Կոնստանտին Զատուլին

Պետք է խուսափել ապակայունացումից. Զատուլինը՝ ՀՀ–ում իշխանափոխության հնարավորության մասին

1570
(Թարմացված է 18:05 11.11.2020)
Կոնստանտին Զատուլինի խոսքով՝ դժվար է ասել, թե այս պահին բնակչության քանի տոկոսը չի վստահում Հայաստանի կառավարությանը, բայց համախմբման համար, ամենայն հավանականությամբ, այլ ֆիգուրներ են պետք։

ԵՐԵՎԱՆ, 11 նոյեմբերի – Sputnik. Պետդումայի ԱՊՀ հարցերով կոմիտեի փոխնախագահ Կոնստանտին Զատուլինը Sputnik Արմենիայի հետ զրույցում ասաց, որ Հայաստանը պետք է խուսափի լուրջ ապակայունացումից, եթե անգամ երկրում ղեկավարության փոփոխություն տեղի ունենա։

«Նիկոլ Փաշինյանի գլխավորած կառավարության վերաբերյալ քննադատական կարծիքները, որոնք մինչ այժմ բնակչության լայն զանգվածների մոտ արձագանք չեն գտել, այս պահին հնչեղություն են ստացել»,– ասաց Զատուլինը:

Նրա խոսքով՝ պարզ դարձավ, որ Փաշինյանի օրոք Հայաստանը, հայերը ռազմական պարտություն կրեցին Լեռնային Ղարաբաղի համար պայքարում։

Համաձայնագրում նշված պայմանները պարտադրված են Հայաստանի համար։ Շատերի կարծիքով` դրանք այդպիսին են դարձել, որովհետև բավականաչափ ուշադրություն չի դարձվել պաշտպանությանն ու անվտանգությանը, թուլացել են Ռուսաստանի հետ կապերը, թուլացել է վստահությունը երկու երկրների ղեկավարությունների միջև։

Ադրբեջանը շտապեց օգտվել դրանից. հենց դրա վրա էլ խաղադրույք արեց հակամարտության ապասառեցման առաջին օրերից։

«Ես չեմ ուզում գնահատել` Փաշինյանի կողմից այդ փաստաթղթում արված զիջումները արդար են, թե ոչ։ Այդ փաստաթուղթն իրականում շատ ծանր պայմաններ է սահմանում հայերի համար, հատկապես, երբ գործը վերաբերում է Լաչինի, Քելբաջարի շրջաններին, Շուշիին։ Եվ Հայաստանում շատերն են այն ծայրահեղ բացասաբար ընդունում», - նշեց Զատուլինը։

Թեև, ըստ նրա, չի բացառվում, որ ստեղծված իրավիճակում հայերն ու Հայաստանը այլ ելք չունեին։

Այս ամենը Փաշինյանի նկատմամբ հետաձգված և նոր հավակնությունների հետ միասին կարող է իշխանափոխության հանգեցնել։ Թե ինչպես դա տեղի կունենա, դժվար է կանխատեսել։ Դա Հայաստանի ներքին գործն է, բայց հայ ժողովուրդն ինչ-որ հետևություններ անելու իրավունք ունի։

«Միայն թե կցանկանայի զգուշացնել լայնածավալ ապակայունացումից։ Կուզեի հուսալ, որ Փաշինյանը նույնքան կառչած չէ իշխանությունից, որքան իր նախորդը, որը բախվելով զանգվածային դժգոհություններին` բավականաչափ քաջություն գտավ իշխանությունից հրաժարվելու համար», - նշեց Զատուլինը։

Նրա խոսքով` դժվար է ասել, թե այս պահին բնակչության քանի տոկոսը չի վստահում կառավարությանը, բայց Հայաստանի համախմբման համար, ամենայն հավանականությամբ, այլ ֆիգուրներ են պետք։

«Հայաստանին բարօրություն եմ մաղթում, ուզում եմ, որ հնարավորինս արագ լուծվեն ներքին խնդիրները, կարողանան վերականգնել միասնությունը։ Իսկ տեղի ունեցածի վերաբերյալ եզրակացությունները տարբեր կլինեն», - եզրափակեց Զատուլինը։

Հայաստանյան 17 կուսակցություններ նոյեմբերի 11–ին, ժամը 13:00-ին, Երևանի Ազատության հրապարակում հանրահավաք են կազմակերպել, որի թեման պատերազմի դադարեցման մասին որոշումն ու դրա հետ կապված հետագա անելիքներն են։

Մինչ այդ 17 կուսակցությունների խորհուրդը պահանջել էր վարչապետ Նիկոլ Փաշինյանի և կառավարության հրաժարականը:

Այդ 17 կուսակցություններն են՝ «Ազատությունը», «Ազգային անվտանգությունը», «Ազգային օրակարգը», «Ազգային ժողովրդավարական միությունը», «Ազգային համաձայնությունը», «Ալյանս առաջադիմական ցենտրիստականը», «Բարգավաճ Հայաստանը», «Դեմոկրատական այլընտրանքը», «Երկիր Ծիրանին», «Հայ Յեղափոխական Դաշնակցությունը», «Համերաշխությունը», «Հայաստանի ժողովրդավարական ազատական միությունը», «Հայաստանի Հանրապետականը», «Հայաստանի քրիստոնեա-դեմոկրատական միությունը», «Հայրենիքը», «Մեկ Հայաստանը» և «Սահմանադրական իրավունք միությունը»:

Ոստիկանությունը և դատախազությունը հայտարարել էին, որ ռազմական դրության ժամանակ արգելված է հավաքներ իրականացնելը։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

ՀՀ վարչապետ Նիկոլ Փաշինյանը Facebook–ի իր էջում գրել էր, որ անձամբ իր և բոլորի համար չափազանց ծանր որոշում է կայացրել:

Փաշինյանի հայտարարությունից հետո բազմաթիվ մարդիկ շարժվել են դեպի Հանրապետության հրապարակ, մի խումբը ներխուժել է կառավարության գլխավոր մասնաշենք ու վարչապետի աշխատասենյակ, մի մասն էլ շարժվել է դեպի Բաղրամյան պողոտա ու մտել Ազգային ժողովի շենք։ ԱԺ նախագահ Արարատ Միրզոյանը ծեծի է ենթարկվել, նրան տեղափոխել են հիվանդանոց։

Այս գործով արդեն կան ձերբակալվածներ։

1570
թեգերը:
Կոնստանտին Զատուլին, Հայաստան
թեմա:
Իրադրությունը Հայաստանում և Արցախում հայտարարության ստորագրումից հետո (514)
Ըստ թեմայի
Վտանգավոր ռուսաֆոբիա․ Արցախում ժխտում են խաղապահների հետ կոնֆլիկտի մասին լուրերը
Փաշինյանին ու «Իմ քայլի» պատգամավորներին մինչև կեսգիշեր ժամանակ տվեցին
Արցախի չորս կուսակցություններ միացել են Փաշինյանի հրաժարականի պահանջին
Վահե Էնֆիաջյան

«Արցախն Ադրբեջանին է հանձնում ոչ թե 121, այլ 181 բնակավայր». ԱԺ փոխնախագահ

102
(Թարմացված է 16:51 26.11.2020)
ԱԺ փոխնախագահ Վահե Էնֆիաջյանն ԱԺ-ում հայտարարեց, որ Արցախի տարածքից իրականում 60 բնակավայր ավելի է հանձնվել Ադրբեջանին: Այդ գյուղերի բնակիչներն, ըստ նրա, այսօր միայնակ են, պետության որևէ ներկայացուցիչ նրանց կողքին չէ:

ԵՐԵՎԱՆ, 26 նոյեմբերի - Sputnik. Արցախն Ադրբեջանին է հանձնում ոչ թե 121 բնակավայր, ինչպես պաշտոնապես հայտարարվել է, այլ 181: Այս մասին այսօր Աժ ամբիոնից հայտարարեց «Բարգավաճ Հայաստան» խմբակցության պատգամավոր, ԱԺ փոխնախագահ Վահե Էնֆիաջյանը: 

«Հենց այս պահին, երբ մենք քննարկում ենք ռազմական դրությունը չեղարկելու հարցը, Լաչինի տարածքում տեղահանում են գյուղեր, մարդիկ այրում են տները և անհուալի իրավիճակում են հայտնվել, ինչպես մնացած համայնքների բնակիչները: Ո՞ւր են պետական այրերը, որոնք հուշագրի շրջանակներում պետք է գործողություններ իրականացնեին: Մարդիկ մնացել են միայնակ՝ իրենց խնդիրների հետ: Ո՞ւր է պետական քաղաքականությունը՝ անգործունակների հավաքածուն»,- հայտարարեց Էնֆիաջյանը:

Անվտանգության երաշխիքներ են պետք հայերին իրենց գյուղեր վերադարձնելու համար. վարչապետ

Հիշեցնենք՝ ՀՀ կառավարությունը հրապարակել էր սեպտեմբերի 27-ից Ադրբեջանի կողմից Արցախի դեմ սանձազերծած պատերազմի ու նոյեմբերի 9-ին ստորագրված եռակողմ հայտարարության հետևանքով Ադրբեջանի վերահսկողության տակ անցած հայկական գյուղերի ու քաղաքների ցանկը։

Հրապարակված տեղեկությունների համաձայն` Ադրբեջանի վերահսկողության տակ է անցնում 121 համայնք։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։ 

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։ 

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր 1960 զինվորականի չափով, հրազենային զենքով, 90 զրահատրանսպորտային և 380 ավտոմեքենաներով և հատուկ տեխնիկայով։

102
թեգերը:
Վահե Էնֆիաջյան, Պատերազմ, Ադրբեջան, Արցախ
Ըստ թեմայի
Արցախի Վազգենաշեն գյուղն անակնկալ կերպով անցել է Ադրբեջանի վերահսկողության տակ
Ինչո՞ւ տեղահանվեցին Մարտակերտի գյուղերի բնակիչները. Մարուքյանը հարց է ուղղել իշխանությանը
Հադրութի շրջանի երկու գյուղ Արցախին են մնում. դրանք «կտրված» են մնացած տարածքից
ՌԴ արտգործնախարար Սերգեյ Լավրով

Հայաստանն ու Ադրբեջանը ԵՄ-ի համար «երկրորդ կարգի» երկրներ են․ Լավրով

232
(Թարմացված է 16:05 26.11.2020)
Ռուսաստանի արտգործնախարարը կարծում է, որ Եվրամիության շատ երկրներ ունակ չեն հրաժարվել «ուժի դիրքից մյուսների հետ խոսելու վերամբարձ սովորությունից»։ 

ԵՐԵՎԱՆ, 26 նոյեմբերի - Sputnik.  «Երկրորդ կարգի» երկրների շարքը, որոնց հետ համագործակցությունը փաստացի կարող է սառեցվել, Ադրբեջանի ու Հայաստանի հետ միաժամանակ կարող է համալրել նաև Բելառուսը։ Այսօր Ռուսաստանի ու Բելառուսի ԱԳՆ-ների կոլեգիաների նիստում ելույթի ժամանակ նման կարծիք է հայտնել ՌԴ արտգործնախարար Սերգեյ Լավրովը։

Լավրովն ընդգծել է, որ Եվրամիության շատ երկրներ ունակ չեն հրաժարվել «ուժի դիրքից մյուսների հետ խոսելու վերամբարձ սովորությունից»։

«Այդ սովորությունը սահմանափակում է իրավահավասար, փոխհարգալից երկխոսության վերականգնման հնարավորությունը։ Նույնիսկ Արևելյան գործընկերության մասնակիցներին են կարգերի դասում։ «Երկրորդ կարգի» երկրների խմբին, որոնց հետ համագործակցությունը փաստացի կարող է սառեցվել, Ադրբեջանի ու Հայաստանի հետ միաժամանակ, դասվում է նաև Բելառուսը», - ավելացրել է նա։

Նա նշել է, որ ներկայիս իրավիճակում Ռուսաստանը ոչ թե մտածում է՝ ինչպես աշխատել Եվրամիության կառույցների հետ, այլ ուզում է հասկանալ՝ արդյո՞ք արժե համագործակցել նրանց հետ, քանի դեռ այդ կառույցներն այսպես են աշխատում։

Ղարաբաղի վերաբերյալ հայտարարության կենսունակությունը վերահաստատվում է ամեն օր. Լավրով

Նա նշել է, որ հարաբերությունները ԵՄ-ի հետ այսօր բարդ են։ Պատճառը ԵՄ մի շարք երկրների ոչ գործընկերային, հաճախ ոչ բարեկամական պահվածքն է, որն արժանանում է ամբողջ Եվրամիության հավանությանը։

232
թեգերը:
Եվրամիություն, Սերգեյ Լավրով, Ադրբեջան, Հայաստան
Ըստ թեմայի
Էրդողանի հայտարարությունը Մակրոնի հասցեին անընդունելի է Եվրամիության համար. Ժոզեպ Բորել
Եվրամիությունը 3 միլիոն եվրո օգնություն կհատկացնի ԼՂ բնակչությանը
Երևան և Բաքու կատարած այցերի արդյունքները կներկայացվեն Պուտինին. Լավրով
ՀՀ ԱԺ

Ռազմական դրությունը Հայաստանում շարունակվում է. խորհրդարանը մերժեց ընդդիմության առաջարկը

8
(Թարմացված է 18:44 26.11.2020)
Քվեարկությունից առաջ իրենց դիրքորոշումներով հանդես եկան խորհրդարանական ուժերի ներկայացուցիչները:

ԵՐԵՎԱՆ, 26 նոյեմբերի — Sputnik. ԱԺ-ը 36 կողմ, 56 դեմ, 2 ձեռնպահ ձայներով քիչ առաջ մերժեց «Լուսավոր Հայաստան» խմբակցության օրենսդրական առաջարկը՝ Հայաստանում ռազմական դրությունը չեղարկելու մասին:

Քվեարկությունից առաջ իրենց դիրքորոշումներով հանդես եկան խորհրդարանական ուժերի ներկայացուցիչները:

Նշենք` «Լուսավոր Հայաստանն» ԱԺ-ին առաջարկել էր երկրում ստեղծված իրավիճակից դուրս գալու ճանապարհային քարտեզ, որի առաջին քայլը ռազմական դրության վերացումն է, ապա ՀՀ վարչապետ Նիկոլ Փաշինյանի հրաժարականը, քանի որ ՀՀ Սահմանադրության 115-րդ հոդվածն արգելում է ռազմական դրության ժամանակ վարչապետին անվստահություն հայտնելու գործընթացը:

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր 1960 զինվորականի չափով, հրազենային զենքով, 90 զրահատրանսպորտային և 380 ավտոմեքենաներով և հատուկ տեխնիկայով։

Խաղաղապահները մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

Հայտարարության ստորագրումից հետո ՀՀ վարչապետ Նիկոլ Փաշինյանը Facebook–ի իր էջում գրեց, որ անձամբ իր և բոլորի համար չափազանց ծանր որոշում է կայացրել:

Փարիզը Ղարաբաղի մասին եռակողմ հայտարարության մասին իմացել է Փաշինյանի Facebook-յան էջից

Փաշինյանի հայտարարությունից հետո բազմաթիվ մարդիկ շարժվեցին դեպի Հանրապետության հրապարակ, մի խումբը ներխուժեց կառավարության գլխավոր մասնաշենք ու վարչապետի աշխատասենյակ, մի մասն էլ շարժվեց դեպի Բաղրամյան պողոտա ու մտավ Ազգային ժողովի շենք։ ԱԺ նախագահ Արարատ Միրզոյանը ծեծի ենթարկվեց, նրան տեղափոխեցին հիվանդանոց։

Նշենք, որ Թուրքիայի աջակցությամբ Ադրբեջանի սանձազերծած պատերազմի ընթացքում, ըստ վերջին տվյալների, հայկական կողմից զոհվել են 1678 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։

8
թեգերը:
Հայաստան, ռազմական դրություն, ԱԺ
Ըստ թեմայի
Քարվաճառում տեղադրված դարպասները կոտրվել են, ադրբեջանցիներն առաջ են գալիս. Թովմասյան
Զինադադարի հաստատումից հետո երկու լիբանանահայ է անհետացել. Սինանյան
ՊՆ–ն հերքում է ադրբեջանցի զինվորականների` Սոթքի հանքավայր մտնելու լուրերը