Ռուբեն Ռուբինյան

Թուրք-ադրբեջանական դրոշներով էստակադա չի լինելու. Ռուբինյանը պատասխանեց Մարուքյանին

723
(Թարմացված է 11:45 17.11.2020)
ԱԺ պատգամավոր Էդմոն Մարուքյանը հայտարարել էր, որ լուրեր են տարածվում, թե Մեղրիով կառուցվող ճանապարհը լինելու է էստակադա ու դրա վրա լինելու են Թուրքիայի ու Ադրբեջանի դրոշները:

ԵՐԵՎԱՆ, 17 նոյեմբերի — Sputnik. Ստորագրված եռակողմ հայտարարության մեջ որևէ հղում չկա Մեղրիին, Սյունիքի մարզին կամ որևէ էստակադայի, առավել ևս՝ թուրքական կամ ադրբեջանական դրոշներով: Այսօր ԱԺ ամբիոնից հայտարարեց «Իմ քայլը» խմբակցության պատգամավոր Ռուբեն Ռուբինյանը՝ արձագանքելով «Լուսավոր Հայաստան» խմբակցության ղեկավար Էդմոն Մարուքյանի ելույթին, թե Հայաստանում արդեն լուրեր են տարածվում, որ Մեղրիով կառուցվող ճանապարհը լինելու է էստակադա ու դրա վրա լինելու են Թուրքիայի ու Ադրբեջանի դրոշները:

«Եվ երկրորդ՝ պատերազմի ժամանակ չի եղել որևիցե պահ, երբ հնարավոր է եղել պատերազմը կանգնեցնել ավելի լավ պայմաններով, և դա չի արվել: Սա նույնպես ապատեղեկատվություն է»,- ասաց Ռուբինյանը՝ այս անգամ արդեն արձագանքելով «Բարգավաճ Հայաստանի» պատգամավոր Միքայել Մելքումյանի այն հայտարարությանը, թե Ռուսաստանը պատերազմի առաջին իսկ օրերից է առաջարկել ռազմական դիտորդներ ուղարկել Հայաստան, ԼՂ և Ադրբեջան:

Ռուբինյանն առաջարկեց ԱԺ ամբիոնից ելույթներից առաջ հիշել ՀՀ քաղաքացիներին, որոնք մեծ ցավ ունեն ու նման ելույթներ են լսում: Իշխանական պատգամավորն ընդդիմությանը մեղադրեց ցավի կապիտալիզացիայի մեջ:

Այս հայտարարությունից հետո դահլիճում աղմուկ բարձրացավ, բայց Ռուբինյանը շարունակեց ելույթը:

Ընդդիմությունը պահանջում է ԱԺ-ում քննարկել եռակողմ համաձայնագիրն ու վարչապետի հրաժարականը

«Ձեզ չի՞ հետաքրքրում, թե ինչու մեզանից հիասթափված մարդիկ չեն գալիս ձեր հանրահավաքներին: Որովհետև դուք չեք խոսում ապագայի մարին, չեք խոսում պրոբլեմների լուծման մասին: Մի զբաղվեք ցավի կապիտալիզացիայով»,- ասաց Ռուբինյանը:

Հայաստանը ՄԻԵԴ է դիմել Գորիս-Շուշի ճանապարհին անհայտ կորած 10 քաղաքացիների հարցով

Նշենք, որ ՀՀ ազգային ժողովը հրադադարի հաստատումից հետո այսօր առաջին անգամ հերթական քառօրյա նիստն է գումարել:

Նիստին ներկա է 81 պատգամավոր, այդ թվում նաև` ընդդիմադիր խմբակցությունների ներկայացուցիչները:

723
թեգերը:
Մեղրի, Ադրբեջան, Թուրքիա, Եռակողմ հայտարարություն, Էդմոն Մարուքյան, Ռուբեն Ռուբինյան, ԱԺ
թեմա:
Իրադրությունը Հայաստանում և Արցախում հայտարարության ստորագրումից հետո (516)
Ըստ թեմայի
Ռուս ինժեներասակրավորական ստորաբաժանման զինծառայողները տեղափոխվում են ԼՂ
Վարչապետը շարունակում է իր աշխատանքը կատարել կառավարության շենքում. խոսնակ
Շարունակեք պահպանել պետական կառույցը. Զոհրաբ Մնացականյանը հրաժեշտ է տվել ԱԳՆ անձնակազմին
Ադրբեջանի արտգործնախարարություն

Ադրբեջանի ԱԳՆ-ն բողոքի նոտա է հանձնել Ֆրանսիայի դեսպանին ԼՂՀ-ի հետ կապված բանաձևի պատճառով

1
Ավելի վաղ Ադրբեջանի խորհրդարանն ընդունել էր հայտարարություն՝ բողոք հայտնելով Ֆրանսիայի Սենատին Ղարաբաղի մասին բանաձևի պատճառով։

ԵՐԵՎԱՆ, 26 նոյեմբերի — Sputnik. Բաքվում Ֆրանսիայի դեսպան Զաքարի Գրոսին կանչել են Ադրբեջանի ԱԳՆ, որտեղ նրան բողոքի նոտա են հանձնել Ղարաբաղի հարցով Սենատի ընդունած բանաձևի վերաբերյալ։ ՌԻԱ Նովոստիի հետ զրույցում ասել է գերատեսչության պաշտոնական ներկայացուցիչ Լեյլա Աբդուլաևան։

Այսօր Ադրբեջանի խորհրդարանը (Միլի Մեջլիս) հայտարարություն է ընդունել, որում Ֆրանսիայի Սենատին բողոք է հայտնել Արցախի վերաբերյալ բանաձևի կապակցությամբ, իսկ երկրի կառավարությանն առաջարկել է դիմել ԵԱՀԿ-ին` Ֆրանսիային Մինսկի խմբի համանախագահների կազմից հեռացնելու համար: Բացի այդ, Ադրբեջանի խորհրդարանը կոչ է արել կառավարությանը վերանայել քաղաքական ու տնտեսական հարաբերությունները Ֆրանսիայի հետ։

Նոյեմբերի 25-ին Ֆրանսիայի Սենատը ձայների բացարձակ մեծամասնությամբ բանաձև ընդունեց՝ կոչ անելով երկրի կառավարությանը ճանաչել Արցախը։ Բանաձևը նաև դատապարտում է Ադրբեջանի ռազմական ագրեսիան, որն իրականացվել է Թուրքիայի և օտարերկրյա վարձկանների աջակցությամբ, ինչպես նաև պահանջում է ադրբեջանական զինված ուժերն ու նրանց աջակցող կազմավորումներն անհապաղ հեռացնել սեպտեմբերի 27-ի ռազմական գործողությունների սկսվելուց հետո գրավված տարածքներից:

Փաստաթուղթը Ֆրանսիայի կառավարությանը հորդորում է աջակցություն ցուցաբերել Արցախի խաղաղ բնակչությանը, ինչպես նաև ստեղծել Լեռնային Ղարաբաղում ռազմական հանցագործությունների, մասնավորապես խաղաղ բնակչության դեմ հանցագործությունների հետաքննության միջազգային հանձնաժողով:

Բանաձևը Ֆրանսիայի կառավարությանը կոչ է անում բոլոր ջանքերը գործադրել բանակցային գործընթացը վերսկսելու, 1994 թ-ին գծված սահմաններն ապահովելու, ինչպես նաև հայ բնակչության անվտանգությունն ու տեղահանված անձանց վերադարձի իրավունքը ապահովելու համար:

Մեկնաբանելով Ֆրանսիայի Սենատի որոշումը`Ադրբեջանի նախագահի օգնական Հիքմեթ Հաջիևը հայտարարել է, որ Բաքուն Ղարաբաղի վերաբերյալ բանաձևը գնահատում է որպես սովորական թղթի կտոր և շատ ամոթալի քայլ Ֆրանսիայի քաղաքականության ու պառլամենտարիզմի համար:

Հաջիևը Ֆրանսիայի կառավարությանը խորհուրդ է տվել նման սադրիչ քայլերի անթույլատրելիության մասին պաշտոնական դիրքորոշում արտահայտել և բանաձևը դատապարտող հայտարարությամբ աջակցություն հայտնել Ադրբեջանի տարածքային ամբողջականությանը:

1
Նիկոլ Փաշինյանը մարզպետների մասնակցությամբ խորհրդակցություն է անցկացրել

Մենք չենք պատրաստվում փախչել որևէ տեղ. Նիկոլ Փաշինյան

91
Նիկոլ Փաշինյանը մարզպետների մասնակցությամբ խորհրդակցություն է անցկացրել։ Վարչապետն ասել է` ինչն է այս պահին ամենամեծ խնդիրը։

ԵՐԵՎԱՆ, 26 նոյեմբերի - Sputnik. ՀՀ վարչապետ Նիկոլ Փաշինյանը կարծում է, որ այժմ պետք է սկսել ապագայի մասին խոսակցությունը։ Փաշինյանը նման կարծիք է հայտնել մարզպետների մասնակցությամբ խորհրդակցության ժամանակ։

Նորանշանակ նախարարը 2 ծրագիր ներկայացրեց, Փաշինյանը բացատրեց դրանց բովանդակությունը

«Ինչպես ենք պատրաստվում շարունակել ապրել և ինչ նպատակներ ու ապագա ենք պատրաստվում գծագրել, ուղենշել բոլորիս համար: Սա ամենակարևոր խոսակցությունն է, որ այսօր պետք է տեղի ունենա: Ձեռք բերված համաձայնությունների ու պայմանավորվածությունների կատարումը շատ ցավոտ են, բայց այդ որոշումը կայացվել է մի իրավիճակում, երբ, ըստ էության, այլընտրանքը կարող էր լինել ավելի ծանր, ինչքան էլ տեղի ունեցածը խնդրահարույց է բոլորիս համար»,- ասել է վարչապետը՝ հավելելով, որ պետք է որպես հանրություն, որպես պետություն կայացնել որոշում, թե մենք ինչ ենք ուզում. այս ծանր ժամանակներն ապրո՞ւմ ենք, վերապրո՞ւմ ենք, թե՞ չենք վերապրում:

Премьер-министр Никол Пашинян провел консультации в правительстве с участием губернаторов регионов (26 ноября 2020). Еревaн
© Photo / official site of the Prime minister of RA
Նիկոլ Փաշինյանը մարզպետների մասնակցությամբ խորհրդակցություն է անցկացրել

Նրա խոսքով` այսօր ամենամեծ խնդիրը, որ պետք է լուծվի` արտաքին ու ներքին անվտանգությունն ու կայունությունն ապահովել կարողանալն է։

Փաշինյանն ասել է նաև, որ իրենք պետք է կարողանան իրենց ուսերին կրել այդ բեռը, ոչ թե նրա համար, որ դա հաճելի է իրենց, այլ որովհետև դրա այլընտրանքը կարող է լինել կործանարար:

Ինչի համար է ՀՀ կառավարությունը գումար վերցրել «Հայաստան» հիմնադրամից

«Այնպես որ, հույս ունեմ, որ բոլորս տրամադրվում ենք այսպես, որովհետև հակառակը կլինի փախուստ: Հակառակը կլինի ուղղակի փախուստ: Մենք չենք պատրաստվում փախչել որևէ տեղ: Եվ պատրաստվում ենք լիարժեք կրել այս բեռը, բայց նաև հույս ունենալով, որ այս ծանրության տակից կարողանալու ենք դուրս գալ լավատեսության և ապագայի որոշակի հիմքով, տեսլականով, ապագայի վերաբերյալ որոշակի պատկերացումներով»,- ընդգծել է Փաշինյանը:

Հանդիպման ընթացքում քննարկվել են պատերազմի հետևանքով մարզերում ստեղծված իրավիճակը, սոցիալ-տնտեսական խնդիրները, տարբեր ոլորտներում իրականացվող կապիտալ ծրագրերի ընթացքն ու առաջիկա քայլերը:

91
թեգերը:
Նիկոլ Փաշինյան, Մարզպետ, կառավարություն
Ըստ թեմայի
Գերիների և անհետ կորածների թեման շահարկվում է կառավարության բացթողումները ծածկելու համար
Դուք եկել եք՝ խաբեք, գնաք տուն. անհետ կորածների ծնողները դժգոհ են կառավարության աշխատանքից
«Ի՞նչ է լինելու վաղը» հարցի պատասխանը կառավարության որևէ անդամ չի տալիս. Արամյան