան պատերազմի օրերին Հայաստանը ՀԱՊԿ–ին չդիմեց։
©
Sputnik / Aram Nersesyan
«Որովհետև Հայաստանն անդամակցում է ՀԱՊԿ–ին իր սահմաններով։ ՀԱՊԿ–ի անդամ չի հանդիսանում այն տարածքը, որը ԼՂՀ Սահմանադրությամբ հանդիսանում է ԼՂ տարածք։ Նաև` հաշվի առնելով, որ ՀԱՊԿ–ում կան երկրներ, որոնք սերտ գործընկերական հարաբերություններ ունեն Ադրբեջանի հետ, ՀԱՊԿ–ում նման գործընթաց սկսելը կարող էր լինել անարդյունք»,– ասաց Սիմոնյանը։
Իսկ ինչ վերաբերում է Հայաստանի սահմանների նկատմամբ կատարված ոտնձգություններին, ԱԺ փոխնախագահը հայտնեց, որ ՀԱՊԿ–ի հավաքում ինքն անձամբ է ելույթ ունեցել ու միջամտություն խնդրել, որից հետո ՌԴ Պետդումայի ղեկավարը դիմել է Ստանիսլավ Զասին, որպեսզի վերջինը արձանագրի այն։
Հավելենք, որ Արցախի դեմ սեպտեմբերի 27-ին սկսված ադրբեջանական ագրեսիայի ընթացքում ու դրա ավարտից հետո բազմիցսս հնչել են քննադատություններ ՀՀ իշխանությունների հասցեին, թե ինչու չեն դիմում ՀԱՊԿ-ին՝ ռազմական գործողություններին միջամտելու խնդրանքով։
ՀԱՊԿ անդամ երկրները հռչակագիր են ընդունել
Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին Արցախում ռազմական գործողությունների դադարեցման վերաբերյալ։
Նիկոլ Փաշինյանն այցելել է Եռաբլուր
(Թարմացված է 10:42 28.01.2021)
Հայոց բանակի ստեղծման օրն այս տարի կնշվի առանց ավանդական մեծ հանդիսությունների։ ԵՐԵՎԱՆ, 28 հունվարի - Sputnik. ՀՀ վարչապետ Նիկոլ Փաշինյանը ՀՀ Ազգային ժողովի նախագահ Արարատ Միրզոյանի ու բարձրաստիճան այլ պաշտոնյանների ուղեկցությամբ քիչ առաջ այցելել է «Եռաբլուր» զինվորական պանթեոն՝ հարգանքի տուրք մատուցելու հայրենիքի պաշտպանության համար զոհվածների հիշատակին։
©
Sputnik / Andranik Ghazaryan
Հունվարի 28–ին ՀՀ ԶՈւ–ն նշում է իր կազմավորման 29-ամյակը։ 1992թ. հունվարի 28-ին կառավարությունը ընդունեց «Հայաստանի Հանրապետության Պաշտպանության նախարարության մասին» պատմական որոշում` դրանով իսկ իրավականորեն ազդարարելով Հայոց Ազգային բանակի ստեղծումը:
Հայոց բանակի ստեղծման օրն այս տարի կնշվի առանց ավանդական մեծ հանդիսությունների։ ՀՀ պաշտպանության նախարարությունից ավելի վաղ տեղեկացրել էին, որ հունվարի 28-ին նախատեսված չեն մեծ տոնակատարություններ, համերգներ։ Սակայն փոքրիկ միջոցառումներ կլինեն երկրի բոլոր զորամասերում։
«Մասնակցելու ենք և կրելու ենք». Քոչարյանը կմասնակցի արտահերթ ընտրություններին
(Թարմացված է 01:27 28.01.2021)
Ինչ վերաբերում է Փաշինյանի հրաժարականը պահանջող քաղաքական ուժերին, երկրորդ նախագահը շեշտեց, որ կիսում է նրանց դիրքորոշումը ՀՀ ժամանակավոր կառավարություն ստեղծելու մասին:ԵՐԵՎԱՆ, 28 հունվարի - Sputnik. ՀՀ երկրորդ նախագահ Ռոբերտ Քոչարյանը կմասնակցի առաջիկա արտահերթ ընտրություններին՝ իր քաղաքական թիմով:
Այս մասին նա հայտարարեց այսօր հայաստանյան մի քանի կայքերին տված հարցազրույցում:
«Մասնակցելու ենք և կրելու ենք»,- ասաց Քոչարյանը՝ հավելելով, որ դրա համար ունի քաղաքական թիմ, հետևորդներ ու անհրաժեշտ գործիքակազմ:
©
Sputnik / Asatur Yesayants
Իսկ թե ինչու մինչև հիմա ակտիվություն չի դրսևորել ՀՀ գործող իշխանոթյան դեմ այքարում, Քոչարյանը մեկնաբանեց նրանով, որ չի ցանկացել իշխանությունների հնարավորություն տալ իր վերադարձով վախեցնել թիմակիցներին:
«Ես ինձ հեռու պահեցի այդ գործընթացներից, որ իմ գործոնը չօգտագործվի այդ 20-30 պատգամավորներին վախեցնելու համար»,- ասաց Քոչարյանը:
Ինչ վերաբերում է Փաշինյանի հրաժարականը պահանջող քաղաքական ուժերին, երկրորդ նախագահը շեշտեց, որ կիսում է նրանց դիրքորոշումը ՀՀ ժամանակավոր կառավարություն ստեղծելու ու արտահերթ ընտրություններ կազմակերպելու առումով, հատկապես, որ ժամանակավոր կառավարության ղեկավարը չի մասնակցելու ընտրություններին՝ հնարավոր չարաշահումներ թույլ չտալու համար:
Ի՞նչ մտավախություններ ունի Ռոբերտ Քոչարյանը ճանապարհների ապաշրջափակման հեռանկարից
Նշենք, որ նոյեմբերի 9–ի եռակողմ հայտարարությունից հետո Հայաստանի ընդդիմադիր կուսակցությունները պահանջում են վարչապետ Նիկոլ Փաշինյանի հրաժարականը։ Նրանք ժամանակավոր` ազգային համաձայնության կառավարության վարչապետի միասնական թեկնածու են առաջարկում Վազգեն Մանուկյանին։
Արցախում ամեն օր նոր տարածքային կորուստներ են գրանցվում. Քոչարյան
Իշխանությունը, սակայն, այդ տարբերակին համաձայն չէ։ Նրանք առաջարկում են միանգամից գնալ արտահերթ խորհրդարանական ընտրությունների։
Հայ առաքելական եկեղեցին շարունակում է պահանջել Փաշինյանի հրաժարականը
(Թարմացված է 11:33 28.01.2021)
Ամենայն հայոց կաթողիկոսը «Եռաբլուր» զինվորական պանթեոնում լրագրողների հետ զրույցում վերահաստատեց եկեղեցու դիրքորոշումը։ԵՐԵՎԱՆ, 28 հունվարի – Sputnik. Երկիրը երբեք նման ծանր վիճակում, չի եղել։ Այսօր «Եռաբլուր» զինվորական պանթեոնում լրագրողներին ասաց Ն.Ս.Օ.Տ.Տ. Գարեգին Բ Ամենայն հայոց կաթողիկոսը։
«Երկիրը երբեք նման ծանր վիճակում, չի եղել, հայրենիքի նման կորուստ երբեք չենք ունեցել, երկիրը երբեք նման վտանգների առջև կանգնած չի եղել։ Անորոշությունը վաղվա օրվա նկատմամբ երբեք այսքան տագնապեցնող չի եղել մեր ժողովրդի համար։ Եվ այս կացության մեջ եկեղեցին, բնական է, իր առաքելության մեջ պիտի գտնվեր և իր խոսքը պիտի ասեր»,– ասաց կաթողիկոսը` պատասխանելով Հայ առաքելական եկեղեցու` քաղաքական պահանջներ ու մասնավորապես ՀՀ վարչապետի հրաժարականի պահանջ բարձրացնելու հարցին։
Վեհափառը շեշտեց` Նիկոլ Փաշինյանի հրաժարականի պահանջի հարցում եկեղեցու դիրքորոշումը չի փոխվել։
Հիշեցնենք` դեկտեմբերի 8-ին Գարեգին Բ–ն ուղերձ հղեց` հայտնելով, որ հանդիպել է ՀՀ վարչապետ Նիկոլ Փաշինյանի հետ ու հորդորել, որ վայր դնի լիազորությունները։
Ավելի վաղ հայտնել էինք, որ Ն.Ս.Օ.Տ.Տ. Արամ Ա կաթողիկոսը նույնպես դիմել է Փաշինյանին` հորդորելով հրաժարվել վարչապետի պաշտոնից։
թեգերը: