Նիկոլ Փաշինյան

«Ես ուղղակի ապշած եմ ոմանց վրա, որ այս պարզ բաները չեն հասկանում». Փաշինյան

495
(Թարմացված է 10:53 05.12.2020)
ՀՀ վարչապետ Նիկոլ Փաշինյանն անդրադարձավ Ապրիլյան պատերազմին` նշելով, թե ինչի դիմաց է այն դադարեցվել, և խոսեց «5+2» բանաձևի ու Թուրքիայի` ղարաբաղյան հարցում ներգրավվելու մասին։

ԵՐԵՎԱՆ, 5 դեկտեմբերի – Sputnik. 2016 թ-ի Ապրիլյան պատերազմը դադարեցվել է տարածքները վերադարձնելու խոստման արդյունքում: Այսօր իր տեսաուղերձում ասաց ՀՀ վարչապետ Նիկոլ Փաշինյանը:

«Իսկ ինչու՞ մեզ նույնը չհաջողվեց: Քանի որ մեզ ասվում էր, որ Հայաստանն արդեն մի քանի անգամ բանավոր խոստացել է վերադարձնել տարածքներն ու չի վերադարձրել, հիմա խոսակցությունը կարող է լինել միայն գրավոր փաստաթղթով: Միայն նոյեմբերի 9-ի նման մի փաստաթուղթ ստորագրելով էր հնարավոր կանգնեցնել պատերազմը»,- ասաց Փաշինյանը:

Նա դարձյալ շեշտեց, որ պատերազմի հենց առաջին օրն ԱԺ ամբիոնից արել է այդ առաջարկը, բայց ոչ ոք դրան համաձայնելու հայտարարություն չի արել: Մինչդեռ այսօր պարզվում է` բոլորը «5+2» բանաձևով հողերը հանձնելու կողմնակից են:

«Բոլորին թվում է թե «5+2»-ը Ադրբեջանը հալած յուղի տեղ ընդունելու էր: Դա դեռ պետք է քննարկվեր, համաձայնեցվեր, ստորագրվեր: Եվ երբ Հայաստանը համաձայներ, Ադրբեջանն ավելին էր ուզելու՝ Շուշի, Լաչին և այլն: Եվ ես ուղղակի ապշած եմ ոմանց վրա, ովքեր իրենց դիվանագետ համարելով` այս պարզ բաները չեն հասկանում կամ չեն ուզում հասկանալ»,- ասաց Փաշինյանը:

Փաշինյանն անդրադարձավ նաև Թուրքիայի՝ արցախյան պատերազմի մեջ մտնելու խնդրին ու համոզմունք հայտնեց, որ Թուրքիան ղարաբաղյան հարցի մեջ մտել է 10 տարի առաջ՝ Սերժ Սարգսյանի վարած «ֆուտբոլային դիվանագիտության» հետևանքով:

«Երբ հայկական դիվանագիտության ձախողման հետևանքով հայտարարեց, որ Հայաստանի հետ դիվանագիտական հարաբերություններ չի հաստատի, քանի դեռ Ադրբեջանի տարածքներն օկուպացված են»,- ասաց ՀՀ վարչապետը:

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։ 

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։ 

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր 1960 զինվորականի չափով, հրազենային զենքով, 90 զրահատրանսպորտային և 380 ավտոմեքենաներով և հատուկ տեխնիկայով։

Խաղաղապահները մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

Հայտարարության ստորագրումից հետո ՀՀ վարչապետ Նիկոլ Փաշինյանը Facebook–ի իր էջում գրեց, որ անձամբ իր և բոլորի համար չափազանց ծանր որոշում է կայացրել:

Փաշինյանի հայտարարությունից հետո բազմաթիվ մարդիկ շարժվեցին դեպի Հանրապետության հրապարակ, մի խումբը ներխուժեց կառավարության գլխավոր մասնաշենք ու վարչապետի աշխատասենյակ, մի մասն էլ շարժվեց դեպի Բաղրամյան պողոտա ու մտավ Ազգային ժողովի շենք։ ԱԺ նախագահ Արարատ Միրզոյանը ծեծի ենթարկվեց, նրան տեղափոխեցին հիվանդանոց։

Նշենք, որ Թուրքիայի աջակցությամբ Ադրբեջանի սանձազերծած պատերազմի ընթացքում, ըստ վերջին տվյալների, հայկական կողմից զոհվել են 1746 զինծառայողներ։ 

495
թեգերը:
Նիկոլ Փաշինյան, Հայաստան
Ըստ թեմայի
Արայիկ Հարությունյանը չի համաձայնել հանդիպել Ռոբերտ Քոչարյանի հետ. ասել է՝ «իրեն կուտեն»
Հիմա Ռուսաստանի հետ ավելի խորը ինտեգրում է պետք. Ռոբերտ Քոչարյան
«Եթե ես լինեի, պատերազմ չէր սկսվի». Ռոբերտ Քոչարյան
Փոխվարչապետ Մհեր Գրիգորյանն ու Հայաստանում ԱՄՆ արտակարգ և լիազոր դեսպան Լին Թրեյսին

ՀՀ փոխվարչապետն ու ԱՄՆ դեսպանը քննարկել են գերեվարվածների անվտանգ վերադարձի հարցը

82
(Թարմացված է 17:22 16.01.2021)
Հայ-ամերիկյան երկկողմ հարաբերությունների զարգացման համատեքստում ընդգծվել է Ռազմավարական երկխոսության հարթակի կարևորությունը:

ԵՐԵՎԱՆ, 16 հունվարի - Sputnik. Փոխվարչապետ Մհեր Գրիգորյանն ու Հայաստանում ԱՄՆ արտակարգ և լիազոր դեսպան Լին Թրեյսին քննարկել են պատերազմից տուժածներին ԱՄՆ կառավարության կողմից ցուցաբերվող աջակցությունը և գերեվարվածների անվտանգ վերադարձին ուղղված ջանքերը։ Տեղեկությունը հայտնում է Հայաստանում ԱՄՆ դեսպանության լրատվության ծառայությունը Facebook-ի պաշտոնական էջը։

ՀՀ կառավարության մամուլի ծառայության հաղորդմամբ՝ փոխվարչապետը դեսպանին է ներկայացրել պատերազմի հետևանքով Արցախում ստեղծված իրավիճակը, ինչպես նաև կառավարության կողմից հաստատված՝ Արցախի աջակցության ծրագրերը, դրանց բովանդակությունն ու ընթացքը:

«ԱՄՆ դեսպան Լին Թրեյսին փոխվարչապետին հայտնել է ամերիկյան կողմի պատրաստակամությունը շարունակելու ցուցաբերել աջակցություն ինչպես կարճաժամկետ ծրագրերի, այնպես էլ երկարաժամկետ ռազմավարական բարեփոխումների իրականացման ուղղությամբ: Այս շրջանակներում երկուստեք կարևորվել է արդարադատության ոլորտի բարեփոխումները»,- նշված է հաղորդագրության մեջ։

Զրուցակիցներըն անդրադարձել են հայ-ամերիկյան երկկողմ հարաբերությունների զարգացմանը, ընդգծվել է Ռազմավարական երկխոսության հարթակի կարևորությունը:

Նշենք՝ հունվարի 12-ին հայտնի դարձավ, որ տարածաշրջանում տնտեսական, առևտրային և տրանսպորտային կապերի ապաշրջափակման նպատակով Հայաստանի, Ադրբեջանի և Ռուսաստանի փոխվարչապետների մասնակցությամբ ստեղծվող եռակողմ աշխատանքային խմբում հայկական կողմը կներկայացնի փոխվարչապետ Մհեր Գրիգորյանը։

Մհեր Գրիգորյանը պաշտոնից չի հրաժարվել

82
թեգերը:
Լին Թրեյսի, Մհեր Գրիգորյան, Հայաստան, ԱՄՆ, Դեսպան, փոխվարչապետ
Ըստ թեմայի
Հանդիպել են Հայաստանի ու Ռուսաստանի փոխվարչապետների գլխավորած պատվիրակությունները
Փոխվարչապետի աշխատակազմի նախկին ղեկավարը նոր պաշտոն է ստացել
«Նոր միջոցառումներ ներկայացնել». փոխվարչապետն Արցախի հարցով նիստ է վարել
Շիրակի մարզպետարան

Ո՞վ կլինի Շիրակի նոր մարզպետը

806
(Թարմացված է 17:24 16.01.2021)
Շիրակի մարզն ընդհանուր առմամբ 9 մարզպետ է ունեցել, նրանցից 6-ը պաշտոնավարել են վերջին 10 տարում։

ԵՐԵՎԱՆ, 16 հունվարի - Sputnik, Արմենուհի Մխոյան. Շիրակի մարզպետ Տիգրան Պետրոսյանի՝ պաշտոնից ազատվելու մասին տեղեկությունից անմիջապես հետո մարզում ու մամուլում «նոր մարզպետների» անուններ են շրջանառվում:

Депутат от фракции Процветающая Армения Мартун Григорян на заседании Национального Собрания Армении (1 ноября 2018). Ереван
© Sputnik / Asatur Yesayants
Մարտուն Գրիգորյան

Որոշ լրատվամիջոցներ որպես հավանական թեկնածու նշում են Մարտուն Գրիգորյանի անունը։ Նա ՀՀ ԱԺ նախկին պատգամավոր է, 2008-ին առաջադրվել է Գյումրու քաղաքապետի թեկնածու։ Հանդիսացել է «Դաշինք» կուսակցության անդամ, 2009 թվականին անդամագրվել է ԲՀԿ-ին, ընտրվել է ԲՀԿ Շիրակի մարզային խորհրդի նախագահ, 2012 թվականի մայիսի 6-ին ընտրվել է ՀՀ Ազգային ժողովի 5-րդ գումարման պատգամավոր թիվ 34 ընտրատարածքից, 2015 թվականի մարտի 6-ին դադարեցրել է իր անդամակցությունը «Բարգավաճ Հայաստան» կուսակցությանը:

Բացի Մարտուն Գրիգորյանից, շրջանառվում է նաև ՀՀ ԱԺ պատգամավոր Նազելի Բաղդասարյանի անունը:

Ованнес Арутюнян
Հովհաննես Հարությունյան

Սակայն ամենաշատը շրջանառվում է ՀՀ առողջապահության նախկին փոխնախարար Հովհաննես Հարությունյանի անունը: Նա մի քանի տարի բժիշկ-վիրաբույժի մասնագիտական գործունեություն է ծավալել Մոսկվայում: Ղեկավարել է Շիրակի մարզի «Բեռլին պոլիկլինիկան», իսկ 2018 թվականին նշանակվել է ՀՀ ԱՆ «Սուրբ Գրիգոր Լուսավորիչ» ԲԿ-ի տնօրենի տեղակալ՝ պոլիկլինիկական ծառայության գծով: Զբաղեցրել է առողջապահության նախարարի խորհրդականի, ապա՝ տեղակալի պաշտոնները:

Ըստ Sputnik Արմենիայի ունեցած տեղեկության, Հովհաննես Հարությունյանը Շիրակի մարզ կվերադառնա, բայց փոխմարզպետի կարգավիճակով, իսկ մինչ նոր մարզպետի նշանակումը ժամանակավորապես կկատարի մարզպետի պարտականությունները:

Շիրակի մարզպետ Տիգրան Պետրոսյանը պաշտոնից ազատման դիմում է ներկայացրել

Ենթադրություններն ու կանխատեսումները շատ են, սակայն մարզում չեն թաքցնում՝ կառավարությունը կարող է նաև ամենաանհավանական որոշումը կայացնել: 

Հավելենք, որ Շիրակի մարզն ընդհանուր առմամբ 9 մարզպետ է ունեցել, նրանցից 6-ը պաշտոնավարել են վերջին 10 տարում։

806
թեգերը:
Մարզպետ, Շիրակի մարզ
Ըստ թեմայի
Շիրակի մարզի 72 հոգանոց կամավորական խումբն Արցախից Հայաստան է գալիս. Սոֆյա Հովսեփյան
Շիրակի մարզը զինվորական կոչում ունեցող մարզպետի տեղակալ ունի. ինչո՞վ է զբաղվելու նա
Երևանի, Շիրակի և Սյունիքի որոշ հատվածներում մի քանի ժամ շարունակ լույս չի լինի
Ալեքսեյ Նավալնուն ձերբակալել են Մոսկվայի «Շերեմետևո» օդանավակայանում

Նավալնուն ձերբակալել են Մոսկվայի «Շերեմետևո» օդանավակայանում. տեսանյութ

0
(Թարմացված է 23:25 17.01.2021)
Ալեքսեյ Նավալնու հետագա խափանման միջոցը կորոշի դատարանը, մինչ այդ նա կմնա կալանքի տակ։

ԵՐԵՎԱՆ, 17 հունվարի – Sputnik. Ռուսաստանցի քաղաքական գործիչ և բլոգերԱլեքսեյ Նավալնին Գերմանիայից Ռուսաստան է վերադարձել և ձերբակալվել օդանավակայանում։ Տեղեկությունը հայտնում է ՌԻԱ Նովոստին` հղում անելով Պատիժների կատարման դաշնային ծառայությանը (ՊԿԴԾ)։

«Ռուսաստանի Դաշնության ՊԿԴԾ օպերատիվ վարչության Մոսկվայի հետախուզության բաժնի աշխատակիցները «Շերեմետևո» օդանավակայանում ձերբակալել են Ալեքսեյ Նավալնուն, որը պայմանական ազատազրկման ժամկետը բազմիցս խախտելու համար հետախուզվում էր 2020 թվականի դեկտեմբերի 29–ից», - հավելել են գերատեսչությունում:

Նավալնու հետագա խափանման միջոցը կորոշի դատարանը, մինչ այդ նա կմնա կալանքի տակ։

Հիշեցնենք` Նավալնուն հիվանդանոց էին տեղափոխել 2020 թվականի օգոստոսի 20-ին Օմսկում, երբ նրա ինքնազգացողությունը վատացել էր Տոմսկից Մոսկվա թռչող ինքնաթիռում։ Զննումից հետո Օմսկի հիվանդանոցի բժիշկները որպես հիմնական ախտորոշում նշել էին նյութափոխանակության խանգարումը, որն արյան մեջ շաքարի մակարդակի կտրուկ անկում էր առաջացրել։

Մերկելը գաղտնի հանդիպել է Նավալնու հետ. Spiegel

Ավելի ուշ ընդդիմադիր գործչին ինքնաթիռով տեղափոխեցին Գերմանիա։ ԳԴՀ կառավարությունը, հղում անելով ռազմական բժիշկներին, հայտարարեց, որ Նավալնուն թունավորել են «Նովիչոկ» թունավոր նյութերի շարքին պատկանող սուբստանցիայով։ Կրեմլում այդ կապակցությամբ հայտարարեցին, որ Բեռլինը Մոսկվային չի տեղեկացրել Նավալնու՝ «Նովիչոկով» թունավորված լինելու իր եզրակացությունների մասին, Ռուսաստանը նման տվյալներ չունի:

Մինչ այդ Նավալնու դեմ երկու պայմանական ազատազրկման դատավճիռ էր կայացվել՝ 16 մլն ռուբլի վատնելու և ավելի քան 30 մլն ռուբլի յուրացնելու գործերով:

«Բեռլինը բլեֆ է անում». Զախարովան մեկնաբանել է Նավալնու գործը

0
թեգերը:
Ձերբակալություն, Շերեմետևո, Ալեքսեյ Նավալնի, Ռուսաստան
Ըստ թեմայի
Նավալնին չի օգնի. Գերմանիայում սխալ են որակել «Հյուսիսային հոսք - 2»–ը կասեցնելու կոչերը
Գերմանիան Նավալնուն կստիպի լռել, քանի որ նրա վերադարձը հղի է կանխատեսելի հետևանքներով
Թրամփը չի ցանկանում խառնվել Նավալնու հետ կապված «մութ պատմությանը»