Փաշինյանն ու Ծառուկյանը

«Ամեն ինչ կառուցվել է ստի ու ֆեյքերի վրա». Ծառուկյանը վարչապետ դառնալու ցանկություն չունի

353
(Թարմացված է 10:22 21.11.2020)
ԲՀԿ ղեկավարի խոսքով` վարչապետի հրաժարականն անհրաժեշտ է, որովհետև աշխարհում չկա որևիցե դեպք, որ իշխանության ղեկավարը նման պարտություն կրելուց հետո նորից հնարավորություն ունենա բանակցելու։

ԵՐԵՎԱՆ, 21 նոյեմբերի – Sputnik. «Բարգավաճ Հայաստան» կուսակցության ղեկավար Գագիկ Ծառուկյանը կարծում է, որ ներկայիս իշխանությունը հաջողություն չի ունենա, որովհետև երկուսուկես տարի հիմնականում ամեն ինչ կառուցվել է ստի ու ֆեյքերի, ֆեյսբուքների վրա։ Ծառուկյանը նման կարծիք հայտնեց Սաթիկ Սեյրանյանի «Pressing» հաղորդաշարի շրջանակում։

«Այդ ֆեյքերով երկիր է կառավարվել։ Իրական կյանքը լրիվ ուրիշ է, այնտեղ լրիվ ուրիշ է»,–ասաց Ծառուկյանը։

Նրա կարծիքով` այսօր ՀՀ վարչապետ Նիկոլ Փաշինյանի հրաժարականն անհրաժեշտ է, որովհետև աշխարհում չկա որևիցե դեպք, որ իշխանության ղեկավարը, երկրի գերագույն ղեկավարը նման պարտություն կրելուց հետո նորից հնարավորություն ունենա բանակցելու։

«Եթե որևէ մեկն ինձ ապացուցի, որ դրանից հետո հնարավոր է բանակցել, ես ասեմ` հնարավոր է։ Անհնար է։ Նա վայրկյան շուտ պիտի հրաժարական տար։ Ամեն վայրկյանն աշխատում է ի վնաս մեզ»,– նշեց ԲՀԿ առաջնորդը:

Անդրադառնալով Փաշինյանի ներկայացրած 6–ամսյա ճանապարհային քարտեզին` Ծառուկյանն ասել է` իշխանությունն ինչ էլ անի, չի կարող որևէ դրական փոփոխության հասնել։ Նրա խոսքով` այսօր ոչ ոք մեզ հետ ո՛չ խնդիր կկարգավորի, ո՛չ ներդրում կանի, ո՛չ գումար կտրամադրի, քանի որ մենք ամենավերջին էջում ենք հայտնվել։ Ծառուկյանն ասում է` փոփոխություններ ցանկանալը մի բան է,աթոռին կառչած լինելը` այլ բան։ Նրա խոսքով` փոփոխության համար պետք է հիմք լինի, ինչը չկա։

«Փաշինյանը, սպասարկելով որոշ արևմտյան ուժերի, դավաճանել է հայի շահը». ԲՀԿ

Ավելին, ԲՀԿ ղեկավարը վստահ է` նախարարներին փոխելն էլ հարց չի լուծի. այսօր ոչ թե պետք է մարդկանց փոխել, այլ ամբողջ ծրագիրը, կարգավորվեն տարածքային անվտանգության երաշխավորի` բարեկամական երկրի հետ հարաբերությունները։

«Այսօր մեկին պաշտոնին դնելը ճարտար խոսելը չէ։ Ներկա իրավիճակում ցանկացած բանիմաց մարդ այս ծանրության տակ չի մտնի։ Հարցն այն է, որ դա ոչ միայն, ճարտար խոսելով կամ երդվելով պետք է իրականություն դարձնես, կամ սուտ ասելով։ Ժողովուրդը ոնց ընտրել է, այնպես էլ պիտի պահանջի Փաշինյանի հրաժարականը։ Մենք չենք ասում` հեղաշրջում, արյունահեղություն պիտի լինի։ Ո՛չ, ցիվիլ ձևով, ոնց որ կարգն է»,–ասաց Ծառուկյանը։

Անդրադառնալով իր` վարչապետ դառնալու հնարավորությանը` Ծառուկյանը նշեց` ինքը նման ցանկություն չունի։ Ինչ վերաբերում է խոսակցություններին, որ եթե նորերը հեռանան, հներն են իշխանության գալու, նա վստահեցրեց` հներն անցյալ են, հները չեն գալու։

«Ժողովուրդը մտածում է` եթե սա գնա, նախկիններն են գալու։ Ոչ, սա մեխանիզմ է, որ ժողովրդին դնեն թյուրիմացության, շփոթության մեջ»,–ասաց Ծառուկյանը և ավելացրեց` անցյալն անցյալ է մնում. հետադարձ ճանապարհ չկա։։

Հիշեցնենք, որ այս օրերին բողոքի ակցիաներ են ընթանում Փաշինյանի հրաժարականի պահանջով։ ԲՀԿ–ն նույնպես մասնակցում է դրանց։

Երևանում փողոցներ են փակում Փաշինյանի հրաժարականի պահանջով. տեսանյութ

353
թեգերը:
Նիկոլ Փաշինյան, Գագիկ Ծառուկյան, Հայաստան
Ըստ թեմայի
«Փաշինյանն ասել է ամբողջ ճշմարտությունը, ես ավելացնելու բան չունեմ». Պուտին
Նիկոլ Փաշինյանի հեռահար ծրագրերը. նա պլաններ ունի 2021–ի հունիսի համար
Կառավարության կառուցվածքային փոփոխություն չի քննարկվում. Փաշինյան
Բողոքի ակցիա Երևանում

Նիկոլ Փաշինյանը մինչև դեկտեմբերի 8-ը ժամանակ ունի. Սաղաթելյան

80
(Թարմացված է 18:18 05.12.2020)
Իշխան Սաղաթելյանը խոստացավ, որ հրաժարականի դեպքում ժողովուրդը ֆիզիկական հաշվեհարդար չի տեսնի։

ԵՐԵՎԱՆ, 5 դեկտեմբերի – Sputnik. ՀՅԴ Հայաստանի ԳՄ ներկայացուցիչ Իշխան Սաղաթելյանը կառավարական առանձնատների մոտ հայտարարեց, որ ՀՀ վարչապետ Նիկոլ Փաշինյանը մինչև նոյեմբերի 8–ը ժամանակ ունի հրաժարական տալու համար։

«Մինչև երեքշաբթի օրը՝ ժամը 12-ը, ժամանակ ենք տալիս, որ Նիկոլ Փաշինյանն իր քաղաքական թիմի, իր խորհրդատուների հետ վերջնական քննարկի և որոշում ընդունի, հրաժարական տա և հեռանա»,– ասաց նա։

Սաղաթելյանը խոստացավ` հրաժարականի դեպքում ժողովուրդը ֆիզիկական հաշվեհարդար չի տեսնի:

Նրա խոսքով` եթե Փաշինյանը մինչև երեքշաբթի չհեռանա, ամբողջ Հայաստանում անհնազանդության ակցիաներ են անելու։

Հիշեցնենք` ընդդիմադիր կուսակցություններն այսօր համապետական հանրահավաք էին կազմակերպել Երևանում` Ազատության հրապարակում։ 

Հայրենիքի փրկության շարժման հրավիրած հանրահավաքում ելույթներով հանդես եկան ՀՅԴ անդամ Գեղամ Մանուկյանը, Դադիվանքի վանահայր Տեր Հովհաննեսը, դերասան Վիգեն Խաչատրյանը, ԲՀԿ-ական Իվետա Տոնոյանը (քանի որ Գագիկ Ծառուկյանը գտնվում էր ԱԱԾ-ում), ՀՅԴ ԳՄ ներկայացուցիչ Իշխան Սաղաթելյանը, «Հայրենիք» կուսակցության ղեկավար Արթուր Վանեցյանը։

Ապա հանրահավաքի մասնակիցները երթով շարժվեցին դեպի կառավարական առանձնատներ, որտեղ նրանց դիմավորեցին ոստիկանները։

80
թեգերը:
Իշխան Սաղաթելյան, Նիկոլ Փաշինյան, Հայաստան
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Փաշինյանի հրաժարականն ու նրա թիմի հեռացումն այլընտրանք չունի. Գագիկ Ծառուկյան
«Փաշինյանը պետք է գնա, ցանկացած բանական մարդ պահանջում է նրա հրաժարականը». Քոչարյան
«Հայաստանի վարչապետի աթոռին պինդ փաթաթված մարմինը պարզապես քաղաքական դիակ է». Վանեցյան
Մենք երբեք չենք հաշտվի այդ փաստաթղթի հետ. Վազգեն Մանուկյան
Իշխան Սաղաթելյան

Նախարարների թեկնածուները պետք է լինեն հմուտ կառավարիչներ. Իշխան Սաղաթելյանն անուններ չտվեց

11
(Թարմացված է 17:59 05.12.2020)
Երթի մասնակիցներին Երևանի Պռոշյան փողոցում՝ կառավարական առանձնատների մուտքի մոտ, դիմավորեց ոստիկանությունը

ԵՐԵՎԱՆ, 5 դեկտեմբերի - Sputnik. Հայրենիքի փրկության շարժման՝ «Հանո՛ւն Արցախի ու Հայաստանի փրկության» հանրահավաքին հաջորդած երթի մասնակիցներին Երևանի Պռոշյան փողոցում՝ կառավարական առանձնատների մուտքի մոտ դիմավորեց ոստիկանությունը:

Ոստիկանական ուժերը հզոր պատ են կազմել ՀՀ վարչապետի ու իշխանության այլ ներկայացուցիչների առանձնատներ տանող ճանապարհին:

Երթի ընթացքում ՀՅԴ ԳՄ ներկայացուցիչ Իշխան Սաղաթելյանը լրագրողների հետ զրույցում չցանկացավ բացահայտել միասնական կառավարության հնարավոր անդամների անունները:

«Որևէ քննարկում չենք ունեցել: Ունեցել ենք կարևոր սկզբունք, որ թեկնածուները պետք է լինեն հմուտ կառավարիչներ, նորմալ անցյալ ունեցող մարդիկ, հասարակության կողմից ընդունելի»,- ասաց Սաղաթելյանը՝ հավելելով, որ նման մարդիկ իրենց շարքերում ոչ թե մեկ-երկուսն են, այլ բազմաթիվ:

Անուններ հնչեցնելու խնդրանքին ի պատասխան Սաղաթելյանը շեշտեց, որ չի կարող ասել, քանի որ ոչ մի քննարկում դեռ չի եղել:

Հնարավոր ընտրությունների ժամկետ ու մասնակցության հնարավոր ֆորմատներ ևս Սաղաթելյանը չբացահայտեց՝ նշելով, որ այսօր շատ ավելի հրատապ լուծելու հարցեր կան:

«Օրինակ՝ Լաչինի հարցը: Գիտեք, հենց հիմա Սյունիքում խնդիր է դրված, որ Կուբաթլիի և Զանգելանի դիրքերը հանձնեն: Չկա պետություն»,- ասաց նա:

ՀՅԴ անունից Սաղաթելյանը հայտարարեց, որ երբեք չեն համակերպվելու Շուշիի ու Հադրութի կորստի հետ: Դա չի նշանակում, որ վաղը գնալու են նոր պատերազմի, բայց ճիշտ ժամանակին հետ են բերելու, վստահեցրեց նա:

Հիշեցնենք, որ Ազատության հրապարակում հրավիրված հանրահավաքում ելույթներով հանդես են եկել ՀՅԴ-ից Գեղամ Մանուկյանը, Դադիվանքի վանահայր Տեր Հովհաննեսը, դերասան Վիգեն Խաչատրյանը, ԲՀԿ-ից Իվետա Տոնոյանը (քանի որ Գագիկ Ծառուկյանը գտնվում էր ԱԱԾ-ում), ՀՅԴ ԳՄ ներկայացուցիչ Իշխան Սաղաթելյանը, «Հայրենիք» կուսակցության ղեկավար Արթուր Վանեցյանը։

Իսկ վարչապետի միասնական թեկնածու Վազգեն Մանուկյանը ներկայացրեց ժամանակավոր կառավարության ծրագրային այն դրույթները, որոնք անհետաձգելի լուծում են պահանջում:

11
թեգերը:
Նիկոլ Փաշինյան, Իշխան Սաղաթելյան, երթ, հանրահավաք