Արսեն Կարապետյան

«Այլևս չունեմ ուժ, եռանդ ու հավես». Երևանի ավագանու իմքայլական անդամը վայր է դնում մանդատը

288
(Թարմացված է 18:27 16.11.2020)
Արսեն Կարապետյանը նշել է, որ ամենաշատն ամաչում է այն անմարդկային բեռի համար, որ դրել ենք մեր 18-20 տարեկան զինվորների ուսերին։

ԵՐԵՎԱՆ, 16 նոյեմբերի - Sputnik. Երևանի ավագանու «Իմ քայլը» խմբակցության անդամ Արսեն Կարապետյանը վայր է դնում մանդատը։ Նա Facebook սոցցանցի իր էջում գրառում է կատարել` հայտնելով որոշման մասին։ Կարապետյանն, ի դեպ, այս օրերին առաջնագծում էր։

«Քանի որ շատ են հարցնում, ասեմ, որ այսօր վերադարձա ֆիզիկապես լիովին անվնաս, շնորհակալ եմ անհանգստանալու համար։ Որոշել եմ ավագանուց դուրս գալ՝ այլեւս չունեմ ուժ, եռանդ ու հավես Երևանի շենքերով զբաղվելու, ազատ ժամանակս տրամադրելու եմ ընտանիքիս։ Ներողություն, եթե չեմ արդարացրել սպասումները»,–գրել է նա։

Կարապետյանը նաև հավելել է, որ ամենաշատն ամաչում է այն անմարդկային բեռի համար, որ դրել ենք մեր 18-20 տարեկան զինվորների ուսերին։

Արսեն Կարապետյանը ճարտարապետ է, d՛Արվեստանոց ստուդիայի հիմնադիրը։

2018թ. սեպտեմբերի 23-ին կայացած Երևանի ավագանու արտահերթ ընտրությունների արդյունքում «Իմ քայլը» կուսակցությունների դաշինքի համամասնական ցուցակով ընտրվել էր Երևան քաղաքի ավագանու անդամ:

ԱԺ «Իմ քայլը» խմբակցության ևս մեկ պատգամավոր պատրաստվում է վայր դնել մանդատը

288
թեգերը:
Արսեն Կարապետյան, մանդատ, Երևանի ավագանի
թեմա:
Իրադրությունը Հայաստանում և Արցախում հայտարարության ստորագրումից հետո (565)
Ըստ թեմայի
«Իմ քայլի» պատգամավորը վայր է դնում մանդատը
ԱԺ «Իմ քայլը» խմբակցության ևս մեկ պատգամավոր պատրաստվում է վայր դնել մանդատը
Գագիկ Ծառուկյանին ուզում են զրկել պատգամավորական մանդատից
Վիկտոր Սողոմոնյան

Ինչպես միշտ, նա սուտ է խոսում. Վիկտոր Սողոմոնյանը` Փաշինյանի գրառումների մասին

1027
(Թարմացված է 22:10 29.11.2020)
Ռոբերտ Քոչարյանի գրասենյակից արձագանքել են վարչապետ Փաշինյանի ֆեյսբուքյան գրառումներին։

ԵՐԵՎԱՆ, 29 նոյեմբերի - Sputnik. ՀՀ 2–րդ նախագահ Ռոբերտ Քոչարյանի գրասենյակի ղեկավար Վիկտոր Սողոմոնյանն արձագանքել է ՀՀ վարչապետ Նիկոլ Փաշինյանի` արցախյան թեմայով գրառումներին։

«Փաշինյանի այսօրվա երկու գրառումների մասին՝ կարճ. ինչպես միշտ, նա սուտ է խոսում»,–գրել է Սողոմոնյանը։ Նա խոստացել է այս թեմային ավելի մանրամասն անդրադառնալ գալիք շաբաթվա ընթացքում։

ՀՀ վարչապետ Նիկոլ Փաշինյանն այսօր Facebook-ում Արցախյան պատերազմի մասին գրառում էր արել և նշել, որ 2011-ից Հայաստանն արդեն ստանձնել էր Լեռնային Ղարաբաղի 7 շրջանները հանձնելու պատրաստակամություն և պատրաստ եղել այդ մասին պարտավորություն ստորագրել, բայց Ադրբեջանը նոր պահանջներ է առաջ քաշել:

Իր 2–րդ գրառմամբ Փաշինյանը հայտնել էր, որ արտախորհրդարանական ուժերի հետ հանդիպման ժամանակ նրանց տեղեկացրել է, որ որոշում է կայացրել ընդունելու Պուտինի հրադադարի առաջարկը: «Նրանցից շատերի արձագանքը դժկամ էր, ոմանք նիստից հետո սոցիալական ցանցերում գրում էին, որ նրանք, ովքեր ժողովրդին ետ կպահեն հետագա պայքարից, դավաճան են և այլն»,- գրել էր Փաշինյանը:

Վարչապետը նաև հայտնել էր, թե այդ պահին, եթե անգամ Հադրութի հարցով համաձայներ, Շուշին Ադրբեջանին հանձնելու հնարավորությունը չէր պատկերացնում:

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր 1960 զինվորականի չափով, հրազենային զենքով, 90 զրահատրանսպորտային և 380 ավտոմեքենաներով և հատուկ տեխնիկայով։

Խաղաղապահները մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

Հայտարարության ստորագրումից հետո ՀՀ վարչապետ Նիկոլ Փաշինյանը Facebook–ի իր էջում գրեց, որ անձամբ իր և բոլորի համար չափազանց ծանր որոշում է կայացրել:

Փարիզը Ղարաբաղի մասին եռակողմ հայտարարության մասին իմացել է Փաշինյանի Facebook-յան էջից

Փաշինյանի հայտարարությունից հետո բազմաթիվ մարդիկ շարժվեցին դեպի Հանրապետության հրապարակ, մի խումբը ներխուժեց կառավարության գլխավոր մասնաշենք ու վարչապետի աշխատասենյակ, մի մասն էլ շարժվեց դեպի Բաղրամյան պողոտա ու մտավ Ազգային ժողովի շենք։ ԱԺ նախագահ Արարատ Միրզոյանը ծեծի ենթարկվեց, նրան տեղափոխեցին հիվանդանոց։

Նշենք, որ Թուրքիայի աջակցությամբ Ադրբեջանի սանձազերծած պատերազմի ընթացքում, ըստ վերջին տվյալների, հայկական կողմից զոհվել են 1678 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։

1027
թեգերը:
Facebook, Ղարաբաղյան հակամարտություն, Լեռնային Ղարաբաղ, Արցախյան պատերազմ, Նիկոլ Փաշինյան, Վիկտոր Սողոմոնյան, Ռոբերտ Քոչարյան
թեմա:
Իրադրությունը Հայաստանում և Արցախում հայտարարության ստորագրումից հետո (565)
Ըստ թեմայի
Արցախյան վերանվաճում, կամ Հայաստանում հնարավո՞ր է «գերմանական հրաշքի» կրկնություն
«Գնում եմ Արցախ, որ հետո տղաս չգնա». բժիշկ Նարեկն Ապրիլյանից վերադարձավ, հիմա չստացվեց
Գերիների վերադարձն ու անհայտ կորածների խնդիրներն առաջնային են. բողոքի երթը` լուսանկարներով
Էդուարդ Շարմազանով

Ո՛չ Հադրութի և ո՛չ էլ Շուշիի մասին խոսք չի եղել. Շարմազանովն արձագանքել է Փաշինյանին

669
(Թարմացված է 20:15 29.11.2020)
ՀՀԿ խոսնակը նշել է, որ դեռևս հոկտեմբերի 12-ին է Նիկոլ Փաշինյանին առաջարկել խնդրել Պուտինին, որ կանգնեցվի պատերազմը։

ԵՐԵՎԱՆ, 29 նոյեմբերի – Sputnik. ՀՀԿ ԳՄ անդամ Էդուարդ Շարմազանովը Facebook-ում կատարած գրառմամբ պատասխանել է ՀՀ վարչապետ Նիկոլ Փաշինյանի գրառմանը՝ հրադադարի ու Շուշին հանձնելու առաջարկի մասին:

«Հոկտեմբերի 19-ին արտախորհրդարանական ուժերի հետ հանդիպմանը հողատուն խոսել է բացառապես 7 շրջաններից. ո՛չ Հադրութի և ո՛չ էլ Շուշիի մասին խոսք չի եղել»,- Փաշինյանի հետ ունեցած փակ հանդիպման որոշ մանրամասներ է ներկայացնում Շարմազանովը:

Նա նաև հայտնում է, որ դրանից շուրջ մեկ շաբաթ առաջ՝ հոկտեմբերի 12-ին, Նիկոլ Փաշինյանին առաջարկել է խնդրել Պուտինին, որ կանգնեցվի պատերազմը։

«Ավելին. ասել եմ, որ այսօրվա զինադադարի առաջարկը վաղը կարող է չլինել ու պատերազմը շարունակվելու դեպքում հնարավոր են նոր մարդկային ու տարածքային կորուստներ։ Բայց նա դա չի արել ու շարունակել է ժողովրդից թաքցնել իրականությունն ու ասել թե հաղթում ենք»,- գրում է Շարմազանովը։

ՀՀԿ խոսնակը նաև հիշեցնում է, որ Փաշինյանը հոկտեմբերի 19-20-ին մերժել է ՌԴ նախագահի՝ պատերազմը դադարեցնելու առաջարկը, ինչը Պուտինի բնորոշմամբ, իր համար «անհասկանալի» է եղել։ «Իսկ այսօր լկտիաբար ստում է, թե Պուտինը իր պատասխանը «տրամաբանական» է համարել»,- նշում է նա:

ՀՀ վարչապետ Նիկոլ Փաշինյանն այսօր, ավելի վաղ Facebook-ում Արցախյան պատերազմի մասին հերթական գրառում էր արել, որտեղ հայտնել էր, որ արտախորհրդարանական ուժերի հետ հանդիպման ժամանակ նրանց տեղեկացրել է, որ որոշում է կայացրել ընդունելու Պուտինի հրադադարի առաջարկը: «Նրանցից շատերի արձագանքը դժկամ էր, ոմանք նիստից հետո սոցիալական ցանցերում գրում էին, որ նրանք, ովքեր ժողովրդին ետ կպահեն հետագա պայքարից, դավաճան են և այլն»,- գրել էր Փաշինյանը:

Վարչապետը նաև հայտնել էր, թե այդ պահին, եթե անգամ Հադրութի հարցով համաձայներ, Շուշին Ադրբեջանին հանձնելու հնարավորությունը չէր պատկերացնում:

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր 1960 զինվորականի չափով, հրազենային զենքով, 90 զրահատրանսպորտային և 380 ավտոմեքենաներով և հատուկ տեխնիկայով։

Խաղաղապահները մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

Հայտարարության ստորագրումից հետո ՀՀ վարչապետ Նիկոլ Փաշինյանը Facebook–ի իր էջում գրեց, որ անձամբ իր և բոլորի համար չափազանց ծանր որոշում է կայացրել:

Փարիզը Ղարաբաղի մասին եռակողմ հայտարարության մասին իմացել է Փաշինյանի Facebook-յան էջից

Փաշինյանի հայտարարությունից հետո բազմաթիվ մարդիկ շարժվեցին դեպի Հանրապետության հրապարակ, մի խումբը ներխուժեց կառավարության գլխավոր մասնաշենք ու վարչապետի աշխատասենյակ, մի մասն էլ շարժվեց դեպի Բաղրամյան պողոտա ու մտավ Ազգային ժողովի շենք։ ԱԺ նախագահ Արարատ Միրզոյանը ծեծի ենթարկվեց, նրան տեղափոխեցին հիվանդանոց։

Նշենք, որ Թուրքիայի աջակցությամբ Ադրբեջանի սանձազերծած պատերազմի ընթացքում, ըստ վերջին տվյալների, հայկական կողմից զոհվել են 1678 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։

669
թեգերը:
Հադրութ, Շուշի, Վլադիմիր Պուտին, Ռուսաստան, Ղարաբաղյան հակամարտություն, Լեռնային Ղարաբաղ, Արցախյան պատերազմ, Եռակողմ հայտարարություն, Նիկոլ Փաշինյան, Էդուարդ Շարմազանով
թեմա:
Իրադրությունը Հայաստանում և Արցախում հայտարարության ստորագրումից հետո (565)
Ըստ թեմայի
«Գնում եմ Արցախ, որ հետո տղաս չգնա». բժիշկ Նարեկն Ապրիլյանից վերադարձավ, հիմա չստացվեց
Ադրբեջանը նախատեսում է հաղթական շքերթ կազմակերպել ու երթով անցկացնել հայ ռազմագերիներին
Գերիների վերադարձն ու անհայտ կորածների խնդիրներն առաջնային են. բողոքի երթը` լուսանկարներով
Աղվան Վարդանյան

Ասուլիս. «13 հարց և բացահայտում»

0
(Թարմացված է 12:40 30.11.2020)
Դեկտեմբերի 1-ին, ժամը 13:00-ին Sputnik Արմենիա մամուլի կենտրոնում տեղի կունենա քաղաքական գործիչ, ՀՀ ԱԺ նախկին պատգամավոր, Հայաստանի աշխատանքի և սոցիալական ապահովության նախկին նախարար Աղվան Վարդանյանի մամուլի ասուլիսը: Ասուլիսի թեման. «13 հարց և բացահայտում»:

Հարգելի գործընկերներ, դուք կարող եք ներկա գտնվել Sputnik Արմենիա մուլտիմեդիոն մամուլի կենտրոնում և հարցերն ուղղել անձամբ: Մուտքը՝ միայն դիմակներով: 

Ասուլիսը կհեռարձակվի Facebook–ի և Youtube–ի մեր էջերում:

Հարցերը կարող եք նաև ուղարկել v.aloyan@sputniknews.com էլեկտրոնային հասցեին:

Հեռ.` +374(98) 180-626, +374(91) 42-12-35։

0