Հայաստանում Ֆրանսիայի դեսպան

Փարիզը Ղարաբաղի մասին եռակողմ հայտարարության մասին իմացել է Փաշինյանի Facebook-յան էջից

416
(Թարմացված է 14:42 12.11.2020)
եռակողմ հայտարարությունը ստորագրել են առանց ԵԱՀԿ Մինսկի խմբի համանախագահ երկու երկրների՝ Ֆրանսիայի և ԱՄՆ-ի մասնակցության, ու Ֆրանսիան շատ հարցեր ունի։

ԵՐԵՎԱՆ, 12 նոյեմբերի - Sputnik. ՀՀ–ում Ֆրանսիայի արտակարգ և լիազոր դեսպան Ժոնաթան Լաքոտը դեսպանատան մոտ հավաքված հադրութցիներին ասաց, որ Ֆրանսիան ոչինչ չգիտեր Լեռնային Ղարաբաղի վերաբերյալ նախապատրաստվող հայտարարության մասին։

Նշենք, որ այսօր հադրութցիները հավաքվել են Ֆրանսիայի դեսպանատան մոտ՝ խնդրելով օգնել քաղաքը վերադարձնել Արցախին, քանի որ համաձայն եռակողմ հայտարարության ՝ Հադրութն այսուհետ լինելու է Ադրբեջանի տարածքում։

«Ես Ղարաբաղի վերաբերյալ հայտարարության մասին տեղեկացա Նիկոլ Փաշինյանի Facebook-յան գրառումից և շատ զարմացա։ Տեղեկությունն անմիջապես փոխանցեցի Փարիզի իմ գործընկերներին, որոնք ևս առաջին անգամ էին լսում եռակողմ հայտարարության մասին։ Այդ հայտարարությունը ստորագրել են առանց ԵԱՀԿ Մինսկի խմբի համանախագահ երկու երկրների՝ Ֆրանսիայի ու ԱՄՆ-ի մասնակցության, և մենք շատ հարցեր ունենք», - ասաց դեսպանը։

Նրա խոսքով՝ եռակողմ հայտարարության դրական կողմը կրակի դադարեցումն է և երիտասարդ զինվորների կյանքը փրկելը։ Բայց նրա, ինչպես և պաշտոնական Փարիզի համար պարզ չէ, թե ինչի մասին է այդ հայտարարությունը` զինադադարի՞, թե՞ երկարաժամկետ խաղաղության։

Նա հիշեցրեց նախագահ Մակրոնի այն հայտարարությունը, որ Ֆրանսիան կօգտագործի իր դիվանագիտական հնարավորությունները բոլոր հարցերի պատասխանները ստանալու և հայ ժողովրդի շահերը պաշտպանելու համար:

Բացի դիվանագիտական բանակցություններից, Ֆրանսիան քննարկում է նաև Ղարաբաղի հայերին մարդասիրական օգնության հնարավորությունները:

«Մեր դեսպանության դռները միշտ բաց են ձեզ համար։ Դուք կարող եք գալ ու հանգիստ արտահայտել ձեր զգացմունքներն ու հույզերը», - ասաց դեսպանը հադրութցիներին։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

ՀՀ վարչապետ Նիկոլ Փաշինյանը Facebook–ի իր էջում գրել էր, որ անձամբ իր և բոլորի համար չափազանց ծանր որոշում է կայացրել:

Փաշինյանի հայտարարությունից հետո բազմաթիվ մարդիկ շարժվել են դեպի Հանրապետության հրապարակ, մի խումբը ներխուժել է կառավարության գլխավոր մասնաշենք ու վարչապետի աշխատասենյակ, մի մասն էլ շարժվել է դեպի Բաղրամյան պողոտա ու մտել Ազգային ժողովի շենք։ ԱԺ նախագահ Արարատ Միրզոյանը ծեծի է ենթարկվել, նրան տեղափոխել են հիվանդանոց։

Նշենք, որ Թուրքիայի աջակցությամբ Ադրբեջանի սանձազերծած պատերազմի ընթացքում, ըստ վերջին տվյալների, հայկական կողմից զոհվել են 1302 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։

 

 

416
թեգերը:
Ժոնաթան Լաքոտ, Ֆրանսիա, Արցախ
Ըստ թեմայի
Մենք ստիպված ենք այդ որոշումը կայացրել․ Արայիկ Հարությունյան
Արցախի 12 600 ք/կմ տարածքից 10 100-ը տրվում է թուրքերին. Հրանտ Բագրատյան
«Մեր զինվորին դավաճանեցին»․ ի՞նչ են մտադիր անել հանրահավաքի եկած արցախցի կանայք
Ադրբեջանի արտգործնախարարություն

Ադրբեջանի ԱԳՆ-ն բողոքի նոտա է հանձնել Ֆրանսիայի դեսպանին ԼՂՀ-ի հետ կապված բանաձևի պատճառով

2
(Թարմացված է 20:06 26.11.2020)
Ավելի վաղ Ադրբեջանի խորհրդարանն ընդունել էր հայտարարություն՝ բողոք հայտնելով Ֆրանսիայի Սենատին Ղարաբաղի մասին բանաձևի պատճառով։

ԵՐԵՎԱՆ, 26 նոյեմբերի — Sputnik. Բաքվում Ֆրանսիայի դեսպան Զաքարի Գրոսին կանչել են Ադրբեջանի ԱԳՆ, որտեղ նրան բողոքի նոտա են հանձնել Ղարաբաղի հարցով Սենատի ընդունած բանաձևի վերաբերյալ։ ՌԻԱ Նովոստիի հետ զրույցում ասել է գերատեսչության պաշտոնական ներկայացուցիչ Լեյլա Աբդուլաևան։

Այսօր Ադրբեջանի խորհրդարանը (Միլի Մեջլիս) հայտարարություն է ընդունել, որում Ֆրանսիայի Սենատին բողոք է հայտնել Արցախի վերաբերյալ բանաձևի կապակցությամբ, իսկ երկրի կառավարությանն առաջարկել է դիմել ԵԱՀԿ-ին` Ֆրանսիային Մինսկի խմբի համանախագահների կազմից հեռացնելու համար: Բացի այդ, Ադրբեջանի խորհրդարանը կոչ է արել կառավարությանը վերանայել քաղաքական ու տնտեսական հարաբերությունները Ֆրանսիայի հետ։

Ֆրանսիայի Սենատն արձանագրել է Ադրբեջանի ու Թուրքիայի իրական քաղաքականությունը. ԱԳՆ

Նոյեմբերի 25-ին Ֆրանսիայի Սենատը ձայների բացարձակ մեծամասնությամբ բանաձև ընդունեց՝ կոչ անելով երկրի կառավարությանը ճանաչել Արցախը։ Բանաձևը նաև դատապարտում է Ադրբեջանի ռազմական ագրեսիան, որն իրականացվել է Թուրքիայի և օտարերկրյա վարձկանների աջակցությամբ, ինչպես նաև պահանջում է ադրբեջանական զինված ուժերն ու նրանց աջակցող կազմավորումներն անհապաղ հեռացնել սեպտեմբերի 27-ի ռազմական գործողությունների սկսվելուց հետո գրավված տարածքներից:

Փաստաթուղթը Ֆրանսիայի կառավարությանը հորդորում է աջակցություն ցուցաբերել Արցախի խաղաղ բնակչությանը, ինչպես նաև ստեղծել Լեռնային Ղարաբաղում ռազմական հանցագործությունների, մասնավորապես խաղաղ բնակչության դեմ հանցագործությունների հետաքննության միջազգային հանձնաժողով:

Բանաձևը Ֆրանսիայի կառավարությանը կոչ է անում բոլոր ջանքերը գործադրել բանակցային գործընթացը վերսկսելու, 1994 թ-ին գծված սահմաններն ապահովելու, ինչպես նաև հայ բնակչության անվտանգությունն ու տեղահանված անձանց վերադարձի իրավունքը ապահովելու համար:

Մեկնաբանելով Ֆրանսիայի Սենատի որոշումը`Ադրբեջանի նախագահի օգնական Հիքմեթ Հաջիևը հայտարարել է, որ Բաքուն Ղարաբաղի վերաբերյալ բանաձևը գնահատում է որպես սովորական թղթի կտոր և շատ ամոթալի քայլ Ֆրանսիայի քաղաքականության ու պառլամենտարիզմի համար:

Հաջիևը Ֆրանսիայի կառավարությանը խորհուրդ է տվել նման սադրիչ քայլերի անթույլատրելիության մասին պաշտոնական դիրքորոշում արտահայտել և բանաձևը դատապարտող հայտարարությամբ աջակցություն հայտնել Ադրբեջանի տարածքային ամբողջականությանը:

2
թեգերը:
Ադրբեջան, Ֆրանսիա, բանաձև, Արցախ
Ըստ թեմայի
Քարվաճառում տեղադրված դարպասները կոտրվել են, ադրբեջանցիներն առաջ են գալիս. Թովմասյան
Փոխանցվու՞մ է Ադրբեջանին, թե՞ ոչ․ Բերձորում խառը իրավիճակ է
Ադրբեջանցիները Սոթքի հանքի տարածքում են` բանակցություններ են վարում. համայնքի ղեկավար
Նիկոլ Փաշինյանը մարզպետների մասնակցությամբ խորհրդակցություն է անցկացրել

Մենք չենք պատրաստվում փախչել որևէ տեղ. Նիկոլ Փաշինյան

92
Նիկոլ Փաշինյանը մարզպետների մասնակցությամբ խորհրդակցություն է անցկացրել։ Վարչապետն ասել է` ինչն է այս պահին ամենամեծ խնդիրը։

ԵՐԵՎԱՆ, 26 նոյեմբերի - Sputnik. ՀՀ վարչապետ Նիկոլ Փաշինյանը կարծում է, որ այժմ պետք է սկսել ապագայի մասին խոսակցությունը։ Փաշինյանը նման կարծիք է հայտնել մարզպետների մասնակցությամբ խորհրդակցության ժամանակ։

Նորանշանակ նախարարը 2 ծրագիր ներկայացրեց, Փաշինյանը բացատրեց դրանց բովանդակությունը

«Ինչպես ենք պատրաստվում շարունակել ապրել և ինչ նպատակներ ու ապագա ենք պատրաստվում գծագրել, ուղենշել բոլորիս համար: Սա ամենակարևոր խոսակցությունն է, որ այսօր պետք է տեղի ունենա: Ձեռք բերված համաձայնությունների ու պայմանավորվածությունների կատարումը շատ ցավոտ են, բայց այդ որոշումը կայացվել է մի իրավիճակում, երբ, ըստ էության, այլընտրանքը կարող էր լինել ավելի ծանր, ինչքան էլ տեղի ունեցածը խնդրահարույց է բոլորիս համար»,- ասել է վարչապետը՝ հավելելով, որ պետք է որպես հանրություն, որպես պետություն կայացնել որոշում, թե մենք ինչ ենք ուզում. այս ծանր ժամանակներն ապրո՞ւմ ենք, վերապրո՞ւմ ենք, թե՞ չենք վերապրում:

Премьер-министр Никол Пашинян провел консультации в правительстве с участием губернаторов регионов (26 ноября 2020). Еревaн
© Photo / official site of the Prime minister of RA
Նիկոլ Փաշինյանը մարզպետների մասնակցությամբ խորհրդակցություն է անցկացրել

Նրա խոսքով` այսօր ամենամեծ խնդիրը, որ պետք է լուծվի` արտաքին ու ներքին անվտանգությունն ու կայունությունն ապահովել կարողանալն է։

Փաշինյանն ասել է նաև, որ իրենք պետք է կարողանան իրենց ուսերին կրել այդ բեռը, ոչ թե նրա համար, որ դա հաճելի է իրենց, այլ որովհետև դրա այլընտրանքը կարող է լինել կործանարար:

Ինչի համար է ՀՀ կառավարությունը գումար վերցրել «Հայաստան» հիմնադրամից

«Այնպես որ, հույս ունեմ, որ բոլորս տրամադրվում ենք այսպես, որովհետև հակառակը կլինի փախուստ: Հակառակը կլինի ուղղակի փախուստ: Մենք չենք պատրաստվում փախչել որևէ տեղ: Եվ պատրաստվում ենք լիարժեք կրել այս բեռը, բայց նաև հույս ունենալով, որ այս ծանրության տակից կարողանալու ենք դուրս գալ լավատեսության և ապագայի որոշակի հիմքով, տեսլականով, ապագայի վերաբերյալ որոշակի պատկերացումներով»,- ընդգծել է Փաշինյանը:

Հանդիպման ընթացքում քննարկվել են պատերազմի հետևանքով մարզերում ստեղծված իրավիճակը, սոցիալ-տնտեսական խնդիրները, տարբեր ոլորտներում իրականացվող կապիտալ ծրագրերի ընթացքն ու առաջիկա քայլերը:

92
թեգերը:
Նիկոլ Փաշինյան, Մարզպետ, կառավարություն
Ըստ թեմայի
Գերիների և անհետ կորածների թեման շահարկվում է կառավարության բացթողումները ծածկելու համար
Դուք եկել եք՝ խաբեք, գնաք տուն. անհետ կորածների ծնողները դժգոհ են կառավարության աշխատանքից
«Ի՞նչ է լինելու վաղը» հարցի պատասխանը կառավարության որևէ անդամ չի տալիս. Արամյան