Էմանուել Մակրոնն այցելել է «Հայաստան» հիմնադրամի Ֆրանսիայի մասնաճյուղ

Էմանուել Մակրոնն այցելել է «Հայաստան» հիմնադրամի Ֆրանսիայի մասնաճյուղ

342
(Թարմացված է 01:18 22.11.2020)
«Հայաստան» հիմնադրամի Ֆրանսիայի մասնաճյուղի մարդասիրական օգնությունը տեղափոխող առաջին ինքնաթիռը Երևան կմեկնի նոյեմբերի 22-ին, երկրորդը՝ նոյեմբերի 27-ին։

ԵՐԵՎԱՆ, 22 նոյեմբերի - Sputnik. Ֆրանսիայի նախագահ Էմանուել Մակրոնն այսօր այցելել է «Հայաստան» հիմնադրամի Ֆրանսիայի մասնաճյուղի կենտրոնակայան՝ ի աջակցություն ֆրանսահայ համայնքի ամենամյա դրամահավաք-հեռախոսամարաթոնի, որն այս տարի նվիրված է սեպտեմբերի 27-ին Թուրքիայի և վարձկան ահաբեկիչների օգնությամբ Արցախի դեմ Ադրբեջանի ռազմական ագրեսիայի արդյունքում տեղահանված և ունեզուրկ եղած տասնյակ հազարավոր արցախահայության կարիքներին։ Տեղեկությունը հայտնում է Ֆրանսիայում ՀՀ դեսպանատունը։

Юрий Джоркаефф наблюдает за президентом Франции Эммануэлем Макроном, когда он принимает участие в Фонетоне 2020 (21 ноября 2020). Париж
© AFP 2020 / LUDOVIC MARIN
Էմանուել Մակրոնն ու Յուրի Ջորկաեֆը «Հայաստան» հիմնադրամի Ֆրանսիայի մասնաճյուղում

«Ֆրանսիայի մարդասիրական այս հանձնառությունը մեր անմիջական պարտքն է Արցախից և վերադարձված յոթ շրջաններից 120.000 տեղահանված հայկական բնակչության, ինչպես նաև Հայաստանում դժվարին իրավիճակում հայտնված առվազն 1 միլիոն հայերի նկատմամբ։ Ֆրանսիայի կառավարության, ինչպես նաև «Հայաստան» հիմնադրամի Ֆրանսիայի մասնաճյուղի մարդասիրական օգնությունը տեղափոխող առաջին ինքնաթիռը Երևան կմեկնի վաղը՝ նոյեմբերի 22-ին, երկրորդը՝ նոյեմբերի 27-ին։ Մարդասիրական ուղեբեռը Հայաստան տեղ կհասցնի ֆրանսահայ հանրահայտ ֆուտբոլիստ, ֆուտբոլի աշխարհի 1998թ․ չեմպիոն Յուրի Ջորկաեֆը»,-հայտարարել է նախագահ Մակրոնը։

Նա նաև նշել է, որ Ֆրանսիան պահանջում է, որպեսզի ս․թ․ նոյեմբերի 9-ին Լեռնային Ղարաբաղում ռազմական գործողությունների կասեցման արդյունքում հրադադարի պայմանները գործեն նաև շրջանի հայկական հոգևոր պատմամշակութային ժառանգության հանդեպ՝ դրանց ոչնչացումը կանխելու համար։

Пьер Терзян демонстрирует президенту Франции Эммануэлю Макрону планы Всеармянского фонда Айастан, во время визита Макрона на ежегодный сбор средств Фонетон 2020 для развития Армении и Арцаха (21 ноября 2020). Париж
© AFP 2020 / LUDOVIC MARIN
Էմանուել Մակրոնն ու Պիեռ Թերզյանը «Հայաստան» հիմնադրամի Ֆրանսիայի մասնաճյուղում

Մակրոնը վերահաստատել է Ֆրանսիայի ցանկությունը Հայաստանի, Ռուսաստանի և Ադրբեջանի միջև ստորագրված եռակողմ հայտարարությունը միջազգային վերահսկման շրջանակում ներառելու վերաբերյալ։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։ 

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։ 

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր 1960 զինվորականի չափով, հրազենային զենքով, 90 զրահատրանսպորտային և 380 ավտոմեքենաներով և հատուկ տեխնիկայով։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

Փարիզը Ղարաբաղի մասին եռակողմ հայտարարության մասին իմացել է Փաշինյանի Facebook-յան էջից

342
թեգերը:
Ֆրանսիա, «Հայաստան» համահայկական հիմնադրամ, Էմանուել Մակրոն, Արցախյան պատերազմ
թեմա:
Իրադրությունը Հայաստանում և Արցախում հայտարարության ստորագրումից հետո (500)
Ըստ թեմայի
Հայաստանին մարդասիրական օգնություն ցուցաբերելու համար Ֆրանսիայում հանձնախումբ կստեղծվի
Արցախի անկախության ճանաչման մասին նախագիծ է ներկայացվել Ֆրանսիայի սենատ
Ռուսաստանի և Ֆրանսիայի ԱԳ նախարարները քննարկել են Արցախում ստեղծված իրավիճակը
Արթուր Վանեցյան

Արթուր Վանեցյանը հացադուլ հայտարարելու մտադրություն ունի՞

96
(Թարմացված է 15:11 25.11.2020)
«Հայրենիք» կուսակցության ղեկավարն անդրադարձել է հացադուլ հայտարարած իր ընկերների քայլին և խոսել վարչապետի թեկնածու ունենալ–չունենալու մասին։

ԵՐԵՎԱՆ, 25 նոյեմբերի – Sputnik. «Հայրենիք» կուսակցության ղեկավար Արթուր Վանեցյանը հացադուլ հայտարարելու մտադրություն այս պահին դեռ չունի։ Նա այդ մասին հայտնեց լրագրողներին` պատասխանելով հարցին, թե արդյո՞ք ինքն էլ չի պատրաստվում հացադուլ անել։

Վանեցյանն այսօր կառավարության մոտ էր եկել` տեսակցելու վարչապետ Նիկոլ Փաշինյանի հրաժարականի պահանջով հացադուլ հայտարարած ՀՅԴ–ական Գեղամ Մանուկյանին և ՍԴ նախկին դատավոր Կիմ Բալայանին։

«Եկել եմ ընկերներիս քաջալերելու, որոնք ծայրահեղ քայլի են դիմել, բայց դա երևի թե պետք է։ Ես ինքս դեռ չեմ պատրաստվում դիմել հացադուլի»,–ասաց Վանեցյանը։

Հարցին, թե լուրեր են շրջանառվում, որ պաշտպանության նախկին նախարար, նախկին վարչապետ Վազգեն Մանուկյանը կարող վարչապետ դառնալ, ինչպե՞ս է վերաբերվում նրա թեկնածությանը, Վանեցյանը պատասխանեց` նման հարց չեն քննարկել։

ԱԱԾ նախկին ղեկավարի խոսքով` Վազգեն Մանուկյանը ՀՀ–ում իր ներդրած ավանդն ունի, փորձն ու գիտելիքները, և եթե նման հարց լինի, կարող է և օգտագործել իր ներուժը։

Մեկ այլ հարցի, թե ընդդիմադիր ուժերն ունե՞ն վարչապետի իրենց թեկնածուն, Վանեցյանը պատասխանեց` դա երկրորդական հարց է։ Նա վստահեցրեց, որ անհրաժեշտության դեպքում կոնսենսուսի միջոցով շատ արագ կհայտարարվի թեկնածության մասին։ Վանեցյանի խոսքով` վարչապետ չի կարող լինել մեկը, որը հանրային աջակցություն չի ունենա։

Հիշեցնենք, որ Գեղամ Մանուկյանը հացադուլ էր հայտարարել նոյեմբերի 23-ին։ Դրա հաջորդ օրը` նոյեմբերի 24-ին, ՍԴ նախկին դատավոր 73-ամյա Կիմ Բալայանը միացավ հացադուլին։ 

96
թեգերը:
Արթուր Վանեցյան, Հայաստան
Ըստ թեմայի
Ընդդիմությունը արցախյան պատերազմը չի վերսկսելու. Վանեցյանը հերքեց Փաշինյանի խոսքերը
Արթուր Վանեցյանը նոր փակագծեր բացեց իր` ԱԱԾ տնօրենի պաշտոնից հրաժարվելու վերաբերյալ
Վանեցյանը նշել է ԱԱԾ նախկին տնօրեն Միքայել Համբարձումյանի հրաժարականի պատճառը
Արթուր Վանեցյան

Արթուր Վանեցյանը նոր փակագծեր բացեց իր` ԱԱԾ տնօրենի պաշտոնից հրաժարվելու վերաբերյալ

428
(Թարմացված է 14:09 25.11.2020)
ԱԱԾ նախկին տնօրենը լրագրողների հետ զրույցում անդրադարձավ իր հրաժարականին և «Կանգ առ»–ի կոչին։

ԵՐԵՎԱՆ, 25 նոյեմբերի – Sputnik. «Հայրենիք» կուսակցության ղեկավար, ԱԱԾ նախկին տնօրեն Արթուր Վանեցյանն այսօր լրագրողների հետ զրույցում նոր մանրամասներ հայտնեց ԱԱԾ տնօրենի պաշտոնից հրաժարվելու պատճառների վերաբերյալ։

Վանեցյանը կառավարության մոտ էր եկել` տեսակցելու վարչապետ Նիկոլ Փաշինյանի հրաժարականի պահանջով հացադուլ հայտարարած ՀՅԴ–ական Գեղամ Մանուկյանին և ՍԴ նախկին դատավոր Կիմ Բալայանին։

«Փաշինյանը մի շարք ապօրինի հանձնարարություններ է տվել։ Օրինակ` կառավարության նիստերից մեկի ժամանակ հայտնել էր, թե ԱԱԾ–ն պետք է ստուգի` գազալցակայաններում ՀԴՄ կտրոն տալիս են, թե ոչ։ Սա ապօրինություն է, քանի որ փոխարենը ԱԱԾ–ն լուրջ հարցերով զբաղվեր` ինֆորմացիա ստանար, որ «Բայրաքթարները» սկսել են գործել, և ինչ է պետք անել, որ դրանց դեմն առնենք, պետք է Փաշինյանի ասա՞ծն աներ»,–ասաց Վանեցյանը։

Նա վստահեցրեց` իր պաշտոնավարման ընթացքում զերծ է մնացել ապօրինի հանձնարարություններ կատարելուց և զերծ է պահել նաև կառույցին։ Վանեցյանը հայտնեց` հենց դրա համար էլ հրաժարական է տվել ու ասել` տղերք, կանգ առեք։ Սակայն, ըստ Վանեցյանի, իշխանությունը սթափվելու փոխարեն, պետական բոլոր կառույցները թուլացրեց, որ այսօր Արցախին վերաբերող նման փաստաթուղթ ստորագրի։

Հիշեցնենք, որ 2019 օգոստոսի 16–ին ՀՀ վարչապետ Նիկոլ Փաշինյանը հայտնեց, որ ստորագրել է Վանեցյանի հրաժարականի միջնորդությունը։ Դրան հաջորդեց Վանեցյանի հայտարարությունը, որում նա ասում էր. «Իմ հրաժարականը թող լինի «Կանգ ա՛ռ»-ի սթափեցնող քայլ»։

428
թեգերը:
Նիկոլ Փաշինյան, Արթուր Վանեցյան, Հայաստան
Ըստ թեմայի
Ընդդիմությունը արցախյան պատերազմը չի վերսկսելու. Վանեցյանը հերքեց Փաշինյանի խոսքերը
Այդ մարդը լինելու է բոլորի կողմից ընդունված. Վանեցյանը խոսել է ժամանակավոր վարչապետի մասին
Վանեցյանը նշել է ԱԱԾ նախկին տնօրեն Միքայել Համբարձումյանի հրաժարականի պատճառը
Թևան Պողոսյան

Ի՞նչ է պետք տնտեսական ու բարոյահոգեբանական ճգնաժամերը հաղթահարելու և առաջ շարժվելու համար

0
«Մարդկային զարգացման միջազգային կենտրոնի» ղեկավար Թևան Պողոսյանը Sputnik Արմենիայի եթերում անդրադարձել է ներքաղաքական որոշ իրողությունների և այդ համատաքստում նաև վարչապետ Նիկոլ Փաշինյանի գնահատականներին։ 
«Ինչու՞ չհավաքվեցինք երեք միլիոնով, ամեն մարդ իրեն պետք է տա այս հարցը». Պողոսյան

Անդրադառնալով ԼՂ վերաբերյալ եռակողմ հայտարարությունից հետո իր հրաժարականի պահանջով կազմակերպվող հանրահավաքներին, վարչապետն ասել է, որ լայն հանրությունը չի աջակցել ընդդիմությանը։

Թևան Պողոսյանի դիտարկմամբ` խնդիրն այն չէ, որ փողոցում որոշակի քանակի մարդիկ հավաքվում են կամ չեն հավաքվում, հետևաբար պետք չէ հարցին մոտենալ զուտ քանակական իմաստով, այլ անհրաժեշտ է լրջորեն գնահատել քաղաքական ուժերի կոչերն ու գործողությունները։ 

«Օրինակ, օրենք են գրել, որ խորհրդարանում ընդդիմությունը կարող է բարձրացնել երկրի ղեկավարի հրաժարականի հարց, հիմա եթե ԱԺ–ում կա երկու ընդդիմադիր խմբակցություն, ուրեմն ի՞նչ, պետք է ասեն, որ ընդամենը երկու ո՞ւժ է հանդես գալիս այդ պահանջով։ Մենք պետք է ձևավորենք քաղաքական մշակույթ, որպեսզի գիտակցենք մեր կատարած քայլերի պատասխանատվությունը և դրանից ելնելով որոշումներ ընդունենք»,– նշեց «Մարդկային զարգացման միջազգային կենտրոնի» ղեկավարը։

Թևան Պողոսյանը ցավով է նշում, որ Հայաստանում քաղաքական մշակույթի բացակայությունը խոչընդոտում է ազգային միասնության կայացմանը։ Ըստ նրա` ստեղծված իրավիճակում յուրաքանչյուրը պետք է առաջնորդվի անհատական պատասխանատվությամբ և ինքնուրույն ընկալման շնորհիվ պարզի, թե ինչպես կարող է նպաստել ազգային միասնության ձևավորմանը, այլ ոչ թե պառակտի հասարակությունը։ 

ԳԱԱ–ն պահանջում է Փաշինյանի հրաժարականը

«Հասարակության ներսում առկա սուր հակասությունները կարող են նվազեցնել երկրի անվտանգության մակարդակը։ Արցախում տեղի ունեցածը, 44–օրյա պատերազմի արդյունքը դաս չեղա՞վ մեզ համար։ Ես լսում էի բողոքներ, թե չգնացին, չեկան, չմասնակցեցին, իսկ հարցն այն է, թե գուցե կոչերը չեն եղել ոգեշնչող կամ գուցե ոմանց հանդեպ վստահությունը եղել է ցածր, որ մարդիկ չեն հավաքվել հանուն հայրենիքի։ Չէ՞ որ ասում էինք Սարդարապատ հայրենական պատերազմ։ Ի՞նչ պատահեց, որ երեք միլիոնով չհավաքվեցինք։ Յուրաքանչյուր մարդ պետք է իրեն տա այդ հարցը և փորձի գտնել պատասխանը»,– նշեց «Մարդկային զարգացման միջազգային կենտրոնի» ղեկավարը։

Թևան Պողոսյանի համոզմամբ` նախ պետք է բացել քաղաքական դաշտը, ստեղծել հնարավորության պատուհան, որպեսզի ի հայտ գան մարդիկ, ովքեր կգիտակցեն սխալներն ու կսկսեն այլ խոսք ասել մարդկանց` հասկանալով առկա մարտահրավերները։ Ըստ նրա` մենք կանգնած ենք ճգնաժամերի շարանի առջև` տնտեսականից մինչև բարոյահոգեբանական, ուստի պետք է կարողանանք հաղթահարել բոլոր ճգնաժամերը, իսկ առաջ շարժվելու համար անհրաժեշտ է, որ փոխվի խոսքը, քանի որ մնալով հին քաղաքականության մեջ և շարունակելով հին խոսքը` որևէ տեղ չենք հասնի։

Ամերիկահայերը Փաշինյանի հրաժարականի պահանջով ստորագրահավաք են սկսել

Պողոսյանի գնահատմամբ` նորը վերաբերում է մոտեցմանը, բոլորս էլ նախկին ենք ու ինչ էլ գտնենք՝ լինելու է նախկիններից։ 

0
թեգերը:
Նիկոլ Փաշինյան, Ճգնաժամ, Թևան Պողոսյան
թեմա:
Իրադրությունը Հայաստանում և Արցախում հայտարարության ստորագրումից հետո (500)
Ըստ թեմայի
Թե ինչպես է հաղթահարվելու քաղաքական ճգնաժամը, ՊՆ–ին ամենաքիչն է վերաբերվում. Տոնոյան
Պայծառ ապագայի գլխավոր թշնամին, կամ ինչպես են պարտված երկրները դուրս եկել ճգնաժամից
Անկայունությունը չի կարող չանդրադառնալ Հայաստանի վարկային վարկանիշի վրա․ տնտեսագետ