Հայաստանի նախագահ Արմեն Սարգսյանը  հանդիպում է ունեցել Հորդանանի հայ համայնքի ներկայացուցիչների հետ։

Իշխանությունը և ընդդիմությունը պետք է երկխոսեն. Հայաստանի նախագահ

102
(Թարմացված է 17:52 24.11.2020)
Նախագահն ընդգծել է, որ խորհրդարանական երկրում ճգնաժամի լուծման ճանապարհը միշտ եղել են արտահերթ ընտրությունները։

ԵՐԵՎԱՆ, 24 նոյեմբերի - Sputnik. Հայաստանի նախագահ Արմեն Սարգսյանը Հորդանանի մայրաքաղաք Ամմանում հանդիպում է ունեցել Հորդանանի հայ համայնքի ներկայացուցիչների հետ։

Հորդանանի հայ համայնքի հոգևոր հովիվ տեր Ավետիս վրդ. Իփրաճյանը ողջունել է Հայաստանի նախագահի այցը՝ նշելով, որ համայնքը հետևում է հայրենիքում կատարվող իրադարձություններին և քաջատեղյակ է արցախյան պատերազմի մանրամասներին:

«Հիմա պետք է գործենք միասնական, ուս ուսի, ձեռք ձեռքի տված և իրար հանդուրժելով։ Հայրենիքը մեծագույն սրբություն է, որի պաշտպանությունը համայն հայության պարտականությունն է»,-ասել է հոգևոր հովիվը։

Նախագահ Արմեն Սարգսյանը շնորհակալություն է հայտնել հյուրընկալության ու դժվարին պահին հայրենիքին ցուցաբերած աջակցության համար:

Պատասխանելով հայ համայնքի ներկայացուցիչների հարցերին՝ նախագահ Սարգսյանն անդրադարձել է երկրում ստեղծված իրավիճակից դուրս գալու ելքերին՝ կարևորելով ճգնաժամը սահմանադրական ճանապարհով հանգուցալուծելը: Խոսելով իր ներկայացրած՝ արտահերթ խորհրդարանական ընտրություններ անցկացնելու և ազգային համաձայնության կառավարություն ձևավորելու առաջարկությունների մասին՝ նախագահն ընդգծել է, որ խորհրդարանական երկրում ճգնաժամի լուծման ճանապարհը միշտ եղել են արտահերթ ընտրությունները։

ՌԴ նախագահը հսկայական ներդրում ունի պատերազմը կանգնեցնելու գործում. Արմեն Սարգսյան

«Ցանկացած այսպիսի իրավիճակում, երբ մեծ դժվարություններ կան, դրանք հաղթահարելու մեկ ճանապարհ կա՝ միասնությունը, միասին լինելը։ Իմ առաջարկությունը հենց դա է՝ որ իշխանությունը և ընդդիմությունը երկխոսեն»։

Այցի ընթացքում խոսվել է կրթության, գիտության և նոր տեխնոլոգիաների, արհեստական բանականության ոլորտներում համագործակցության մասին։

102
թեգերը:
Հորդանան, Արմեն Սարգսյան
Ըստ թեմայի
Ինչու՞ պարտվեցինք. ՀՀ նախագահը մի քանի պատճառ է նշում
Միակ լուծումն ազգային համաձայնության կառավարություն ձևավորելն է. նախագահ
ՀՀ նախագահ Արմեն Սարգսյանը մեդալներ է շնորհել 102 զինծառայողի. ցանկ
Մարիա Կարապետյան

Մարիա Կարապետյանը չի հասնի նպատակին. ո՞վ կփոխարինի Նաիրա Զոհրաբյանին. «Ժողովուրդ»

69
(Թարմացված է 11:23 23.01.2021)
Խմբակցության մեծամասնությունը Մարիա Կարապետյանին սրերով է ընդունում և նա չի կարող հավաքել անհրաժեշտ ձայներ` ուզածին հասնելու համար։

ԵՐԵՎԱՆ, 23 դեկտեմբերի – Sputnik. Իշխանությունները եկել են այն եզրակացության, որ ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահ այլևս չեն ընտրի. այն փաստացի կղեկավարի հանձնաժողովի փոխնախագահ, «Լուսավոր Հայաստան» խմբակցության պատգամավոր Անի Սամսոնյանը: Գրում է «Ժողովուրդ» օրաթերթը։

Նշենք, որ դեռևս դեկտեմբերի 29-ին ԱԺ «Իմ քայլը» խմբակցությունը կողմ քվեարկեց ԱԺ ԲՀԿ խմբակցության պատգամավոր Նաիրա Զոհրաբյանին հանձնաժողովի նախագահի պաշտոնից հեռացնելուն:

Քվեարկությանը մասնակցել էին 84 պատգամավոր, կողմ էին քվեարկել 78-ը, դեմ՝ 4-ը:

«Տևական ժամանակ էր՝ ԱԺ «Իմ քայլը» խմբակցության պատգամավոր Մարիա Կարապետյանն ամեն գնով ցանկանում էր հասնել Զոհրաբյանի հեռացմանը, որպեսզի այդ պաշտոնում ինքը ընտրվեր: Սակայն, արի ու տես, իշխանականները պարզել են, որ Կարապետյանն այդքան ձայն չի կարող հավաքել, քանի որ խմբակցության մեծամասնությունը Կարապետյանին սրերով է ընդունում, լավ փոխհարաբերություններ չունի նրա հետ, ինչի համար իշխանականները կհայտնվեն անցանկալի վիճակում»,–գրում է թերթը։

«Հրաժարականից առաջ որոշել է ինձ պատժել». Նաիրա Զոհրաբյանը մեկնաբանել է «Իմ քայլի» նախագիծը

Դրա համար էլ եկել են այն եզրակացության, որ ավելի լավ կլինի՝ հանձնաժողովը ղեկավարի ընդդիմության ներկայացուցիչը, քանի որ նաև մեծ խնդիր է առաջանալու այն պարագայում, երբ իշխանությունն ընդդիմությունից «խլի» Դոնթի բանաձևով ընդդիմությանը պատկանող հանձնաժողովը:

«Թուրքասեր» իմքայլականը պատասխանել է Անի Սամսոնյանին

69
թեգերը:
ԱԺ, հանձնաժողով, Նաիրա Զոհրաբյան, Մարիա Կարապետյան
Ըստ թեմայի
Նաիրա Զոհրաբյանին ուզում են լռեցնել. Տոնոյանը` «Իմ քայլի» նախաձեռնության մասին
«Իմ քայլն» առաջարկում է Նաիրա Զոհրաբյանին հեռացնել հանձնաժողովի նախագահի պաշտոնից
Նաիրա Զոհրաբյանը ԵԽԽՎ նիստում խոսել է հայ ռազմագերիների անհապաղ վերադարձի մասին
Շուշի. արխիվային լուսանկար

Ե՛վ պատերազմը կանգնեցնել, և՛ Շուշին պահել․ որն էր Հայաստանի իշխանության հիմնական սխալը

336
(Թարմացված է 22:51 22.01.2021)
Արցախի վերաբերյալ ՀՀ վարչապետի աղմկահարույց հայտարարությունները պատերազմում պարտվելու պատճառները վերլուծելու առիթ են տալիս։

ԵՐԵՎԱՆ, 22 հունվարի — Sputnik. Հայաստանը ներկայիս իշխանության օրոք չի կարող Արցախի շուրջ արդյունավետ բանակցություններ վարել։ Sputnik Արմենիայի հետ զրույցում նման կարծիք հայտնեց Հայաստանի դեմոկրատական կուսակցության ղեկավար Արամ Սարգսյանը։ Նա նշեց, որ ներկայիս գործընթացները, նաև Երևանի գործողություններն ու հռետորաբանությունը հակասում են Հայաստանի և Արցախի ազգային շահերին։

Մեր զրուցակցին բարկացնում է այն, որ Հայաստանի իշխանությունը ղարաբաղյան հարցում մեր շահերն առաջ տանելու փոխարեն զբաղված է Շուշիի պատկանելության վերաբերյալ տգետ քննարկումներով։

Չորեքշաբթի օրը վարչապետ Նիկոլ Փաշինյանը խորհրդարանում մի շարք աղմկահարույց հայտարարություններ է արել։ Մասնավորապես՝ նա նշել է, որ հակամարտության կարգավորմանն ուղղված բանակցությունների ընթացքում օրակարգում միշտ եղել է ադրբեջանական բնակչության՝ Շուշի վերադառնալու հարցը։ Փաշինյանի վարկածով՝ մինչ առաջին պատերազմը Շուշիի բնակչությունը 90% -ով ադրբեջանցիներ են եղել։ Դրանից ելնելով՝ Փաշինյանը հարց է տվել՝ արդյո՞ք Շուշին իր այդ կարգավիճակով հայկական քաղաք էր։

«Բանավեճը անտեղյակության, տգիտության արդյունք է, այլ բառ չեմ գտնում։ Վարչապետի պաշտոնը զբաղեցնող մարդուն չէր խանգարի պատմության դասագիրք կարդալ ու տեղեկանալ՝ ինչի արդյունքում է փոխվել Շուշիի ժողովրդագրական պատկերը։ Հիշեցնենք նրան 1920 թվականի հայերի կոտորածի մասին։ Թող գոնե Օսիպ Մանդելշտամին կարդալ», -ասում է Սարգսյանը։

Քաղաքական գործչի խոսքով՝ քննադատության չեն դիմանում նաև Փաշինյանի հայտարարություններն այն մասին, որ անհնար էր դադարեցնել պատերազմն Արցախում ավելի քիչ տարածքային կորուստներով և այն, որ բանակցությունների բոլոր փուլերում խոսվել է Շուշին հանձնելու մասին։ Դեմոկրատական կուսակցության առաջնորդը կոչ է անում Փաշինյանին պատասխանել հարցին՝ արդյոք հոկտեմբերի 10 -ից 15-ն չի՞ առաջարկվել է նրան Վլադիմիր Պուտինին նամակ գրել՝ մարտական գործողությունների գոտի ահաբեկիչների հայտնվելու մասին ու խնդրել խաղաղապահներ մտցնել։ Սարգսյանն այդ օրերին մասնակցել է ռուսական կողմի հետ բանակցություններին։

Ինչո՞ւ Փաշինյանն այդքան չի սիրում Շուշին. Սարգսյանը` վարչապետի աղմկոտ հայտարարության մասին

«Ռուսական կողմը պատրաստ էր քննարկել նման նամակն ու համապատասխան միջոցներ կիրառել։ Միջազգային ահաբեկչությունը պատժվում է ցանկացած տարածքում՝ չճանաչված ու չճանաչված, եթե այն սպառնում է տվյալ տարածաշրջանին», - նշեց Սարգսյանը։

Սակայն Հայաստանի ղեկավարությունը միայն հոկտեմբերի վերջին դիմեց Ռուսաստանին, բայց նամակի բովանդակությունը լրիվ այլ էր։ Դիմումը հիմնված էր 1997 թվականի «Բարեկամության, համագործակցության և փոխադարձ օգնության մասին պայմանագրի» վրա։ Ինչին Ռուսաստանը պատասխանել էր, որ պատերազմը Հայաստանի տարածքում չէ։

Քաղաքական գործիչն ասում է, որ եթե Հայաստանի ղեկավարությունը ժամանակին դիմեր ռուս գործընկերներին, ապա պատերազմն Արցախում կարելի էր շատ ավելի շուտ կանգնեցնել ու խուսափել ահռելի մարդկային ու տարածքային կորուստներից։

Սարգսյանը վստահ է` պարտվողի համախտանիշը թույլ չի տալիս Հայաստանի ղեկավարությանը մեզ համար քիչ թե շատ ձեռնտու բանակցություններ վարել։ Փաշինյանը զիջման է գնում բոլոր կետերով՝ սահմանների, գերիներին, Արցախի կարգավիճակի հարցում։

Ինչ պետք է անել հիմա իրավիճակից դուրս գալու համար. առաջին հերթին` փոխել բանակցողներին, ընդ որում՝ ոչ միայն արտգործնախարարին, այլև վարչապետին։

«Հետագա բանակցությունները Հայաստանի համար շահավետ հունով գնալու մի շարք քայլեր են պահանջում։ Արցախի հարցին էլ ավելի լայն տարածում տալու համար Հայաստանի խորհրդարանը պետք է իրավական տեսակետից հիմնավորի Արցախի՝ Ադրբեջանից անկախ լինելու կարևորությունը, ներկայացնի այն փաստարկները, որոնք հաստատում են Ադրբեջանի կազմից Ղարաբաղի դուրս գալու օրինականությունը։ Հայաստանը պետք է ճանաչի Արցախն ու այդ որոշման համար իրավական հիմքեր ներկայացնի», - կարծում է մեր զրուցակիցը։

Սարգսյանի խոսքով` եթե Հայաստանը չի ճանաչում Արցախի անկախությունը, իրավունք չունի դա պահանջել միջազգային գործընկերներից։ Այդ մասին բազմիցս ակնարկել է նաև Ռուսաստանի նախագահը, երբ ասել է, որ Հայաստանն ինքը մինչև հիմա չի ճանաչել Արցախը։

Арам Гаспарович Саркисян в гостях радио Sputnik
© Sputnik / Andranik Ghazaryan
Արամ Սարգսյանը

Դեռ 1996 թվականին Դեմոկրատական կուսակցության առաջնորդի նախաձեռնությամբ ստեղծվեց «Ի պաշտպանություն ԼՂՀ–ի» կազմկոմիտեն, որտեղ ընդգրկվեցին Հայաստանի 25 կուսակցությունների և հասարակական կազմակերպությունների ներկայացուցիչներ։ Սարգսյանն ու գործընկերներն այն ժամանակ Արցախի վերաբերյալ ընդարձակ իրավական փաստաթուղթ պատրաստեցին, այն սպառիչ հիմնավորումներ էր պարունակում Ադրբեջանի կազմից ԼՂ–ի դուրս գալու վերաբերյալ։

«Նոր պատերազմ՝ նոր տարածքներ». Լավրովը կոչ արեց զգացմունքային հայտարարություններ չանել

«Խորհրդային օրենսդրությունը թույլ էր տալիս ԽՍՀՄ այս կամ այն հանրապետության կազմում գտնվող ցանկացած ինքնավար միավորման դուրս գալ այն հանրապետության կազմից, որն իր հերթին դուրս էր գալիս ԽՍՀՄ–ից։ Լեռնային Ղարաբաղը դրանից օգտվեց 1991 թվականի սեպտեմբերի 2-ին, այն բանից հետո, երբ նույն թվականի օգոստոսի 30-ին Ադրբեջանը հայտարարեց ԽՍՀՄ–ից դուրս գալու մասին», – նշում է քաղաքական գործիչը։

Կուսակցության առաջնորդը կարծում է, որ արցախյան հարցում այսօր հեծանիվ հորինելու կարիք չկա, ընդամենը պետք է ընդհանրացնել բոլոր այդ իրավական նորմերն ու ներկայացնել համաշխարհային հանրությանը։

336
թեգերը:
Արամ Սարգսյան, Ռուսաստան, Շուշի, Նիկոլ Փաշինյան, Արցախյան պատերազմ, Արցախ
Ըստ թեմայի
Ինչո՞ւ Փաշինյանն այդքան չի սիրում Շուշին. Սարգսյանը` վարչապետի աղմկոտ հայտարարության մասին
«Արգիշտի Քյարամյանը ճիշտ է ասում` Շուշիում միասին ենք եղել». Օհանյանը մանրամասներ հայտնեց
Վերջին անգամ Շուշիում՝ մահվան հետ դեմ հանդիման, կամ ինչպես ընկավ թշնամու ինքնաթիռը

«Գիտակցված ենք եկել այստեղ». Թաթուլը նստեց տեղն ու... Շուշիի մշակույթի տունը հրթիռակոծեցին

0
(Թարմացված է 15:02 23.01.2021)
Թաթուլը միշտ ասում էր, որ եթե պատերազմ լինի, բոլորս պետք է գնանք։ Ինքն էլ պատերազմը սկսվելուն պես զինվորագրվել ու Արցախ է մեկնել։

Կարևոր է, թե ինչպես ես ապրում և ինչ անուն ես թողնում։ Սրանք ոստիկանության մայոր Թաթուլ Օթարյանի խոսքերն են, որոնց տրամաբանության մեջ էլ նա իր կյանքը կառուցեց և անմահացավ։ Ոստիկանության մամուլի ծառայությունը տեսանյութ է ներկայացրել Թաթուլ Օթարյանի մասին պատմող։

Թաթուլը ծառայում էր ոստիկանության Տավուշի մարզային վարչության շտաբում՝ որպես հատկապես կարևոր հանձնարարություններով ավագ տեսուչ։ Մասնագիտությամբ տնտեսագետ էր, իսկ ծառայության ընթացքում ավարտեց նաև ոստիկանության ակադեմիան և ստացավ նաև իրավաբանի կրթություն։

Թաթուլը ոստիկանության համակարգում էր 2009 թվականից. շարքայինից հասել էր մայորի կոչման։

2012 թվականին ընտանիք էր կազմել, տարիներ անց տղա ունեցել։ Տղայի հարազատները նշում են՝ Թաթուլը միշտ ասում էր, որ պատերազմ լինի, բոլորս պետք է գնանք։ Պատերազմը սկսվելուն պես զինվորագրվելց ու Արցախ է մեկնել։ Ի դեպ, պատերազմական գործողություններին Արցախում մասնակցում էր նաև եղբայրը՝ Մհեր Օթարյանը։

«Երբ Շուշիի մշակույթի կենտրոնում էինք, Թաթուլը բարձրացավ բեմ և կոչով դիմեց ոստիկանության ծառայողներին։ Ասաց՝ տղե՛րք, մենք գիտակցված եկել ենք այստեղ։ Ուրեմն, այդպես մի մարդու նման էլ պետք է գնանք մեր պարտքը կատարելու։ Մենք եկել ենք, որ պայքարենք թշնամու դեմ։ Դրանից հետո դահլիճը լռեց։ Թաթուլը նստեց իր տեղը ու… դեպքը պատահեց»,-պատմում է ծառայակից ընկերը՝ Մհեր Սայանը։

Թաթուլ Օթարյանն անմահացավ Շուշիում՝ հոկտեմբերի 4-ին։

Հիշեցնենք` Sputnik Արմենիան անդրադարձել էր Շուշիի մշակույթի տան հրթիռակոծության դեպքին։ Հայտնի է, որ ոստիկանները հավաքված են եղել այնտեղ, ու թշնամին ԱԹՍ–ով կամ հրթիռով հարվածել է շենքին (հակառակորդը մեծ թվով մարդկանց կուտակում է արձանագրել, ամենայն հավանականությամբ, չանջատված սմարթֆոնների պատճառով), պայթյունից տանիքի տակի շերտը պոկվել է ու ընկել դահլիճում հավաքվածների վրա։

Շուշիի ողբերգության հետքերով. ի՞նչ է կատարվել հոկտեմբերի 4-ին ոստիկանների հետ

0
թեգերը:
Թաթուլ Օթարյան, ոստիկան, Պատերազմ
Ըստ թեմայի
Կասեցրել են հակառակորդի գրոհը, թշնամուն զգալի կորուստներ պատճառել․ նորօրյա հերոսները
Սերժանտ Հովհաննիսյանը կասեցրել է հյուսիսային կողմով թշնամու ճեղքումը. մերօրյա հերոսները
Տղամարդկանց կողքին ու նրանց հավասար կռվել են նաև կանայք. մերօրյա հերոսները