Քարվաճառ մտնելուց հետո պահանջել են դուրս գալ Սոթքի հանքի տարածքից. ԳՇ պետի առաջին տեղակալ
(Թարմացված է 00:53 27.11.2020)
Ըստ եռակողմ պայմանավորվածության` հայկական ԶՈՒ–ն նոյեմբերի 25-ին պետք է Քարվաճառից դուրս եկած լիներ, որն էլ իրականացրել է։ ԵՐԵՎԱՆ, 26 նոյեմբերի - Sputnik. Տարածված լուրերը, թե ադրբեջանական զինվորները մտել են Սոթքի հանքի տարածք և աշխատակիցներին ժամկետ տվել հեռանալու, իրական չեն։ Նման հարցեր չեն առաջացել և նման իրավիճակ չի եղել։ ՀՀ զինված ուժերի գլխավոր շտաբում կայացած ասուլիսի ժամանակ ասաց ՀՀ ԶՈւ ԳՇ պետի առաջին տեղակալ Տիրան Խաչատրյանը։
©
Sputnik / Aram Nersesyan
«Ըստ եռակողմ պայմանավորվածության` հայկական ԶՈւ–ն նոյեմբերի 25-ին պետք է Քարվաճառից դուրս եկած լիներ, որն էլ իրականացրել է։ Նախապես պլանավորված բնույթով է նաև զորքերի դուրսբերումն իրականացվել Քարվաճառից։ Ամեն ինչ կյանքի է կոչվել ճշգրիտ ժամանակացույցով»,–ասաց Խաչատրյանը։
Նա քարտեզի վրա նկարագրեց իրավիճակը` ասելով, որ Սոթքի հանքի գրեթե կենտրոնական մասով է անցնում պետական սահմանը։ Ռուսական կողմի ուժերով պետական սահմանից հանքի եզրագծով ցանկապատվել էր, իսկ ճանապարհի վրա անցակետ էր տեղադրվել` անվտանգության նկատառումներից ելնելով։ Խաչատրյանը հայտնեց` խոսքը «Գեոպրոմայնինգ» ռուսական ընկերության մասին է։ Սահմանային ուղեկալի կամ արգելափակոցների տեղակայման հետ ՀՀ ԶՈւ–ն որևէ կապ չի ունեցել։
«Մեր զորքերն այդ հատվածում անվտանգության գոտու ապահովման հարցերում ընդգրկված չեն եղել։ Ադրբեջանական կողմի` Քարվաճառ մտնելուց հետո այդ արգելափակոցին հանդիպելով խնդիր է բարձրացվել, թե տարածքն իրենցն է։ Բարձրախոսով կապի են դուրս եկել մեզ հետ` պահանջելով դուրս գալ այդ տարածքից։ Զգուշացրել ենք մենք, թե իրավիճակն ինչպիսին է»,–ասաց Խաչատրյանը։
©
Sputnik / Aram Nersesyan
Նրա խոսքով` իրենք հարցի մասին տեղեկացրել են ռուսական կողմին, որից հետո բանակցություններ են վարել։ Խաչատրյանը նշեց` բանակցություններից հետո Սոթքի հանքի պահպանության գոտուց ադրբեջանական անձնակազմը դուրս է եկել։
Նա հավելեց նաև, որ որևէ տեղ հայկական կողմը չունի դիրք, որը գտնվի սահմանից հետ։ Իսկ ինչ վերաբերում է անցակետին, ապա դա կապամոնտաժվի։
Հիշեցնենք, որ մամուլում լուրեր էին շրջանառվում, որ ադրբեջանական զինվորները մտել են Սոթքի հանքավայր և աշխատակիցներին ժամանակ տվել դուրս գալու համար: ՀՀ պաշտպանության նախարարությունը հերքել էր այդ լուրը։ Գեղամասար խոշորացված համայնքի (որտեղ ներառված է նաև Սոթքը) ղեկավար Հակոբ Ավետյանը Sputnik Արմենիայի հետ զրույցում հայտնել էր, որ ադրբեջանցիները Սոթքի հանքի տարածքում են` բանակցություններ են վարում։
թեգերը:
Վարչապետը փորձում է Մակունցին փրկել «խորտակվող նավից». Միքայել Մինասյան
(Թարմացված է 15:46 23.01.2021)
Միքայել Մինասյանը նշում է, որ Մակունցը Փաշինյանի հետ անգլերեն է պարապել, և վարչապետը նրան վստահում է։ԵՐԵՎԱՆ, 23 հունվարի – Sputnik. Վատիկանում ՀՀ նախկին դեսպան, ՀՀ երրորդ նախագահ Սերժ Սարգսյանի փեսա Միքայել Մինասյանը վստահ է` «Իմ քայլը» խմբակցության ղեկավար Լիլիթ Մակունցը շուտով նոր պաշտոն է ստանալու։
©
Photo : Facebook / Mikayel Minasyan
Մինասյանը Telegram-ի իր ալիքում գրառում է կատարել` հայտնելով, որ Մակունցին վարչապետ Նիկոլ Փաշինյանը շուտով նշանակելու է ԱՄՆ–ում արտակարգ և լիազոր դեսպան։
«Եթե անգամ Մակունցը լավ մարդ է, անհերքելի է, որ նա ոչ կոմպետենտ քաղաքական գործիչ է, ապաշնորհ դիվանագետ։ Ավելի ճիշտ, դիվանագետ էլ չէ։ Իմ ասածի ապացույցն է նրա ունեցած բացթողումները ներհայաստանյան քաղաքական դաշտում, ինչպես նաև ԱԺ-ում»,–գրել է Մինասյանը։
Նա հիշեցրել է, որ Փաշինյանը Մակունցին նախ մշակույթի նախարար էր նշանակել, հետո նաև ֆրակցիայի ղեկավար։ Մինասյանը նշում է, որ Մակունցը Փաշինյանի հետ անգլերեն է պարապել, և վարչապետը նրան վստահում է` փրկելով «խորտակվող նավից»։
Երբ Փաշինյանը վարչապետ է դարձել, ԱԱԾ–ից «դոսյեներ» է ուզել. Միքայել Մինասյան
Որպես հետգրություն Մինասյանը հիշեցրել է, որ Փաշինյանը խոստացել էր վերանայել դեսպանների նշանակումն այն անձանց, որոնք դիվանագիտական կադրեր չեն։
Հիշեցնենք, որ Մակունցը 2018-ի մայիսի 12-ին նշանակվեց մշակույթի նախարար։ Սակայն մի քանի ամիս անց պատգամավոր ընտրվեց և դարձավ «Իմ քայլի» ղեկավարը։
2005 թվականից մինչ օրս դասավանդում է Հայ-ռուսական համալսարանում. անգլերենի մասնագետ է։
Միքայել Մինասյանը մտավորականներին կոչ է անում չվախենալ քաղաքական պահանջներից
Մարիա Կարապետյանը չի հասնի նպատակին. ո՞վ կփոխարինի Նաիրա Զոհրաբյանին. «Ժողովուրդ»
(Թարմացված է 11:23 23.01.2021)
Խմբակցության մեծամասնությունը Մարիա Կարապետյանին սրերով է ընդունում և նա չի կարող հավաքել անհրաժեշտ ձայներ` ուզածին հասնելու համար։ ԵՐԵՎԱՆ, 23 դեկտեմբերի – Sputnik. Իշխանությունները եկել են այն եզրակացության, որ ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահ այլևս չեն ընտրի. այն փաստացի կղեկավարի հանձնաժողովի փոխնախագահ, «Լուսավոր Հայաստան» խմբակցության պատգամավոր Անի Սամսոնյանը: Գրում է «Ժողովուրդ» օրաթերթը։
Նշենք, որ դեռևս դեկտեմբերի 29-ին ԱԺ «Իմ քայլը» խմբակցությունը կողմ քվեարկեց ԱԺ ԲՀԿ խմբակցության պատգամավոր Նաիրա Զոհրաբյանին հանձնաժողովի նախագահի պաշտոնից հեռացնելուն:
Քվեարկությանը մասնակցել էին 84 պատգամավոր, կողմ էին քվեարկել 78-ը, դեմ՝ 4-ը:
«Տևական ժամանակ էր՝ ԱԺ «Իմ քայլը» խմբակցության պատգամավոր Մարիա Կարապետյանն ամեն գնով ցանկանում էր հասնել Զոհրաբյանի հեռացմանը, որպեսզի այդ պաշտոնում ինքը ընտրվեր: Սակայն, արի ու տես, իշխանականները պարզել են, որ Կարապետյանն այդքան ձայն չի կարող հավաքել, քանի որ խմբակցության մեծամասնությունը Կարապետյանին սրերով է ընդունում, լավ փոխհարաբերություններ չունի նրա հետ, ինչի համար իշխանականները կհայտնվեն անցանկալի վիճակում»,–գրում է թերթը։
«Հրաժարականից առաջ որոշել է ինձ պատժել». Նաիրա Զոհրաբյանը մեկնաբանել է «Իմ քայլի» նախագիծը
Դրա համար էլ եկել են այն եզրակացության, որ ավելի լավ կլինի՝ հանձնաժողովը ղեկավարի ընդդիմության ներկայացուցիչը, քանի որ նաև մեծ խնդիր է առաջանալու այն պարագայում, երբ իշխանությունն ընդդիմությունից «խլի» Դոնթի բանաձևով ընդդիմությանը պատկանող հանձնաժողովը:
Հիասքանչ ու կատարյալ․ ոսկե հատմանը համապատասխանող դեմք ունեցող աստղերի լուսանկարները
(Թարմացված է 18:16 23.01.2021)
Պլաստիկ վիրաբույժ Ռիկարդո Ֆրատին համեմատել է հայտնի կանանց դեմքերի համաչափությունը ոսկե հատման կանոնի հետ։
Մաթեմատիկական հավասարությունը մշակվել է հին հույների կողմից. այն դիտարկում է դեմքի կատարյալ համաչափությունը որպես 3:2:3։ Դեմքի հարաբերակցությունը որոշվում է քթի հանդեպ ճակատի, ծնոտի հանդեպ՝ քթի վերլուծության ճանապարհով։
Հենց այդ հաշվարկների շնորհիվ է ցանկում հայտնվել Քիմ Քարդաշյանը․ «Նրա դեպքի կառուցվածքը շուռ տված եռանկյունի է հիշեցնում։ Դա հաճախ որպես ամենացանկալի դեմքի ձևի օրինակ են բերում», - ասել է բժիշկ Ֆրատին, չբացառելով, որ աստղը պլաստիկ վիրաբույժների օգնության է դիմել։
Ձնածածկ Ֆրանսիան․ գեղեցիկ լուսանկարներ հեքիաթային երկրից
Ամենայն հավանականությամբ` քթի ծայրի ռինոպլաստիկայի օգնությանն է դիմել նաև արքայազն Հարրիի կինը՝ Մեգան Մարքլը, որը նույնպես հայտնվել է Ֆրատիի ցանկում։ Նրա կարծիքով՝ Սասեքսի դքսուհին Դիսնեյի արքայադստեր դեմք ունի։
«Կատարյալների» ցանկում են հայտնվել նաև հեռուստաաստղեր Հոլի Ուիլոուբին ու Սյուզաննա Ռիդը, նաև դերասանուհի Միշել Կիգանը։
Ռեյգանից մինչև Թրամփ. ԱՄՆ նախագահների երդմնակալությունը` լուսանկարներով
© AFP 2020 / Jean-Baptiste LacroixԴերասանուհի Քիմ Քարդաշյան
© AP Photo / Joel C Ryan / InvisionԴերասանուհի Միշել Կիգան
© AFP 2020 / Paul Edwards / PoolՍասեքսի դքսուհի Մեգան Մարքլ
© AFP 2020 / Warren AllottԴերասանուհի Ամանդա Հոլդեն
© AFP 2020 / Getty Images / Getty Images for SHEINԵրգչուհի Ռիտա Օրա
© AP Photo / Eddie MulhollandՔեմբրիջի դքսուհի Կեյթ Միդլթոն
© AP Photo / Jonathan Short / InvisionԱնգլիացի հաղորդավարուհի Սյուզանա Ռայդ
© AP Photo / Joel Ryan / InvisionԲրիտանացի հեռուստաաստղ Բիլի Ֆայերս
© AP Photo / Joel Ryan / InvisionԲրիտանացի դերասանուհի Հոլի Ուիլոբի