Գագիկ Ծառուկյան

«5 ժամ բանակցում էին, հետո ասում` սուրճ ենք խմել, կոնսուլտացիա ենք արել». Գագիկ Ծառուկյան

198
(Թարմացված է 10:18 21.11.2020)
«Բարգավաճ Հայաստան» կուսակցության նախագահ Գագիկ Ծառուկյանը Սաթիկ Սեյրանյանի «Pressing» հաղորդաշարի շրջանակում խոսել է պատերազմում պարտվելու պատճառների, հանրահավաքներին չմասնակցելու և Ռուսաստանի հետ հարաբերությունները կարգավորելու կարևորության մասին։

ԵՐԵՎԱՆ, 21 նոյեմբերի – Sputnik. «Բարգավաճ Հայաստան» կուսակցության նախագահ Գագիկ Ծառուկյանը կարծում է, որ արցախյան պատերազմում պարտվելու պատճառն անփորձությունն էր։

«Իմ ձերբակալման օրը ասել եմ` Ծառուկյանին ձերբակալելով` Ղարաբաղի հարցը չեք լուծի։ Պետք էր հավաքվել, քննարկել, հակադարձել Ծառուկյանին։ Ամենագետ մարդ չկա, մարդիկ պետք է փորձ ունենան, պետք է պատասխան տան իրենց արածների համար։ Գնում էին բանակցությունների։ Հարցնում էինք` ի՞նչ եք բանակցել։ Ասում էին` մենք ենք որոշողը` ինչ ենք բանակցել, ժողովուրդը մեզ 90 տոկոս ձայն է տվել, մենք էլ որոշելու ենք։ 5 ժամ բանակցում էին, հետո էլ ասում էին` սուրճ ենք խմել, կոնսուլտացիա ենք արել։ Այ ձեր ցավը տանեմ, էլի արել եք, բայց այսօր ո՞վ պիտի պատասխան տա։ Հարցը որոշել եք` առանց քննարկելու ընդդիմության, ժողովրդի հետ։ Այն ժամանակ ասում էին` որոշողը ժողովուրդն է։ Հենց ոտքերը պնդեցին, արդեն էլ ի՞նչ ժողովուրդ, ի՞նչ քննարկել, իրենք ամենագետ են, և իրենց անփորձությունը, ամենագիտությունը բերեց, հասցրեց սրան»,– ասել է նա Սաթիկ Սեյրանյանի «Pressing» հաղորդաշարի շրջանակում։

Նրա խոսքով` իրադարձությունների նման զարգացումը կարելի էր կանխել, եթե ամրապնդվեին Ռուսաստանի հետ հարաբերությունները։

Սև հանդերձանք, չինարեն գրություններ. ովքե՞ր էին Երևանում քաղաքացիներին բերման ենթարկողները

«Ասում են` այդ առումով ամեն ինչ նորմալ է, բայց հակառակ աշխատանքներ են կատարում։ Սեպտեմբերի 29-ից մեր ռուս գործընկերները մեզ նամակ են ուղարկել, ասել` մենք պատրաստ ենք գալ, բանակցել, 3 ժամվա մեջ դադար լինի, որպեսզի այսպիսի խայտառակ պարտություն չլինի` զոհերը մի կողմից, ավերածությունը` երկրորդ կողմից, անհայտ կորածները` երրորդ կողմից, 90 հազար էլ արցախցի էլ այսօր փողոցում են։ Ասում են` անպայման գնացեք Արցախ։ Մարդը Շուշիից է, որտե՞ղ գնա, Քելբաջարից է, որտե՞ղ գնա։ Որտե՞ղ կա այդքան բնակարան, որ այդ 90 հազարը գնան, բնակվեն։ Հերիք է սուտ ասեն, մարդկանց խաբեն, ահաբեկեն։ Ռուսաստանի նախագահը հաստատեց, որ եթե մենք դիմեինք, լիարժեք պատրաստ էին, որ հրադադար լիներ, բանակցություններ լինեին, բանակցային կարգավիճակով այդ հարցերը լուծվեին։ Բայ ցայսօր այս խայտառակ պարտությունից հետո ի՞նչ բանակցություն կարող է լինել։ Հիմա Փաշինյանն Ալիևի հետ նստի, ո՞նց բանակցի, ինչի՞ շուրջ բանակցի»,– շեշտում է նա։

ԲՀԿ առաջնորդն անդրադարձավ նաև ընդդիմության կազմակերպած հանրահավաքներին` նշելով, թե ինչու ինքը չի մասնակցում դրանց։

«Շատ պարզ պատճառով։ Երբ պիտի հանրահավաք լինի, 1 ժամ, 40 րոպե առաջ Ծառուկյանին ծանուցագիր են բերում, բերողներն էլ` գնդապետ կամ փոխգնդապետ, որ ես պիտի ներկայանամ հարցաքննության։ Հենց որ հանրահավաք պիտի լինի, ես արդեն գիտեմ, որ ինձ պիտի հրավիրեն, ես էլ գնամ։ Նրանց հիմնական մտավախությունն այն է, որ Ծառուկյանը ժողովրդի հետ հանդիպի։ Բայց ես ուզում եմ ասել, որ պետք չէ Ծառուկյանից վախենալ, պետք է վախենան իրենց վարած քաղաքականությունից, իրենց պարտությունից, ամբողջ աշխարհի հայությունից, զոհված ու անհետ կորած զինվորների ծնողներից»,– ասաց նա։

Հիշեցնենք, որ այս օրերին բողոքի ակցիաներ են ընթանում Փաշինյանի հրաժարականի պահանջով։ ԲՀԿ–ն նույնպես մասնակցում է դրանց։

Միակ լուծումն ազգային համաձայնության կառավարություն ձևավորելն է. նախագահ

198
թեգերը:
Ռուսաստան, Նիկոլ Փաշինյան, Գագիկ Ծառուկյան, Հայաստան
Նախագահ Արմեն Սարգսյանը հանդիպել է ռուսաստանահայ համայնքի ներկայացուցիչների հետ

Այս երկու տարում ես Սահմանադրությունը չեմ խախտել իմ նյարդերի հաշվին․ նախագահ

327
(Թարմացված է 16:11 29.11.2020)
Արմեն Սարգսյանի խոսքով՝ վերջին 2,5 տարիների ընթացքում օգտագործվել է իր ներուժի մոտ 5 տոկոսը, որովհետև այդպիսին է Հայաստանի ներկայիս Սահմանադրությունը։

ԵՐԵՎԱՆ, 29 նոյեմբերի - Sputnik. Մասնավոր այցով Մոսկվայում գտնվող Հայաստանի նախագահ Արմեն Սարգսյանը հանդիպել է ռուսաստանահայ համայնքի ներկայացուցիչների հետ, տեղեկացնում է նախագահի կայքը։ Նրանք հարցրել են նախագահին Արցախի և Հայաստանի իրավիճակից, քննադատական գնահատականներ հնչեցրել ՀՀ կառավարության և նախագահի հասցեին։

«Դժգոհություններ են հայտնվել նաև նախագահի և նախագահական ինստիտուտի վերաբերյալ, միաժամանակ, նշվել է, որ այն Հայաստանում իշխանության միակ ինստիտուտն է, որը հստակ արտահայտել է իր դիրքորոշումը՝ կոչ արել կառավարությանը հրաժարական տալ», - ասված է հաղորդագրությունում։

Президент Армен Саркисян встретился с некоторыми представителями российских армян (29 ноября 2020). Москва
© Photo / official site of the President of RA
Նախագահ Արմեն Սարգսյանը հանդիպել է ռուսաստանահայ համայնքի ներկայացուցիչների հետ

Ի պատասխան քննադատություններին Սարգսյանը ասել է, որ վերջին 2,5 տարիների ընթացքում օգտագործվել է իր ներուժի մոտ 5 տոկոսը, որովհետև այդպիսին է Հայաստանի ներկայիս Սահմանադրությունը։

«Ինձ համար ամենամեծ ցավն այն է, որ 2,5 տարիների ընթացքում օգտագործվել է իմ ներուժի մոտ 5 տոկոսը։ Ոչ թե այն պատճառով, որ չեմ առաջարկել կամ պնդել, այլ որովհետև այդպիսին են մեր Սահմանադրությունն ու պետությունը։ Այս տարիներին ես մշտապես փորձել եմ օրենքները և Սահմանադրությունը չխախտել։ Այս երկու տարիներին ես դրանք չեմ խախտել՝ իմ նյարդերի հաշվին», - ասել է Սարգսյանը։

ՀՀ նախագահ Արմեն Սարգսյանը մեկնել է Մոսկվա

Նախագահն ասել է, որ ցանկալի են արտահերթ ընտրությունների, ժամանակավոր ազգային միասնության կառավարության, Սահմանադրության փոփոխության հանրաքվեի կազմակերպումը։ Անդրադառնալով այն հարցին, թե ով կարող է լինել հաջորդ վարչապետ, նախագահը ասել է, որ երկրի համար ավելի էական են կայացած ինստիտուտները, ոչ թե հաջողակ անհատները։

Президент Армен Саркисян встретился с некоторыми представителями российских армян (29 ноября 2020). Москва
© Photo / official site of the President of RA
Նախագահ Արմեն Սարգսյանը հանդիպել է ռուսաստանահայ համայնքի ներկայացուցիչների հետ

«Մենք մշտապես մեր խնդիրների լուծումները կապում ենք ինչ-որ անհատի հետ։ Երբ մեկը դառնում է նախարար, ապա կարծում է, որ նախարարությունն իրենն է, և մարդիկ ևս կարծում են, որ նախարարությունն նրանն է։ Այդ իսկ պատճառով մեզ մոտ, շատ հաճախ, նախարարությունները չեն աշխատում՝ որպես ինստիտուտներ, այլ՝ աշխատում են որպես այդ մարդու սեփականություն։ Չի կարող երկիրը պատերազմ հաղթել՝ չունենալով ուժեղ ինստիտուտներ», - ասել է նախագահը։

Հավակնո՞ւմ է արդյոք վարչապետ դառնալ. պատասխանում է ՀՀ նախագահ Արմեն Սարգսյանը

Սարգսյանը ասել է, որ ինքը չի հավակնում վարչապետ դառնալուն, բայց իր դերը տեսնում է այդ մարդուն օգնելուն։ Ինչ վերաբերում է գործող վարչապետ Նիկոլ Փաշինյանին, Սարգսյանը ասել է հետևյալը․ «Եթե քաղաքական գործիչը ուժեղ է, կարող է հետո վերադառնալ»։

Նշենք, որ ԼՂ վերաբերյալ եռակողմ հայտարարությունից հետո 16 ընդդիմադիր կուսակցություններ (սկզբում 17-ն էին՝ ներառյալ «Ալյանսը» - խմբ․) հանրահավաքներ են անցկացնում վարչապետ Նիկոլ Փաշինյանի հրաժարականի պահանջով։ 

Նույն պահանջով կառավարության գլխավոր մասնաշենքի դիմաց մի քանի օր է՝ հացադուլավորներ են նստած։

327
թեգերը:
Հայ համայնք, Մոսկվա, Արմեն Սարգսյան
Ըստ թեմայի
Արմեն Սարգսյանը հանդիպում է ունեցել Սերգեյ Լավրովի հետ. ՀՀ նախագահը 2 խնդրի մասին է խոսել
Հորդանանի թագավորը կաջակցի հայկական Սուրբ Կարապետ եկեղեցու վերանորոգմանը. Արմեն Սարգսյան
«Դու պետք է կարողանաս նույնիսկ թշնամիներին մոտ լինել կամ մոտիկից իմանալ». Արմեն Սարգսյան
Ռեջեփ Էրդողան

Թուրքական «կրուտիտլար». Էրդողանը փորձում է Արցախը վերաբնակեցնել թուրքմենական ընտանիքներով

546
(Թարմացված է 00:08 28.11.2020)
Անկարան ամեն գնով ուզում է խցկվել Արցախի ու ընդհանրապես Հարավային Կովկասի շուրջ ծավալվող բուռն գործընթացների մեջ։ Թուրքիան ցանկանում է ամեն կերպ հասնել դրան։

Արման Վանեսքեհյան, Sputnik Արմենիայի քաղաքական վերլուծաբան

Հենց հիմա Էրդողանը մի շարք փորձեր է ձեռնարկում, որ դառնա Արցախի հարցի շուրջ բանակցային գործընթացի անմիջական ու լիարժեք մասնակից։ Ըստ ամենայնի՝ թուրք առաջնորդը մեծ ծրագիր է իրագործում, որի նպատակներից մեկը Սիրիայի թուրքոմաներին Արցախում վերաբնակեցնելուն։

Եթե ոչ թուրքոմաներ, գոնե բեդվիններ

Անկարան սկսել է գրանցել Սիրիայում ապրող թուրքմենական ընտանիքներին, որոնք պատրաստ են բնակվել Թուրքիայի անմիջական աջակցությամբ Ադրբեջանի սանձազերծած պատերազմի ժամանակ Արցախից գրաված տարածքներում։ Այս տեղեկությունը սկսել է միաժամանակ տարածվել մի քանի անկախ աղբյուրներից։

Օրինակ՝ Human Rights Organization - Afrin – Syria կազմակերպությունը պնդում է, որ սիրիական Աֆրինի թուրքական օկուպացիոն իշխանությունն այս տարի վերաբնակիչների հավաքագրման երկու կետ է բացել։ Նույնիսկ դրանց վայրն է հայտնի՝ Popular Credit Bank-ի Աֆրինի նախկին գրասենյակը ու «Ռոնահի» տպարանը։ Հետաքրքիր է, որ գրանցվում են ոչ միայն Աֆրինում բնակվող թուրքմենական ընտանիքները, այլև արաբ բեդվինները սիրիական Հոմս գավառից։ Կարելի էր զարմանալ, բայց...

Ստեղծված իրավիճակը վերլուծելիս պետք է հասկանալ, որ թուրքերն առաջին անգամ չէ, որ դիմում են նման մարտավարության։ Պետք է հիշել հարյուր տարվա վաղեմություն ունեցող պատմությունը․հենց այդպես` էթնիկ զտումների ճանապարհով Աթաթուրքի ժամանակ թուրքերը ժողովրդագրական բարեփոխումների հասան, երբ Թուրքական Հանրապետություն էին ստեղծում։ Այն ժամանակ տեղահանում ու կոտորում էին ոչ միայն հայերին, այլև հույներին, ալևիներին, գրեթե բոլոր քրիստոնյա ազգերին։

Այն ժամանակ մշտական բնակեցման համար այդ տարածք էին բերում թաթարների, թուրքերի, որոնց տեղավորում էին ավելի զարգացած արևմտյան շրջաններում՝ Կոստանդնուպոլիսում և այլն։ Նման ժողովրդագրական մանիպուլյացիաներն արդյունավետ դուրս եկան, ու հետագայում Անկարան բազմիցս օգտագործեց այդ գործիքակազմը։

Ղարաբաղի համար ռազմական բժիշկներ են ուղարկում. Ռուսաստանից երկու Իլ-76 ինքնաթիռ է թռել

Արդեն յոթանասունականներին Թուրքիան նույն միջոցով տեղահանեց գրաված Կիպրոսի հյուսիսային հատվածների բնակիչներին ու իր գաղութաբնակներին բերեց։ Ընդ որում՝ որոշ գնահատականների համաձայն՝ խոսքն ավելի քան երկու հարյուր հազար թուրքի մասին է․նրանք մայր Թուրքիայից Հյուսիսային Կիպրոսում  վերաբնակեցվեցին։ Արդյունքում Անկարան վերահսկողություն ստացավ չճանաչված Հյուսիսային Կիպրոսի Հանրապետությունում անցկացվելիք ընտրությունների ու հանրաքվեների արդյունքների նկատմամբ։

Մեխանիզմն արդարացրել է իրեն ու նոր բան հորինելու իմաստ չկա։ Գրաված սիրիական Աֆրինից հանեցին թշնամի համարող քրդերին, այնտեղ բնակեցրեցին սունի արաբների, որոնք հաստատում էին իրենց թյուրքական ծագումը։ Թուրքերի համար ձեռնտու չէ նրանց Արցախում բնակեցնել, այդ պատճառով փնտրում են մոտակայքում՝ Հոմս գավառում։

Իդլիբում շատերն են պատրաստ քլունգը փոխարինել ինքնաձիգով ու Արցախ մեկնել

Իսկ եթե հաշվի առնենք, որ Ռուսաստանի ջանքերով մարտական գործողությունների դադարեցումից հետո էլ ահաբեկչական խմբավորումները շարունակում են մնալ Արցախի գրաված տարածքներում ու բուն Ադրբեջանում, ապա կարելի է կանխատեսել, որ այդ մի քանի հազար գրոհայինը հաճույքով այնտեղ կտեղափոխեն իրենց ընտանիքներին։ Ահա և ստացվում է, որ մի քանի տարի անց այդ շրջանի ժողովրդագրական պատկերն ամբողջովին կփոխվի։  

Այդ ժամանակ պաշտոնական Բաքուն հաճույքով կհամաձայնի բուն Արցախում հանրաքվեի անցկացմանը, արդյունքներն էլ սիրով ցույց կտա ամբողջ աշխարհին։ Ու ոչ մի ռուս խաղաղապահ չի փրկի իրավիճակը, որքան էլ Ռուսաստանը փորձի պահել ուժերի, իրավունքի ու հայ և վերաբնակեցված թյուրքական բնակչության հավասարակշռությունն Արցախում։

Ի դեպ, իրադարձությունների հավանական զարգացման մի հետաքրքիր տրամաբանություն կանխատեսեց ռազմական լրագրող Սեմյոն Պեգովը (@wargonzoo)։ Խոսելով Իդլիբում կուտակված ահաբեկչական թափթփուկների մասին` Սեմյոնն ասաց, որ նրանց շարքում այդքան շատ չեն պրոֆեսիոնալ գրոհայինները, որոնք պատերազմն իրենց աշխատանքն են դարձրել։ Մի քսան տոկոս։ Մնացածը գյուղացիներ են, որոնք հաճույքով կփոխարինեն իրենց քլունգները «Կալաշնիկով» ինքնաձիգով` իրենց նվիրած հողակտորն ու տունը պաշտպանելու համար, եթե նրանց ընտանիքների հետ Արցախի գրաված շրջաններ տեղափոխվեն։ Նույն Իդլիբում նրանք շատ են, իսկ Արցախում հայերի դուրս գալուց հետո ազատ հողը շատ է։ Այնպես որ պետք է հասկանալ՝ ոչ ոքի ստիպելու կարիք չի լինի, իրենք են խնդրելու, որ վերաբնակեցվեն։

Էրդողանն ուզում է Արցախի շրջանները բնակեցնել սիրիացի գրոհայիններով. Սեմյոն Պեգով

Հաշվի առնելով այդ ամենը՝ հասկանալի է դառնում՝ ինչու Թուրքիայի խորհրդարանը հնարավորինս սեղմ ժամկետում որոշում կայացրեց իր զորքն Արցախյան վերջին պատերազմի արդյունքում Ադրբեջանի կողմից գրաված տարածք մտցնելու մասին։ Մոսկվայի ու Անկարայի նախկինում ձեռքբերված պայմանավորվածությունների տարընթերցումները նույն շարքից են։

Խոսքն այն մասին է, որ թեև Կրեմլը բազմիցս հայտարարել է, որ բուն արցախյան տարածքներում թուրք խաղաղապահների հետ համատեղ պարեկություն չի լինելու, Թուրքիայի նախագահ Էրդողանն ու պաշտպանության նախարար Խուլուսի Աքարն արդեն քանի անգամ է խոսում են ինչ-որ դիտորդական կետերի համատեղ պարեկության մասին։

Տիպիկ թուրքական «կրուտիտլար»

Ի դեպ, քաղաքական դաշտում նան մանիպուլյացիաները բնորոշ են թուրքական դիվանագիտությանը։ Ռուսաստանի նախագահ Վլադիմիր Պուտինի ու նրա թուրք գործընկերոջ վերջերս կայացած հեռախոսազրույցում Արցախի շուրջ բանակցային գործընթացին այլ երկրների ներգրավման մասին խոսակցություն չի եղել։

Համենայն դեպս, Կրեմլի մամուլի ծառայության հաղորդմամբ՝ «կարծիքների փոխանակում է եղել հակամարտության գոտում հրադադարի ու բոլոր ռազմական գործողությունների վերահսկման կենտրոնի ստեղծման վերաբերյալ»։ Սակայն հաջորդ օրը Էրդողանը բավականին անսպասելի հայտարարություն արեց, որն ամենայն հավանականությամբ, զարմացրեց նաև Կրեմլի ներկայացուցիչներին։ Հայտարարությունը հետևյալն էր․

«Մենք՝ Թուրքիան, Ադրբեջանն ու Ռուսաստանը, ապահովելու ենք խաղաղությունը տարածաշրջանում,  - ասել է Էրդողանը խորհրդարանում իր ելույթի ժամանակ, - սակայն նաև այդ գործընթացը լավացնելու հնարավորություն ունենք։ Ես և պարոն Պուտինը քննարկել ենք նաև տարածաշրջանի այլ երկրների հետ զարգացման աշխատանքը։  

Այսինքն՝ պետք է հասկանալ, թե Թուրքիան նույնպես հարավ-կովկասյան տարածաշրջանում խաղաղության երաշխավո՞ր է։

Կներեք, բայց ինչպե՞ս, եթե վերջին հարյուր տարվա մեջ ամբողջ այս տարածաշրջանը Թուրքիայի համար «պատերազմի» գոտի է։ Պուտինն ինքն է բազմիցս հայտարարել, որ հաշվի առնելով հարյուր տարվա վաղեմության պատմությունն ու ժողովուրդների (խոսքը հայերի ու թուրքերի մասին է) միջև բավականին բարդ հարաբերությունները, թուրքական բանակի ներկայությունը հայերի բնակեցման վայրերում (նույնիսկ որպես խաղաղապահ) ան-ցան-կա-լի է։

Պուտինն ու Էրդողանը կրկին քննարկել են ԼՂ-ի հայտարարության կատարման ընթացքը

Իսկ Էրդողանը «դուխովացել» ու այլ անսպասելի հայտարարություն է արել․«...Մենք նաև պարոն Պուտինի հետ քննարկել ենք տարածաշրջանի այլ երկրների հետ հրադադարի  ռեժիմի ընդլայնման աշխատանքը...Եթե երեք պետություններին ավելացնենք չորրորդ կամ հինգերորդ տարածաշրջանային երկիրը, ապա կարելի է այլ իրավիճակ ստանալ»։

Պուտինի մամուլի քարտուղար Պեսկովի արձագանքը տարածաշրջանի երրորդ, չորրորդ ու հինգերորդ երկրների մասին հարցին զուսպ էր։ Նա բառացի ասաց հետևյալը․«Երեկ երեկոյան մեր տարածած հաղորդագրությունից բացի ու դրանից ավելի ոչինչ չեմ կարող ձեզ ասել»։  Պետք է հասկանալ, որ նման պայմանավորվածություն չի եղել, իսկ Էրդողանն ինմպրովիզացիա է անում՝ թուրքական դիվանագիտությանը բնորոշ ոճով։

546
թեգերը:
Վլադիմիր Պուտին, Սիրիա, Ռեջեփ Թայիփ Էրդողան, Թուրքիա, Ղարաբաղյան հակամարտություն, Լեռնային Ղարաբաղ, Արցախյան պատերազմ, Արցախ
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Սիրիայից ահաբեկիչներ են տեղափոխում Արցախի՝ Ադրբեջանի վերահսկողության տակ անցած տարածքներ
Արցախի ճանաչմամբ և բնակավայրերի վերադարձով է հնարավոր խաղաղության հաստատումը. Միրզոյան
Վիրտուալ պետություն, կամ ինչպես են աշխատում արցախցիներին և ընդդիմադիրներին հալածող ֆեյքերը
Կորոնավիրուսից մահացածի թաղում Թեհրանի մոտակա գերեզմանատանը

Իրանը նոր հակառեկորդ է գրանցել. 13 000 դեպք՝ մեկ օրում 

0
(Թարմացված է 17:49 29.11.2020)
2020 թ-ի փետրվարի 19-ից, երբ Իրանի իշխանությունները հայտարարեցին վարակի առաջին դեպքի մասին, մինչ օրս երկրում գրանցվել է վարակի 948 749 և մահվան 47 875 դեպք:

ԵՐԵՎԱՆ, 29 նոյեմբերի, Sputnik. Իրանը նոր հակառեկորդ է սահմանել. վերջին 1 օրում հայտնաբերվել է կորոնավիրուսով վարակվելու շուրջ 13 000 նոր դեպք:

Ինչպես հաղորդում է ՌԻԱ Նովոստին, այս մասին հայտարարել է ԻԻՀ առողջապահության նախարարության պաշտոնական ներկայացուցիչ Սիմա Սադաթ Լարին:

Նրա խոսքով ՝ անցած 24 ժամվա ընթացքում գրանցվել է կորոնավիրուսով վարակման 12 950 նոր դեպք, մահացել է 389 մարդ:

2020 թ-ի փետրվարի 19-ից, երբ Իրանի իշխանությունները հայտարարեցին վարակի առաջին դեպքի մասին, մինչ օրս երկրում գրանցվել է վարակի 948 749 և մահվան 47 875 դեպք: Ապաքինվածների թիվը 658 292 է։

Իրանի առողջապահության նախարարության ներկայացուցիչը նաև արձանագրել է, որ դեպքերի աճին հակառակ, երկրում նվազել է կորոնավիրուսից մահացության ցուցա նիշը, ինչը, սակայն, ըստ նրա, չի կարելի ընկալել որպես COVID-19-ի իրադրության լավացում:
Համաճարակաբանական իրավիճակն Իրանում լրջորեն վատացել է վերջին ժամանակներում։ Երկիրը բազմիցս հակառեկորդ է սահմանե, և, եթե սեպտեմբերին վատթարագույն ցուցանիշը օրական 3,5 հազար վարակի դեպքեր էին, ապա նոյեմբերի՝ արդեն՝ 13 000-ը:

0