Անդրանիկ Քոչարյան

ԱԺ հերթական նիստերին «Իմ քայլը» ներկա է լինելու

86
(Թարմացված է 14:18 13.11.2020)
«Իմ քայլի» պատգամավոր Անդրանիկ Քոչարյանն ասել է, որ ընդդիմության հրավիրած արտահերթ նիստին իշխող խմբակցությունը չի մասնակցել, քանի որ չմասնակցելու որոշում է եղել։

ԵՐԵՎԱՆ, 13 նոյեմբերի — Sputnik. ԱԺ «Իմ քայլը» խմբակցության անդամ, Պաշտպանության և ազգային անվտանգության հարցերի մշտական հանձնաժողովի նախագահ Անդրանիկ Քոչարյանն այսօր ԱԺ–ում լրագրողների հետ զրույցում վստահեցրեց, որ ինքն անձամբ ու իր ղեկավարած հանձնաժողովն այս օրերին եղել են ԱԺ–ում։

«Մեր հանձնաժողովը կես օր է բացակայել» ,– ասաց նա։

Ինչ վերաբերում է խորհրդարանի`բնականոն աշխատանքի անցնելուն, Քոչարյանը վստահեցրեց, որ ԱԺ հերթական նստաշրջանին իշխող խմբակցության անդամները ներկա կլինեն, իսկ ընդդիմության հրավիրած արտահերթ նիստին չեն մասնակցել, քանի որ չմասնակցելու որոշում է եղել։

«Նիստերն անպայման պետք է լինեն, և քննարկելու բազմաթիվ խնդիրներ կան։ Բայց պետք է պատրաստ լինի այն օրակարգը, որը բխում է մեր երկրի ներքին ու արտաքին անվտանգությունից»,– ասաց պատգամավորը։

Քոչարյանը շեշտեց, որ հակառակորդը փորձել է ցանկացած իրավիճակ իր օգտին օգտագործել։ Այդ է պատճառը, որ ներկա դադարը շատ կարևոր է ցանկացած զարգացման պատրաստվելու ու պատրաստ լինելու համար։

Արցախի նախագահը հանդիպել է պատգամավորների հետ. նրանց մի մասը հրաժարական է պահանջում

Հիշեցնենք` նոյեմբերի 9-ին Ռուսաստանի, Հայաստանի և Ադրբեջանի ղեկավարներ Վլադիմիր Պուտինը, Նիկոլ Փաշինյանը և Իլհամ Ալիևը, համատեղ հայտարարություն են ստորագրել Ղարաբաղում հրադադարի մասին, որով հայկական կողմը համաձայնել է մի շարք տարածքային զիջումների: Լեռնային Ղարաբաղում ամբողջական հրադադարը ուժի մեջ է մտել նոյեմբերի 10-ին 00։00-ից:

Հրադադարի ռեժիմը և ռազմական գործողությունները վերահսկելու համար Ռուսաստանի Դաշնության խաղաղապահ զորակազմը տեղակայվել է հակամարտության գոտում։ Այն բաղկացած է 1960 զինծառայողից, 90 զրահամեքենայից, 380 միավոր մեքենայից ու հատուկ տեխնիկայիորոշ քանակց:

Որոշումը քննադատության փոթորիկ է առաջացրել Հայաստանում, քաղաքական– հասարակական որոշ շրջանակներ ՀՀ վարչապետին ու իշխող քաղաքական ուժին մեղադրում են ազգային շահերին դավաճանելու մեջ: Երևանում արդեն մի քանի օր է, ինչ տեղի են ունենում բողոքի ակցիաներ, որոնց կազմակերպիչներն ու մասնակիցները բերման են ենթարկվում ու ձերբակալվում։

ԱԺ ընդդիմադիր խմբակցությունները փորձեցին ԱԺ արտահերթ նիստ հրավիրել` իրավիճակը քննարկելու համար, բայց «Իմ քայլի» ու քվորումի բացակայության պատճառով այդ նախաձեռնությունը տապալվեց։

86
թեգերը:
Անդրանիկ Քոչարյան, Նիստ, ԱԺ, «Իմ քայլը» խմբակցություն
թեմա:
Իրադրությունը Հայաստանում և Արցախում հայտարարության ստորագրումից հետո (642)
Ըստ թեմայի
Ճիշտ է, փաստաթուղթը չի որոշում Արցախի վերջնական կարգավիճակը. Արմեն Սարգսյան
Սա ծանր փոթորիկ է հատկապես այն սերնդի համար, որը հպարտ էր 1994 թվականի հաղթանակով. նախագահ
Արցախցիների նկատմամբ ատելություն և թշնամանք հրահրող տեսանյութն ուղարկվել է ԱԱԾ
Բողոքի ակցիա Երևանում

Նիկոլ Փաշինյանը մինչև դեկտեմբերի 8-ը ժամանակ ունի. Սաղաթելյան

368
(Թարմացված է 18:46 05.12.2020)
Իշխան Սաղաթելյանը խոստացավ, որ հրաժարականի դեպքում ժողովուրդը ֆիզիկական հաշվեհարդար չի տեսնի։

ԵՐԵՎԱՆ, 5 դեկտեմբերի – Sputnik. ՀՅԴ Հայաստանի ԳՄ ներկայացուցիչ Իշխան Սաղաթելյանը կառավարական առանձնատների մոտ հայտարարեց, որ ՀՀ վարչապետ Նիկոլ Փաշինյանը մինչև դեկտեմբերի 8–ը ժամանակ ունի հրաժարական տալու համար։

«Մինչև երեքշաբթի օրը՝ ժամը 12-ը, ժամանակ ենք տալիս, որ Նիկոլ Փաշինյանն իր քաղաքական թիմի, իր խորհրդատուների հետ վերջնական քննարկի և որոշում ընդունի, հրաժարական տա և հեռանա»,– ասաց նա։

Սաղաթելյանը խոստացավ` հրաժարականի դեպքում ժողովուրդը ֆիզիկական հաշվեհարդար չի տեսնի:

Նրա խոսքով` եթե Փաշինյանը մինչև երեքշաբթի չհեռանա, ամբողջ Հայաստանում անհնազանդության ակցիաներ են անելու։

Հիշեցնենք` ընդդիմադիր կուսակցություններն այսօր համապետական հանրահավաք էին կազմակերպել Երևանում` Ազատության հրապարակում։ 

Հայրենիքի փրկության շարժման հրավիրած հանրահավաքում ելույթներով հանդես եկան ՀՅԴ անդամ Գեղամ Մանուկյանը, Դադիվանքի վանահայր Տեր Հովհաննեսը, դերասան Վիգեն Խաչատրյանը, ԲՀԿ-ական Իվետա Տոնոյանը (քանի որ Գագիկ Ծառուկյանը գտնվում էր ԱԱԾ-ում), ՀՅԴ ԳՄ ներկայացուցիչ Իշխան Սաղաթելյանը, «Հայրենիք» կուսակցության ղեկավար Արթուր Վանեցյանը։

Ապա հանրահավաքի մասնակիցները երթով շարժվեցին դեպի կառավարական առանձնատներ, որտեղ նրանց դիմավորեցին ոստիկանները։

368
թեգերը:
Իշխան Սաղաթելյան, Նիկոլ Փաշինյան, Հայաստան
թեմա:
Իրադրությունը Հայաստանում և Արցախում հայտարարության ստորագրումից հետո (642)
Ըստ թեմայի
Փաշինյանի հրաժարականն ու նրա թիմի հեռացումն այլընտրանք չունի. Գագիկ Ծառուկյան
«Փաշինյանը պետք է գնա, ցանկացած բանական մարդ պահանջում է նրա հրաժարականը». Քոչարյան
«Հայաստանի վարչապետի աթոռին պինդ փաթաթված մարմինը պարզապես քաղաքական դիակ է». Վանեցյան
Մենք երբեք չենք հաշտվի այդ փաստաթղթի հետ. Վազգեն Մանուկյան
Իշխան Սաղաթելյան

Նախարարների թեկնածուները պետք է լինեն հմուտ կառավարիչներ. Իշխան Սաղաթելյանն անուններ չտվեց

53
(Թարմացված է 18:32 05.12.2020)
Երթի մասնակիցներին Երևանի Պռոշյան փողոցում՝ կառավարական առանձնատների մուտքի մոտ, դիմավորեց ոստիկանությունը

ԵՐԵՎԱՆ, 5 դեկտեմբերի - Sputnik. Հայրենիքի փրկության շարժման՝ «Հանո՛ւն Արցախի ու Հայաստանի փրկության» հանրահավաքին հաջորդած երթի մասնակիցներին Երևանի Պռոշյան փողոցում՝ կառավարական առանձնատների մուտքի մոտ դիմավորեց ոստիկանությունը:

Ոստիկանական ուժերը հզոր պատ են կազմել ՀՀ վարչապետի ու իշխանության այլ ներկայացուցիչների առանձնատներ տանող ճանապարհին:

Երթի ընթացքում ՀՅԴ ԳՄ ներկայացուցիչ Իշխան Սաղաթելյանը լրագրողների հետ զրույցում չցանկացավ բացահայտել միասնական կառավարության հնարավոր անդամների անունները:

«Որևէ քննարկում չենք ունեցել: Ունեցել ենք կարևոր սկզբունք, որ թեկնածուները պետք է լինեն հմուտ կառավարիչներ, նորմալ անցյալ ունեցող մարդիկ, հասարակության կողմից ընդունելի»,- ասաց Սաղաթելյանը՝ հավելելով, որ նման մարդիկ իրենց շարքերում ոչ թե մեկ-երկուսն են, այլ բազմաթիվ:

Անուններ հնչեցնելու խնդրանքին ի պատասխան Սաղաթելյանը շեշտեց, որ չի կարող ասել, քանի որ ոչ մի քննարկում դեռ չի եղել:

Հնարավոր ընտրությունների ժամկետ ու մասնակցության հնարավոր ֆորմատներ ևս Սաղաթելյանը չբացահայտեց՝ նշելով, որ այսօր շատ ավելի հրատապ լուծելու հարցեր կան:

«Օրինակ՝ Լաչինի հարցը: Գիտեք, հենց հիմա Սյունիքում խնդիր է դրված, որ Կուբաթլիի և Զանգելանի դիրքերը հանձնեն: Չկա պետություն»,- ասաց նա:

ՀՅԴ անունից Սաղաթելյանը հայտարարեց, որ երբեք չեն համակերպվելու Շուշիի ու Հադրութի կորստի հետ: Դա չի նշանակում, որ վաղը գնալու են նոր պատերազմի, բայց ճիշտ ժամանակին հետ են բերելու, վստահեցրեց նա:

Հիշեցնենք, որ Ազատության հրապարակում Հայրենիքի փրկության շարժման հրավիրված հանրահավաքում ելույթներով հանդես են եկել ՀՅԴ-ից Գեղամ Մանուկյանը, Դադիվանքի վանահայր Տեր Հովհաննեսը, դերասան Վիգեն Խաչատրյանը, ԲՀԿ-ից Իվետա Տոնոյանը (քանի որ Գագիկ Ծառուկյանը գտնվում էր ԱԱԾ-ում), ՀՅԴ ԳՄ ներկայացուցիչ Իշխան Սաղաթելյանը, վարչապետի միասնական թեկնածու Վազգեն Մանուկյանը, «Հայրենիք» կուսակցության ղեկավար Արթուր Վանեցյանը։ Նրանք պահանջում են վարչապետ Նիկոլ Փաշինյանի հրաժարականը։

Իսկ վարչապետի միասնական թեկնածու Վազգեն Մանուկյանը ներկայացրեց ժամանակավոր կառավարության ծրագրային այն դրույթները, որոնք անհետաձգելի լուծում են պահանջում:

53
թեգերը:
Նիկոլ Փաշինյան, Իշխան Սաղաթելյան, երթ, հանրահավաք
Ըստ թեմայի
«Փաշինյանը պետք է գնա, ցանկացած բանական մարդ պահանջում է նրա հրաժարականը». Քոչարյան
«Հայաստանի վարչապետի աթոռին պինդ փաթաթված մարմինը պարզապես քաղաքական դիակ է». Վանեցյան
Հանրահավաքի մասնակիցները երթով շարժվում են դեպի կառավարական ամառանոց

Գործարարները պետք է խորությամբ ընկալեն և վերլուծեն հետպատերազմյան ճգնաժամի էությունը

0
(Թարմացված է 22:02 05.12.2020)
Հաղորդման հեղինակ Հայկ Մանասյանը և հաղորդավար Արամ Չախոյանը Sputnik Արմենիայի եթերում խոսել են ճգնաժամային պայմաններում բիզնեսի գործելու մեթոդների մասին։

Պայմանավորված կորոնավիրուսային ալիքով՝ բիզնեսներն արդեն պետք է զգալի չափով պատրաստված լինեին ճգնաժամային պայմաններում գործելու մեթոդներին։

Հետպատերազմյան ճգնաժամն իր ճշգրտումներն արեց, և հիմա շատ կարևոր է այնպես անել, որ տնտեսությունը չմտնի խորը դեպրեսիայի փուլ։

Նախևառաջ գործարարները պետք է խորությամբ ընկալեն և վերլուծեն հետպատերազմյան ճգնաժամի էությունը։ Այնուհետև բիզնեսի կառավարիչները պետք է ցուցաբերեն պրոակտիվության բարձր մակարդակ։ Եվ քանի որ խոշոր բիզնեսների մոտ սնանկանալու հավանականությունն ավելի մեծ է, ապա անհրաժեշտ է շատ արագ դիագնոստիկայի ենթարկել դրանք և սկսել տրանսֆորմացիաների գործընթացը։

 

0
թեմա:
Բիզնեսի դիալեկտիկա