Նիկոլ Փաշինյան

Փաշինյանի «ճանապարհային քարտեզն» ուշացած է ու հնացած. վերլուծում են փորձագետները

471
Փորձագետները վստահ են, որ ՀՀ վարչապետ Նիկոլ Փաշինյանի հայտարարած արմատական փոփոխությունները չեն կարող փոխել պատերազմից հետո երկրում ստեղծված իրավիճակը։

ԵՐԵՎԱՆ, 18 նոյեմբերի – Sputnik. Մոտակա կես տարվա գործողությունների նախագիծը, որը նշված է ՀՀ վարչապետ Նիկոլ Փաշինյանի կազմած ճանապարհային քարտեզում, ոչ միայն ժամանակավրեպ է, այլև չի արտացոլում ընթացիկ իրականությունը։ Նշված կետերի մի մասը պետք է վաղուց արդեն իրականացված լիներ կամ գոնե գտնվեր իրականացման փուլում։ Իսկ ինչ վերաբերում է պատերազմի հետևանքների վերացման հարցերին, ապա դա բխում է իրադարձությունների տրամաբանությունից, այդտեղ որևէ արտասովոր բան չկա, կարծում են որոշ փորձագետներ` նշելով, որ գլխավոր հարցին, թե ով, ինչպես և ինչ միջոցների հաշվին է լուծելու դրված խնդիրները, այդպես էլ պատասխան չի տրվել։

ՀՀ վարչապետ Նիկոլ Փաշինյանն այսօր հայտարարեց, որ մտադիր է լայնամասշտաբ բարեփոխումներ իրականացնել և ներկայացրեց իրենց ամենակարևոր անելիքների ճանապարհային քարտեզը։ Նա կրկին ասաց, որ իրեն է համարում ստեղծված վիճակի թիվ 1 պատասխանատուն և իրավիճակը հաղթահարելու ու երկրում կայունություն և անվտանգություն հաստատելու հիմնական պատասխանատուն նույնպես ինքն է։ Վարչապետը ներկայացրեց 15 խնդիր, որոնք պետք է լուծվեն կարճաժամկետ, միջնաժամկետ և երկարաժամկետ հեռանկարում։

ԱՊՀ երկրների ինստիտուտի հայաստանյան մասնաճյուղի տնօրեն, քաղաքագետ Ալեքսանդր Մարկարովը Sputnik Արմենիայի թղթակցի հետ զրույցում վարչապետի «ճանապարհային քարտեզը» պայմանականորեն բաժանեց մի քանի հատվածի` սոցիալ-տնտեսական իրավիճակ, ներքաղաքական իրավիճակ, հետպատերազմական շրջան և Արցախի կարգավիճակի հարց։

«Ինչ վերաբերում է սոցիալ-տնտեսական բաղկացուցչին, ապա COVID-19-ի դեմ պայքարը չպետք առանձին կետով ներառված լիներ, պետք է լիներ հստակ ծրագիր՝ հստակ քայլերով։ Հայաստանը սոցիալ-տնտեսական զարգացմանն ուղղված հստակ քայլերի կարիք միշտ է ունեցել»,-ասաց Մարգարովը։

Ըստ նրա` երկրի բոլոր սոցիալ-տնտեսական խնդիրներն ավելի են սրվել հետպատերազմական շրջանում՝ կորոնավիրուսային ճգնաժամի ֆոնին։ Մարկարովն ընդգծեց, որ խնդիրները բարձրաձայնելը բավարար չէ, շատ ավելի կարևոր է մատնանշել լուծումների որոնման ուղիները, կոնկրետ ռեսուրսները, գործողությունները, կոնկրետ մարդկանց, մասնագետներին։ Կարևոր է նաև այս ամենի բովանդակային պարունակությունը։

Փորձագետը կարծում է, որ բացի իրականացման հետ կապված հարցերից վարչապետի առջև դրված է նաև հասարակության բևեռացման խնդիրը՝ նրա վարկանիշի անկման ֆոնին։

Նրա խոսքով՝ ստեղծվել է մի իրավիճակ, երբ ինչ-որ մեկը գործադիր իշխանությունից իր ցանկությամբ է հեռանում (ինչպես արտաքին գործերի և արտակարգ իրավիճակների նախարարներ Զոհրաբ Մնացականյանի և Ֆելիքս Ցոլակյանի դեպքում), իսկ ինչ-որ մեկին էլ վարչապետը չի տեսնում իր շարքերում։ Միևնույն ժամանակ 17 ընդդիմադիր կուսակցությունների ներկայացուցիչները Փաշինյանին չեն տեսնում որպես իշխանության ղեկավար։

Մարկարովի խոսքով` բևեռացումը ծայրահեղացնում է ոչ միայն տեսլականների տարբերությունը, այլև սեփական հայացքների ու գաղափարների շուրջ միավորվելու փորձը։

«Փաշինյանն ու ընդդիմությունը խոսում են միասնականության, իրենց բևեռների շուրջ միավորվելու մասին»,-ասաց Մարկարովը։

Քաղտեխնոլոգ Վիգեն Հակոբյանն իր հերթին Sputnik Արմենիայի թղթակցի հետ զրույցում նշեց, որ «ճանապարհային քարտեզը» չի արտացոլում ընթացիկ իրավիճակը, իսկ մի շարք կետեր առհասարակ հնացել են, դրանց մասին հանրությունը լսում է վերջին երկուսուկես տարում։

«Հանրության կողմից ձևավորված և նախագահի կողմից պաշտոնական մակարդակի բարձրացված օրակարգն այլ է։ Այսօր սկզբունքային հարց է դրված, որ իշխանությունները, վարչապետը, որոնք երկիրը հասցրել են պարտության, կապիտուլյացիա են ստորագրել, որի հետևանքով տարածքներ ենք կորցրել, ունենք մեծ թվով փախստականներ և հազարավոր զոհեր, պետք է հրաժարական տան»,-ասաց Հակոբյանը։

Նրա խոսքով՝ ստեղծվել է մի իրավիճակ, երբ ոչ ոք պատասխան չի տալիս, այլ պատասխանատվություն է կրում։

Հակոբյանը որպես ելք տեսնում է վարչապետի հրաժարականը, ժամանակավոր կառավարության ձևավորումը և արտահերթ ընտրությունների օր հայտարարելը։ Ժամանակավոր կառավարության խնդիրը երկրում իրավիճակի կայունացումն է, այն հավասարակշռության բերելն ու ներքին և արտաքին քաղաքական լարվածությունը նվազեցնելը։

Ինչ վերաբերում է Լեռնային Ղարաբաղի կարգավիճակի հարցի կարգավորմանը, ապա Հակոբյանը կարծում է, որ դրանով պետք է նոր բանակցող զբաղվի։ Միայն նոր դեմքը կարող է մեղմել իրավիճակը և բանակցությունները նոր, Երևանի համար բարենպաստ հունի մեջ դնել։ Նա դժվարությամբ է պատկերացնում, թե ինչպես պետք է կապիտուլյացիա ստորագրած մարդը բանակցությունների սեղանի մոտ նստի Ադրբեջանի նախագահ Իլհամ Ալիևի հետ։

«Փախստականների և վիրավորների հարցերով պետք է զբաղվեն պրոֆեսիոնալները, ոչ թե այն թիմը, որի անգործությունը կամ ոչ պրոֆեսիոնալ լինելը նման ելքի հանգեցրին։ Նոր կառավարությունը պետք է փորձի վերացնել այդ հետևանքները»,-ասաց Հակոբյանը։

Նրա հետ համակարծիք է քաղտեխնոլոգ Կարեն Քոչարյանը։ Sputnik Արմենիայի հետ զրույցում քաղտեխնոլոգը նշեց, որ քիչ հավանական է համարում վարչապետի` իշխանության ղեկին մնալը։

«Այն մարդը, որը երկիրը և ժողովրդին այս իրավիճակին է հասցրել, չի կարող իշխանության մնալ և փորձել էլի ինչ-որ բան անել։ Այն ամենը, ինչ նա արել է, մենք արդեն տեսել ենք»,-ասաց Քոչարյանը։

471
թեգերը:
Կարեն Քոչարյան (քաղտեխնոլոգ), Վիգեն Հակոբյան, Ալեքսանդր Մարկարով, Նիկոլ Փաշինյան, Հայաստան
Ըստ թեմայի
Պարտված ղեկավարը չի կարող բանակցություններ վարել. Միքայել Մելքումյան
Ո՞ւմ ձեռքում է իրավիճակից դուրս գալու հաղթաթուղթը. քաղաքագետը` Սարգսյանի մասին
«Մենք ցանկություն չունենք իշխանության գալու». Շարմազանովը ներողություն խնդրեց ժողովրդից
Գոռ Գևորգյան

Եվս մեկ պատգամավոր լքեց «Իմ քայլը» խմբակցությունը

141
(Թարմացված է 13:45 01.12.2020)
Պատգամավորն ընդգծել է, որ այս շրջանում ակնհայտ դարձած որոշակի իրողությունների, մեր պետության առջև ծառացած մի շարք առանցքային և խնդրահարույց հարցերի շուրջ առկա սկզբունքային տարաձայնություններից ելնելով է որոշել լքել խմբակցությունը։

ԵՐԵՎԱՆ, 1 դեկտեմբերի - Sputnik. ԱԺ «Իմ քայլը» խմբակցության պատգամավոր Գոռ Գևորգյանը դուրս է գալիս խմբակցությունից և ԱԺ–ում իր գործունեությունը կշարունակի որպես անկախ պատգամավոր: Տեղեկությունը նա հայտնել է Facebook-ի իր էջում։

Նա նշել է, որ Հայաստանի և Արցախի առջև ծառացած խնդիրների ինստիտուցիոնալ լուծումներին կարելի է հասնել միայն համազգային համախմբման, ներքաղաքական կայունության և ՀՀ Սահմանադրությանն անվերապահորեն հետևելով:

«Այս օրերին փորձել եմ ջանքերս ուղղել գործընկերներիս հետ երկխոսելու, ստեղծված իրավիճակը սթափ գնահատելու և մեր պետության համար առավել արդյունավետ լուծումներ գտնելու գործին»,–գրել է նա:

Պատգամավորն ընդգծել է, որ այս շրջանում ակնհայտ դարձած որոշակի իրողությունների, մեր պետության առջև ծառացած մի շարք առանցքային և խնդրահարույց հարցերի շուրջ առկա սկզբունքային տարաձայնություններից ելնելով է որոշել լքել «Իմ քայլը» խմբակցությունը։ Գևորգյանը նշել է, որ քաղաքական գործունեություն սկսելու ամենակարևոր մղումը եղել է նոր, ավելի ուժեղ Հայաստան կառուցելու գործին լծվելու գաղափարը: «Կյանքում և գործունեությանս ընթացքում կաշկանդված չեմ եղել մտքերս արտահայտելու և դիրքորոշումս հայտնելու հարցերում և այս առումով կարծում եմ` կայացված որոշումը ընկալելի կլինի նաև խմբակցության այն գործընկերներիս համար, ովքեր ավելի լավ գիտեն սկզբունքներիս և արժեքներիս նկատմամբ միշտ հավատարիմ լինելու պարտավորությանս մասին»,–գրել է պատգամավորը:

Այսուհետ ևս, շարունակելու եմ ուժերիս ներածի չափով ծառայել հայրենիքիս:

Կիսում եմ ժողովրդիս ցավն ու վիշտը, խոնարհումս բոլոր նահատակների շիրիմներին, հերոս մարտիկներին և Հայոց բանակին:

Նշենք, որ մանդատից հրաժարվելու որոշման մասին նոյեմբերի 16–ին հայտնել էր նաև «Իմ քայլի» պատգամավոր Գայանե Աբրահամյանը:

Իսկ «Իմ քայլի» պատգամավոր Թագուհի Թովմասյանը ևս հայտարարել էր, որ դուրս է գալիս իշխող խմբակցությունից: ևս մեկ պատգամովր «Իմ քայլը» խմբակցությունից` Լուսինե Բադալյանը կրկին նոյմեբերի 16–ին հայտարարել էր մանդատը վայր դնելու մասին։

Հրաժարականների այս հայտարարությունները հաջորդեցին ՀՀ վարչապետ Նիկոլ Փաշինյանի Facebook-ում կատարած այն գրառմանը, թե ինքը Երևանում սպասում է արցախյան առաջնագծի զինվորներին, որը ՀՀ ՄԻՊ Արման Թաթոյանը որակել էր որպես քաղաքացիական բախումների կոչ:

141
թեգերը:
ԱԺ, Հայաստան, Գոռ Գևորգյան, Պատգամավոր, «Իմ քայլը» խմբակցություն
Ըստ թեմայի
Դավիթն ասում է` հրամանատար չի եղել, զինվորներից մեկի մայրը հեկեկալով դիմում է իշխանությանը
«Չեմ կարող համակերպվել այս իրողությունների հետ». Հունան Պողոսյանը` իր հրաժարականի մասին
Վարչապետի գրառումը ևս մեկ ապացույց էր, որ դատախազությունը Փաշինյանի խամաճիկն է. Ալումյան
Լևոն Տեր–Պետրոսյանն ու Նիկոլ Փաշինյանը

«Ինչ ուզում է` թող դուրս տա». ինչու Տեր–Պետրոսյանը չի մեկնաբանում Փաշինյանի ասածները

572
(Թարմացված է 13:43 30.11.2020)
Հայ ազգային կոնգրեսի խոսնակ Արման Մուսինյանը պատասխանել է լրագրողներին հարցումներին։

ԵՐԵՎԱՆ, 31 նոյեմբերի – Sputnik. Հայ ազգային կոնգրեսի խոսնակ Արման Մուսինյանը հայտնում է, որ ՀՀ առաջին նախագահ Լևոն Տեր–Պետրոսյանն անիմաստ է համարում ՀՀ վարչապետ Նիկոլ Փաշինյանի հրապարակումները մեկնաբանելը։

«Նախագահ Տեր-Պետրոսյանը անիմաստ է համարում անդրադառնալ ազգակործան պատուհասի հոգեկան տվայտանքներին: Ինչ ուզում է` թող դուրս տա: Միևնույն է` նա արդարանալու ոչ մի ճար չունի: Հայ ժողովուրդը նրան երբեք չի ներելու»,– Facebook–ի իր էջում գրել է Մուսինյանը:

 

Հիշեցնենք՝ ՀՀ վարչապետ Նիկոլ Փաշինյանն այսօր Facebook–ի իր էջում մանրամասներ էր հայտնել ՀՀ առաջին և երկրորդ նախագահներ Լևոն Տեր–Պետրոսյանի և Ռոբերտ Քոչարյանի` պատերազմական օրերին մոսկովյան այց նախատեսելու մասին։

Քոչարյանի գրասենյակի ղեկավար Վիկտոր Սողոմոնյանը Sputnik Արմենիայի հետ զրույցում մեկնաբանել էր Փաշինյանը գրառումը։

572
թեգերը:
Լևոն Տեր–Պետրոսյան, Նիկոլ Փաշինյան, Հայաստան
Ըստ թեմայի
Ինչպես միշտ, նա սուտ է խոսում. Վիկտոր Սողոմոնյանը` Փաշինյանի գրառումների մասին
«Ազգային անվտանգության» ղեկավար Գառնիկ Իսագուլյանի հայտարարություններով կզբաղվի ԱԱԾ–ն
«Անմեղի օրագրից» կամ «մեղավորի օրագրից». Մարուքյանն արձագանքել է Փաշինյանի գրառումներին
Արխիվային լուսանկար

Ստեփանակերտում կասետային ռումբերի պայթյուններ կլսվեն

0
(Թարմացված է 14:49 01.12.2020)
ԱՀ արտակարգ իրավիճակների պետական ծառայությունը խնդրում է պայթյուններ լսելու դեպքում խուճապի չմատնվել։

ԵՐԵՎԱՆ, 1 դեկտեմբերի - Sputnik. Արցախի մայրաքաղաք Ստեփանակերտում այսօր կրկին պայթյուններ կլսվեն։ ԱՀ արտակարգ իրավիճակների պետական ծառայությունը խնդրում է պայթյուններ լսելու դեպքում խուճապի չմատնվել. սակրավորները շարունակում են զենք-զինամթերքի վնասազերծման աշխատանքները։

«Ժամը 15:00-ի սահմաններում Ստեփանակերտի Լազարև փողոցում տեղի կունենա տարածքից հայտնաբերված «Սմերչ» համազարկային ռեակտիվ հրթիռից արձակված կասետային ռումբերի ականազերծում»,- նշված է հաղորդագրության մեջ։

Հիշեցնենք, որ ԱԻ պետական ծառայության սակրավորական ջոկատները շարունակում են Ստեփանակերտը և բոլոր բնակավայրերը մաքրել պայթուցիկ զինատեսակներից և դրանց մնացորդներից: 

Հավելենք, որ Արցախում ականազերծման աշխատանքներ են իրականացնում նաեւ ռուս սակրավորները։

Մինչ օրս նրանք վնասազերծել են շուրջ 1000 պայթունավտանգ առարկա։

0
թեգերը:
ականազերծում, Սակրավոր, Արցախ