Ընդդիմության հանրահավաքը Հանրապետության հրապարակում. 22 դեկտեմբերի, 2020

Փաշինյանի համար դժվար է, բայց ընդդիմության համար էլ հեշտ չէ․ քաղաքագետը գնահատել է ուժերը

606
(Թարմացված է 22:15 22.12.2020)
Հրանտ Միքայելյանի կարծիքով՝ ընդդիմադիր շարժման բուն քաղաքական բնույթը սահմանափակում է դրա հնարավորությունները։

ԵՐԵՎԱՆ, 22 դեկտեմբերի - Sputnik, Աշոտ Սաֆարյան. Հայկական ընդդիմությունը նոր թափով վերսկսել է վարչապետ Նիկոլ Փաշինյանի հրաժարականի պահանջով բողոքի ակցիաները։ Այսօր շարժումը, որի հետևում 16 քաղաքական ուժ է կանգնած, համազգային գործադուլ է հայտարարել՝ զուգահեռաբար Հանրապետության հրապարակում հանրահավաք կազմակերպելով։ Ընդդիմություն ամբողջ օրը հրապարակում էր՝ կառավարության շենքի դիմաց։ Այստեղ նույնիսկ վրաններ են խփել, հայտարարելով, որ մինչև վերջ են գնալու։

Չնայած ընդդիմության վճռական տրամադրվածությանը՝ չի կարելի համարել, թե այն արագ հաջողության կհասնի։ Նման կարծիք է հայտնել Կովկասի ինստիտուտի փորձագետ Հրանտ Միքայելյանը։

«Ելնելով այն բանից՝ մոբիլիզացման ինչ տեխնոլոգիաներ են կիրառվում, արագ հաջողության հասնելու հույս չկա։ Այո, մեծ հավանականությամբ կարելի է ասել, որ այդ ակցիաների արդյունքում իշխանափոխություն կլինի։ Բայց չեմ կարծում, որ դա շատ արագ կլինի», - Sputnik Արմենիայի հետ զրույցում նշեց Միքայելյանը։

Փորձագետը կարծում է, որ ընդդիմության հիմնական խնդիրը յուրօրինակ էգոիզմն է։ Ընդդիմությունը փորձում է պայքար մղել բացառապես սեփական ուժերով՝ պահելով պայքարը քաղաքական հակամարտության շրջանակում։ Զուտ քաղական պայքարը դարձնում է 16 ուժերին փակ հարթակ, ինչը նվազեցնում է դրա արդյունավետությունը։

Փաշինյանի փրկօղակը. 25-ամյա օրենքից մինչև գաղտնի պայմանագիր ու պարտադրված դեմարկացիա

«Բնակչության շրջանում լայն դժգոհություն կա Արցախում տեղի ունեցածի համար։ Բնականաբար, դժգոհությունը հարյուր տոկոսանոց չէ, բայց լայն է։ Սակայն ընդդիմությանը չի հաջողվում մոբիլիզացնել բոլոր այն մարդկանց, որոնք համաձայն չեն Արցախի հարցով Փաշինյանի քաղաքականության հետ։ Միաժամանակ ընդդիմությունում կան բազում անձինք, որոնց հանդեպ հասարակության շրջանում ոչ միանշանակ վերաբերմունք կա», - ասաց մեր զրուցակիցը։

Հասարակության բազում շերտեր պատրաստ են միանալ բողոքներին, սակայն իրենց որպես քաղաքական պայքարի մաս չեն տեսնում։ Քաղաքագետը կարծում է, որ շարժման քաղաքական բնույթը սահմանափակում է ընդդիմության հնարավորությունները։

Միքայելյանը զուգահեռներ է անցկացնում այդ շարժման ու 2018 թվականի «թավշյա հեղափոխության» հետ, նշելով, որ ավելի քան երկու տարվա վաղեմության ակցիաները շատ ավելի լավ, գրագետ ու արդյունավետ կերպով էին կազմակերպված։

«2018 թվականի ակցիաներում ամեն  ինչ մանրամասն մտածված էր, կային տարերային, բայց լավ համակարգված գործողություններ։ Այստեղ հակառակը՝ համակարգման ու ծրագրման մակարդակն ավելի ցածր է։ Շտաբի աշխատանքի որակն այդքան էլ բարձր չէ։ Համենայն դեպս՝ կողքից այդպես է թվում», - ավելացրեց նա։

Միքայելյանը շարունակեց, որ վարչապետը իշխանությունը պահելու հնարավորություն ունի։ Փորձագետի տեսակետից՝ եթե վարչապետը կարծեր, որ դատապարտված է, հիմա արդեն բանակցություններ կսկսեր ընդդիմության հետ։

 «Սակայն պետք չէ չափազանցնել այդ շանսերը։ Կարծում եմ՝ դրանք 50%-ից պակաս են։ Բանն այն է, որ ցուցարարներին միավորող խնդիրն այն խնդիրը չէ, որը կարող է կորցնել իր արդիականությունը, կարող է «հանգել» և այլն։ Որքան էլ Փաշինյանը փորձի շրջանցել ղարաբաղյան թեմատիկան, վաղ թե ուշ ստիպված է լինելու վերադառնալ դրան», - ընդգծեց քաղաքագետը։

Հայրենիքի փրկության շարժման հանրահավաքը Երևանում՝ լուսանկարներով

606
թեգերը:
ընդդիմություն, Նիկոլ Փաշինյան, Հրանտ Միքայելյան (քաղաքագետ)
թեմա:
Իրադրությունը Հայաստանում և Արցախում հայտարարության ստորագրումից հետո (814)
Ըստ թեմայի
«Նիկոլ, հեռացի՛ր». Երևանում կազմակերպված համապետական հանրահավաքի ամենավառ կադրերը
«Շարունակում ենք նույն ոգով». ընդդիմությունը հանրահավաք կանցկացնի
Հայաստանի Հանրապետության տարածքից ոչ մի մետր չի զիջվելու. պաշտպանության նախարար
Արմեն Սարգսյանն ու Նիկոլ Փաշինյանը

ՀՀ նախագահը հայտնվել է ծուղակում, նրա համար հեշտ չէ հստակ քաղաքական քայլ անել

17
(Թարմացված է 14:00 08.03.2021)
Քաղաքագետ Նորայր Դունամալյանը Sputnik Արմենիայի եթերում անդրադարձել է ՀՀ նախագահի վարքագծին և գործունեությանը ներքաղաքական զարգացումների համատեքստում, մասնավորապես իշխանության և ընդդիմության հետ նրա հարաբերություններին։
Դունամալյան. «ՀՀ նախագահը հայտնվել է ծուղակում, նրա համար հեշտ չէ հստակ քաղաքաական քայլ անել»

ՀՀ նախագահի լիազորությունները մի կողմից ձևական են ու խիստ սահմանափակ` ըստ Սահմանադրության, իսկ մյուս կողմից ժամանակի ընթացքում ընդունվեցին նոր օրենքներ, որոնք նույնպես սահմանափակեցին նախագահի լիազորությունները։ Քաղաքագետ Նորայր Դունամալյանը Sputnik Արմենիայի հետ զրույցում նշեց`երբ խոսվում է, թե ՀՀ նախագահը պետք է լինի Սահմանադրության երաշխավորը, ապա պետք է ուշադրություն դարձնել այն հանգամանքին, թե այդ հարցում ինչ միջոցներ ունի նախագահը։

«Միջոցներ գրեթե չկան։ Եթե անդրադառնանք կոնկրետ Արմեն Սարգսյանի անձին, ապա նա 2018–ից ի վեր փորձում էր ավելի չեզոք դիրքորոշում ունենալ և չմտնել քաղաքական խաղերի մեջ` վեր մնալով դրանցից։ Այսօր քաղաքական դաշտում նրա մանևրելու միջոցները շատ քիչ են, նա չի կարող ԳՇ պետի հետ կապված հստակ պատասխան տալ։ Եթե ստորագրի նրա հրաժարականի հրամանագիրը, դա կբերի նրան, որ կենթարկվի խիստ քննադատության, իսկ հակառակ դեպքում դա կբերի կոնֆլիկտի վարչապետի հետ»,– ասաց քաղաքագետը։

Դունամալյանի կարծիքով` Արմեն Սարգսյանը ձգտում է իրեն հեռու պահել այդ հարցին առնչվող որոշումներից և պատասխանատվությունը փոխանցել ուրիշ ինստիտուտների։ Ըստ նրա`Սահմանադրությունն այնպիսին է, որ նախագահն արդեն իսկ չի կարող ազդել քաղաքական գործընթացների վրա։ Ստորագրել–չստորագրելով որևէ օրենք կամ ուղարկելով ՍԴ` այն դեպքում, երբ Սահմանադրական դատարանը փաստացի գտնվում է գործադիր իշխանության վերահսկողության ներքո, Արմեն Սարգսյանի համար ամենակարևորն իր դիրքը պահելն է։

Քաղաքագետի գնահատմամբ` Արմեն Սարգսյանը հայտնվել է ծուղակում, նրա համար հեշտ չէ հստակ քաղաքական քայլ անել և նրա դեմ նորից կարող են օգտագործվել կոմպրոմատներ, քանի որ, ըստ Դունամալյանի, հավանաբար արդեն իսկ օգտագործվել են, որովհետև նախագահը համաձայնվեց օրենքն ուղարկել ՍԴ և չստորագրել ԳՇ պետի պաշտոնանկության հրամանագիրը։

Հիշեցնենք` Հայաստանի ներքաղաքական իրադրությունը սրվեց, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը` ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ 

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ հեղափոխությունը պաշտպանելու համար։

Նա հայտնեց նաև, որ ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը  առաջարկությունը կրկին ուղարկեց ՀՀ նախագահին։

ՀՀ նախագահի մամուլի ծառայությունը մարտի 2-ին հայտնեց, որ Արմեն Սարգսյանը որոշել է չստորագրել ՀՀ վարչապետ Նիկոլ Փաշինյանի` ԶՈւ ԳՇ պետ Օնիկ Գասպարյանին պաշտոնից ազատելու հրամանագրի նախագիծը, միաժամանակ առաջնորդվելով Սահմանադրության 169-րդ հոդվածի 1-ին մասի 4-րդ կետով` ՀՀ նախագահն առանձին դիմումով դիմելու է ՍԴ` «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով։

17
թեգերը:
Օնիկ Գասպարյան, Արմեն Սարգսյան, Հայաստան
Ըստ թեմայի
Մարուքյանը գիտի ճգնաժամից դուրս գալու տարբերակը. այդ դեպքում ի՞նչն է նրան նյարդայնացնում
Վերջնաժամկետում կլսենք արձագանքը․ Բաղդասարյանը պատմել է ՀՀ նախագահի հետ հանդիպման մասին
Ինչո՞ւ չի հեռանում ներկայիս իշխանությունը, կամ ո՞վ մեզ պետք է փրկեր, ըստ Նաիրա Զոհրաբյանի
Էդմոն Մարուքյան

Նիկոլ Փաշինյանն իր հրաժարականը կարող է ներկայացնել մարտի 8-ին․ Մարուքյան

405
(Թարմացված է 22:17 07.03.2021)
Մարուքյանի խոսքով՝այս պայմաններում իրենց առաջարկին չհամաձայնելը և տարբեր պատրվակներով արտահերթ ընտրությունների անցկացումը ձգձգելը անընդունելի է իրենց համար։

ԵՐԵՎԱՆ, 7 մարտի– Sputnik. Հայաստանին օր առաջ ընտրություններ են պետք՝ երկրում խաղաղություն, անդորր, կայունություն և նոր որակի իշխանություն ձևավորելու համար: ՀՀ վարչապետ Նիկոլ Փաշինյանն իր հրաժարականը կարող է ներկայացնել մարտի 8-ին։ Այս մասին Facebook-ի իր էջում գրել է ԱԺ «Լուսավոր Հայաստան» խմբակցության ղեկավար Էդմոն Մարուքյանը։

«Եթե Փաշինյանը համաձայնի մեր առաջարկին, այն է` զերծ մնա Գլխավոր շտաբում փոփոխություններ իրականացնելու իր նախաձեռնությունից և արտահերթ ընտրությունների օրակարգից չշեղվի, ապա խորհրդարանում վարչապետի պաշտոնին որևէ թեկնածու չառաջադրելու համաձայնությամբ իր հրաժարականը կարող է ներկայացնել մարտի 8-ին։ Այդ պահից հաշված 14 օրերի ընթացքում նոր վարչապետ չի ընտրվի և խորհրդարանը իրավունքի ուժով կհամարվի արձակված»,-գրել է Մարուքյանը։

Նա ընդգծել է, որ ըստ Սահմանադրության  92-րդ հոդվածի արտահերթ խորհրդարանական ընտրությունները տեղի կունենան խորհրդարանի արձակումից 30-45 օրվա ընթացքում։ Դա նշանակում է, որ ապրիլի 25-ը այն օրն է, երբ ամենասեղմ ժամկետում կարող են անցկացվել արտահերթ խորհրդարանական ընտրություններ։

«Մեզ օր առաջ ընտրություններ են պետք՝ երկրում խաղաղություն, անդորր, կայունություն և նոր որակի իշխանություն ձևավորելու համար: Այս պայմաններում առաջարկին չհամաձայնելը և տարբեր պատրվակներով արտահերթ ընտրությունների անցկացումը ձգձգելը անընդունելի է մեզ համար»,-շեշտել է նա:

Հիշեցնենք, որ մարտի 4-ին, կայացել է Մարուքյան–Փաշինյան հանդիպումը։ ԼՀԿ առաջնորդը հայտնել է, որ Հայաստանում ստեղծված ներքաղաքական իրավիճակից դուրս գալու ճանապարհը արտահերթ ընտրություններն են, որն անցկացնելու կամք ունի նաև վարչապետը։

«Բարգավաճ Հայաստանը» վարչապետ հետ հանդիպման չէր գնացել`հայտարարելով, որ նրանից հրավեր չի ստացել։

Այսօր էլ Էդմոն Մարուքյանը Facebook-ի ուղիղ եթերում հայտարարեց, որ ստեղծված իրավիճակից և ճգնաժամից դուրս գալու միակ տարբերակը շարունակում է մնալ արտահերթ ընտրությունների կազմակերպումը։ Նա վստահ է՝ Նիկոլ Փաշինյանն ու նրա քաղաքական թիմը պարտվելու են արտահերթ ընտրություններում։

405
թեգերը:
Ընտրություններ, Հայաստան, Հրաժարական, Էդմոն Մարուքյան, Նիկոլ Փաշինյան
Ըստ թեմայի
Փաշինյանը գնում է արտահերթ ընտրության. հայտնի է կարգախոսը
Արտահերթ ընտրությունները քաղաքացիական պատերազմի կհանգեցնեն. Բոզոյանը լուծում է առաջարկում
Ովքեր են ԳՇ պետի հավանական թեկնածուները. ընտրությունն այնքան էլ հեշտ չէ. «Փաստ»